اقتباس:
المشاركة الأصلية كتبت بواسطة Azizuk
جزاك الله كل خير، بأشوفهم ان شاء الله لما نشطب، اهم شي عندي الجودة اكثر من الشكل الجمالي
عرض للطباعة
اقتباس:
المشاركة الأصلية كتبت بواسطة Azizuk
جزاك الله كل خير، بأشوفهم ان شاء الله لما نشطب، اهم شي عندي الجودة اكثر من الشكل الجمالي
اقتباس:
المشاركة الأصلية كتبت بواسطة Azizuk
شفت الموقع مالهم وعجبني انها موديلات مودرن وهذا اللي ابحث عنه، جزاك الله كل خير على اضافاتك القيمة
مشكروين على الردود واهم شي في هذا القسم الواحد مايقصر بالمعلومات
لتعم الفايدة للجميع
والأحسن الواحد يروح من الحين عشان يحدد مطلبه
لان السباك بيعور روسكم بعدين بطلباته
الاحسن يتم تحديد نوع ومواقع الشورات وإذا راح يركب المراحيض المعلقة واللولوف الظاهره من الحائط للمغاسل وحجم الشور
وإذا يبي شور فوق الرأس من السقف وإلا ظاهر من الحائط وإلا يبي يركب انارة مع الشور
كل هذا يحتاج ترتيب مسبق
التأخير في الاختيار معنى تكسير وتعديل في وقت التشطيب مثل ماحصل معاي
هذا غير تكلفة التعديل
ما تقصر إِخوي عبدالعزيز تعجبني :nice: غطيت ما شاء الله على معلوماتي بمعلوماتك الحديثةاقتباس:
المشاركة الأصلية كتبت بواسطة Azizuk
والسوق لازم نعرف إِنه متغير وما فيه سعر ثابت ولا جودة ثابتة ووحدة .. إِحنا نطلع وممكن نبدأَ بتخطيط الحيز الصغير والدائم الاستعمال اللي هو دورة المياه والمطبخ .. ونحاول نحط الأَنسب ثم نبحث عن المواد المناسبة ونعدل التخطيط تلقائياً ليناسب ما اخترنا.
المهم الواحد ياخذ احتياطاته مبدئياً في التمديدات وزيادتها حتى ما تكون عنده مشكلة ويقدر يلغي بسهولة لكن الإِضافة تكون صعبة .. مثل الشاور اللي بإِنارة يحتاج لخط كهرباء مخصص له .. الجكوزي والستيم كذلك .. وللمطابخ مروحة الشفط والأَفران تحتاج قوة معينة .. التكييف ومكانه بحيث ما يكون موجه على الفرن .. الأَفران وشنحتاج له .. البعض يسوي تنور خزف وطلعت لنا أفران تخصصية مثل أَفران البخار .. وأَنصح الكل يتبضع صوب بوش عند ناصر بن خالد وأَماكن التجهيزات المختلفة .. وفكرة حلوة يخلي عنده مجال للتنويع خصوصاً بترتيب موقع وسطي لجزيرة حق الشغل.
من ملاحظاتي إِن مطابخنا وبعض حماماتنا كبيرة بقطع بسيطة .. والمفروض هو تنويع المعدات وترك مجال للمرور بينها بسهولة وبدون مساحات مفتوحة كبيرة بدون داعي .. يستوي الواحد مسكين بتعب وهو رايح يجيب شيء من الثلاجة لمنطقة الفرن للمغسلة .. فهذا المبدأَ على بساطته وقدمه الا إِنه يتكرر في كل مطبخ .. وانا من رأَيي نظام الخطوة ونص مهم بين الكاونتر والجزيرة الوسطى ( 100 سم - 130 سم ) وممكن حتى تقل عن ذلك.
الغاز دوم نخليه خارجي ونمدد له بايبات نحاس بدون وصلات نهائياً من الخارج .. أَو البايبات الخاصة به المرنة بحيث الدكت اللي للتمديد يكون بحدود 4 أَو 5 سم ويكون منحني ومتواصل بين برا وداخل بدون كسرات 90 درجة حتى يسهل توصيل البايب للداخل بدون وصلات تسبب التسرب .. وكشف التسرب بجهاز خاص ضروري وكذلك تجهيز كواشف الحريق وربطها ببعض حتى لو صاح جرس يشتغلون باقي الأَجراس وينذرون كل من في البيت .. والدفاع المدني ما قصر بهذا الخصوص .. فقط مقصرين في الروضة اللي جنب بيتنا وينك يا مديرهم بو محمد تجي تشوف.
وين الله يسلمك معماري قطري نغطي عليك
انت مقامك عالي وانت الاستاذ وانت اللي نتعلم منك وتنورنا بمعلوماتك
انا الا بس جذي حب المعرفة لان مجال مواد البناء يديد على
والمحلات العالمية الحلو فيهم أسعارهم ثابتة وعالمية
والمحل اللي حطيته بضاعتهم متنوعة وتناسب جميع الفئات يوجد عندهم فئة اقتصادية و فئة راقية بنفس الجوده
الاختلاف في الشكل والفخامة
وكل مايخطر في بالك من مواد صحية موجوده وبأشكال ترضي الجميع
وميزة ثانية ان اللي مش متوفر ينطلب من دبي لان مركز تخزينهم في منطقة الشرق الأوسط جبل علي
يعني اي طلبية تحتاج 10 ايام بالكثير وتوصلك البضاعة
المحلات الثانية اذا قالك طلبية اقل القليل 3 شهور ومش أكيد
طلبت لي حاجة من نابينا قالي ماراح اضحك عليك بس الطلبية تأخذ عندنا 6 شهور لأنهم يتعاملون بالطلبيات الكبيرة الا اذا بتدفع على حسابك الشحنة عن طريق الجو
اي محل اروح له اساله اذا بالطلب مابي اشوفه لأني كنت مع واحد من الشباب وكان يشطب
ومسكين كان يدفع لهم وينتظر وآخر شي يتصلون له يقولون تعال غير طلبك
اي شخص بيشطب لا يأخذ حاجه بالطلب
الا اذا بيطلب الشي بوقت كافي او يقتنع وياخذ المتوفر
وشاكر لكم جميعا
معرض قطر الدولي لتكنولوجيا تغطية الأرضيات والحوائط
تحتضن الهيئة العامة للسياحة بمركز الدوحة للمعارض معرض قطر الدولي لتكنولوجيا تغطية الأرضيات والحوائط 2015
المعرض وقت الافتتاح الرسمي 11 صباحا يوم الأربعاء بتاريخ 4-2-2015 الى 6
على مساحة 5000 متر مربع
مواعيد العرض من الساعة 1 ظهرا حتى 10 مساءً
المعرض سيقام للمرة الاولى وهو متخصص في مجال تركيب الحوائط والقواطع سابقة الصنع و الاكسسوارات والتجهيزات الخاصة بها وايضاً في مجال الأرضيات بمشاركة شركات محلية واقليمية ودولية متخصصة في هذا المجال
المنسق الرئيسي : فيصل دياب
والمنسق المساعد : محمد الشافعي
http://qatarcovertech.com
مشكور إِخوي عبدالعزيز ما شاء الله عليك إِنت متحرك أَكثر مني وعندك أَخبار طيبة .. بس لتنساني انا مرافقك في المعرض وبوضح لك اللي اقدر عليه إِن شاء الله
اقتباس:
المشاركة الأصلية كتبت بواسطة معماري قطري
أتشرف بمرافقتك اخوي معماري
انا ان شاالله يوم الافتتاح الأربعاء الظهر بعد الدوام بحاول اروح قبل الزحمه
اذا حاب نتواعد نروح سوى او نتلاقا هناك
اللي تشوفه انا ما ادري أَي مركز اللي صوب قطر فاونديشن أَو اللي في الخليج الغربي؟ يمكن يبي له زيارتين بعد لو كبيراقتباس:
المشاركة الأصلية كتبت بواسطة Azizuk
معماري وعزيز والاعضاء البقيه
انا بيتي توه مخلص عظم والحين بلاستر وتمديدات
واليوم كلمني الفيتري وواعدني السبت عشان تمديدات الحمامات واعتقد المطابخ
ابي نصايحكم لاني اول مره ابني
وانتوا ماشاء عليكم خبره في هالمجال
ابي نصايحكم اليوم رحت البيت وحددت اماكن الشورات والمراحيض
بس مادري اذا في شي ممكن تنصحوني فيه
اكون شاكر ومقدر