والله قهر وزين صادوه
عرض للطباعة
والله قهر وزين صادوه
شفت غش بالممكن والمعقول لكن هشكل ومن البداية .. هذا جهل ما اظن غشاقتباس:
المشاركة الأصلية كتبت بواسطة سعود.
تدري لو ما انصاد بهذي الطريقة ومشى شغله بيكون البيت أثناء بناء الأسقف خطير جداً والسقوط بيكون قاتل للعمال وما اقول السقوط حتمي بس إحتمال حدوثه فوق 70%
مصيبه والله
بعض أخطاء المقاولين قاتلة .. نفس كثير انهيارات استوت بسبب خطأ في التنفيذ وعندنا يقطونها على التأمين والمفروض التأمين ما يغطي الخطأ المهني البديهي .. مثل المقاول يركب سقالات تختلف حسب الإرتفاع ووزن الخرسانة عليها ولو ما سواها صح مشكلته وصار انهيار كبير في مسجد الأصمخ ماتوا عمال كثيرين .. نفس الشيء مع نظام الخرسانات المشدودة واللي تتركب داخلها كيابل لازم تنشد عدل وتربط في الحامل الجانبي سواء كان عمود أو جسر رئيسي وصارت في الستي سنتر وقت بناءه وسقوط مروع ووفاة عمال كثيرين بعضهم اخترق الحديد أجسامهماقتباس:
المشاركة الأصلية كتبت بواسطة سعود.
المشكلة انهم ما يقدرون يذكرونه بالاسم،. هذا شغل المؤسسة الفلانية، تراهم يخافون يرفع عليهم قضية تشهير! لا والقانون معه (انظر للمهزلة).
واحد راعي سيارة نقل دخل العراق سنة تسع وسبعين، يقول مريت من شارع في اثنين معلقين ومنتهين، يقول سألت عنهم من تحت لتحت،. قالوا له أهل السوق هذيلا تجار تلاعبوا في الأسعار و الرئيس أمر بتعليقهم عبرة لمن يعتبر.
للأسف الناس صار فيها ضعف و الطيب صار القطو ياكل عشاه.. لأن الطيب يخاف من النظام.. اما المجرم فقد كسر الطوق و كل مرة يثبت للجهات النظامية أنهم مب قده.. يبقى النظام مجحف بحيث دعاوى ضد المقاول تجلس سنتين وقضية تشهير ضدك يبت فيها في شهرين
من مباديء ديننا الحنيف هو عدم الجهر بالقول السيء الا وهنا فيها استثناء من ظُلم وهنا وفي حالات كثيرة الظلم والضرر واضح وهذيلا أقل شيء يستحقونه التشهير .. وأبسط شيء يسوونه يحاولون يضبطون شغلهم بمتابعة حثيثة وناس تضمن شغل يطلع زين .. ولو صار خطأ لازم يصلحونه ويعطون صاحب الحق حقهاقتباس:
المشاركة الأصلية كتبت بواسطة سالم الزهران
عندنا وعندكم هذا قانون أشوفه ما يتماشى مع حرية الرأي والعدالة .. التشهير متى يكون تشهير لو المشكلة بسيطة وكبرناها سويناها قصة ونشرناها وتسببنا في ضرر كبير لشركة بسوء نية .. لكن شركة سوت لنا شغل غلط وما صلحته من حقنا ننبه عنها
فيه مقولة لسمو الأمير بأننا لا يجب أن نجمل القبيح .. والتغطية على هذا القبح والنقص تجميل لكل ما هو قبيح .. إبراز القبيح وفضحه وفضح من هم وراءه هو كشف موطن الخلل وطلب اصلاحه ونقاشه نقاش موضوعي .. بنفس الوقت نبرز الكثير من ما هو جميل ونقول ونكتب عنه كثير وكثير ونذكر من قام بهذا العمل بكل خير سواء شركة أو شخص أو حتى مالك سمح لنا بنشر موضوعه لتعم الفائدة .. صاحب الشركة والشركة الجيدة تستحق ذيك الساعة دعاية مستحقة وشهادة حق فيها
عاد بو زيد طالع القوانين هذي جايتنا من وين بتحصلها من دولة قمعية درجة أولى وشغلها طمس الحقائق
ما شاء الله الشغل الجيد يبين بوضوح .. بس لتهوئة الفراغ بين الحجر والطابوق نحتاج فتحات صغيرة من تحت ومن أعلى لدخول الهواء البارد نسبياً من تحت .. في الدول الغربية يحطون قطعة حديد مع شبك ويتركون الأسفل فيه فتحات لا ترى بالعين ولا تدخل فيها الحشرات بسبب صغر فتحات الشبك .. ومن فوق في سور السقف كذلك فتحات لخروج الهواء الحار لأنه أقل كثافة يرتفع فوق للخارج .. وبعد لو ركبنا نفس الصوف الصخري المغطى بالمعدن اللامع وتركنا فراغ حتى لو 1 سم بيكون العزل خرافي ولا بيكلفنا كثير وأقصد على كامل الطابوق بين الطابوق والحجر بالإضافة للعازل الفوم الموجود بين طابوق الحائط
https://www.youtube.com/watch?v=lc1HOIBPFMI