الله. يسلمك
امين الله يسمع منك
الله. يسلمك
امين الله يسمع منك
غير البشر نبي منك خدمه الله لايهينك
ابي تشرح لي طريقة القطارات بلندن وبالاخص اذا انا بكون في الاكسفورد وابي اوتجه للاوت لت
ماشاءالله موضوع حلو وجهد تشكر عليه
يعطيك العافيه
ياهلا ومرحبا اخوي
في تقريبا 9 اوت لت اخترت لك اقرب اثنين بالسنبه للندن
وبحط لك الخارطه تبين لك موقعهم عن لندن
وبحط لك روابط الاوت لتات ادخل الروابط وشوف الماركات الموجوده بكل اوت لت
واختار اي واحد يعجبك او اذا تبغي اثنين انا حاضر وعقب بحط لك ترتيب الرحله بالقطار من اكسفورد :nice:
الخارطه
http://im17.gulfup.com/kx2B1.png
-1-
Bicester Village
هو الاوت لت الاشهر في لندن وهذا الرابط
http://www.outlet-malls.eu/shopping-...r-village.html
-2- Swindon Designer Outlet
وهذا رابط الاوت لت
http://www.outlet-malls.eu/shopping-...er-outlet.html
انتظر ردك بأختيارك وبرتب لك مسارك اخوي :victory:
يعطيك الف عافيه اخوي وادري ازعجتك وياي ..
بغيت بيستر فيلج ..
مرحباا اخوي
تروح محطه الاندرقراوند في اكسفورد (Oxford Circus )
تنزل في محطه القطارات اسمها ( marylebone)
وهذي خاطرطه الاندرقراوند
http://im19.gulfup.com/MA2r1.png
وبعدها تاخذ قطار الى محطه بستر تاون (Bicester Town )
وهذي خارطه المحطه ومحل الاوت لت في بستر فلج
http://im29.gulfup.com/dTg72.png ]
وهذا حجز القطار السعر + زمن الرحله
http://im29.gulfup.com/5bzh1.png
اي استفسار اخوي انا حاضر انت تامر بس :nice:
يعني بس ناخذ اللي بالاكسفورد وننزل في محطة بستر تاون ؟
طيب وبعدها شلون نروح للمنطقه نفسها ؟
هههههههههه صباحك ورد :shy:
لا ماتنزل على طول
المحطه الي في اكسفورد تنزلك في محطه قطارات مارلي بون قريبه من اجول رود
ومنها تاخذ قطار وتروح بها الى بستر تاون
او اذا تبغي تروح بالتاكسي من الفندق ينزلك في محطه مارلي بون وبعدها تاخذ قطار الي بستر تاون
يبغيلك ساعه من لندن الى بستر تاون بالقطار
يعطيك الف عافيه اخووي ماقصرت ..
مرحبا اخوي غير البشر
كيف حالك اتمنى انك تكون بصحة و عافية
واحد من الربع يبي يسافر من لندن الى ميونخ بطيران اقتصادي ( رخيص )
قلت له لا تبحث و لا تسأل عندنا غير البشر ما شاءالله خبرة و ما يقصر الله يوفقة و يسهل له اموره هو اللي بيجاوب على سؤالك و بالتفصيل
فأرجوا أخوي ما تتأخر علي بالرد خصوصاً انه بسافر أول الشهر لندن و يبي يخلص حجزة لميونخ قبل ليسافر و هو يبي يروح ميونخ تقريباً في يوم 12 من يناير
لك جزيل الشكر
ياااهلا ومرحبا اخوي العريق
بخير الله يسك وانت اشحالك عساك طيب
ان شاء الله ابشر من عيوني الله يسلمك
هذا ارخص سعر بالنسبه للطيران العادي
السعر 441 ريال ون وي( ذهاب فقط )
وهذا الرابط
http://www.skyscanner.net/flights/lh...uary-2013.html
وبالنسبه للطيران الاقتصادي بس المشكله ان الطياره تقلع من مطار كاتويك تقريبا ساعه وشي من وسط لندن
سعر التذكره ون وي ( ذهاب فقط ) 221 ريال
وهذا الرابط
http://www.easyjet.com/EN/Booking.mvc
اي شي او ملاحظه انا حاضر الله يسلمك :shy:
و الله انك كفو و ما تقصر
بعد بنكثر عليك شوي
بس انت كريم و احنا نستاهل ههههههه
لو تعمل لنا سياحة في ميونخ و ما حولها من مدن قريبة لمدة 6 ايام
نكون شاكرين لك خصوصاً ان الواحد اول مرة يروح ميونخ و بعد يبي يروح زلامسي
و جزاك الله خير
أخوي غير البشر الله يسعدك
اذا تعرف مطاعم حلوة و مميزة في ميونخ و قريبة من السنتر
و أماكن تستحق الزيارة لا تبخل علينا
و مشكور مقدماً
أخوي وينك عساك بصحة و عافية ؟
أخوي غير البشر
ابي اسئلك ايش رأيك في فندق Courtyard by Marriott Munich City Center * *
صباح الخير :victory:
اكيد تستاهل انت تامر الله يسلمك هههههههه
بخصوص ميونخ وماحولها
فندق الماريوت الي بيسكنه رفيجك مكانه زين وقريب من محطات القطارات
شارع المشاه في ميونخ ( مارين بلاتز)
وجنبه المارين شارع الماكسي مليان وشارع الماركات
وعند مدخل محطه القطارات تترك مدخل المحطه على يسارك وتمشي اشوي تقريبا 50 متر
بتجيك دخله يسار ادخل منها هنا منطقه محلات حلوه واشويه كوفيهات وفي مطعم هندي اذا خاطره في كرك :tease:
وفي نفس المنطقه عماره هذه العماره هي شركه كيردستات ( cirsdtat ) اعتقد الاسبلينغ صح هي شركه حق اغراض واثاث واكسسورات البيت فيها اشياء حلوه اذا في خاطره شي
بالقطار من ميونخ الى زيلامسي تقريبا 3 ساعات وربع ( حسب موقع محطه قطارات المانيا )
والي اعرفه انها تقريبا ساعتين لان انا جيت زيلامسي من فيينا ماجربت من ميونخ
وسعر التذكره مختلف حسب الرحله اذا يبغي الارخص خله يحجز بدري ويشوف حسب الرحله ارخص سعر
حصلت سعر مخفض 19 يورو
وحصلت سعر 36 يورو
وحصلت سعر 56 يورو
عندك مدينه غارمش ساعه ونص بالقطار من ميونخ مدينه صغيره وتركب التاكسي ويروح رفيجك صوب الترفليك ويجلس فوق الجبل يغير جو :victory:
الانغليش بارك حديقه صغيره نوعا ما وفيها بحيره وفيها مراكب تتحركها بحركه رجله ويتمشى فيها
بالنسبه حق الاوت لت
هذا الرابط ادخل عليه جميع الاوت لتات في المانيا بقولك شنو الي اقرب حق ميونخ
http://www.outlet-malls.eu/shopping-center/germany.html
يدخل على اوت لت يبغيه ويشوف في صفحته جميع الماركات الموجوده على اساس يعرف قبل لايروح يمكن يفضل ماركات معينه :victory:
اقرب الاوت لتات لمدينه ميونخ حسب الوقت والمسافات بالقطار
1- Ingolstadt Village Outlet Munich ساعه و 25 دقيقه
2- Metzingen designer outlet المسافه 2 ونص
و أي استفسار ثاني انا حاضر الله يسلمك
يعطيك الف عافية اخوي عالمجهود اتمنى تثبيت الموضوع
الموضوع رووووعه الصراحه
مرحبا خيو
حبيت بس اسالك عن برنامج الولاء اللي في موقع هوتيلز
مافهمته دار راسي
متى يعطونا الليله المجانيه بنفس السفره او بالسفرات القادمه
جزاك الله خير أخوي غير البشر رغم انشغالك بالسفر ألا انك فرغت نفسك بالرد على اسئلتنا اللي ما تخلص
بالنسبة للماريوت هو دايماً يحجز في فنادق الماريوت يفضلها عن غيرها
اتمنى لك سفر ممتع و موفق
مساء الخير اخوي انا بغيت منك خدمه اذا ماعليك امر،،، ان شاء الله ناويه اروح العمره ومحتاره في السكن مب عارفه وين ابي الاقرب حق الحرم عشان امي ممم التوحيد او رافلز او الفندق الثاني مب متذكره اسمه الي في برج الساعه وثانكس مقدما :nice:
ممم اي نسيت اقول لك ان بنروح ان شاء الله بتاريخ 29/1 بيصادف يوم الثلاثاء والرده يوم السبت يعني 4 ليالي بأذن الله
موضوع اكثر من رائع تشكر عليه
السلام عليكم :telephone:
هلاا اختي طموحي
بخصوص برنامج الولاء
هذا البرنامج خاص بموقع hotels.com
ويقوم هذا البرنامج بمنح ليله مجانيه واحده اذا قمتي بحجز 10 ليالي
سعر الليله المجانيه لازم يكون سعرها متوسط سعر العشر ليالي
مثال :
حجزتي عشر ليالي وكان مجموعهم 10.000 ريال
10.000 ريال ( تقسيم ) 10 الي هي عدد الليالي = 1000 ريال
يعني تقدرين تاخذين ليله مجانيه سعرها 1000 ريال
بأفتراض حصلتي غرفه في احد الفنادق سعرها 1200 ريال
تقدرين تحجزين الليله المجانيه بس تدفعين الفرق وهو 200 ريال
وسعر 1000 ريال من حقج في هذي الليله
بخصوص استفسارج الثاني
لازم تكون استحقاق الليله المجانيه في حجز ثاني
يعني سافرتي وحجزتي6 ليالي
والسفره الثانيه حجزتي 4 ليالي
مجموعهم 10 ليالي
السفره الثالثه تقدرين تاخذين الليله المجانيه :nice:
ان شاء الله وصلت المعلومه
اختي نوار بخصوص فنادق مكه
بشرح لج فنادق برج الساعه مكه ووين اماكنها واساميها واسعارها :telephone:
http://im35.gulfup.com/BVdm1.jpg
1- فندق فورمنت ( فندق برج الساعه )
فندق حلوو ومرتب والغرف العاديه مساحتها 50 متر مربع يعني مساحه وايد زينه
وعندهم غرفه مطله على الحرم وغرف غير مطله
واصنف الفندق بالترتيب الثاني من بين الفنادق الاربعه في فندق برج الساعه
الاسعار ووصف الغرفه با الاسفل
2- فندق رافلز
واصنفه احسن فندق في برج الساعه
فندق رافلز لايوج به غرف عاديه
كلها نظم سويتات وسعره مناسب جدا
وانصح فيه بقوه
اقل سويت مساحته 86 متر يعني وايد حجمه كبير
وهو عباره عن غرفه وصاله
والفندق امام الحرم مباشره
ويوجد عرض سعر حاليا عليه ولا في البال فررررصه :nice:
3- فندق موفنبيك
لا انصح فيه ابدا
اصنف في الترتيب رقم 4 والاخير بين الفنادق الاربعه
موقعه جيد مطل على الحرم
لكن الغرفه عاديه جدا والخدمه عاديه
مساحه اقل غرفه 39 متر مساحه حلوه
4- فندق سويس
وهو الفندق الرابع من فنادق ابراج مكه ( برج الساعه )
هذا الفندق يكون خلف فندق موفنبيك مباشره
جزء بسيط منه يطل على الحرم يعني بعض الغرف تكون اطلالتها على الحرم
والجزء الاخر غير مطل
الغرف مساحتها متوسطه وسعر الغرف مناسب
الغرفه حلوه ومرتبه لكن الخدمه بطيئه وغير منظمه بتاتا
اصنفه في الترتيب رقم (3) من بين الاربع فنادق
بسوي نفس دعايه الخطوط اقطريه لما توصل الطياره ههههههههههههههه
ننصح بالسكن في فندق رافلز :tease:
المشاركه الجايه ان شاء الله اسعار الغرف واسعار التذاكر :victory:
اعداد وتقديم العضو غّيًرِ أَلَبُشًرِ
اهني :omg:
http://up.arab-x.com/May12/gBQ39539.png