-
في شي غريب بموقع اوريدو...
تعرفة الاسعار للميجا = 55 درهم... اخبرها كانت 10 دراهم. طيب زدتوها وماعلمتونا..شغلكم عدل.
لكن في صفحة اخرى لتعرفة الباقات..يقولون السعر 10 دراهم...حلو ..طلعتو شركة عالمية.
الخمسمائة وخمسون سعر الجيجا بالحسبة الطيبة
مائة ريال السعر بالحسبة العالمية
-
والله غريب اغلب الناس تعاني من الظلم في الفواتير ولا مجيب
حاليا فاتورتي المطلوبة مني المؤجلة 653 ريال كلها ثمن القيقا وشوي ميجا بايت
وما فيه مسؤول ولا حد تعرف تجيب حقك منه
غير موظفي الكول سنتر ..
انا لغيت الباقة واخترت باقة ب 35 ريال الموظفة تقولي ما تناسبك قلت لها
بتصرف .. افضل شي برامج الاتصال ..
-
انا مثلك اشتركت بالباقه 250 و 100 مفتاح دولي
خلال شهر دفعت 1500 ريال
عندي كرت فودافون وباقة ال 350 وكل شهر ما ادفع ريال زياده
طبعا فودافون نت وبلاك بيري وبطاقة باركنق وصالات المطار
مافي مقارنه مع اوريدو اللي كل اسبوعين يقطعون الكرت ويقولون استخدام زياده
-
السلام عليكم
للاسف الفاتورة صحيحة ليس دفاعا عن اريدو ( لا ناقة لي فيها ولا جمل )
معروف انا باقات الشهري تعطيك نت مجاني الباقة 250 تعطيك 1 جيجا في الشهر مجانا
ولكن يا ويلك اذا تعديتها يحسبون لك الواحد ميجا تقريبا 55 درهم يعني 1 جيجا ب 550 ريال ( في حالة الزيادة )
ولكن لو انتا شريت كارت نت يعطونك 6 جيجا ب 100 ريال
طبعا انت مستغرب ليش 6 جيجا ب 100 ريال و 1 جيجا 500 ريال
هنا تعاسة نظام اريدو المحاسبي ( لانك استخدمت 1 جيجا بدون اذن ولا سابق انذار فيغرمونك كل ميجا ب 55 درهم )
وهنا على كل مستخدمين الباقات الشهرية يجب كل فترة يشيكون على جوالاتهم ايش اللي يستخدم النت على الشريحة لان بعض الالعاب والبرامج ممكن تنزل لك 1 جيجا في يوم ( خاصة اي شي يحتوي على فيديو ) وتتحكم فيها عن طريق celleuar في الايفون ايش البرامج اللي تشتغل على الشبكة
فلا تغتر بتفسك تقول 6 جيجا هيكفوني شهر او اكثر الا ممكن تخلصها في يوم وانت ما تدري
فالافضل اللي يستخدم النت بكثرة مع الباقة يشتري الكارت بو 100 ريال يعطية ( 6 جيجا ) ويخلي باله من البرامج اللي تستخدم النت
بس انا مستغرب من شي واحد واعتب على اريدو فيها المفروض عند وصولي الليمت يفصلون الخدمة اتوماتيك يعني عند 1000 ريال خلاص الفاتورة توقف
الا يخلونها شغالة حتى لو مسافر ولمن تيجي تلاقي عليك 5000 او 10000 وانت ما تدري
الحمد لله اني قاعد لهم بالمرصاد اراقب استخدامي عن طريق برنامج اريدو عالايفون كم استهلكت من الدقائق والميجا وكم المتبقي لي في الباقة الشهرية
بالتوفيق للجميع ان شاء الله
-
ماينبهونك اول ماتختار كم سعرها في حالة الزياده
هاي كمين الله يسلمك
:)
-
اخوي رحال ..
نصيحه ادخل اليوزر نيم او الاكوانت الي في اوريدو وشيك بنفسك اذا استهلك ولالا ..
لانهم نصابين ..
صارت لي نفس حركتك جاتني فاتوره انترنت 700 ريال !!!!!! وفاتورة المكالمات ب 200 ريال
رحت اشيك على استهلاك النت تفاجئت بان يوم يخصمون من الباقه ويوم من حسابي فاتوره
طبعا رحت ارجعهم ( تفاجئة بالموظف الذكي يقول ) ان الاستهلاك الي يطبع فيه 00.00 يعني انت شابك wifi !!!!!!!!!!!! كنت بموت من الضحك
قلت حبيبي هذا معناتها انا مستهلك من الباقه .. واذا انا عديت الباقه راح يطلع المبلغ ةمبلغ الاستهلاك ..
قعت معاهم شهر اخر شي ان الغلطان ...قالوا انت حولت من الباقه
واحنا سوينا عرض وتحول الرصيد ووووووو !!!
-
دفعوني اليوم 400 ريال استعمال انترنت زياده مع ان الانترنت في الباقه ما اخلصه وصار لي سنتين ولا خلص بس قدمت شكوه وقالوا الit شيكوا وانت استعملت فعلاً بس شاك في الموضوع
-
جزيل الشكر لجميع الاخوة والاخوات
لابداء رايهم ومشاركتهم بمشاكلهم مع اوريدو
وللاسف اوريدو ما تتماشي مع الشفافية وحقي العميل
حتى موظفين الكول سنتر مساكين كل واحد يقول راي
ولا هم فاهمين .. العلة والمشكلة في موظفي التقينات
هما اساس بالبلاء في الموضوع ..
-
عادي وجدا عادي
اليوم الصبح اكتشف ان خطي مقطوع وما طرشوا لي التنبية الا عقبها بساعتين
شكرا اوريدو :)
-
نار اوريدو ولا جنة فودافون