الجديد في عالم المطابخ والحمامات وتصميماتها

إِخوي بو عيسى صعب أَي واحد حتى انا وغيري إِنه يخطط في الموقع بدون رسم بمقاسات حقيقية ويوزع خصوصاً للحمامات توزيعة مثالية .. لازم بتواجه نواقص وقصور ممكن تتفاداه لو اشتغله لك استشاري صح .. ولا حتى وزعه لك مقاول فاهم على الورق قبل.

نقاط رئيسية بتحصلها مشروحة كثير مع الصور في الموضوع هنا وفي أَفكار التصميم .. ولو تبيني اشوف معاك على الموقع وأَعطيك راي ثاني مستعد ولو تبي اسوي توزيعة على الرسم طرش لي بس رسمة الاوتوكاد وبشتغل عليها .. ولو تبي حل عملي وسريع بعد عند تدمر قبل لا تشتري القطع هم بيسون لك طريقة توزيعها .. وحتى ترتيب بلاط الحوائط بالرسم وبالمجان يسونه .. وشبيب وعلي العطية كذلك.

ركز على نقاط الاضاءَة وتحتاج نوع مركز فوق الشور وفي مكان القطع ونوع اضاءَة عام يكون للنور العادي .. وتحتاج ممكن كهربة للجكوزي لو بتركب أَو البخار .. وتحتاج للسشوار ومكينة الحلاقة وصندوق تعقيم العدة وفراشي الأَسنان قريب المغسلة .. ولازم المغسلة تكون أَقرب ما يمكن للباب والدريشة انا شخصياً افضلها قريبة من المغسلة وكبيرة كفاية وتتناسب مع حجم الحمام وتكون رملية ما يبين وراها شيء.

ومن الشركات المتوسطة عندك بعد الغانم للسيراميك عندهم مصمم ديكور داخلي وممكن يسوي توزيعة لك على حسب القطع اللي بتاخذها.

اخوي معماري التوزيع اعتقد حطيته بطريقه ممتازه
نقاط الكهرباء نقطه حلوه ماكنت مجهز لها ولا على بالي ماقصرت
والله انك ماتقصر وجزاك الله خير
انا بشوف شبيقول لي السباك واذا وهقني برجع لك
على فكره ترى انا مادخلت محلات الحمامات للحين
تنصحني امر عليهم هالفتره الحين اقصد في هالمرحله

هلا بوعيسى

ضروري تحدد نوع الأطقم اللي راح تختارها ومن اي شركة

على سبيل المثال اذا المرحاض معلق ويكون داخل الطوفه لازم تعمل حساب ارتفاع المرحاض وبراغي حامل المرحاض لازم يكون على ارتفاع 32 سنتيميتر من ارتفاع ارضية البيت او ارضية الحمام ( الفنشنغ ) عشان تصفى على ارتفاع كرسي المرحاض النهائي 45 سنتيميتر وتكون الجلسه مريحه

لان اذا ماعملت حساب ارتفاع الارضيّة راح يايطلع لك نازل او مرتفع

وإذا راح يكون مدفون داخل الطوفه والا يتركب خارج طوفة الحمام ويتلبس بطابوق 10 سنتيمتر وفي هالحالة راح تحصل على رف

اذا في طوفة الحمام راح تحصل على مقاس خروج من الطوفة 55 سنتيمتر

وإذا متلبس بطابوق بتحصل على خروج من الطوفة 65

وإذا مرحاض كرسي عادي 70 سنتيميتر

والمغسلة مقابلة المرحاض عندك بعد خروج 40 سنتيميتر او اكثر من الطوفه كله يعتمد على حسب حجم الحمام

هذا غير اذا راح تركب بيديه في الحمام اقل مسافة الكلية من البيدية وكرسي المرحاض 140 سنتيميتر

البيدية من الطوفة 20 وعرض كرسي البيدية بعدين مسافة 25 بعدها يجي عرض كرسي المرحاض المسافة الكلية لكرسي البيدية وكرسي المرحاض 140 سنتيميتر

منطقة الشور اقل شي خلها 90 سنتيميتر

اذا المغسلة قريب الباب اعمل حساب فتح الباب مايضرب المغسلة

مهم جدا تحدد نوع وأحجام الأطقم الصحية

حجم الشباك مهم تعرف موقع الشباك في نص الحمام او على جنب

اذا على جنب تقدر تحط الشور على جنب

اما اذا في نص الحمام وعرض الحمام 2 متر على سبيل المثال راح تواجه مشكلة في تركيب زجاج الشور

انا احتديت اني اخلي الشور بعرض الحمام 2 متر لان الشباك صار متعارض مع فريم شور الزجاج اذا كان مربع بحجم 90

ومثل ماقال اخوي معماري بالنسبة للجاكوزي تعمل حساب نقطة الكهرباء والسباكة ونوع الحنفية اذا من المديلات الجديدة والحنفية طالعه من ارضية الحمام او من الحائط كل شي له حسبة مثل ألبانيو الحديث يتركب خارج الطوفه على ارضية الحمام والحنفيات تختلف في الأشكال

اللي طالع من الارض واللي طالع من الحائط واللي يكون داخل البانيو متركب من فوق

والحديث طويل عن ترتيب وتوزيع الحمامات

اخوي عزيز .. شسم المحل الايطالي اللي تقول عنه في المطار .. وإذا عندك رقمهم أكون شاكر لك
تسلم

اقتباس:

---

المشاركة الأصلية كتبت بواسطة Hamad_qa

اخوي عزيز .. شسم المحل الايطالي اللي تقول عنه في المطار .. وإذا عندك رقمهم أكون شاكر لك
تسلم

---

https://imageshack.com/i/exEHWNj5j

http://imageshack.com/a/img537/4830/EHWNj5.jpg

http://imagizer.imageshack.us/v2/150...537/EHWNj5.jpg


[IMG=http://imagizer.imageshack.us/v2/150x100q90/537/EHWNj5.jpg][/IMG]

<a target="_blank" href="https://imageshack.com/i/exEHWNj5j"><img src="http://imagizer.imageshack.us/v2/150x100q90/537/EHWNj5.jpg" border="0"></a>

لا والله ماعندي رقمهم بس صورة المحل من الخارج

تم استخدام موقع جديد لتنزيل الصور




LINK

مشكور ياغالي

اقتباس:

---

المشاركة الأصلية كتبت بواسطة Bo3essa

اخوي معماري التوزيع اعتقد حطيته بطريقه ممتازه
نقاط الكهرباء نقطه حلوه ماكنت مجهز لها ولا على بالي ماقصرت
والله انك ماتقصر وجزاك الله خير
انا بشوف شبيقول لي السباك واذا وهقني برجع لك
على فكره ترى انا مادخلت محلات الحمامات للحين
تنصحني امر عليهم هالفتره الحين اقصد في هالمرحله

---

شيء أَكيد حتى قبل .. لا تتأَخر .. ركز على العمودي وتدمر وشبيب وعلي العطية ويبي لك كم مره تنسيق وتاخذ خرايطك معاك وتتابع وبعض المحلات عندهم مصممين يصممون لك حسب القطع اللي تاخذها وحتى التبليط .. تركد شوي ولا تسوي شيء الا عارف تشكيلته شلون بيكون وخذ القطع أَول بأَول وزين تدفع لهم أَقساط حتى ما يأَذونك باتصالاتهم لك حتى تشيل البضاعة من عندهم .. تدمر معاملتهم زينة ويوصلون لك للبيت وحتى المتحدة شبيب وعلي العطية والعمودي تعبانين في هالناحية .. وخذ مقاول التركيبات معاك حتى يعاين القطع ويتأَكد انها سليمة وكاملة.

اقتباس:

---

المشاركة الأصلية كتبت بواسطة Azizuk

هلا بوعيسى

ضروري تحدد نوع الأطقم اللي راح تختارها ومن اي شركة

على سبيل المثال اذا المرحاض معلق ويكون داخل الطوفه لازم تعمل حساب ارتفاع المرحاض وبراغي حامل المرحاض لازم يكون على ارتفاع 32 سنتيميتر من ارتفاع ارضية البيت او ارضية الحمام ( الفنشنغ ) عشان تصفى على ارتفاع كرسي المرحاض النهائي 45 سنتيميتر وتكون الجلسه مريحه

لان اذا ماعملت حساب ارتفاع الارضيّة راح يايطلع لك نازل او مرتفع

وإذا راح يكون مدفون داخل الطوفه والا يتركب خارج طوفة الحمام ويتلبس بطابوق 10 سنتيمتر وفي هالحالة راح تحصل على رف

اذا في طوفة الحمام راح تحصل على مقاس خروج من الطوفة 55 سنتيمتر

وإذا متلبس بطابوق بتحصل على خروج من الطوفة 65

وإذا مرحاض كرسي عادي 70 سنتيميتر

والمغسلة مقابلة المرحاض عندك بعد خروج 40 سنتيميتر او اكثر من الطوفه كله يعتمد على حسب حجم الحمام

هذا غير اذا راح تركب بيديه في الحمام اقل مسافة الكلية من البيدية وكرسي المرحاض 140 سنتيميتر

البيدية من الطوفة 20 وعرض كرسي البيدية بعدين مسافة 25 بعدها يجي عرض كرسي المرحاض المسافة الكلية لكرسي البيدية وكرسي المرحاض 140 سنتيميتر

منطقة الشور اقل شي خلها 90 سنتيميتر

اذا المغسلة قريب الباب اعمل حساب فتح الباب مايضرب المغسلة

مهم جدا تحدد نوع وأحجام الأطقم الصحية

حجم الشباك مهم تعرف موقع الشباك في نص الحمام او على جنب

اذا على جنب تقدر تحط الشور على جنب

اما اذا في نص الحمام وعرض الحمام 2 متر على سبيل المثال راح تواجه مشكلة في تركيب زجاج الشور

انا احتديت اني اخلي الشور بعرض الحمام 2 متر لان الشباك صار متعارض مع فريم شور الزجاج اذا كان مربع بحجم 90

ومثل ماقال اخوي معماري بالنسبة للجاكوزي تعمل حساب نقطة الكهرباء والسباكة ونوع الحنفية اذا من المديلات الجديدة والحنفية طالعه من ارضية الحمام او من الحائط كل شي له حسبة مثل ألبانيو الحديث يتركب خارج الطوفه على ارضية الحمام والحنفيات تختلف في الأشكال

اللي طالع من الارض واللي طالع من الحائط واللي يكون داخل البانيو متركب من فوق

والحديث طويل عن ترتيب وتوزيع الحمامات

---

ما شاء الله عيني عليك باردة طلعت مهندس وانا ما ادري حتى موضح المقاسات

عيل طلع المعرض خرابيطي .. زين ما رحت له عيل انا بروحي ما فيني شدة المشي مسافات طويلة

مع الجديد دوماً نلتقي وهذه دفعة جديدة من الصور

هذا حمام بحيز بارز للبانيو بسقف منخفض ونافذة كبيرة .. تم استخدام أَلواح جبسية للحائط بكورنيشات بسيطة ولو تم صبغ السطح الداخلي بلون مناسب ومغاير للون الحائط لكان أَفضل.

http://i.imgur.com/n732Yt5.png

ملاحظة: استخدام الأَلواح الجبسية وحتى التبليط فوقها أَو صبغها بصبغ خاص نظام شائع في دول عديدة وذلك لسهولة قص الجبس وعمل أَي صيانة للبايبات وتسكير مكان القص بعد ذلك.

وهذا مطبخ حديث بأَسطح ناعمة وزوايا مستقيمة وقبضات فتح للأَدراج مخفية جانبياً.

http://i.imgur.com/82j6Q3L.jpg

هذي مشكلة وحل .. خصوصاً للمساحات الضيقة تنفع بشرط يكون عندنا المكان معتمد النظام المفتوح بدون حوائط .. وممكن نقلل من مساحة المطبخ لصالح صالة الجلوس أَو ندمج صالة الجلوس كصالة طعام ويكونون متصلين بالمطبخ والمطبخ لازم يكون بشكل لائق.

http://i.imgur.com/uoH4jRW.png

هذا بوفيه صغير مثل اللي في غرف الفنادق ممكن دمجه مع خزانة حائط ويتسكر وقت عدم الحاجة.

http://i.imgur.com/pZ6Nngq.png

المطبخ المرتب دليل لباقة أَصحابه.

http://i.imgur.com/hFofxRj.jpg

مشكلة ثانية وحلها .. والحل باختصار بأَن هناك معدات صغيرة للمطابخ وكذلك دورات المياه الصغيرة .. المهم هو الوصول للتشكيلة المثالية التي تفي باحتياجنا ويكون سهل التعامل معها .. فمكان مرور في الحمام ممكن أَن يكون ضيق جداً حتى لنصف متر أَو 40 سم بالنسبة لشاب نحيل لكن نفس المكان سيكون ضيق جداً لشخص ضخم وكبير في السن .. كذلك المطبخ يفضل فيه جزيرة وممرات حولها بحدود حتى 90 سم للمرور وللحركة بحدود خطوتين قصيرتين مع الالتفاف أَثناء العمل.

http://i.imgur.com/q8N0cGs.png

هذا مطبخ بسيط بطاولة عمل كبيرة متعددة الاستعمالات .. ما يميز الطاولة هو أَرجلها المزدوجة لتعزيز الثبات.

http://i.imgur.com/AUTWZpS.jpg

قد يحتاج البعض لهذه المعلومات المبدئية.

http://i.imgur.com/DkwUcg4.png

اقتباس:

---

المشاركة الأصلية كتبت بواسطة معماري قطري

ما شاء الله عيني عليك باردة طلعت مهندس وانا ما ادري حتى موضح المقاسات

عيل طلع المعرض خرابيطي .. زين ما رحت له عيل انا بروحي ما فيني شدة المشي مسافات طويلة

---

اي والله تحسفت أني تعنية لا بعد تعيبين اليوم ومزكم بس قلت اروح اشوف هالمعرض

وبصراحة من يوم عرفة ان راعي الافتتاح مهب وزير او معالي رئيس مجلس الوزراء قلت المعرض مش بالمستوى المطلوب

وإلا هو قصور براعي الافتتاح والنعم فيه سعادة السيد عبدالعزيز بن حمد العجيل

امين عام منظمة الخليج للاستشارات الصناعية

بس الحمدالله لقيت محل يسوي أبواب قَص ليزر شوي غالي في حدود اكثر من 2000 ريال للمتر

موقع المحل في المحلات اليديده اللي في عين خالد وانت طالع من فريج الغانم رايح عين خالد واسمة درابزين الدوحه

الشركات عارضة بضاعه قليلة جداً نابينا وتدمر من الشركات الكبيرة مشاركة في المعرض الا ان المعروض كلش مايسوه حاطينلي كم بلاطه

لدرجة أني بعد المعرض شفت شارع 22 زحمه نزلت نابينا في الغرافة اصلي العشاء وأشوف بضاعتهم أبرك

صراحه مادري شلون هيئه سياحة قطر وافقت على هالمعرض

المعرض ركيك :thumbdown: