موضوع متكامل للحجوزات والاستفسارات وتنظيم رحلات السفر

مرحبا اخوي بونوف



بالنسبه لفنادق اسطنبول

في فنادق حلوه وفئه خمس نجوم ماراح اذكرها لك لانها مسافه عن منطقه المطاعم والمحلات
وهي قريبه من البسفور
الفنادق هي شانغريلا وكمبنسكي

لكن بذكر لك الفنادق الي بالسنتر
معظمها انا مجربها او شايفها



1- فندق الانتر كونتيننتال ( تقسيم ) http://im31.gulfup.com/IiemS.jpg

فندق من ارقى الفنادق في ذيك المنطقه
في وسط تقسيم ويوجد بالفندق مكتب للخطوط الجويه القطرية



http://www.booking.com/hotel/tr/inte...ability_target



2- فندق ديفان ( تقسيم ) http://im31.gulfup.com/IiemS.jpg



فندق راقي ومقابل فندق الانتر
غرفه واسعه وراقيه وهو فندق يعتبر جديد



http://www.booking.com/hotel/tr/diva...ability_target


3- فندق مرمره اسطنبول ( تقسيم ) http://im31.gulfup.com/IiemS.jpg


هذا الفندق حبيب الشعب ههههههه
كثير من الناس يفضلون هالفندق
وهو حلو ومكانه من احسن الاماكن
يقع في التقاطع بين شارع تقسيم وشارع الاستقلال ومقابل لساحه تقسيم



http://www.booking.com/hotel/tr/marmara-taksim.ar.html


4- فندق بوينت http://im31.gulfup.com/IiemS.jpg



موقعه مقابل فندق ديفان
ويعتبر اقل من الفنادق الثانيه الي ذكرتها
لكن هو حلو بس حجم الغرف صغيره
بعكس الفنادق الثانيه



http://www.booking.com/hotel/tr/point.ar.html


5- فندق نيبون http://im37.gulfup.com/gMX0l.jpg



وهو من فئه اربع نجوم
الغرف صغيره وهو فندق حليو ومتسواه اقل من الفنادق الثانيه
لكن زين ونظيف


http://www.booking.com/hotel/tr/nippon-istanbul.ar.html



خارطة تبين الفنادق المذكورة
والاماكن الي حولها




http://im32.gulfup.com/jMRKD.png


و أي استفسار يا الغالي انا حاضر

ماقصرت يالذيب وبيض الله ويهك

اقتباس:

---

المشاركة الأصلية كتبت بواسطة بونووف

ماقصرت يالذيب وبيض الله ويهك

---

العفوووو يا الغالي
اخوي الغالي بونوف اقدر اساعدك في شي ؟؟
استقر على شي
عشان نرتب باقي الامور
واذا قررت اكيد خبرني
عشان اعطيك جميع الاماكن وكل الامور الي تحتاجها ان شاء الله

السلام عليكم ممكن نصيحه سوف اذهب الي ستوكهولم السويد في ابريل
–ممكن فنادق جيده و اماكن جيده للزياره وكيفه التنقل شكرا

السلام عليكم ورحمة الله وبركاته
اخونا غير البشر

اشكرك كل الشكر على المجهود اللي تبذله معانا وانا من السنة اللي طافت صرت افهم خطوط المترو وانت اللي علمتني

ولو سمحت ممكن اتشوفلي من مطار باريس لين ديزني لاند اي خط ( انا بحثت ) بس ابي اتأكد منك
طبعا بالمترو وبعدين اظن في تغير للقطار او انغير المترو من لون إلى لون ثاني ( من مسار إلى مسار ثاني )

والفنادق القريبة واللي مش غالية كثير عن ديزني لاند

طبعا مش انا اللي بسافر هذا لشخص مجننا يبي يسافر وخبرك صرت خبيرة انا الحين

تحياتي لك

عذايب قطر

اقتباس:

---

المشاركة الأصلية كتبت بواسطة AHMED Hecham

السلام عليكم ممكن نصيحه سوف اذهب الي ستوكهولم السويد في ابريل
–ممكن فنادق جيده و اماكن جيده للزياره وكيفه التنقل شكرا

---

ياهلا ومرحبا اخوي احمد
السموحه على التأخير

بخصوص السويد وعاصمتها ستوكهولم

معظم الفنادق حجم العرف عندهم صغيره
وفي كذا فندق حلوين واماكنهم حلوه

لكن انحصك بفندق الشيراتون
ولسبب ان قريب جدا جدا من معظم الاماكن السياحيه للي بتزورها
والسعر مميز ورخيص
وايضا هو فندق خمس نجوم وراقي
بس نفس ماقلت لك الغرف نوعا ما صغيره نفس الفنادق الثانيه
ويقع الفندق جنب محطه القطارات الرئيسيه

وهذا رابط الفندق


http://www.booking.com/hotel/se/sher...ability_target


وبعدها نتكلم عن الاماكن السياحيه في العاصمه ستكهولم

انا بحط لك الخارطه ومحدد عليها الاماكن السياحيه
وتحت الخارطه بذكر لك بشكل موجز كل مكان بنفسه

خارطه الاماكن السياحيه

http://im80.gulfup.com/adsFa.png


نلاحظ من الخارطه الاماكن المذكوره ونوضحها أكثر هنا

1- موقع فندق الشيراتون

2- جوله في القارب boat tours

طبعا مكان اخذ القوارب الناحيه الثانيه اشرت عليها بلغلط
جنب المتحف الوطني
وتاخذك بجوله على ضفاف مدينه ستكهولم

3- المدينه القديمه old town

المدينه القديمه بها مباني تاريخيه
والقصر الملكي وايضا مبنى البرلمان وبعض المتحاف والكوفيهات

4- القصر الملكي Royal Palace

5- المتحف الوطني
ويوجد بجنبه فندق غراند ومكان التجول في القوارب

6- متحف فاسا Vasa Museum

هي سفينه حربيه وكانت اول رحله لها في عام 1628 وغرقت في هذه الرحله :rolleyes2:
وفيها 64 مدفع

وهذا موقعهم الالكتروني

http://www.vasamuseet.se/en/

7- المتحف المفتوح Skansen

موقعهم الالكتروني : http://www.skansen.se/en/kategori/english

8- اكواريوم متحف الاسماك والكائنات البحريه

موقعهم الالكتروني : http://www.aquaria.se/pdf/aquaria_en.pdf

9- مدينه الالعاب Grouna Lund

موقعهم الالكتروني : http://www.gronalund.com/pdf/parkfolder_eng_2011.pdf

ملاحظه : رقم 6-7-8-9
كلهم جنب بعض وتابعين لبعض ممكن تزورهم كلهم بيوم واحد لو مداك الوقت

هنا خلصنا الاماكن السياحيه والمتاحف

والا ندخل على المجمعات والمحلات التجاريه

@ نورمالم Norrmalm

هو من اهم الشوارع في العاصمه
وفيها مباني جديده وراقيه ومطاعم وكوفيهات ومكان حلو للتمشي والتسوق

@ Drottninggatan دروتينغ غاتان

شارع قريب من شارع نورمالم
وهو شارع شعبي ومزدحم وفيه ثير من المحلات التجاريه

@ ahléns city

مجمع تجاري يقع بين فندق الشيراتون وشارع نورمالم

@ Gallerian جاليريان

مجمع تجاري

@ Biblioteksgatan

أهم الشوارع التجارية في العاصمة حيث تجد محلات الأزياء التي تشتهر السويد بتصاميمها
والمجوهرات الرائعة التصميم، والساعات وأغلى وأفخم أنواع الفراء في العالم تجدها هنا

@ Sturegallerian

مجمع تسوق بالقرب من شارع التجاري Biblioteksgatan
موقعهم الالكتروني : http://www.sturegallerian.se/

@ NK Stockholm

مجمع تجاري بالقرب من مجمع غاليريان

ويوجد مجمع سكر هولمان Skärholmen Shopping Center
وهو مجمع تجاري توجد فيه بضائع نوعا ما رخيصه الثمن
ولكن مكانه بعيد نوعا ما من المكان المذكوره

يعني اذا وقتك ضيق مايسوى تروح له


التنقل في السويد

اما عن طريق الباص

او المترو وهذه خارطه المترو

http://im80.gulfup.com/KevLG.png


او بالقطار
وماتحتاج قطار لان كل الاماكن قريبه من بعض

لكن اذا حبيت تروح مدن او جزر في السويد تحتاج قطار
واذا بغيت احط لك الاماكن البعيده خبرني ومايصير خاطرج الا طيب

و أي استفسار انا حاضر

صباح الخير موسوعه

ممكن ترتب جدول لعائله مكونه من ( خمس ) أفراد ( اثنان بالغين وثلاث أطفال ) لدوله اوروبيه
الجدول لشهر كامل من بعد رمضان الى بداية الدوام
والمبلغ المخصص برسله خاص لأنه في ملاقيف هنيه :p
اختيار الدوله عليك

كتبت الارقام بهالطريقه لانه الارقام بالانجليزي مو راضيه تطلع

اقتباس:

---

المشاركة الأصلية كتبت بواسطة عذايب قطر

السلام عليكم ورحمة الله وبركاته
اخونا غير البشر

اشكرك كل الشكر على المجهود اللي تبذله معانا وانا من السنة اللي طافت صرت افهم خطوط المترو وانت اللي علمتني

ولو سمحت ممكن اتشوفلي من مطار باريس لين ديزني لاند اي خط ( انا بحثت ) بس ابي اتأكد منك
طبعا بالمترو وبعدين اظن في تغير للقطار او انغير المترو من لون إلى لون ثاني ( من مسار إلى مسار ثاني )

والفنادق القريبة واللي مش غالية كثير عن ديزني لاند

طبعا مش انا اللي بسافر هذا لشخص مجننا يبي يسافر وخبرك صرت خبيرة انا الحين

تحياتي لك

عذايب قطر

---

عليكم السلام ورحمه الله وبركاته

العفو الله يسلمج
وشاكر لج كلامج الطيب

الوصول لدزني لاند من مطار شارل ديغول باريس

الخارطه العامه لمترو باريس

http://im76.gulfup.com/77Wlu.gif


خريطه الجزئيه لطريقه الوصول


http://im76.gulfup.com/g3z9X.png



من مطار باريس شارل ديغول
ياخذون الخط الازرق B3

الى ان يصللون الى محطه chatelet les halles

في هالمحطه ياخذون الخط الاحمر رقم A4

القادم من cergy le haut

والمتجه الى marne chessy
( disney land )



بخصوص الفنادق داخل دزني غاليه
لكن في فنادق معقوله جنبها وقريبه من المول والاوت لت
ومن هالفنادق الى دزني لاند خمس دقايق بالسياره

ومنها :


1- فندق Residhome Val d'Europe

http://www.booking.com/hotel/fr/resi...-lightbox-open


2- Relais Spa Chessy

http://www.booking.com/hotel/fr/rela...-lightbox-open


3- Park & Suites Prestige Val d'Europe

http://www.booking.com/hotel/fr/park...-lightbox-open


هذي الفنادق بالنسبه لموقعها واسعارها تعتبر ممتازه
في فنادق ارقى بس اغلى


وبالتوفيق اختي :nice:

اقتباس:

---

المشاركة الأصلية كتبت بواسطة Miss

صباح الخير موسوعه

ممكن ترتب جدول لعائله مكونه من ( خمس ) أفراد ( اثنان بالغين وثلاث أطفال ) لدوله اوروبيه
الجدول لشهر كامل من بعد رمضان الى بداية الدوام
والمبلغ المخصص برسله خاص لأنه في ملاقيف هنيه :p
اختيار الدوله عليك

كتبت الارقام بهالطريقه لانه الارقام بالانجليزي مو راضيه تطلع

---

صباح النور والسرور مس هههههههه
ياهلا ومرحبا

اي ان شاء الله ابشري ولا يهمج

بما ان عندهم اطفال لازم نشوف اماكن حلوه تناسب الاطفال
واماكن طبيعه وتسوق للكبار


عندي مخططين ونشوف اذا حدى هالمخططات تناسبكم يختارون منها

المخطط رقم (1) :


الطيران :

الدوحة - ميونخ - فيينا - الدوحة

طيران الاتحاد ماعندها محطات على فيينا فقط ميونخ

يعني الذهاب والعوده تكون من ميونخ


الدوحه - ميونخ
ميونخ الدوحه

تايخ 1-8 السعر 63450 ريال

تاريخ 2-8 السعر 51950 ريال

الاسعار شامله 2 كبار + 3 اطفال على درجة البزنس

ملاحظه : اذا عندهم اطفال تحت سنتين خبريني راح تكون اسعار التذاكر اقل


طيران الامارات :

الدوحه - ميونخ
فيينا - الدوحه
بزنس
من تاريخ 1-8 الى 1-9
88,330 ريال

من الدوحه - فيينا
ميونخ - الدوحه
87,160 ريال

الدوحه - ميونخ
ميونخ - الدوحه

94000 ريال

الدوحه - فيينا
فيينا - الدوحه

82700


الخطوط القطرية :

الحجوزات من والى فيينا صعبه عليها ضغط
مافي مقاعد على البزنس
فقط السياحيه

واذا على البزنس

الدوحة - ميونخ
ميونخ - الدوحة

على البزنس بسعر 88,600 ريال

وبتكون مناطق هالمخطط :

@ ميونخ ( سياحه وتسوق )
@ غارمش ( طبيعه )
@ يوروبا بارك ( مدينه العاب )
@ سالزبورغ ( طبيعه )
@ زيلامسي ( طبيعه )
@ فيينا ( تسوق وسياحه والعاب )

خارطه لهذا المقترح

http://im57.gulfup.com/yizEP.png


من الخارطه:

من ميونخ الى يوروبا بارك ومن ثم العوده الى ميونخ
ومن ميونخ الى غارمش والعوده بنفس اليوم

ومن ميونخ الى زيلامسي
ومن زيلامسي الى سالزبورغ
ومن سالزبورغ الى فيينا

وبعدها :

اما من فيينا العوده الى الدوحه حسب اختياركم
او العوده مره اخرى من فيينا الى ميونخ
والعوده الى الدوحه من ميونخ



المخطط رقم (2):


الطيران :

الدوحة - ميونخ - باريس - الدوحة

اسعار التذاكر للبزنس
لعدد 2 كبار + 3 اطفال

طيران الاتحاد

100,400 فوق الميه الف ريال :rolleyes2:


الخطوط الاماراتيه

93,440 ريال


الخطوط القطرية

94,900 ريال

وبتكون مناطق هالمخطط :

@ ميونخ ( سياحة وتسوق )
@ اوروبا بارك (مدينه العاب )
@ باريس ( سياحه وتسوق )
@ دزني لاند ( مدينه العاب )

خارطة لهذا المقترح :


http://im66.gulfup.com/ymT8G.png


من الخارطة :

من ميونخ الى اوروبا بارك 4 ساعات ونص بالقطار
من اوربا بارك الى باريس 4 ساعات ونص بالقطار
من باريس الى دزني 45 دقيقه بالمترو او السياره
والعوده من باريس الى الدوحه


انا بنيت هالمخططين لان المده شهر
والمده طويله ماتصلح اكثر شي لغير هالدول
لان باقي معظم الدول لاتصلح للجلوس فيها اكثر من اربع ايام
ولان حاولت بقدر المستطاع اخذ المنطاق الي يحتاجونها من سيحه وتسوق والعاب

واذا عندج اي تعديل او مقترح خبريني عشان اعدل عليه
او نشوف لهم مقترح ثاني :nice:

وبعد اختيار الدول والاماكن نروح لمسأله التكلفه التقريبيه للسفره والمسافات بينهم
واختيار الفنادق والاماكن السياحيه الي تستحق الزياره

اقتباس:

---

المشاركة الأصلية كتبت بواسطة غير البشر

صباح النور والسرور مس هههههههه
ياهلا ومرحبا

اي ان شاء الله ابشري ولا يهمج

بما ان عندهم اطفال لازم نشوف اماكن حلوه تناسب الاطفال
واماكن طبيعه وتسوق للكبار


عندي مخططين ونشوف اذا حدى هالمخططات تناسبكم يختارون منها

المخطط رقم (1) :


الطيران :

الدوحة - ميونخ - فيينا - الدوحة

طيران الاتحاد ماعندها محطات على فيينا فقط ميونخ

يعني الذهاب والعوده تكون من ميونخ


الدوحه - ميونخ
ميونخ الدوحه

تاريخ 2-8 السعر 51950 ريال

الاسعار شامله 2 كبار + 3 اطفال على درجة البزنس


وبتكون مناطق هالمخطط :

@ ميونخ ( سياحه وتسوق )
@ غارمش ( طبيعه )
@ يوروبا بارك ( مدينه العاب )
@ سالزبورغ ( طبيعه )
@ زيلامسي ( طبيعه )
@ فيينا ( تسوق وسياحه والعاب )

خارطه لهذا المقترح

http://im57.gulfup.com/yizep.png


من الخارطه:

من ميونخ الى يوروبا بارك ومن ثم العوده الى ميونخ
ومن ميونخ الى غارمش والعوده بنفس اليوم

ومن ميونخ الى زيلامسي
ومن زيلامسي الى سالزبورغ
ومن سالزبورغ الى فيينا

وبعدها :

اما من فيينا العوده الى الدوحه حسب اختياركم
او العوده مره اخرى من فيينا الى ميونخ
والعوده الى الدوحه من ميونخ

---

بيعتمدون هالمخطط