عرض للطباعة
إختبار القمع أو ما يسمى بالسلآمب تست للخرسانة
كما يذكر المهندس هذه خرسانة عالية الهبوط وتعتبر فاشلة .. لكن لو تمت لها اضافات خاصة تضمن أن تكون قوتها القوة المطلوبة حسب التصميم بعد 28 يوم والمعمل يعطي ضمان عليها مع سلآمب أو هبوط عالي الهبوط العالي يخلي الخرسانة سهل التعامل معها وأفضل للعمال والاضافات تضمن لنا القوة المطلوبة
https://www.youtube.com/watch?v=eYSv9RHlfig
لكن لو الخرسانة بدون اضافات هذا الاختبار يعتبر فاشل فشل ذريع
طبعاً لازم ضمان المعمل ويكون مسؤول مسؤولية تامة عن القوة المطلوبة بعد 28 يوم ولو حدث ضعف يتم الهدم والبناء والتكاليف كلها على معمل الردي مكس
كثيرين يبنون بيوت هالشكل ويقنعهم المقاول إن الوضع عادي ويمشون كلامه
https://www.youtube.com/watch?v=VDovpbTvvZw
مستغرب شفايدة العازل هذا وما نخلي ملم وعندنا جسور حرارية كبيرة عبر الأعمدة والجسور الخرسانية الكبيرة .. تفصيل بسيط بحيث نقلل عرض الأعمدة ل 35 سم بدل 40 سم ونغطيها بعازل يكون في مستوى الطابوق اللي المفروض يطلع شوي وتغطى بشبك بلاستر ويعمل عليها بلاستر 2 سم .. نفس الشيء الجسور أو نكتفي بجسور 20 سم على الطابوق الداخلي ويغطيها العازل والطابوق
مهما إجتهدوا هنا لن يحققوا العزل المطلوب للأسباب السابقة
https://www.youtube.com/watch?v=ikWcD3P_SvA
اختبار الكور تست للخرسانة تقريباً محد يعمله عندنا بس ضروري لو فشل الاختبار الأساسي للمكعبات
https://www.youtube.com/watch?v=Q8gTCmUg-mg
اختبارات الخرسانة شغلة تريح المقاول الأمين وينزعج منها النصاب.. حنا يالساكنين نقبل بالوضع وما عندنا جهة تحاسب المقاول. لولا قلة المتابعة ما لعب المقاول.
انا عندي الاشراف الجيد والمقاول يكون جيد أهم من الإختباراقتباس:
المشاركة الأصلية كتبت بواسطة سالم الزهران
الإختبار يعطيك صورة عن اللي يصير لكن الواقع ممكن يكون عندك مكان ضعيف ومعشش حتى ما تقدر تاخذ منه عينة الكور تست بسبب ضعفه .. في بداية حياتي العملية أرسلني مسؤولي لمعاينة قاعة كبيرة بحدود 30 في 20 بدون أعمدة وكانوا شغالين فيها يزيلون الخرسانات التالفة وينظفون الحديد المصديء .. الوضع يخوف واحنا تحتها والإرتفاع عالي .. سألت فيه اختبارات قالوا عملنا وهذا تقريرها .. شفت التقرير يقول بعض الأماكن العينة طلعت 0 ببساطة تراب مب خرسانة
تطقست أكثر في صيانة المشروع والعازل فوقه .. إكتشفت إن أساس المشكلة صيانة ما صارت على الشكل المطلوب قسم الصيانة طلب تبديل العازل بسبب التسريب وبدوا يشيلون القديم ومعاه شالوا السكريد وما تابعوا في موافقات عقد العازل الجديد وبقى المبنى سنتين معرض للمطر وسقفه تشبع مطر .. الحلول كانت كلها صعبة وتشوه القاعة بأعمدة تدعيم وحديد يمسك السقف أو ازالة وبناء جديد وهو الأسهل
كتبت تقريري في اساس المشكلة ووجهت اللوم لخطأ الصيانة وعدم المتابعة وكان وقتها مسؤولها مهندس كبير توفى رحمة الله عليه .. وهو أساساً من نفس جنسية مديري السابقة وهم قطريين وقتها .. مديري قال لي هذا التقرير يورط فلان وما يصير .. يعني يبوني اكذب أو اقول ينفع الترقيع وما مشى تقريري .. أشياء كثيرة يغطون عليها وتتحملها الدولة كتكلفة
نفس الشيء يحصل لو خذت عينات من مبنى ينبني وكانت مسكتة أو اختبارات المكعبات كانت كلها فوق المطلوب وما سويت الكور تست ووثقت في الشغل ووقف بنيانك عظم سنتين بدون ما تكمله والخرسانات معرضة للمطر ما تشطبت أكيد بتضعف ولو تسوي اختبار مثل ذيه ( Core Test ) بيكون أضعف من السابق وممكن مناطق معينة يفشل فيها
عدو الخرسانة الصدأ والرطوبة والأملاح وكلها متوفرة عندنا بكثرة
لذلك دوم انصح أي حد يبني وبيوقف لأي سبب بعمل بلاستر خارجي وأقل شيء برايمر حتى يسد فجوات البلاستر ويعطيه مقاومة أكثر للرطوبة .. مع عمل العازل للسقف بأجود ما يكون ولو وقف 7 سنين وفوق يجدد كل شيء مع نهاية البنيان .. وقصدي يجدد العازل والبرايمر
[COLOR="#800080"] حسب دراسة متعمقة في العزل الحراري النوعين فاشلين والسبب الجسور الحرارية من المونة ومن الجسور الحاملة للأسقف فوقهم .. الطابوقة كوحدة بنفسها عزلها صحيح حسب الاختبارات لكن كنظام حائط معمول شغل فاشل ولو ما تعملها أفضل .. بعدين هذي النوعية من الطابوق ضعيف .. الأفضل عزل الجسوروالجدران الخارجية كلها بعازل غير منقطع بمونة سواء صوف صخري أو حتى قش وورق وورق شجر كعجينة أو فوم مع التكسية الخارجية حماية للعازل بطابوق أو بحجر أو بغيره
وايد مهندسين يروجون لفكرة خاطئة وبحسن نية لكن بجهل كبير .. تدفع ولا تحصل النتيجة المرجوة[/COLOR]
https://www.youtube.com/watch?v=Wkgc9WRl_ng
تصميم درج حلزوني جميل وخفيف في نفس الوقت ومبتكر .. هذا مستحيل عندنا مهندس انشائي يسويه بهذي السماكة والخفة
https://www.youtube.com/watch?v=l2SSTvaJpFo
صدقت يبو عبدالله.. ناس كثيرين سووه وما ضبط ورجعوا كسروا.. هذا البنيان مبين في مصر والله العالم من نوعية البلك اللي مبني به الجدران
شغل تكييف متطور هذا حق عزيز يو كي
وحدة تكييف في ار في من متسوبيشي مع وحدة ازالة رطوبة مع فلتر متطور مع وحدة ادخال هواء خارجي مزال الرطوبة كذلك
https://www.youtube.com/watch?v=8f6Ih09uaDw
انا رديت عليه في اليوتيوب .. يا اخوي ترويج لمفاهيم خاطئة والمشكلة كثيرين يصدقون ويتبعون هذا كأنه أمر صحيح 100% .. تدري أسهل طريقة تشوف مبنى مبني وجاهز وتاخذ مقياس درجة حرارة الموجه وتقيس درجات الحرارة في الجدار وفي مواقع معينة .. من توصل للزوايا بتحصلها أكثر شيء حارة لأن الجسور غير معزولة مثل زاوية السقف والجدار .. بين الطابوقة والثانية بتحصل خطوط هي خطوط المونة درجة حرارتها عالية جداًاقتباس:
المشاركة الأصلية كتبت بواسطة سالم الزهران
الفيديو الأخير وحدة ازالة الرطوبة عندنا وتستخدم للمسابح والمكيفات تزيل كثير من الرطوبة بس تبقى كمية كبيرة
عندنا المشكلة أقل تأثيرها وهنا يقصد بروز السقف المعزول حتى يغطي جوانب الجدران .. لاحظ حائط قائم وبدون تغطية بيتأثر من الرطوبة مع الوقت وهذا صحيح .. بنيانا طابوق والطابوق نوعاً ما يقاوم الرطوبة لكن مع مرور الوقت الرطوبة لها تأثير حتى لو بسيط خصوصاً على جدران الأسقف ولازم نجميها من أعلى بعازل أو بصبغ خاص وسلوب بسيط بالبلاستر جهة داخل السطح حتى يتصرف الماي الثابت فوق أعلى الجدار .. حل ثاني التبليط حتى لو بلاط رخيص
كذلك من تحت الرطوبة من الحوش تخرب الجدار من التقاء الحوش بالجدران هنا نعمل كسرة على داخل حتى في البلاستر ونشطب داخل بمادة قوية ومقاومة للرطوبة .. ممكن بتومين أبيض
https://www.youtube.com/watch?v=tpV_hswbk60
كلام صحيح وفي محله .. كذلك نقدر نسوي تجويفات جمالية وديكورية في بيت المصعد جهة داخل البيت ومنها نخفف كمية الخرسانة
https://www.youtube.com/watch?v=Bx6hWSjUSJE
عزاء الله صادق
انا سويته خرسانة كامل :omg: من القبو لين البنت هاوس . وقتها عليمي ماكنت اعرف الحكمه منه . ومثل ماقال مايحتاج الانة ماعليه حمل كبير .
ممكن السقف الاخير فقط خرسانة اذا كانت المكينه نظام العلوي .
الخرسانة تكلفك متر مكعب قريب 400 ريال مع الحديد والمتر المكعب فيه 62.5 طابوقة بحدود 3 ريالات للطابوقة تعطينا حول 187.5 ريال أقل من النصاقتباس:
المشاركة الأصلية كتبت بواسطة سعود.
بس مهم تحت قاعدة وتجويف البير تسويها خرسانة ومعزولة زين عن الماي
قريب من ألواح السيبوريكس بس يختلف شوي وطريقة نظيفة ومرتبة في البناء
https://www.youtube.com/watch?v=biIlMc14h_M
شغل عدل.. بس عساه فيه المواد اللي تمنع الرطوبة.. يبغي لك مهندس فنان لي جيت تبني.. جهز نفسك يا بو عبدالله ;)
غالبيته مواد اسمنتية .. ما تمنع الرطوبة بس فيها مقاومة للرطوبة وأكيد تكلفته مب بسيطة ما ادري اذا ذكروها أو لااقتباس:
المشاركة الأصلية كتبت بواسطة سالم الزهران
لو في يدي استعمله للغلاف الخارجي للحوائط الخارجية والداخلي كله طابوق عادي حتى يعطيني بس عزل كفاية
شغل بناء خشب يصلح لبيوت عزب بس يحتاج حماية خارجية عن الشمس بأي وسيلة .. المهم يعطينا فكرة عن مبادي بناء الحوائط الخشبية وحتى لبارتشن داخلي ينفع بسهولة
https://www.youtube.com/watch?v=BLk_CAMmQPc
الفلم فوق 3 ساعات بس فيه نصائح كثيرة وتفاصيل
عندما يكون التصميم الانشائي رخيص أو التنفيذ فيه سوء أو غش هذه النتيجة .. التصميم الإنشائي المدروس يكون متوازن بين الأمان وديمومة المبنى وتكلفة هذا النظام الإنشائي الزيادة كثير في جزئية معينة واغفال جزئية أُخرى بسبب التصميم أو التنفيذ معناه في الأول دفعنا أكثر من اللازم وفي الثاني ممكن نكون خسرنا المبنى بالكامل .. لذلك اختيار المصمم الجيد مهم واختيار المقاول الجيد والمتمكن مهم واختيار المشرف الجيد مهم
https://www.youtube.com/watch?v=gEBqB2V-ByI
شغل عالمي اعجبتني سالفة المطبخ
عندنا عدة شركات تسوي هذي النوعيات كلها ومن عشرات السنين بعضها سكرت وبعضها للحين شغالة وبنفس المطابخ تقريباً .. العملية سهلة وسهلة جداً حتى وتحتاج لنقل وأوقات لدرجة حرارة مضبوطة بحدود ال 25 الى 30 وترطيب دائم للخرسانة وفي المعمل الأُمور سهلة جداًاقتباس:
المشاركة الأصلية كتبت بواسطة سعود.
الوالد علي بن حمد العطية الله يغفر له يذكر لي العراقيل اللي تمت في بيوت الدفنة قبل حيث إن البلدية ألزمتهم باستعمال مياه آبار مالحة خربت الخرسانة بعد فترة .. المياه ضروري تكون مقطرة وخالية من الكلور والأملاح والمواد الأولية الحين تجلب من الخارج مثل القابرو والرمل عالي الجودة .. هذي لو تم استعمالها البريكاست بيكون أفضل خيار للبناء في قطر والمفروض يكون الأرخص لأن خرساناته مدروسة وبحديد قليل وغالبيتها مجوفة خصوصاً للأسقف .. لكن صناعة فيها طمع كبير وربح مضاعف أضعاف كثيرة
حبيت ما قاموا به شركة قطر ردي مكس بحيث يصبون كل قطع البناء في المعمل ويشحنونها للتركيب في الموقع يعني تحفر للأساسات وتركبها بكرين في يوم واحد .. بعدها تركب العمود في تجويف خاص له وبعدها الجسور وبعدها الأسطح الهولوكور أو المجوفة وبعدها بناء الطابوق يتم بأي طريقة .. ويقدرون يسوون أي تصميم تبغيه واللي تحتاجه كرين وكم عامل فاهمين ومدربين صح
ملاحظة البناء الجاهز يكون أقوى بكثير لأن بين العمود والجسور يكون فيه روابط معدنية مناسبة ببراغي قوية وغالية وهذي تعطيه قوة خيالية وتفرق عن الطرق التقليدية .. حتى لمواقف السيارات متعددة الأدوار أخطأوا في السابق بتركيبها بدون روابط في أمريكا وبعد زلزال وحركة جانبية طاحت القطع وصار انهيار كارثي .. الحين كلها مربوطة بروابط حديدية خاصة سواء للجسور أو للمواقف وتنبني في ايام معدودة واستوت مع مرور الوقت ارخص بكثير
للاسف عندي احباط من شركاتنا المحلية مع اني اكيد ماعرفهم كلهم omen
عيبهم قلة التطوير وضبط الجودة والمحافظة عليها .. والدعاية القوية اللي تخلي الشركة معروفة .. وبعضهم يشتغلون كم مشروع ويوقفوناقتباس:
المشاركة الأصلية كتبت بواسطة سعود.
في السابق اعجبت بمباني شركة العطية وكنت اسوق لهم تسويق مستحق واتعب وانا اقنع جهة شغلي ويقتنعون ويقولون لي جيب لنا عرض سعر .. توقف على عرض السعر واستغرب من الشركة يحسون إنه ما فيه جدية ووقفوا تقريباً .. آخر شغلة سووها عن طريق شركة المانع اللي اعرفها ويمكن سووا غيرها كانت تكسية العمارات اللي في مدينة حمد الطبية .. هذي كلها بنلات بريكاست كبيرة وثقيلة سووها وركبوها في وقت قياسي وكان سعرهم ارخص من سعرمعامل دولة غربينا
معلومات عن نظامين في العزل المائي للمباني الأمريكية وأكيد تختلف في المواد بس بدينا نستعمل نفس المواد منها في مبانينا هنا حتى لو بقلة
https://www.youtube.com/watch?v=p3q09-Thebs