يوتيوبيات البناء .. مقاطع تثقيفية متجددة

أعتقد هذا الشيء إستوى بديهي ومسلم به وطريقة تركيب الشبك معروفة ووين يتركب ببساطة بين اتصال أي عنصر خرساني بعنصر طابوقي بالإضافة الى الفتحات المعمولة والمغلقة بالمونة مثل ذي .. يعني بين الجسر والطابوق نحط الشبك بنفس الطريقة وبين العمود والطابوق بالإضافة للحديد اللي يجي زاوية ومضروب بمسمار مسدس في الخرسانة وجزءه الباقي ينغرس في مونة الطابوق هذا نركبه صف ونترك صف أو صفين بس لو ركبناه صف مع ترك صف يكون أثبت وأقوى


https://www.youtube.com/watch?v=TuFwys6Gr88

مهم المسامير تكون ستانلس ستيل والشبك أو الحديد على الأقل غالفانايزد

لاحظوا في الفيديو السابق ما ركبوا الشبك في أماكن التقاء الطابوق بالخرسانة وهذا حسب الكود القطري اللي غالبية الإستشاريين في قطر والمقاولين ما يلتزمون به ولا حسيب ولا رقيب عليهم

متى نركب شبك زاوية يربط جدارين أو جدار بسقف؟

إذا عندي سقف والجدار واصل له بدون جسر ساقط من السقف يستحسن أركب شبك زاوية قبل البلاستر .. وإذا عندي حايط قررت أبنيه بعد بنيان حايط موجود أو انبنى قبله بحيث ما يكون فيه تداخل بين طابوق الجدار الأحدث مع الأقدم منه هنا ضروري نركب شبك زاوية من الجهتين وحتى اللي للحالة الأولى من الجهتين

أعتقد الشرح واضح ومفهوم وزين حصلت هذا الفيديو لنفس المهندس يوضح قصدي

https://www.youtube.com/watch?v=Ca2hDUK_xsI

لتستهينون في هذا الإجراء وهو رخيص وشرط من شروط الدولة اللي للأسف ما تلزم المقاولين به ولو مقاول خالف لا تثريب عليه والسبب أوقات بعد فترة ينشأ شلخ في هذي المناطق ويكون مزعج ولا له حل

صلحنا شلوخ مثل هذي كلفتنا حول أربعة آلاف ريال في بيت عمره حول 6 سنوات.. انا صار عندي هاجس اي سيب ادخل معه واشوف البلاط، اي مجلس.. اتابع صفة البلاط اللي حذا الجدار، اغلبها يبين لك ان الزاوية مب 90 درجة.. اقدر اقول بكل ثقة.. اغلب الغرف زواياها مب 90 درجة واذا كان البناي واللي يصف طابوق مب قادر يبني زوايا وجدران متعامدة على بعضها فاللي عقبه بيكون أسوء منه.

اقتباس:

---

المشاركة الأصلية كتبت بواسطة سالم الزهران

صلحنا شلوخ مثل هذي كلفتنا حول أربعة آلاف ريال في بيت عمره حول 6 سنوات.. انا صار عندي هاجس اي سيب ادخل معه واشوف البلاط، اي مجلس.. اتابع صفة البلاط اللي حذا الجدار، اغلبها يبين لك ان الزاوية مب 90 درجة.. اقدر اقول بكل ثقة.. اغلب الغرف زواياها مب 90 درجة واذا كان البناي واللي يصف طابوق مب قادر يبني زوايا وجدران متعامدة على بعضها فاللي عقبه بيكون أسوء منه.

---

دوم الشغل الزين يفرق وقيمته فيه ومقاول من مقاول يفرق واستشاري من استشاري يفرق

الشغل لو كان من البداية صح ومعمول له مسح يعني مكان العمود محدد بدقة والأعمدة من التصميم مرتبة صح الخطأ في الأبعاد يكون نادر كلش أما بسبب تقوس الجدران أو بسبب جدار بارتشن ما تم تحديده صح وبعيد عن الأعمدة .. ولازم نكون حقانيين مستحيل يكون ضبط المقاس 100% دوم فيه نسبة تفاوت ممكن نتغاضى عنها أو نعدلها بالبلاستر واللي هي بحدود نص سم أو 1سم بالكثير

عاجبتني المادة والقطع وسهل التعامل معاها .. تابعوه كامل تابعته على مراحل

https://www.youtube.com/watch?v=m3STKNv9MEA

في بيتي مستخدم المارين بلايود وما عندي معاه مشاكل الحمد لله للحين 17 سنة بس هذي المادة سهل التعامل معاها أكثر

نوع غير من التصاميم المعاصرة في هذا البيت

https://www.youtube.com/watch?v=RIlOv7I3gis

https://www.youtube.com/watch?v=ywgTLd5WMr8

طريقة سحب المياه بعمل ضغط سالب داخل تانكي محكم الإغلاق .. المحبس السفلي اللي يسميه شك فالف هو صمام مرور الماء في اتجاه واحد حتى ما يرجع ينزل في البير ويستوي النظام دوم شغال

https://www.youtube.com/watch?v=SLm1O4IOrYY

طريقة أول مرة أعرفها

https://www.youtube.com/watch?v=VeOwF89EXs0

شوي غير ذي

https://www.youtube.com/watch?v=2WALn-768Gs