أجمل قصر شفته هذي السنة خصوصاً إنه في جزيرة صناعية في ميامي
https://www.youtube.com/watch?v=eETb7lbsaVs
عرض للطباعة
أجمل قصر شفته هذي السنة خصوصاً إنه في جزيرة صناعية في ميامي
https://www.youtube.com/watch?v=eETb7lbsaVs
وهذا بعد في جنوب ميامي ومساحة أرضه حول 6000 متر مربع لو عندنا الأرض بس أغلى
https://www.youtube.com/watch?v=8_OUBwA2yTI
هذا تصميم لكن يبين حقيقي
https://www.youtube.com/watch?v=B8SGvjAcI58
نقاط مهمة لتشطيب الحدائق
https://www.youtube.com/watch?v=voZbEIxSOTw
كيابل الشد للخرسانات المصبوبة في الموقع هذي موفرة وحساباتها وشغلها يحتاج خبرات واشراف خاصين .. حادث الستي سنتر قبل وموت الكثير من العمال كان سببه خطأ في شد الكابلات هذي .. وحادث جسر مشاة في ميامي العام حطيت عنه يوتيوب سابق وصار فيه وفيات لأبرياء على الطريق سببه خطأ في الشد أو الربط بعد الشد وارتخى الكابل وتسبب في السقوط
https://www.youtube.com/watch?v=qZkzZp7tkTg
فيه طريقتين للشد أما الشد المسبق في مصنع وتحت اشراف هندسي واختبارات أو الشد مثل ما شفنا اللاحق بوست تنشن أو بري تنشن .. الشد المسبق يكون قبل جفاف الخرسانة ويستعمل للجسور ولقطع ارضيات مواقف السيارات ولكثير من البنايات .. مواقف السيارات ممكن تتركب في شهرين وتنتهي لكن خرسانتها تصنع في مصنع بهذي الطريقة وممكن نحصل على عشرين متر وأكثر بدون عمود أو كما يقال عمودلس
الصحيح إحدى الطرق لأن هناك الطريقة التقليدية تنفع بالاسمنت الأبيض أو العادي أو المونة الأمريكية وهي بين الاسمنت وبين اللاصق .. وهناك استخدام الغراء ومنه أنواع كثيرة ولكل نوع قوته ونظامه .. صحيح الطريقة التقليدية ما تنفع مع بعض أنواع البورسلان لكن تنفع مع أنواع معينة تكون مخشنة من تحت خشونة تسمح بالتصاق الاسمنت فيها .. اللاصق على أرضية خرسانية سواء ناعمة ولاصق مناسب للناعمة أو مخشنة ولاصق مناسب لها .. وهذي طريقة ثالثة باستخدام وسيط
https://www.youtube.com/watch?v=HZKMlavtAZs
هذا عذاب في فورت لودرديل شمالي ميامي
https://www.youtube.com/watch?v=vH-15IYpzvU
اسباني مترجم بالانجليزي نوع مختلف من العمارة
https://www.youtube.com/watch?v=maH0nPH0YbU
كنت مغتر بالكلادينغ للواجهات الخارجية لكن بعد هالتوضيح كرهته وإحنا طايحين فيه للأبراج ولا ندري بمساوئه
https://www.youtube.com/watch?v=bt9sgb8t54o
https://www.youtube.com/watch?v=1_hdlPD-Jis
شغل سيء .. عندك القراوت أو المونة اللي في الفواصل نوعية رديئة أو اسمنت أبيض والمفروض يكون نوع أكثر تجانس وبحبيبات صغيرة أو ما يسمى بالمعجوني وفيه منه الغير قابل للتعفن والتصاق الأوساخ
دايماََ اميل للابتكار.. لكن مب مهندس ولا كان شفت الاختراعات يبو عبدالله..اقتباس:
المشاركة الأصلية كتبت بواسطة معماري قطري
مشكور على تحديثاتك يالامير
ما شاء الله عليك انت صاحب ذوقاقتباس:
المشاركة الأصلية كتبت بواسطة سالم الزهران
المنزل مب شرط يكون كبير المهم يكون ملموم وشرح وسهل العيش فيه وبنفس الوقت يكفي احتياجات العائلة خل نقول لجيلين .. المتطلبات تتغير كل تقريباً 10 سنين وما يكون غلط لو ركزنا على متطلبات عامة وحطينا في اعتبارنا المستقبلية كزيادة كبنتهاوس مثلاً ممكن ينفع شقة أو شقتين للأبناء
عيالي الله يحفظهم سويت غرفة للأبناء بحمام اخترت له بلاط أزرق غامق يقترب من النيلي وفيه نجوم ذهبية ذوق يناسب الأطفال وكانوا صغار .. ونوع مب رخيص من فالنتينو الايطالي وجكوزي والغرفة أكبر غرفة في البيت والحمام كبير كذلك .. يوم كبروا انفصلوا واستوت لولدي الكبير تزوج وقال يبي يغير البلاط وشغلة التغيير مزعجة وزين قدرت اقنعه بتغييرات أقل وعملنا له قراوت جديد وطلع أحلى من قبل
البنات كان اختياري لحمام غرفتهم بلاط ابيض ومن تحت أصفر فاقع مع زهرات عباد الشمس .. وهم صغار حابينه بس من كبروا ثاروا عليه وألحين بعد كل وحدة في غرفة وزين حسبت حساب زيادة الغرف حتى يستقلون فيها واستويت اعذر اللي يبالغ في عدد الغرف لأن لها احتياجها لو مب الحالي بيكون المستقبلي
https://youtu.be/K4Xu-Mpy7us
هذي من الفلل النموذجية اللي تبنيها الشركات للتسويق، هذي من البداية قد ما لفت نظري توزيع مساحة الحوش؛ قد ما لفت نظري القبة اللي ماخذه شكل اسطواني غريب.. برضو لفت نظري المدخل ما عجبني كلش وبعد تدخل تحصل السلالم اثنين كنا في القرن تساطعش؟
بعد ما انتهى الفيديو وصلت للتقييم التالي:
ممكن أتقبل شكل المدخل و اعدل الطرف للكراسي المتحركة حق كبار السن والمرضى.
بحذف واحد من السلالم و بكتفي بواحد.
بحذف الساونا بعد.
السيارة المرسيدس بهديها لمعماري اذا جاء يقضي شهر عسل ما بعد التقاعد :)
مشكور على المرسدس اللي بديت اقتنع به واحبه بعد ما كنت مقتنع إن أفضل سيارة الميني
تابعت الفيديو بدون صوت لأني مركب السماعات على الكمبيوتر الثاني يوم وصلت عند حمام الستيم توقعت إن في تركيا وبعدين قريت العنوان تأكدت .. حلوة بس بهذا الحجم الموقف لسيارة وحدة حرام كان المفروض ثلاث أقل شيء لأن لو بتسكن عائلة بتكون كبيرة
من نفس مجموعة الفيديو اللي أرسلته بو زيد هذي في سويسرا في ليك زيورخ لآحظ الأقواس العريضة شلون تعطي فخامة للصالات والرخام المستعمل فيها مصري
https://www.youtube.com/watch?v=fpjZjknCV1I
الأعمدة مع إنها كثيرة في صالة صغيرة لكن مجملة المكان واكيد ضرورية وشكلها طالع حلو
الإنشائي في سويسرا وألمانيا يتبع الطريقة القديمة ولاحظت فيه مبالغات بعكس الأمريكي اللي يعتمد على استعمال طاقة المادة لحدود قصوى يسمونه Elastic Design وحساباتهم غير وطرقها غير .. ربعنا في قطر متبعين في الغالب الطريقة الاوروبية والبريطانية في الانشائي وبعضهم يزيدون عليها بمبالغات خيالية
يا ريال الأتراك مفخمينها بالأثاث والا الديزاين فيه أكثر من مشكلة.. ولا بيبين لك الفيديو الا شيء بسيط.اقتباس:
المشاركة الأصلية كتبت بواسطة معماري قطري
فلة سويسرا كل غرفها الرئيسية مطلة ع الحديقة، وأكيد وأهم شيء بسويسرا أنك تطل على الطبيعة برع.. برضه المساحات اظنهم مستغلينها لحساب كبر الغرف والصوالين.
رايك واحترمه بو زيد بس العمارة عندهم متميزة والبنيان له تراث طويل وقديم
هذي طويقة الخرسانة اللي تشرب الماي وكنت متخيلها غير طلعت كنكري واسمنت فقط بدون رمل بس متأكد فيه اضافات تسوي الفجوات أو مقادير محسوبة بحيث الاسمنت ما يغطي الفراغات كلها
https://www.youtube.com/watch?v=oF5efIwpKiE
تنفع تحت الانترلوك لطرقاتنا نضمن الانترلوك ما يهبط ونضمن تصريف المطر لقنوات تحت أو حفر امتصاصية .. كذلك تكسيرها سهل لأن قوتها 20 نيوتن تعتبر متوسطة
رش الخرسانة وابقائها رطبة طول الوقت لمدة 7 أيام ضروري ويفترض أكثر حتى 28 يوم لأن قوة الخرسانة تكتمل في 28 يوم والماء يخفف حرارة تفاعل الاسمنت كما إنه مهم وضروري لهذا التفاعل .. كم مرة في اليوم تعتمد على عوامل الجو ودرجة الحرارة .. هنا يرشون بمعدل 10 مرات في اليوم والليلة والأجواء مقاربة للجو في قطر
https://www.youtube.com/watch?v=8Y17geWtacE
رش الخرسانة عشر مرات معلومة جديدة
https://www.youtube.com/watch?v=nb0q6EUfBCI
وهذي ردودي وملاحظاتي على اليوتيوب
واحد ونص سم كثير .. 5 ملم مناسب أو 1 سم لو بنستعمل حشوة تحت السجاد وضروري نستخدم فاصل معدني يثبت السجاد .. ولو على نفس المستوى ما يضر
حتى التبليط تحت السجاد مش ضروري اذا بنسوي سكريد ناعم أو ما يسمى ب self settling screed
أوقات أكثر اخوي بو زيد لو الجو حار أو فيه هواء قوياقتباس:
المشاركة الأصلية كتبت بواسطة سالم الزهران
هذا وهو مستخدم الجيوتكستايل .. هذا وضيفته يسمح بدخول الماي لكن مساماته صغيرة يمنع دخول الغبار ويعطي تغطية بسيطة عن الشمس .. فيه مواد مسرعة لعملية الادامة وهذي يستخدمونها للأرصفة المصبوبة .. في فلوريدا ساعات قليلة يغطون الرصيف بعد صبه وتشكيله في الشارع بعدين يفتحونه ويكون جاهز
أبواب مقاومة الحريق أنواع كثيرة ومنها شفت نوع محشو جبس من داخل لكن أول مرة اشوف المطاط في الأطراف لمنع دخول الدخان
https://www.youtube.com/watch?v=ov0s1DM-_hs
ههههه كان عندنا موظف.. يروح يرش عمارة المديراقتباس:
المشاركة الأصلية كتبت بواسطة معماري قطري
المهم يبو عبدالله تشوفه ثوب فخم و كشته و رابط ثوبه وماسك الهوز يرش.. لذلك عمارة مديرنا اعتقد حسب المواصفات... هههههه.. الحين انا ما ظلمت الرجال بس اعتقد فيها لمز من بعيد اللهم اني صايم.. كله من موضوعك يبو عبدالله.
تجربة هبوط وانحناء السقف بزيادة الأوزان عليه
https://www.youtube.com/watch?v=1ykSBY6ikPg
تعاون والتعاون زين .. أذكر الوالد الله يغفر له يستانس على رش الطابوق .. حتى الطابوق بعد التركيب ينرش والبلاستر بس رشه لفترات أقل 3 أيام كفايةاقتباس:
المشاركة الأصلية كتبت بواسطة سالم الزهران
الاختبار 69 طن تعادل وزن 30 سيارة محترمة وزن الوحدة فوق 2000 كيلوجرام
هذا قصر راهي في بيل اير مار على الاسم بس نسيت وين بالضبط اظن قرب لوس أنجلوس
شوفوا حوض السباحة .. غزير ومكون حائط اللي يسمى اندلس بول يصب على شكل شلال ويتفلتر الماي ويرجع .. نفس الطريقة اللي ناقشتها في موضوع مراجعة المخططات بس على مستوى أكبر
https://www.youtube.com/watch?v=zaLQfhW0Jgg
ممتاز... ماشاء الله تبارك الله
اليوتيوب تضيع فيه من كثر ما تجوف
حياك الله إخوي بو زيداقتباس:
المشاركة الأصلية كتبت بواسطة سالم الزهران
ما شاء الله مدرسة مليانة كتب بس فيها كثير دجل ومعلومات مغلوطة .. انا اركز على نقل الصحيح والجيد واعلق على الخطأ واحاول اوضحه
الفيديو الأخير يمثل صناعة القصور وهذي متخصصين فيها ناس قليل ما ينوجدون عندنا .. يصرف أموال طائلة ويسوق للبيع بأسعار خيالية فوق سعر استثماره بعشرات المرات وربحه يكون مضاعف حتى لو سوى تخفيض 70%
صحيح المنازل هذي تعتبر تحفة فنية من حيث الموقع والتصميم المميز والمواد المستخدمة في البناء وبعضها نادرة ومتانة البناء
نظام الزراعة الرأسية استوى سهل وله عدة وسائل هذي إحداها وشوي مكلفة لأن عبارة عن هيكل حديد واجهة غير عن الواجهة الرئيسية .. فيه قطع بلاستيكية تركب على أي واجهة مع تمديدات الري بالتنقيط وتنفع للزراعة مباشرة على الجدار بعوازل بسيطة والماي يتصرف تحت ما يتجه للجدران
https://www.youtube.com/watch?v=ucR86CQxEvs