يوتيوبيات البناء .. مقاطع تثقيفية متجددة

حبيت طريقة التمديد لبايب تصريف المطر الحكومي .. هذا المشروع فيه التصريف للمياه الجوفية وللمياه اللي في جوانب البيت وللمياه اللي تنزل من السقف تجمع كلها في خطوط بايبات تتحول لبايب واحد هو اللي يصب في خط الحكومة .. الحفر في الشارع هم سووه بقص وتعليمات ثابتة حسب الكود الخاص بهم واللي يكون وثيقة بناء معتمدة والكل يلتزم بها ومن لم يلتزم عليه مشاكل وغرامات كبيرة .. في النهاية صبوا خرسانة خفيفة وسهلة الحفر فيها وتكسيرها لو احتاجوا صيانة حتى ما يصير أي هبوط تحت الشارع .. وهذا تكلمت عنه مرات كثيرة خصوصاً في الصب حول منهولاتنا في شوارعنا .. تابعوه وطرشوله .. وله عائدة لأشغال والبلدية وكل جهة تسوي شغل ردي في شوارعنا

https://www.youtube.com/watch?v=TybkKZaytAk

هذي جزئية من بايب الصرف اللي ممدد في اسفل الحائط الخرساني الإستنادي الداعم للتلة خلفة وزينوه من جدام بحجارة كبيرة .. فوق هذا زرعوا فوق والمياه تنزل وتتجمع أسفل هذا الحائط وبتسبب خطر وثقل زيادة وبتخترق الحائط لو بقت لذلك سووا التصريف من تحت واللي شبكوه مع تصريف الحكومة

عندنا في العزيزية مسوين تصريف أمطار للشوارع .. يبونها نظيفة تلق بس فوق هذا طالبين من اللي بيبني يسوي صرف لمياه المطر في حوش بيته وكأن حوش بيته تركض فيه الخيل ويقدر يبعد المياه عن أساسات البيت .. المياه بتتسرب تحت وترجع للبيت والمفروض فيه آلية وإجراءات محددة لشبكها مع صرف مياه مطر الشارع الحكومية


https://www.youtube.com/watch?v=39dhQsQLVHc

https://www.youtube.com/watch?v=MKi-zWyyF5I

اقتباس:

---

المشاركة الأصلية كتبت بواسطة معماري قطري

https://www.youtube.com/watch?v=MKi-zWyyF5I

---

يبيله و بقوة!

اقتباس:

---

المشاركة الأصلية كتبت بواسطة SouthK

يبيله و بقوة!

---

الخال شرحه مب واضح بس المبدأ بسيط وسهل تطبيقه ومن النت تطلب كل شيء ويوصلك رخيص ولا حرامية التركيب عندنا

بالنسبة للنور اللي حق الفايبر اوبتكس فيه نوعيات ال اي دي تعمر انا ركبت لحوض السباحة وجاء خافت واحترق بسرعة هالوجين

هذا المبنى تقريباً أو خلوا نقول ممكن 100% متبع الحداثة في البنيان والتشطيب .. حتى الصبغ الأبيض بنوعية جيدة وطريقة صبغ حديثة مناسب ويعطي انشراح للمكان وبنشوفه أكيد بعد التأثيث والسكن

https://www.youtube.com/watch?v=EXaMVux-v-U

الدرج هشكل يعتبر اقتصادي ومفيد للرياضة بس مزعج لكبار السن ومتعب وخطر حتى .. الأمريكان يسوونه مرتفع وايد وعتباته ضيقة وانا دوم أحب الأرضية بين 28 و 30 سم وحتى لو زادت ل 32 أو 33 أحلى تكون وارتفاع كل عتبة ما يزيد عن 14 سم ولو أمكن 13 أو 12 أحسن .. الخدعة لزيادة عرض العتبة سهلة للرخام وللخشب لو عندنا خشب نخليها شوي ممتدة حول 3 سم لو سمكها 3 سم ونسويها نص دائرية من جدام أو ربع نشطف بس الجزء العلوي حتى ما ينكسر ولا يكسر بالبورسلان هذي الحركة مستحيلة من هشكل نسوي القاعدة بعرض يرضينا 28 زين لين 32 .. الإرتفاع نحسبه بعدين كم ممكن نسوي درجات كعدد لو وصلنا مثلاً 34 وعندنا إرتفاع 4.5 متر من أرضية الدور الأرضي بعد التشطيب لأرضية الدور الأول بعد التشطيب نقسم 450 سم على 34 عتبة = 13.24 سم تقريباً وايد بيكون مريح ولو فرضاً عرض العتبة طلع لنا 28 نقدر نلغي عتبتين ونزيد عرض الباقي .. عتبتين يساوون 28 + 28 سم = 56 سم نقسمها على 32 عتبة المتبقين كل عتبة تزيد بالضبط 1.75 سم يعني بتطلع كل عتبة 29.75 سم وهي قريبة من ال 30 .. زين كم بيطلع لنا ارتفاع العتبات .. نقسم 450 ÷ 32 هالمرة تطلع لنا كل عتبة ارتفاعها 14.06 سم أو 140 ملم وست أجزاء من العشرة من الملم


https://www.youtube.com/watch?v=ArFpOAqJ08Q

https://www.youtube.com/watch?v=dW4dWSi1nUc

فورت لودرديل شمالي ميامي منطقة هادية وقريبة من كم جهة زرت مرة شخص سوري تعرفت عليه وعزمني كان عنده بيت في جزيرة بس بيته عادي مب بهالمستوى

https://www.youtube.com/watch?v=hQmAgZc5Tak