كل [موضوع] ما [خاص] يجول [لمحبي] في [نادي] خاطر [العربي] الاحلام :: مع السلامه

اقتباس:

---

المشاركة الأصلية كتبت بواسطة ALRAYYAN

وهذا اكبر دليل على كلامي

الكل قال ان العربي مابيتأثر بخروج كم لاعب
ويوم طلعوا احمد خليل ومبارك مصطفى وعادل الملا ومعاهم كم لاعب للحين ماترقع العربي
واليوم قاعد يتكرر نفس المشهد وبعد تقولون العربي مابيتأثر بخروج البشير وحامد ووليد وكم لاعب معاهم
والعربي اصلاً في حالة يرثى لها

انا اتمنى عودة العربي .. لكن مبين أن هالشي يبيله سنين ويمكن تكون أكثر من اللي مضت

والله كريم

---

100% نفس رايي ياخوي الريان :weeping:

اقتباس:

---

المشاركة الأصلية كتبت بواسطة مزيون الدوحه

خوش اتحاد لوبيسكو كان يلعب في السد كان فتحوا تحقيق ؟
الجائزه وراحت واللي مب عاجبه يشرب من البحر

---

تبون الصج وبدون تحيز وبكل حياديه

في حضره كلميرسون بين الثلاث لعيبه .. هو الاحق بها من الاثنين الباقيين
ياجماعه المنطق يقول جذي

لاعب حسم لفريقه بطولة الدوري قبل نهايته بـ 3 جولات والكل يتذكر مباراة الغرافه مع الريان
لاعب حسم بطولة سمو الأمير بهدفين ولا اروع
لاعب قناص ويعطيك الهدف من اصعب الاماكن واسوء الظروف
لاعب يسجل حتى وهو طايح ع الارض
لاعب كان له نصيب الاسد في جائزة افضل لاعب في المباريات
لاعب ماتخلف عن اي مباراه طوال الموسم
لاعب ماخذ اي كرت احمر طوال الموسم

بذمتكم شنو بيسكو عند كليمرسون ؟!!

شي طبيعي ان الجمهور يتحيز للاعب اللي يخدم فريقه ويتمنى له الجائزة لأنه نفع فريقهم
يعني والله لو تنعاد المسابقة والامر بيد الله ثم بيدي محد ياخذها غير ديانيه .. تدرون ليش ؟
لأنه وصل فريقي لكل المنصات في هالموسم وامتع كل جماهير الكرة الاقطرية بمختلف انتمائاتها
وكان علامة فارقه مع الريان لدرجة ان قالوا الريان هو ديانيه وديانيه هو الريان

ولكن بعد انتهاء المسابقه انا اقولها بكل حياديه .. كلمرسون هو اللاعب الاحق بهالجائزة
وفي ضل وجود كليمرسون لايستحق لا بيسكو ولا ديانيه

اقتباس:

---

المشاركة الأصلية كتبت بواسطة بوخالد911

لمصلحة الأندية ال3 الكباااار



:omg::secret::secret::omg:

---

الحين يابو خالد911 صارت الانديه الثلاث الكبار هي السبب في اللي قاعد يصير في العربي ؟!!

تعليقك غريب بصراحه .. العربي مشاكله منه وفيه .. والمشاكل اللي في النادي العربي من القائمين عليه
ان كان في السابق واللي حالياً

لما يجي رئيس نادي ويقول ان مارشحتوني بروايكم .. وبعدها يفتح باب الانتقالات لكل اللعيبه
وين دور الثلاثه الكبار في هالسالفه

الله يهديك بس .. الظاهر الصدمة كبيرة عليكم لذلك لكم العذر والله يصبركم :(

اقتباس:

---

المشاركة الأصلية كتبت بواسطة عاشق الشهادة

اخي مضارب ممكن لو تكرمت تثبت وتجيب دليل قاطع يثبت لكل الاعضاء ان لوا لوا سعره كذا ......... وممكن تقول لي سعر ابوكا كم .................... لوسمحت ؟

---

اعلنوها في برنامج المجلس وللكل ان لاعبين النادي العربي الموسم الماضي هم الاغلى

واتذكر ان لوا لوا بس عقده بـ 10 ملايين يورو وراتب شهري 400 الف دولار وهذا شي متأكد منه

اما كيم مادري بس كان من اغلى اللاعبين ..
والعربي مادفع ريال واحد وكل كان على حساب اللجنة الاولمبية وبقرار من شيخ الشباب الله يحفظه
لكن اختيار اللاعبين كان اعتماداً على الاسماء وليس المستويات وهذا الخطأ الكبير اللي طاح فيه العربي
مثل ماطاحوا فيه بعض الانديه في المواسم السابقة

اقتباس:

---

المشاركة الأصلية كتبت بواسطة bu 3li

اللجنه الاولومبيه هي تتكفل بـ عقود اللاعبين الاجانب في بداية كل موسم
لكن في فترة الانتقالات الشتويه الانديه هي تدفع من عندها بدون تدخل اللجنه الاولومبيه
واللجنه الاولومبيه تدرس عقود اللعيبه والمبالغ المطلوبه وعقب لو المبلغ كبير على اللاعب النادي يتكفل بـ الباقي

---

كلام صحيح 100%

اقتباس:

---

المشاركة الأصلية كتبت بواسطة عاشق الشهادة

تدري ودي اقولك شي لو نرجع انا وانت للخلف وبالتحديد سنه 1997 ميلادي عدد بطولات العربي في جميع مراحله السنيه لكره القدم اكثر من لو اجتمعت بطولات الانديه الثلاث ,
افتخر انك عرباوي واقسم بالله ان الغير حاسدك وحاسد ناديك على هذه الشعبيه الجارفه من محبينه ,
وتدري ان فيه جمهور بعدد الي حضر استاد خليفه في نهائي كأس الامير جالسيين في بيوتهم والله يـ بوخالد امنيتي ان العربي يوصل للنهائي بس قدر الله ماشاء وفعل ,
مش شرط نفوز الاهم هو الحضور لكي كلن يعرف حجمه وقت الجد؟؟؟

---

عاشق بقولك شغله

تعرف ان المقربين مني يقولون عني مينون تدري ليش

انا بقولك

قبل مباراة الريان بيومين انا مانام عدل واحيانا ما انام كلش واذا نمت والله اني احلم بالملعب والكورة
وهالشي يبين علي طبعا اذا المباراه حاسمه مب اي مباراه ولا كان الحال اسوء مما هو عليه

اذا لعب الريان احضر المباراه في الملعب واسهر عشان اشوفها في الاعاده ولو تنعاد اشوفها للمره الثالثه
ولو تنعاد عقب شهر بعد ماغير عن القناة دام الريان يلعب وعندك مثال اليوم الصبح الساعه 6 وصلت المكتب
وحطيت على قناة الكاس وقعدت اتابع مباراة الريان والسد في بطولة ولي العهد اللي فزنا فيها 3 صفر
وصرخت في المكت وانا اقول حق تفاريش ((والله انك وحش)) لدرجة ان واحد من الربع بغى يهفني بالفايل على ويهي

اصفق وانقز لكل هدف رياني حتى لو المباراه معاده واعرف نتيجتها

شعارالريان قدام عيني وين ماروح ان كان في سيارتي او في بيتي او في مكتبي او في سفرتي

احضر حتى تدريبات الفريق وان كانت المباراه مش مهمه

ماتخيل نفسي انتمي لأي فريق آخر ولو ايش مايصير

في سنة من السنين اعتذر اداري من نادي السد عن فئة الشباب ورشحني واحد هناك
لو اذكر اسمه لكم بتعرفونه واتصلوا فيني وقالوا لي نبيك اداري لفريق الشباب
والشخص اللي رشحني قالي تعال وانظم لإدارة النادي وصدقني بنوصل مواصيل مالها اول من تالي

قلت له لأ .. قال ليش لأنك رياني ؟؟ .. ياخي خلك رياني بأنتمائك وسدواي لمصلحتك
قلت له فريق السد للشباب بيلعب مع الريان في الايام الجايه وانا ماقدر اخدم اي فريق يلعب ضد الريان
وهالشي مابيصير لو ايش ماكاننت مصلحتي وهذا اللي صار بالفعل
وهذا الرجال ماشاء الله وصل وانا ماحركت ساكن ولكني والله ماندمت للحظه وحده على هالقرار
والرجال كلكم تعرفونه

من حبي وعشقي لنادي الريان واسم الريان ابي اسمي ولدي ريان من ولعي بهالاسم
ولكن الله انعم علي ببنت لين الحين ولله الحمد

كل هالكلام اللي اقوله لك عشان اوصل لك معلومه

لا انا احسدك عشانك عرباوي ولا انت تحسدني عشاني رياني ولا حد بيحسد احد على انتمائه لنادي

انا وصلت لمرحلة اني اشوف ان اللي مايشجع الريان مايفهم ولا يعرف شي في الكورة القطرية
واعتبره من وجهة نظري شخص ناقص كروياً

وطبعاً هالكلام غير صحيح ووجهة نظري خطأ × خطأ ولكني احس بهالشي لأني رياني

واعتقد ان المعنى والمغزى من كلامي وصل لك فديتك :)

اقتباس:

---

المشاركة الأصلية كتبت بواسطة مضارب دوسري

فالدوريات الاوروبيه والعالميه

اللي ياخذ افضل لاعب لازم يكون فريقه محقق بطولات :)


هذي فالدوريات الاوروبيه والعالميه

لكن في قطر!!!!!!!!!!!!!

مادري عنهم كل يوم لهم سياسه

---

لا والله ضحكتني قال الدوريات الاوروبيه

لو الدوريات الاوروبيه واللي فيها يطبق عندك كان صارت علووووم خلنا ساكتين بس

اشوف محد احتج ع المصخره اللي تصير قبل كل مباراه في مباريات الكؤوس وبالذات لفرق الريان والسد و الغرافه اشوف ماتكلمتوا عن الدوريات الاوروبيه

لنزين احنا خذنا كاس الشيخ جاسم والا ماتعترفون الا بالبطولات اللي تفوزون فيها بعد اعتقد في اوروبا مايعترفون ببطولة الشيخ جاسم

حبيبي انت بس

اقتباس:

---

المشاركة الأصلية كتبت بواسطة ALRAYYAN

هلا اخوي عاشق

بخصوص سالفة ان العربي لصق هاللعيبه في لحية الاندية .. حاب اوضح لك شغله

العربي حاول يجدد لكل لعيبته واولهم حامد اسماعيل والبشير وليد حمزه لكن اللعيبه هم اللي رفضوا تعرف ليش

خلاص اللعيبه زهقوا .. يبون بطولات .. الواحد يلعب سنين ومايحقق بطولة وحده هذي كارثة بالنسبه له

انت علقت ع البشير ونسيت حامد ووليد ومجتبى اللي بيطلع وغيرهم لأن البشير اذبحته الاصابات وبعض المدربين عندكم

بس بقولك شي .. هالموسم اللي خذل الريان في كل البطولات دكة الاحتياط .. وادارة الريان كإدارة واعيه تفهمت هالامر وقاعده تشتغل عليه من الحين

الموسم الجاي كل فريق يلعب بـ 4 محترفين .. يعني كل الاندية بحاجه لكل لاعب مواطن
ولا تظن ان البشير بيكون اساسي في الريان والاعتماد بيكون عليه
بس ع الاقل لو تعور لاعب او انطرد انزل البشير مكانه ويكون عندي بربع مستوى الاساسي مو مشكله
ولا نتوهق مثل يوم انطرد الحوسني وتعور الويزو وتوقف امارا
وتعور ريكاردينيو واصابة مصطفى عبدي

كل نادي هالموسم محتاج لكل لاعب سواء مواطن او محترف لأنه بيكون من قسمين ومابيحتاج للنفس الطويل مثل المواسم السابقه

دكة الاحتياط خذلتنا مره ومنها تعلمنا ان كل لاعب له وزنه كان اساسي ام احتياط

---

حبيت اهنيك على اللون الليلكي :tease:

اقتباس:

---

المشاركة الأصلية كتبت بواسطة خــطــافــ

حبيت اهنيك على اللون الليلكي :tease:

---

ههههههههههههههههههههههه
انزين شرايك في ذي :nice:

اقتباس:

---

المشاركة الأصلية كتبت بواسطة alrayyan

هلا اخوي عاشق

بخصوص سالفة ان العربي لصق هاللعيبه في لحية الاندية .. حاب اوضح لك شغله

العربي حاول يجدد لكل لعيبته واولهم حامد اسماعيل والبشير وليد حمزه لكن اللعيبه هم اللي رفضوا تعرف ليش

خلاص اللعيبه زهقوا .. يبون بطولات .. الواحد يلعب سنين ومايحقق بطولة وحده هذي كارثة بالنسبه له

انت علقت ع البشير ونسيت حامد ووليد ومجتبى اللي بيطلع وغيرهم لأن البشير اذبحته الاصابات وبعض المدربين عندكم

بس بقولك شي .. هالموسم اللي خذل الريان في كل البطولات دكة الاحتياط .. وادارة الريان كإدارة واعيه تفهمت هالامر وقاعده تشتغل عليه من الحين

الموسم الجاي كل فريق يلعب بـ 4 محترفين .. يعني كل الاندية بحاجه لكل لاعب مواطن
ولا تظن ان البشير بيكون اساسي في الريان والاعتماد بيكون عليه
بس ع الاقل لو تعور لاعب او انطرد انزل البشير مكانه ويكون عندي بربع مستوى الاساسي مو مشكله
ولا نتوهق مثل يوم انطرد الحوسني وتعور الويزو وتوقف امارا
وتعور ريكاردينيو واصابة مصطفى عبدي

كل نادي هالموسم محتاج لكل لاعب سواء مواطن او محترف لأنه بيكون من قسمين ومابيحتاج للنفس الطويل مثل المواسم السابقه

دكة الاحتياط خذلتنا مره ومنها تعلمنا ان كل لاعب له وزنه كان اساسي ام احتياط

---

اللون الوردي حلاته على بركه سباحه بشرط تكون بالمغرب يـ الريان:nice: ...