يوتيوبيات البناء .. مقاطع تثقيفية متجددة

اقتباس:

---

المشاركة الأصلية كتبت بواسطة سالم الزهران

ما قصرت يبو عبدالله.. معلومات ثرية يبي لي ارد اشغل المقطعين الأخيرة مالت الكنائس.. حقيقة معلوماتك من النوع اللي تلتقط بسرعة وتعالج السؤال المطروح..

---

فكرت أسوي فيديو لداخل البيت وأشرح فيه أماكن الأعمدة ونوعياتها المخفية والظاهرة والفكر الإنشائي وراها والمعماري من ذكرياتي لتصميم بيتي الحالي وباشوف فرصة محد حولي وباسجل فيديو مطول شوي .. بيكون من نفس إطار الموضوع اللي نتكلم فيه

حتى تطور البنيان بالشكل الحالي كله متصل على فكرة الربط بين رؤوس الأعمدة اللي عملوها المسلمين في البداية بدون دراسات معقدة وبحسابات بسيطة وتجارب عملية .. في الوقت الحالي عندك البنيان يبدأ بكتلة تشكل الأساس يوقف عليها العمود ويوزع الوزن النازل عليه على الأرض وفوق يربطه جسر وممكن تحت بعد جسر أرضي ويكون الطابوق حشو في الغالب ما يشيل وزن .. الربط كان قبل بالقوس وقبل كلش بترابط مكونات التربة أو الصخور وقت الحفر في الجبال أو التلال للسكن في الغيران .. بعدين طلعوا باستعمال الحجر والكتل الحجرية مثل ما فيه ستون هنجز في بريطانيا ومثل المعابد القديمة في الدول العربية ومثل البتراء مع إن فيها شوية نحت بس قبلها كانوا بعيدين عن النحت كتل بسيطة غير منتظمة

أعتقد بعد التقوية بالحديد ممكن أول ما استخدموها في ربط رؤوس الأعمدة ببعض المسلمين وكان حديد بدائي بسيط يقاوم قوى الشد وباشوف فيديو يوضح هذا

جزاك الله خير يبو عبدالله، أنا لاحظت بعد في بيوت الأولين الجدار يكون عريض تقريباََ أربعين سم، والأسقف جذوع صلبة تعتمد على أعمدة خشبية وكل الأخشاب مطلية بالقار وتجد في الأعمدة نقوشات وزخارف، بل أن العمود الأساسي يكون متوسط وله أسم مميز عندنا مأخوذ من وظيفته كعمود.. اذكر أني اطريته في موضوع كلمة ومعناها.

https://l.top4top.io/p_2296uwdzn0.jpg

هذا مسيد يخدم ناحية صغيرة حول 8 بيوت، لاحظ العمود اللي بوسط المسيد مب مبين ف الصورة، لكن هو تمر من فوقه العوارض المصطفة هذي اللي جايه من فوق المحراب، مثل للي في الصورة التالية.

https://a.top4top.io/p_2296irrhx1.jpg

هذا العمود الأساسي المشار اليه بالأصفر وتصميم رأس العمود له هدف.

https://b.top4top.io/p_229615s032.jpg

تخيل البيوت هذي سكنت قبل مية سنة، فعلاََ الانسان زرع نفسه ف المكان.

https://c.top4top.io/p_22962aoh43.jpg

شوف السطح والباب والعمود اللي حذاه.

حبيت أضيف أن الاعمدة مب كلها سواء، بل اللعبة كلها في توزيع الوزن و الحمل اللي بتشيله.. والجدران (عند الاولين تشيل جزء معقول من الحمل) وايضاََ مب كل الجدران سواء، وكان الاولين يستطيعون تحريك أحجار معينة في طوفة معينة وما تطيح الطوفة، فيسوون فتحة يقدرون يدشون البيت وراعية ما يدري ويردون يبنونها مثل أول (وطبعاََ هذا بين الخصوم). الفكرة أن الأولين عندهم شغل معرفي في مجالات كثيرة ومن اهمها البنيان.

اقتباس:

---

المشاركة الأصلية كتبت بواسطة سالم الزهران

حبيت أضيف أن الاعمدة مب كلها سواء، بل اللعبة كلها في توزيع الوزن و الحمل اللي بتشيله.. والجدران (عند الاولين تشيل جزء معقول من الحمل) وايضاََ مب كل الجدران سواء، وكان الاولين يستطيعون تحريك أحجار معينة في طوفة معينة وما تطيح الطوفة، فيسوون فتحة يقدرون يدشون البيت وراعية ما يدري ويردون يبنونها مثل أول (وطبعاََ هذا بين الخصوم). الفكرة أن الأولين عندهم شغل معرفي في مجالات كثيرة ومن اهمها البنيان.

---

مشكور على النقاش الطيب والمثمر والصور التوضيحية

هذا النوع من البنيان تدخل فيه خبرة البناء والفن .. فن الممكن والقوي كفاية والإقتصادي وموجود ألحين البعض يسويه بدون ما يدري وفي أبسط الأشياء .. ما يعتمد حسابات وعلم بل ترتيب ووضع مواد مناسبة في مكان مناسب .. كتعريض راس العمود الخشبي هذا حتى يشيل عوارض خشبية بعدد مناسب .. وممكن لو استخدموا قطعة وحدة تفي بالغرض ولا يطيح السقف وهنا يطلع فن البناء أكثر بأنه وفر أكثر

مثل سالفتي انا مع بنيان الطبيلات عندي بدون أعمدة وبالتثبيت ببراغي .. إستغنيت عن الأساسات ببليتة حديد صغيرة وبدون حفر .. كله مغامرة وبدون حسابات وبالإعتماد على قطع صغيرة براغي الواحد قيمته 20 ريال بدال عمود حديد قيمته أكثر

اقتباس:

---

المشاركة الأصلية كتبت بواسطة معماري قطري

مشكور على النقاش الطيب والمثمر والصور التوضيحية

هذا النوع من البنيان تدخل فيه خبرة البناء والفن .. فن الممكن والقوي كفاية والإقتصادي وموجود ألحين البعض يسويه بدون ما يدري وفي أبسط الأشياء .. ما يعتمد حسابات وعلم بل ترتيب ووضع مواد مناسبة في مكان مناسب .. كتعريض راس العمود الخشبي هذا حتى يشيل عوارض خشبية بعدد مناسب .. وممكن لو استخدموا قطعة وحدة تفي بالغرض ولا يطيح السقف وهنا يطلع فن البناء أكثر بأنه وفر أكثر

مثل سالفتي انا مع بنيان الطبيلات عندي بدون أعمدة وبالتثبيت ببراغي .. إستغنيت عن الأساسات ببليتة حديد صغيرة وبدون حفر .. كله مغامرة وبدون حسابات وبالإعتماد على قطع صغيرة براغي الواحد قيمته 20 ريال بدال عمود حديد قيمته أكثر

---

لا تهون ممكن تشرح اشلون هالطبيلة مصممة؟؟؟؟

اقتباس:

---

المشاركة الأصلية كتبت بواسطة SouthK

لا تهون ممكن تشرح اشلون هالطبيلة مصممة؟؟؟؟

---

حطيت لها صور في كم موضوع وفيديوهات أعتقد هنا وباشوف لك فيديو أظن موجودين في قناتي لليوتيوب

شوف ذيه مسكين حاسب إن إتجاه قبلة الكنيسة روتردام اللي في باريس جهة الكعبة المشرفة .. هي جهة القدس والخط اللي راسمه شوي مايل عن خط الكنيسة عن محورها يعني واتجاهها جهة الشمال قليل وجهة القدس .. بعض الكنائس تجي مع خط واحد بالضبط مع المساجد وتجي الكعبة جنوب القدس مباشرة وهذي الكنائس شمالي القدس .. والردود عليه غالبيتهم يؤيدون رايه

صحيح بعض الكنائس كانت مساجد وبعضها تحولت لمساجد بس مب معنى كلامه صح عن هذي الكنيسة .. وعناصر العمارة الإسلامية هم مقتبسينها وفي كتبهم التاريخية ما ينكرون هالشيء

https://www.youtube.com/watch?v=HH9aMeC0KaY

اقتباس:

---

المشاركة الأصلية كتبت بواسطة SouthK

لا تهون ممكن تشرح اشلون هالطبيلة مصممة؟؟؟؟

---

هو تصميم ارتجالي بدون حفر وأساسات وحدة معلقة بالكامل بدون ولا عمود والثانية عمودين جدام بس ومثبتين ببراغي في البلاط بليتة مربعة حول 15 في 15 سم ملحوم فيها البايب وببراغي مثبتة والجهة الثانية ببراغي والتصوير واضح

https://www.youtube.com/watch?v=hGyI9W5622w

اللي صممتها حق بيتي الجديد عبارة عن جدران طابوق وجسر ربط خرساني بيكون والتثبيت للسقف وحديد السقف بيكون بالبراغي موضحة رسوماتها حتى بالثري دي في موضوع مراجعة المخططات

هالفيديو للذكرى والله شفت الميني قلبي حن لها .. وهالجي الإماراتي سيارة ولدي جابها بعد الحصار بصعوبة وجاب الجي اللي في الطبيلة الثانية وذاك الأبيض صاده حادث قوي تكنسل والإماراتي يقول باعه ما ادري صج أو لا مجهز للسرعة والتحفيص ما ادري على من طالع

اقتباس:

---

المشاركة الأصلية كتبت بواسطة معماري قطري

هالفيديو للذكرى والله شفت الميني قلبي حن لها .. وهالجي الإماراتي سيارة ولدي جابها بعد الحصار بصعوبة وجاب الجي اللي في الطبيلة الثانية وذاك الأبيض صاده حادث قوي تكنسل والإماراتي يقول باعه ما ادري صج أو لا مجهز للسرعة والتحفيص ما ادري على من طالع

---

الولد على ابوه !!
الميني مب شينه و انا اخوك لكن ما اقدر ادخل من الباب!!!