يجزيك الجنة
عرض للطباعة
يجزيك الجنة
الله يرحم والديك وانت كذلك يالشيخاقتباس:
المشاركة الأصلية كتبت بواسطة Aozomblue
هذي سلسلة مهمة عن التفاصيل المعمارية .. الجزء الأول ومنه نقدر نشوف باقي الأجزاء
https://www.youtube.com/watch?v=b_bEps3hJLI
فن الإظهار الهندسي باليد
https://www.youtube.com/watch?v=48ddj4HwOf0
شرح مفيد لمشكلة انتقال الرطوبة في طبقات الحائط .. وهنا لمكونات حائط من الجبس والخشب مع واجهة من الطوب .. لكن هذا ينطبق في كثير منه على حوائطنا الخارجية سواء كانت حجر + فراغ + طابوق .. ففي هذه الحالة يجب عمل فتحات تهوئة في أسفل الحجر وفي أعلاه لتغيير الهواء داخل وسحب الرطوبة .. كما يفترض أن نطلي الوجه الداخلي بالبتومين لمنع الرطوبة من اختراق الطابوق والتكدس فيه واضعافه
أو النظام المعزول طابوق خارجي - عازل - طابوق داخلي .. وهذا يتوجب عمل فراغ هوائي للتهوئة وازالة الحرارة المتكدسة مع الرطوبة وكذلك صبغ الوجه الملاصق للعازل بالبتومين عن دخول الرطوبة
https://www.youtube.com/watch?v=cGGWdJabops
لوحة فنية بالجبس
https://www.youtube.com/watch?v=ifuCy9FVXJo
بعض الحركات للحمام بس اللغة الظاهر روسية انا افهمها بقلبي من مجريات الأحداث
https://www.youtube.com/watch?v=XZ2EcmI54Mg
حوض سباحة رخيص بمجهودات ذاتية
https://www.youtube.com/watch?v=R2MYUSAwmVo
نوعية خزائن جيدة
https://www.youtube.com/watch?v=9vFo7vPAhXQ
حركة حلوة حق الاضافات لسقف الجبس
https://www.youtube.com/watch?v=gh0idPhtf10
ابو عبدالله ، الله يعطيك العافية
المشاركة اللي فوق عن العزل بالبيتومين ! اللي اعرفه ان البيتومين يجي كمركب مخلوط مع طلاء ( يسمونه اكريليكي ) ؟ بس الان البيتومين يجي كعازل بروحه ؟
الله يعافيك اخوي سالماقتباس:
المشاركة الأصلية كتبت بواسطة سالم الزهران
معلوماتك صحيحة لازم تدخل مركبات ثانية معاه وفيه أنواع غالية وقوية .. أذكر مرة في مشروع الاستشاري مسوي الأعمدة والجسور اللي تحت الأرض عريضة حتى يكون الغطاء كافي ولا توصل الرطوبة للحديد بسهولة .. لكن المقاول سوى اللي تحت نفس سمك اللي فوق بالغلط وطلب منه الاستشاري يصبغ بنوع غير قوي وكان مكلف أكثر من الغطاء الخرساني الزيادة
لا هنت بو عبدالله .. للاسف المقاولين ما يلتزمون بالعزل و حتى لو انت بتعطيه حقه ، هو مب فاضي يشتري و يزيد ساعات العمل ،، والمتضرر هو صاحب البيت خاصة في بعض المناطق الرطبة زيادة .
الإشراف الجيد هذي مهمته واختيار مقاول جيد وربطه بعقد قوي مع دفعة صيانة .. ومتابعة المالك تقلل التلاعب وما تقضي عليه بالكاملاقتباس:
المشاركة الأصلية كتبت بواسطة سالم الزهران
الغش احيانا يجيك من سوء تقدير الاستشاري المصمم وأوقات من قوانين الدولة او عدم مكافحة التقليد
تركيب بلاطات كبيرة 3 في 1.5 متر
https://www.youtube.com/watch?v=zcwWdFzRfrc
أرضيات الايبوكسي وهي مادة صبغية قوية نغني عن التبليط
https://www.youtube.com/watch?v=8MLXrTG70w4
عمل قطع دائري في بلاطة البورسلان
https://www.youtube.com/watch?v=lKVCMyFNiHg
طريقة شغل الألمان في تركيب البلاط والموزاييك .. اللي يروح هناك يمر محل باوهاوس عجيب بس يشوف معاه حد يعرف ألماني
https://www.youtube.com/watch?v=okcKOyWkEAU
أول مرة اشوف كرسي شاور ينعمل من الفوم .. وصج الشغل نظيف
https://www.youtube.com/watch?v=YV2vdqCFqfE
ترجمة للمقطع السابق وصج مواد عجيبة
https://www.youtube.com/watch?v=zgzkqMkJTyA
بيت جميل والتصوير أجمل
https://www.youtube.com/watch?v=mxpJXsNlYDM
نوعية طابوق نفس السيبوريكس بس ماركة ثانية
https://www.youtube.com/watch?v=4FvW6a0V8Cs
السيبوريكس والخرسانة العادية في تجربة حريق ونشوف كيف السيبوريكس ما ينقل الحرارة من جهة لجهة .. وهذا واقع شفته في تجربة حية
https://www.youtube.com/watch?v=jxWu4zk4Mbo
جزاك الله خير معماري على المقاطع المتنوعة
المفروض عندنا يكون مراكز بحثية ، تدعم المجالات كلها
ابحاث للطرق والبنى التحتية ، ابحاث لنوعية المواد المعمارية والكهربائية ، ابحاث لتطوير مناحي الحياة لكن مع الاسف الفلوس اللي يقطونها في سباق الهجن اكثر مما يصرفه هؤلاء الالمان .
مساء الخير اخوي سالم ومشكور على التواصل الدائماقتباس:
المشاركة الأصلية كتبت بواسطة سالم الزهران
الألمان أبسط شيء يطبقون العلم صح ويستعملونه في مناحي الحياة
كنا نمشي في دوسلدورف مع مدير شركة زايرينها ومعانا ناس وانا اسولف مع المدير ومريت على حفرة في الشارع مسدودة بحديد نفس اللي عندنا بالضبط لكن حاطين حولها قار مخلوط برمل وتحتها أيضاً شوي يخلي القطعة لاصقة وثابتة .. وقفت اطالع واركز ووقفت المدير معاي ولاحظ اهتمامي .. قلت له انتوا تسوون مثلنا لكن بطريقة غير .. إحنا نحط الحديد ونقول له اقعد مكانك ولا تتحرك تجي سيارة تضرب بريك تسحبه معاها .. أو يقرقع
هم يصبون آخر الليل لكن ببمبات ما تطلع صوت قوي .. ولا تسمع لهم طقطقة في الحديد كله مثبت ببراغي وبهدوء .. حتى صوت للعمال ما تسمع كله مساسر بأجهزة اتصالات .. حاولت اشوف شصاير في المبنى ووقفت قريب منه وصورت كم صورة وشوي الا طالع لي واحد يكلمني انجليزي بلهجة أمريكية واضحة .. تخرع قال صدنا ارهابي الظاهر بس شافني كلامي سيدة وثابت وقلت له من وين انا واني عجبتني طريقة البناء ومريت اصور .. وحتى قلت له اتمنى اقدر ادخل داخل اشوف .. قال داخل لا مب مسموح وهذا البناء حق قوقل .. كله باحط الصور وانسى أو اتكيسل .. المبنى طلع مراقب بالكاميرات أثناء البنيان وفيه إدارة متابعة تتابع كل شيء
عندنا طرق حديثة وشغلها غش بس ما يمر عليها مسؤول .. ومن أيام محتفلين بانشاء طريق روضة راشد ومستانسين إن أول مرحلة فيها 6 دوارات
تكلمت في السابق عن عمل مراية للمغسلة وخلفها خزانة حائط للصابون وعدة الحمام وممكن نخلي فيها نقطة كهرباء محمية عن الرطوبة .. وهذا مثال وممكن عملها من الخشب المغطى بالميلامين
كذلك ممكن الأبواب تتمدد لتحت بحيث تغطي إنارة مخفية تنور على المغسلة
https://www.youtube.com/watch?v=0e4qa17pOao
مثل هذا قصدي
https://www.youtube.com/watch?v=v8t70AgmHIo
الإضاءَة المركزة من فوق ثانية تكون هذي ديكورية فقط
بو عبداللهاقتباس:
المشاركة الأصلية كتبت بواسطة معماري قطري
المقاطع هذي تسبب لنا احباط .
مدري متى نتطور ونوصل مثلهم .
طريقة سريعة لصف الطابوق بالتداخل وبدون مونة فقط تقوية في أماكن معينة
https://www.youtube.com/watch?v=RdUI-yU_Iuw
تصدق إخوي سعود فيه مواد بديلة وتؤدي الغرض بس معرفة فن واسلوب الشغلاقتباس:
المشاركة الأصلية كتبت بواسطة سعود.
عيبنا التسويق عندنا ضعيف وعرض المواد .. حتى الشركات اللي تحط اعلان تحصلهم غير ملمين بالمادة ولا يوضحون كل الأُمور
عندك مثلاً السيبوريكس شايف منه في معرض في قطر من زمان كتل المتر المكعب يجيك 270 ريال ولو تقصه تقدر تقص 10 ألواح كل لوح بسمك 10 سم يعمل لك بارتشن لأي مكان وتقدر تركبه بعدة أنواع من اللواصق القوية .. وتقدر تسوي فيه فتحات بسهولة حق التمديدات وتركب فوقه بلاط أو صبغ أو ورق جدران
الجبس كذلك مادة خفيفة وآمنة وتقاوم الحريق والسيبوريكس مقاوم قوي
نسمع ولا نشوف omen
طرى على المثل : بيض الصعو
الله يعين ونسكن بس
عن السيبوريكس كثير مشاريع انعملت في قطر وانا شفتاقتباس:
المشاركة الأصلية كتبت بواسطة سعود.
كان معاي أحد المهتمين يمكن عام 2000 .. مهندس ميكانيكي ووداني بيت ينبني في المرخية وكان بدون أعمدة .. طابوق سيبوريكس مركب بمادة لاصقة مثل البيتومين واعتقد بيتومين حتى ما يكون فيه جسر حراري لقلة سمكها .. وفوق يركبون خرسانات مجوفة Hollow core slabs مباشرة على الطابوق وبدون أعمدة وبدون جسور
شفت بعد مجمعين مع نفس الشخص .. إخوي المهندس فهد بن حمد النعيمي وهو من خيرة الشباب المطلعين واللي يحب يعرف شالجديد .. كنا وقتها غزلان نطامر في البنايات أما الحين اثنينا نشتكي من الركبة
المجمعين واحد في المرخية وواحد قبل المسيلة بمجموع 500 بيت من حول 12 سنة ومبنيين بالسيبوريكس سلابات وحوائط عبارة عن ألواح كبيرة سيبوريكس مقوى بالحديد .. البنيان موجود ويوصل لثلاث أدوار في بعض الأماكن ومصبوغ بألوان متعددة ومبهجة
كنت اتمنى يسوون برامج تلفزيونية خاصة بالبناء والمواد في قطر وتكون تحليلية شاملة لكن للأسف ما صار وكنت اتمنى حتى قناة خاصة بالعمارة في قطر الجزيرة ديزاين أو الريان ديزاين تتكلم عن التصميم وعن البناء والمواد وغيرها وتكون سياحية تثقيفية دعائية .. لكن شنقول كله رياضة وتراث
يا مسهل تصليح الأسقف الخشبية
https://www.youtube.com/watch?v=Btkt0F7O-O8
^
هذا لشويب توقعت يكسر او يقص مثلما قال بالاول ، لازلت افكر في طريقته اعتقد فاتني اهم جزء بالموضوع وهو بورد الخشب المشقوق وين صار ؟
لاهنت ابو عبدالله
إزالته كامل شغلة والترقيع من فوق أسهل .. هم يخلون فراغ كبير فوق للتخزين وللتمديدات وصيانتها .. بس لازم لو يمشون يمشون على العوارض الخشبية وحتى في بعض الأماكن يزحفون ما يمشون .. بعض الأسقف تجي فيها أماكن مخصصة للمشي وبعضها لا .. المالك داس بالغلط وانكسر السقف الخفيف ولصيانته ركبوا رقعة من فوق وصبغوا على مكان الكسر بعد ما حطوا شبك لاصق
اللي عنده شركة صيانة ويثقف عمالة بهذي المقاطع بيستفيد وبيخلص الشغل صح وبسرعة
في بيتنا القديم كان اخوي يسقى الزراعة صوب بيته ويرش الماي على السور وشوي شوي تكسر السور لين انفتح فتحة كبيرة وتوسعت لدرجة الانسان ممكن يدخل منها .. الوالد قال السور قديم ويبي له هدم وبناء جديد .. وانا قلت باسوي له رقعة .. تقريباً نفس المبدأ بس بطابوق واسمنت وسويت حائط ثاني صوب الزرع حتى يحفظ السور من الرطوبة وركبت حول الحايط من الصوبين نايلون سميك وقلت حق اخوي خذ راحتك بسقي الزرع والحمد لله كان حل سريع وغير مكلف .. حتى رفعت السور طابوقتين زيادة
فواصل التمدد في المباني مهمة جداً وخصوصاً لو طول المبنى كبير وهذا شرح مبدئي عنها
https://www.youtube.com/watch?v=AK7d6v9pgCs
نوعية حديثة من تغطية الفواصل وهنا الفاصل فاصل بناء وهو مب بس حق التمدد حق التمدد واعتبار المبنى مقسوم لقسمين بالكامل مستقلين ومتصلين ببعض
يعني ممكن نهدم واحد والثاني يبقى Construction Joint ممكن نبني جزء السنة ونبني جزء بعد سنوات وتعودنا نشوفها في المباني الكبيرة مثل المدارس والوزارات .. حسب ما قريت مكتبة الاسكندرية سووها بدون أي فاصل لا تمدد ولا بناء وهذي تحتاج حسابات دقيقة ومغامرة صعب تنفيذها
https://www.youtube.com/watch?v=zmThhR8cbbY
مقطع عن أهمية فواصل التمدد في الطرق الخرسانية .. وهذا طريق من 1920 وبنوا غيره محاذي له لكن شكثر خدم هو المهم وفيه خطأ إنهم ما سووا فواصل تمدد وانكسر لفوق .. اللي يذكر قبل عند مصبات المياه للدناكر قرب السنتر في المنتزة واللي في السيلية كانت الأرضية قطع سلابات خرسانية وبينها فواصل وما تخترب بسهولة بسبب الماي وتناثره عليها لكنها تحتاج تجديد .. قامت أشغال الفتية بعمل أسفلت بدلها والأسفلت ما قاوم حتى سنة وهبط هبوط قوي وفشل
https://www.youtube.com/watch?v=nGd3AouuHPM
بالنسبة للأسفلت يحتاج فواصل في بعض الأماكن بس أقل ومقاومته للتمدد والانكماش أعلى يعني مرن لكن ما ينفع يصب عليه ماي مع خروج الدناكر ويشيل وزن ثقيل لازم يهبط
يو تيوب حلو حبيته لسهولة اصلاح فاصل التمدد .. الحبل اللي يجي في البداية هو حبل الماستك القابل للانضغاط ويجي منه عدة مقاسات .. مهمته يسد المكان والماستك يجي عليه يغطيه ( الماستك يختلف عن السيليكون بأنه للجو الخارجي وأقوى ) .. وهو استخدم هنا نوع سيليكون ونوع ثاني شبه سائل ليكون مستوي في مستوى واحد Self Leveling ورشه بالرمل الخشن حتى يعطيه شكل مقارب للصبية
https://www.youtube.com/watch?v=hDygIVxo7bw
الفواصل ضرورية حتى للبايبات وتنعمل بطرق عدة بس للمباني العادية ما فيه داعي نهائياً
هذا جسر قصوا فيه وعملوا فاصل جديد وفاصل الجسر لازم يكون على دعامة جسر خرساني أو عمود
https://www.youtube.com/watch?v=Hd75ZPLMfAA