السلام عليكم ورحمة الله وبركاته ..،
عيد الله مبارك عليكم جميعآ وعساه ينعاد عليكم وعلى جميع المسلمين من عام لعام وانتم بخير وصحه وعافيه . وتقبل الله منكم صالح الأعمال .
أخوي معماري جدا أعجبتني فكرة قناة اليوتيوب
( متحمسين ) لها جدآ بتوفيق .
عرض للطباعة
السلام عليكم ورحمة الله وبركاته ..،
عيد الله مبارك عليكم جميعآ وعساه ينعاد عليكم وعلى جميع المسلمين من عام لعام وانتم بخير وصحه وعافيه . وتقبل الله منكم صالح الأعمال .
أخوي معماري جدا أعجبتني فكرة قناة اليوتيوب
( متحمسين ) لها جدآ بتوفيق .
عساك من العايدين إخوي سعود والله يتقبل طاعتكاقتباس:
المشاركة الأصلية كتبت بواسطة سعود.
هي مغامرة مفكر فيها من زمان لكن مثل ما قلت لك متردد وان شاء الله ابداها وكمشاركة في هذا الموضوع
لاحظ المقاطع متوافقة مع ما نمر عليه في موضوعك انتبهوا من المقاولين
جهاز لكشف تسريب الماء داخل أنواع الحوائط
https://www.youtube.com/watch?v=H5RtWrvC6-A
مقطع قصير عن ترتيب بلاط الحمام
https://www.youtube.com/watch?v=_WwdwjLA-Pg
متى بيوصلنا هذا !!!!
http://mobile.twasul.info/233811/
هذا اخوي سعود غبار الدوحة بيخربه بسهولة .. فيه قريب منه في كارفور بس اعتقد للتخزين مب للسيارات .. أحسن شيء الطبيلات المعدن القماش تهتري بسرعة وتجمع الغبار ووقت المطر ينزل على شكل طين فوق السيارة.
شوف موضوع كتبته عن مظلة سيارات مسويها وملبس الحديد اسمنت بتشكيلات حجر وجذوع شجر وتقدر تركب باب للطبيلة أحسن بيكون.
كنت ادور عن عزل البيسمنت وحصلت مقاطع وايد .. هذا يوضح لنا طريقة العزل الخارجية مسوينها داخلية وبطريقة شوي تختلف أَرجو متابعتها للاستفادة .. ونشوف كذلك كيف البيسمنت بسيط ومعتبرينه هنا مخزن ولخدمات التدفئة وتمديدات المياه والصرف الصحي.
https://www.youtube.com/watch?v=RN4GqMktanA
هذي متابعة للمقطع السابق .. وفي المقطع السابق البايب البلاستيك بيجمع الماي بسلوب بسيط لخزان ماي فيه مضخة تشتغل بعوامة متى ما امتلى لحد معين وتصرف الماء للخارج .. الفكرة ممكن تطبيقها بسهولة من الخارج أَو الداخل وتحتاج حفر أَكيد من الخارج وتكسير جزئي من الداخل .. ولو الأرضية مثل اللي عندنا حديد وخرسانة وصعب تتكسر نقدر نسوي البايب خلف بارتشن جبس أو خشب أو حتى طابوق ونستعمل طريقة مقاربة للطريقة المشروحة .. ومن الخارج أَفضل فهو يمنع المياه من النفاذ للجدران.
https://www.youtube.com/watch?v=XR_GsF4erpQ
توضيح للمضخة وشلون يتجمع الماء من عدة بايبات .. هذي لازم يكون حولها كسر حجر ( كنكري ) حتى يمر الماي للبيب وينزل بالجاذبية لخزان الصرف وفيه المضخة تشتغل لو ارتفع الماي تماتيك وتصرفه .. لازم فتحات البيب تكون معزولة عن دخول الرمل والطمي وسدها مع الوقت .. ممكن العزل بنوعيات كثيرة حتى لف البيب بقماش قوي أَو القماش يوضع فوق الكنكري حتى ما تتسرب التربة له من فوق مع الماي.
البايبات والمضخة نظام فعال وسهل وممكن نسوي له منهول خاص للفحص والصيانة داخل البيسمنت .. وممكن البايبات هذي تجي تحت الصبية الخرسانية حتى تمنع نفاذ الماي من تحت .. المياه الجوفية يعني .. فنكون حمينا الأرضية كلها وجدران البيسمنت من أَي رطوبة قد تتسرب حماية فعالة وأَكيدة وفي رأيي بتكون رخيصة .. لأَن البايبات تدفن تحت بس يحفر لها قبل صب صبية التأَسيس.
وهذا تشبيه بالرسم لطريقة التصريف الداخلي .. وبسهولة نقدر نسوي تصريفين داخلي وخارجي .. الخارجي في رأَيي أَهم لأَنه يسحب الماي من تحت أرضية البيسمنت ومن الجوانب وممكن خزان الصرف والمضخة نخليها داخلية لسهولة الصيانة وهي نفس مضخة المياه العادية ولا اتوقع تخترب بسهولة.
https://www.youtube.com/watch?v=QlUZwwKDqXo