يوتيوبيات البناء .. مقاطع تثقيفية متجددة

قصروا الصوت الموسيقى مزعجة

https://www.youtube.com/watch?v=Yuj1Txzu1Uo

ما يمنع نطلع على ثقافة البناء العراقية وهي من أقدم الحضارات على الاطلاق في العالم جنباً الى جنب مع أقدم مدينة في التاريخ ( دمشق )

الدرج يخوف بدون درابزين بس تصميمه خفيف وخرسانته قليلة وهنا الفن في عمله غير مكلف وكذلك سقف الدور الأرضي يبين قليل السمك

https://www.youtube.com/watch?v=o3ggJA28uvA

نوع جديد من الطابوق اختراع فلسطيني عجبني وحبيت انقله لكم

https://www.youtube.com/watch?v=IxKYcSdmIhQ

ما لنا غنى عن بنت الكويت وهذا فيديو جديد عن السجاد .. نصيحتي انا بالاضافة لما قالت ضروري نركب أندرلي مناسب واللي هو الحشوة المطاطية تحت السجاد وأفضل الأنواع البلجيكي أو الانجليزي اللي يجي ثقيل وما ينضغط بسهولة والسعر طبيعي غالي

https://www.youtube.com/watch?v=GL0Ci2WgqwI

هذي طريقة تحضير ما يسمى بالسكريد الخفيف أو صبة الإسمنت المهواة .. تجي فيها فقاعات هوائية تعطيها وزن خفيف وبنفس الوقت تكون قوية كفاية .. ما ادري ليش المهندس يقول فوم .. هي بإختصار لو نبي نسويها الصابون ينفع بس شكثر مقاديره بندخل في شغلة التجريب لكن بالمادة هذي والماء والإسمنت بتعطينا حشوة نقدر نستخدمها لميلان السطح وبوزن خفيف

اللي يبي يوصفها يكتبها في المواصفات air-entrained lightweight screed ولو نبغي نحدد الكثافة نقدر نخليها 1200 كجم في المتر المكعب بتكون شوي أثقل من الماي اللي هو 1000 وأخف بوايد من الرمل اللي هو 1800 .. شفتها تنعمل في قطر بواسطة مدماك من حول درزنين من السنين والسكريد العادي يقارب ال 2000 كجم في المتر المكعب يعني أخف للسقف والفقاعات الهوائية المحبوسة تعطينا عزل اضافي

https://www.youtube.com/watch?v=GJT1i-RGoyU

ملاحظة مهمة

هذي المادة الرغوية الاسمنتية مناسبة لتحت البلاط ولتغطية البايبات وأنظف بمراحل من الرمل وسطحها يستوي مستوي لسيولتها بدون أي سلوبات وتعرجات وتكون جاهزة للتبليط بعد 3 ساعات .. لكن الأفضل بعد نخلط معاها مادة الفايبر المقوية من فوسروك أو غيره من المصنعين وأعتقد فيه مصنع قطري يصنعها

ما سووا الخلطة صح والا المفروض ما يسويها بالسكين مالت البلاستر وبعدين ما فيه داعي للسكريد فوقها لو بنصبها في الغرف الباقية عدا المطبخ والحمام .. السكريد المعمول يدوياً بحدود 3 سم علشان نضبط السلوبات لأن المادة ذي ذاتية الاستواء بسبب ميوعتها

شغل الألمان

التأسيس صحيح والتبديل سهل بالطريقة الصحيحة

https://www.youtube.com/watch?v=hB-SwQlFWsA

طريقة تصنيع الديكورات الدائرية للجبس .. هذي طريقة وممكن نسوي بها إطارات مختلفة حسب البروفايل اللي نسويه بقطعة الخشب أو الحديد .. والطريقة الثانية اللي هي الفورمات الجاهزة .. وهناك الطريقة اليدوية والنحت اليدوي

https://www.youtube.com/watch?v=v2b4p7V6Em4

كبديل متوفر عندنا بدال الفورم الربر ممكن نوفر قطعة بوليستيرين ونسوي فيها فتحات بسهولة تعطي تشكيلة الحجر لواجهة الدرج .. ممكن نحفر مكان عروق الخشب بسكين وتعطيني تشكيلة عروق الخشب كذلك

https://www.youtube.com/watch?v=K9FjqVaoS3A