https://www.youtube.com/watch?v=ywgTLd5WMr8
عرض للطباعة
هذا شرحه وايد أفضلاقتباس:
المشاركة الأصلية كتبت بواسطة معماري قطري
قمة الفخامة داخلي وخارجي .
ثاني عرض حبيته أول عرض باهت ويبالغ في إن المساحات كافية واقتراحاته دمار .. المساحات صغيرة ونوعية من الشقق مناسبة لعائلة صغيرة أو للإيجار على أجانباقتباس:
المشاركة الأصلية كتبت بواسطة سعود.
بعدين الثاني يقول الملحق اللي تحت مناسب لعدة سايقين .. تخيل عائلة صغيرة تاخذ شقة هشكل وعندها موقف واحد وعندهم عدة سائقين .. حتى مجلس تحت مكتوم وفي المواقف وضع صعب .. للخدمات وللتخزين ممكن ولا أظن المواقف سهل الدخول لها والخروج
شوف هذا مسوي رافعة يدوية بسيطة للشغل على الواجهة .. بس الطابوق واضح شغل أي كلام والمونة قليلة
https://www.youtube.com/watch?v=lOkb4tKgsM8
الفيديو السابق الدرايش مسوين لها خرسانة متصلة مع العمود من فوق ومن تحت .. صحيح بسيطة بس تعطي تماسك افضل ومن جانب ثاني تمثل جسر حراري كبير
الله يبارك لك .. انا فيني طول و عرض .. يعني مب كل سيارة مريحة لي !اقتباس:
المشاركة الأصلية كتبت بواسطة معماري قطري
بعتها وبرخيص وخذها ولد خالتي بالصدفة من المعرض حط قيمتها واستحيت ارده بس يوم عرف انها لي كلمني واعتذر وقال أي وقت تبيها حتى لتكلمني ادخل البيت وكلم أي حد من العيال يعطيك سويجها .. طلع صج هوايته يجمع السيارات اللي تعجبه .. كانت سريعة كفاية خذت عقبها مرسدس كوبيه فرق في السرعة رهيب .. بس الميني ميزتها صغرها وحتى البي ام الام 2 وايد صغيرة وسهلة للمناورة وللسرعةاقتباس:
المشاركة الأصلية كتبت بواسطة SouthK
شوف البيت ذيه عجبني بيت معماري وأشوف التفاصيل حلوة حتى الدرج هادي ونازلة عتباته .. حبيت معالجته للدرابزين بطريقة اقتصادية ومفتوحة وللسقف بإضاءته وبالتقسيمات وكأنه مغطي الخشب فيه بزجاج تنعكس عليه الإضاءة .. هذا ممكن نسميه اقتصادي غني أو اللي يقال عنه Rich Minimalist وقريب لإختياري وايد مودرن مع شوية عناصر كلاسيكية مع المزج بين الطبيعة وادخالها داخل
https://www.youtube.com/watch?v=pJksr-bCt48
شرح سهل ومختصر يفهمنا لو المقاول أو الإستشاري أخطأ في وصل الحديد وتداخله مع بعض .. مهم نعرف بشكل تقريبي تأثير الأوزان والجهة اللي يكون فيها الحديد مشدود في الجسر أو في حتى الارضية .. مثال عندي غرفتين طول كل وحدة 6 متر وبينهم ممر مترين أو حتى 3 .. الستة متر بتنزل من تقريباً الوسط والشد بيكون أكثره تحت في المنطقة الوسطى المفروض ما نسوي تداخل والحديد يجي قطعة كاملة .. الجزء الوسطي للممر يكون وضعه يختلف تأثير ال 6 متر من الجنبين يخلون الوسط يتقوس لأعلى ويكون الحديد العلوي هو المشدود واللي ما نسوي فيه اتصال حديد بحديد أو تداخل overlapping ومب محصل الكلمة الدقيقة بالعربي لهذا المعنى
نفس الوضع لو عندي بلكونة أو إمتداد طاير من جهة ومب محمول بعمود الشد يكون علوي والغرفة المجاورة يكون سفلي
https://www.youtube.com/watch?v=7yHG-uqYl98
هذي النوعية من الأخطاء تبين لو كان الحديد قليل ومدروس بدقة يعني ممكن عادي نشوف مكان تداخل الحديد القطعة المفصولة تقشع الخرسانة اللي مغطيتها وتبرز تشوف طرفها والمقاولين غالبتهم فاهمين لكن أوقات تصير مع الجهلة ويكتشفها المالك بعدين