https://www.youtube.com/watch?v=MK74VgJ50PA
عرض للطباعة
ولد القفاري نشيط.. وتعليقاته احترافية.. مشكور بو عبد الله
ههههه أذكر تعليقك قبل بس صدقني لو مواضيعه ما تستاهل ما نقلتها مع بعض التعليقات والتصحيح .. وهو مقاول وتاجر ومسوق وهذا شيء زين والله يوفقه في هذا المجال المتعب هو صج من القلائل العرب اللي ينشرون المعرفةاقتباس:
المشاركة الأصلية كتبت بواسطة سالم الزهران
هذا لك يا سالم وعليك الترجمه
https://www.youtube.com/watch?v=ESmNn1cVRMY
تصميم فيلا حجر حبيت تفاصيله وطريقة الاظهار يبين حقيقي
https://www.youtube.com/watch?v=5B81PTFy55U
يعطيك العافيه بو عبدالله
عندنا مثل يا معمارينا يقول : الفلوس شكت راسها.
يعني ما تشجعك ولا ودك الواحد يبتكر في البنيان.
جزاك الله خير يا بو زيد
مثل ذيه البيت انا باحتاج لغرفة سايق مع الباب وابي الباب ساتر وأكيد متطلبات كثيرة غير
اليوم حضرت اجتماع مع استشاري وعميل تمينا حول ساعتين ونص نقاش مستمر وزين العميل فهم شاقصد وأيد مقترحاتي أو غالبيتها .. الحمد لله كان اجتماع مثمر والقصد إن متطلبات كل شخص تختلف وإحنا واجبنا نوضح أي شيء خافي عليه
تعليق على الفيديو الأخير .. بالنسبة للتربة الطبيعية والارض المحفورة لعمق الحجر ونشوفها يابسة حتى بالعين نبني واحنا متطمنين حتى لو عمارة بارتفاع بسيط .. لأن دوم يبالغون في حجم الأساسات فالوزن يتوزع على الحجم ويقل الضغط على التربة .. بعدين الأوزان تقديرية ومضاعفة للأمان ومستحيل يوصلها المبنى الا لو خزنا فيه أشياء ثقيلة جداً
لو بنبني بنيان عالي وكبير أكيد هذي الاختبارات ضرورية
يعطيك العافية معمارينا المثابر... الا امس كنت بمجلس وفيه مجموعة اخوان وفيهم مقاولين و كنا نسولف عن التشققات اللي تطلع في الجدران بعد الانتهاء من اعمال البناء.. او في الاشهر الاولى للسكن.
مقاول يقول.. هذي التشققات الصغيرة طبيعية ومحد يقدر يمنعها وممكن تتعالج بسهولة.
مقاول ثاني يقول هذي (ترييحة) يقصد وزن البيت يوصل لمستوى الثبات او شيء من هالقبيل.
هذا الاخير حسيته من اجابته.. بياع كلام... شلون ترييحة؟ يعني انت باني على ارض مب مدكوكة ولا فارش خرسانة!
كل يطلعون لنا بمصطلح جديد؟
ترييحة مصطلح مصري فاشل
الأهرام سوبر ثقيلة ولا ريحت وبيوت كثيرة وعمارات .. فيه ناس كثيرين في هذي الشغلة خبراء في التبرير والتبربير
اللي يصير الله يسلمك البعض يبني بطريقة هو مخترعها مثل اللي يبنون الطابوق قبل ويصبون الأعمدة بعدين .. الخرسانة تتمدد شوي بعد ما تنصب وهي تجف وتسوي ضغوط خيالية على الطابوق وتسبب هذي الشلوخ وتكون مجهرية تكبر مع الضغوط الحرارية من تمدد وانكماش
بعضهم يبني الأعمدة قبل بس يركب الطابوق حشو أي كلام بدون أي روابط معدنية وبمونة قليلة أو مونة ضعيفة حتى ضغط الهواء يسبب كراكات في الحائط
الحمد لله بيتي انبنى صح وكذلك بيتين حق والدي الله يرحمه وكذلك بيت اخوي الله يرحمه والحين اعتقد دخلت على 15 سنة والحمد لله شلوخلس أو بدون كراكات .. خصوصاً داخلياً في الخارج لأن طبقة الطابوق الخارجية غير ومعرضة لعوامل الجو استوت شلوخ اللي تسمى شعرية Hairy Cracks وهذي يغطيها الصبغ الجديد وتكون محدودة جداً وتقدر تسميها آثار شيخوخة في البلاستر
يمكن أخطر أنواع الشلوخ هي اللي تصير في جسر حامل للسقف وتكون قرب العمود وبزاوية 45 درجة وتكون متسعة في الوسط ويقل اتساعها مع طول الشلخ وتعتبر انذار أولي بانهيار قادم لو زادت
مساء الخير بو عبدالله
والله يجزاك خير على الإيضاح
لك باقة ورد لانك رجل معطاء
(مشموم وبعيثران)
مشكور يا بو زيداقتباس:
المشاركة الأصلية كتبت بواسطة سالم الزهران
شوف هذا القصر وركز في الأقواس اللي مكرره فيه حتى في النوافذ والأبواب
https://www.youtube.com/watch?v=aWSc8_JGcI0
طريقة بناء حديثة لكنها غير موفرة وبالعكس غالية .. الميزة ممكن تكون سريعة وتعمر عمر طويل ولو تم توفير خرسانة ضعيفة ورخيصة ومدروسة بحيث تكون اقتصادية وكافية لدعم الجدران الاستنادية والحاملة وأتوقع إذا ابتعدنا عن المبالغات هي كافية .. في هالحالة بتكون منافسة للطابوق والبنيان التقليدي
https://www.youtube.com/watch?v=OLA4TqpXDMQ
بناء بيت خشبي معزول من البداية للنهاية ( سلسلة مقاطع هذا الأول )
https://www.youtube.com/watch?v=xqCj0kNPsbQ
هذا القصيمي لك يا سالم شوف شغل الاستراحة والمعرض ولو تابعت فيديوهات سابقة بعد فيها شرح لهذا التصميم
أذكر تكلمت عن هذي النوعية من البارتشنات السهلة والخفيفة لغرفة ملابس في موضوع مراجعة المخططات المعمارية وكان صاحب التصميم مستصعب الفكرة ولا استساغها
https://www.youtube.com/watch?v=cAVgj9YRmXo
I bid 4.5 millionاقتباس:
المشاركة الأصلية كتبت بواسطة معماري قطري
:telephone:
من زين المطبخ ما اظن تعطيك نفسك تطبخ فيه ههههه
مساحات البيت وموقعه استثنائي بعدين هذا شيبي في الجم والاجهزة
يكفيه النسيم والتشمس و مشي في المرتفعات ذي
أظن بيجي وقت يبدأ الناس يستخدمون اسقف وجدران جبسية قابلة للفك بحيث تغير التصميم الداخلي.اقتباس:
المشاركة الأصلية كتبت بواسطة معماري قطري
اليوم عندنا جدران واساسات جدرات قابلة للفك والتركيب ونت عليك تشطب مثلما تبغي.
خلني اقول أنها ممكن تستخدم كعناصر تحكم في مساحات الصوالين واماكن الاستقبال.. لان فعلاََ ودنا نغير اللي يشوفونه الناس.
هذا نظام زين ويقول في 59 يوم خلص البيت عظم .. تقدر تستخدم معاه الحوائط الجبسية الداخلية .. هذي قريت عنها كتاب مفصل واذكر يستخدمون دبل جبس من الجهتين أو طبقة وحدة ويقيسون انتقال الصوت ويستخدمون حشوات مختلفة ودعامات خشبية أو حديد سي شانيل .. بدال الجبس بعد تقدر تستخدم خشب مارين بلايوود عملي وقوي وسهل تصبغه بدون بلاستر وسهل تمدد الكهرباء والمياه في التجويفاقتباس:
المشاركة الأصلية كتبت بواسطة سالم الزهران
الزين انهم قريبين منك وانا تذكرتك يوم شفت الفيديو وهذا على مسؤوليتي يعطيك عزل خارق
الكلام السابق بخصوص هذا الفيديو بو زيداقتباس:
المشاركة الأصلية كتبت بواسطة معماري قطري
أما ذاك بعد شغله احترافي وفنان
حلوة التصاميم الحديثة
https://www.youtube.com/watch?v=Y4dXuy_Pz4I
نوع من الخرسانات الجاهزة معمولة بحبيبات الفوم بحيث تكون عازلة وخفيفة الوزن
https://www.youtube.com/watch?v=6gLPv9Fkmb8
شغل طابوق كله أخطاء مع توضيحها
https://www.youtube.com/watch?v=8jq8zIOK_Z8
مهم للي يبنون
اللي يستهين بشغل العظم ويهمل الاشراف ويختار مقاول رخيص كأنه يدفع فلوسه في شراء ضرر له مثل الزقاير
https://www.youtube.com/watch?v=26BbKDqmTug
عجبني شغل الفلة ذي.. لو مساحتها تسعمية عيل شلون بتطلع.
بو زيد عندكم التخطيط قوانينه لصالح الملاك .. وشفت الزاوية الهابطة مسوية جو والبيسمنت كله مفتوح على الجهة الخلفية .. يعني حوش بالكامل نازل .. بعدين التدرج في المستويات حلواقتباس:
المشاركة الأصلية كتبت بواسطة سالم الزهران
عندي صديق الله يذكره بالخير طيار وحول سنتين انقطع عني كان مسوي تصميم تحفة وحظه بيته على منحدر أو حزم سوى البيسمنت حوشه نازل ومفتوح على الخلف وسور البيت ورا حول 6 متر مرتفع وسوى صالة وسطية بمستوى أقل من باقي البيت طلعت سقفها عالي وايد لكن لازم تنزل لها بكم عتبة .. مسوي تصميم خرافي واتوقع بدأ يبني حتى في الأخير سحبه من الاستشاري وعطاه مهندسة ديكور ايطالية تتابع فيه بالكامل
هو ارضه كبيرة وعندكم التخطيط يحترم الارض الصغيرة ويسمح باستغلالها أفضل استغلال ونفس الشيء في الكويت وكذلك عندكم ميزة الارض القوية والمياه الجوفية العميقة
يعطيك العافية اخوي بو عبدالله.. ودي اتخيل الافكار اللي تقترحها.. لكن للاسف اذا ما شفت فيديو ما كني شفت شيء... والله عالمكم جميل حده و البيت الجميل من نعيم الدنيا.
الله يعافيك اخوي بو زيداقتباس:
المشاركة الأصلية كتبت بواسطة سالم الزهران
انا الله يسلمك اذا اندمجت في تصميم معين تحصلني ما يجيني نوم وافكر في تفاصيله طول الوقت .. مقدرة المعماري على الخيال وعلى عيش هذا الخيال صعب يحصلها أي حد بسهولة وتحتاج تعمق في هذا العلم وعلاقته بالعلوم الثانية
أوقات يوصل بي التخطيط إني اسوي الفراغ بسكيل واقعي 1 لواحد وافكر شلون باوزعه وباعيش فيه .. وأوقات تحتد تفكر بعقل طفل صغير والا باحتياجات شيبة أو عجوز .. والأهم تفكر في حركة الإنسان العادية واليومية حتى المطبخ يحتاج تفصيل ومقاسات مريحة لسهولة الحركة فيه .. وتطورت المطابخ بعد ما كانت خارجية وصدقني في اوروبا كانوا يطبخون في زاوية خارجية بدون سقف .. تطورت هذي المطابخ لين صارت تعتبر اتصال لصالة البيت وطاولة الطعام في حيز معيشة واحد
الإنسان صعب يشذ عن المنطق والشيء العملي الا الجاهل .. واحد يقول مثلاً ابي غرفة 12 في 8 .. اسئله كيف بتوزعها وشتبغي فيها؟ يتورط بعدين يقول احب السعة والمشكلة ما يتخيل المساحة ولا شكثر بيتعب للتنظيف وللتكييف ولأُمور الحياة العادية حتى المسافات فيها بعيدة .. في النهاية سكن في بيت كامل مساحته الارضية حول مساحة الغرفة وكل شيء بحدود زين حتى المبالغات حلوة لو جات في محلها .. مثلاً بدال ما ابني غرفة بهالمساحة ابني بنتهاوس شقة كاملة للمستقبل أو شقتين لو قدرت كل شقة غرفتين وصالة وخدماتها
كلامك جميل اخوي... الله يوفقك
كلام المهندس فيه شيء من الصح بس أفضل ما نغير وقت التنفيذ الا في أضيق الحدود .. تخيل المخطط والمساحات سهل جداً بالمقارنة مع شيء موجود ولو الاستشاري عمل مخطط للأثاث بمقياس رسم حقيقي .. يعني ما يحط سرير مقاسه متر في متر في غرفة 3 متر في 4 متر .. بتبين لنا كبيرة جداً ولا يجيب لي سيارة مصغرها حتى تناسب مساحة 2 في 4 ويبين لي إن المساحة تكفي لعدد سيارات وهي في الواقع لو تنفذت بتطلع صغيرة جداً تكفي لدراجة نارية .. والا يسوي مواقف تكفي بس سيارة لاصقة في سيارة صعب تفتح الباب .. وبعضهم يسوي حمام كبير وفي النهاية احتياج المالك 3 قطع تكفيها مساحة 2 في 2 أو 2 في 3 تطلع مبحبحة على الثلاث قطع
https://www.youtube.com/watch?v=uwFtK3PaL6A
بعض الملاك الله يهداهم يجي وقت البناء ويقول للمقاول اهدم وسع الباب ليش صغير وهذي المقاسات لو صممت من البداية صح واتبعها المقاول المفروض تنتظر النتيجة النهائية .. عرض 90 سم مناسب كفتحة انشائية وطبعاً تصغر بالفريم حول 7 سم والا شوي أكثر وحتى 70 سم صافي عرض كفاية ولا يضايق .. باب مدخل ومطبخ ومجلس أكيد لازم نكبره شوي