أهمية تناول حبتين تمر يومياً وممكن نخليها 3 أفضل .. أكيد نوعية التمر ومستوى السكريات فيه تلعب دور وبالتجربة عرفت بعض الأنواع خصوصاً الناشفة من الدبس قليلة السكريات
https://www.youtube.com/watch?v=da0M1qGjX4Q
عرض للطباعة
أهمية تناول حبتين تمر يومياً وممكن نخليها 3 أفضل .. أكيد نوعية التمر ومستوى السكريات فيه تلعب دور وبالتجربة عرفت بعض الأنواع خصوصاً الناشفة من الدبس قليلة السكريات
https://www.youtube.com/watch?v=da0M1qGjX4Q
متابعة لموضوع السكري وما جد من جديد .. بديت من فترة قبل رمضان ابرة الاوزمبك فترة شهر واسبوع بس ضبطت لي السكر وكانت جرعات ابتدائية هي تخفف الشهية واسبوعية .. بس شوي جات المونجارو ( الملكة ) هذي تحتوي هرمونين هرمون يخفف مقاومة الأنسولين يعني اللي عندهم سكر النوع الثاني ممكن معاها ما ياخذ أدوية ثانية بشرط يمشي أو يمارس أي نشاط بسيط مثل الدوام بيشوف السكر ينتظم بسهولة ويستمر منتظم .. والهرمون الثاني يخليك تحس بشبعة وما تحب الأكل وتضعف بالتدريج .. وبكمل بعدين الموضوع مهم ولازم أوضح وقايمة حملة من جهلة ومن مستفيدين من عمليات التكميم
سنين طويلة علاج السكر هرموني اللي هو هرمون الأنسولين وأصل الهرمونات بروتيني يهضمها الجسم لذلك تدخل عن طريق الدم .. بعض الهرمونات تسبب أضرار جانبية مثل الستيرويد أو هرمون الذكورة للي يبون العضلاات بسرعة .. هرمون الأنسولين لو زاد وبنفس الوقت عندك مقاومة أنسولين ممكن النوع الأول يتحول لمزيج نوع أول ونوع ثاني في نفس الوقت بدون فايدة مع تقدم العمر
الهرمونات المساعدة كلها في المونجارو هرمون الجوع تفقد الإحساس بالجوع وتشبع بسرعة فلازم تقلل الأنسولين اللي هو مسؤول عن تخزين الدهون وتراكمها .. وهرمون مفاومة الأنسولين يخلي المقاومة منخفضة وتستهلك السكر بدال ما يخزنه جسمك وبنفس الوقت تستهلك الأنسولين وتستخدم طاقة الدهون .. انا نزلت من بدايات استخدامي لهذي الإبر أولها مع التروليسيتي من 97 لين ألحين 79 وحسيت بفرق كبير لدرجة كنت أوقات ما ادري ينزل السكر خطأ مني كنت مستمر على جرعة أنسولين كبيرة وبنفس الوقت آخذ غلوفاج اللي كان ما يسوي شيء تأثيره مع المونجارو مضاعف .. التروليسيتي صج تعبتني نفسياً يتضايق الواحد ووقفتها فترة سنة كنت واصل 85 وقتها واستمريت على الأكل القليل كذاب اللي يقول يزيد وزنك سرعة صحيح ما ينزل وتنفتح الشهية شوي بس طبيعي .. بعدين لاحظت مقاومة الأنسولين تزيد إستويت آخذ من السريع 28 وحدة وصلت أوقات والسكر مجنون مرتفع وأوقات ينزل فجأة وأوقات ابذل مجهود ويرتفع تعقدت ورجعت للدكتورة اللي تعالجني قالت جرب تضيف الاوزمبك قلت بتخلي نفسيتي تعبانه قالت لا بالعكس .. بديت معاها ونفسيتي استوت زينة مفرفش عطتني ملينات حبوب نباتية خاصة بالأعراض الجانبية لبطء حركة الأمعاء وبعدين غيرت للملكة المونجارو لي معاها حول شهرين ومن الأوزمبك للمونجارو نزلت الباقي لين 79 والمثالي عندي طولي 178 قريب وايد منه .. الكرشة راحت وأماكن الدهون تلاشت وإستويت أوقات اكتفي بوجبتين في اليوم وبدون خرابيط بينهم غير الشاي والقهوة وأحياناً حبة فاكهة لو بذلت مجهود.
شوي تعبتني المونجارو .. وخصوصاً في السفر نزول السكر بهدلني وطلع السبب آخذ أنسولين كميتي المعتادة ولو نقصت نقصت شوي وما اكل كفاية وحتى لو كلت المونجارو تنزل السكر والأنسولين يكون زود + المجهود هنا المشكلة .. المهم وقفتها حول شهر وشوي ورجعت الشهية تنفتح والسكر استوى مجنون .. رجعت لها من الثلاثاء اللي طاف جرعة بسيطة 5 ملم لمدة شهر وبعدها 7.5 ملم وفيه ناس وصلوا 15 سمعت بس بدون أدوية ثانية
اللي يهم في تجربتي هو إني شفت الرقم 77 على الميزان وشفت اللباس اللي كان ضيق علي وسيع وبنفس الوقت استويت خفيف وأمشي أكثر ويمكن شبه يومي .. رجع الوزن لحدود 82 بس مسيطر عليه قبل كان 97 وألحين فرق كبير لذلك استوى شعاري عليك بالمونجارو لو الزمان عليك جارو
نجي للتمارين وهي ضرورية للكل وخصوصاً اللي فوق ال 40 وللي مثلي تعدى ال 60 ضرورية أكثر وأكثر خصوصاً تمارين تنمية العضلات والمحافظة على الكتلة العضلية وهذي مهمة كثير لأسباب .. أهمها تمارين بناء العضلات وأقصد البناء الخفيف وبدون مكملات تفيد في حرق الدهون والسعرات الحرارية وفي التخلص من سموم وأملاح كثيرة منها البروتين الزايد في الجسم .. بديت تمارين علاجية للأرجل مع اسبيتار ونصحني المعالج قال هذا المفروض يكون اسلوب حياة والجيم شيء ضروري لك .. كنت أحس بإحراج شلون أدخل أتمرن شوي حسب لياقتي وأوزان خفيفة وطلع هالشيء وهم المفروض ما نفكر فيه بس صراحة ما بديت مع جيم .. إتجهت للتمارين السهلة وفي البيت مثل الجلوس والقيام المسمى بالقرفصاء وحصلت جهاز حلو أنصح الجميع باستخدامه .. يمكن تستغربون من بساطته سعره 115 ريال وللمتقاعدين بعد الخصم 103 ريالات بس سهل وفايدته كبيرة .. تمرين الضغط أو المسمى Push Up هذا مقياس اللياقة عند الأمريكان وعند جيوش كثيرة منها جيوشنا أو أحد المقاييس وهذا مهم جداً جداً وللرجل والمرأة ولجميع الأعمار خصوصاً الكبار
كانت عندي عصبة خلف الأكتاف في الظهر تعبت معاها ولا فيه فايدة مساج وأدوية تخف وترد .. هذا الجهاز البسيط عالجها في جلسات بسيطة لا وفي البيت يساعد على عمل تمرين الضغط وفيه عدة تمارين ما عرفتها معاه كتلوج يعلم شتسوي حتى للأرجل .. انا مركز على الضغط حتى يشد عضلات الظهر والصدر والأكتاف والضغط بهذا الحزام ما يكون قوي وتتحكم فيه إذا إبتعدت عن مكان التعليق يكون انحناءك خفيف وأكثر وزنك على رجلك واذا اقتربت زاد الوزن وزاد الضغط وزادت صعوبة التمرين
هذي صورته وانا ركبته في باب غرفة الملابس كل شوي أسلم عليه واسوي به تمرين بسيط .. اللي يبي نتيجة افضل يسوي تكرار 10 مرات مثلاً ويريح لين 30 مرة ويزيد بعدين حسب قدرته .. انا وصلت 20 بس أسويها مرتين وبينهم استراحة بسيطة
https://i.imgur.com/dpsXpw0.jpeg
من ديكاتلون في فيلاجيو
السكر حالياً كمعدل 6.9 ولله الحمد .. شيء ثاني هو المشي والأحلى منه الأيام الجاية مع تحسن الجو ركوب التلة .. هذا تمرين حتى للتنفس والرئة من أيام رجعت له بس ذبحتني الرطوبة
بعد شهر أو شهر ونص من المداومة على التمرين البسيط بالجهاز في المشاركة قبل السابقة لله الحمد تغيرات ايجابية ممتازة صارت معاي أهمها آلام الظهر خفت وايد وتنعدم أوقات بعد التمرين وحتى الرقبة .. التكتلات اللي خلف عظم اللوح هذي زالت والأكتاف رجعت للخلف ونمت تقاسيم العضلات .. للي عنده لياقة سابقة التمارين هذي تزيل الشحوم وتنمي العضات وترجع لياقتها بسرعة
الأهم عندي هو حرق السكر سريع وتنزيل الدهون واستهلاك البروتينات .. أكيد للمونجارو مساهمة لأنها تساعد على حرق السكر وعملية التمثيل الغذائي
يعطيك العافيه موسوعه بوعبدالله ويقولون اسال مجرباقتباس:
المشاركة الأصلية كتبت بواسطة معماري قطري
فعلا المسي من افضل الرياضات أنا لو أهملته شوي احس بشعور غريب غير مريح
افضل المشي تقريبا في حدود من 35 إلى 45 دقيقه عندنا شارع طويل ماشاء الله مريح احاول امشي فيه على الاقل اربع خمس ايام في الاسبوع
التمر من افضل الاكلات الغذائيهاقتباس:
المشاركة الأصلية كتبت بواسطة معماري قطري
هل صحيح ان إذا كليت التمر مع الطحينيه او القشطه يقل السكر في التمر يعني حتى إذا كليت اي كميه ما ياثر مادري أنا سمعت هالشي
لتصدق كل ما يقال .. السكر بدون علاج صعب وايد وايد وبعلاج فيه صعوبة بس ممكن بعد المتابعة عدل والأول يختلف عن الثاني .. الطحينة معرفتي بها انها عالية السعرات الحرارية وانت تكون لميت سكريات ونشويات قوية وغلوتين خليط مدمر عاد ما يرفع بسرعة يرفع بعدين .. وايد خزعبلات منتشرةاقتباس:
المشاركة الأصلية كتبت بواسطة alkaldi
من تجربتي نوع تمر يرفع أكثر من نوع آخر ومن تجربتي مع المونجارو تاكل أوقات تمر وايد وحتى حلويات وكافي تسيطر على الوضع ولا كأنك كلت شيء وفي الغالب السكر نازل .. اليوم الصبح ما خلاني أرقد والمشكلة النفس مسدودة خذت حلاوة وازنته بس كان حول 65 يوم صحيت ثاني مرة وبعد الريوق تعدل وألحين 90 ومايل للهبوط