توقعات شهر ######### يوليو2020##########

فليعذرني البعض إذا قرأت بعض ما قيل ولم أتمكن من فهم جميع التعليقات .
فيما يخص اداره السوق فانها بينت لنا ان فلان لم يعد يملك 5 في المئه او اكثر وفلان اصبح يملك 5 في المئه او اكثر وليس مطلوب في هذه الحاله من السوق أي افصاحات أخرى فيما يخص الشفافيه .
فيما يخص الشركه فانها لا تستطيع ان تفرض قيود على تداول اسهم هي في الأساس حره , واقصد بذلك ان وفا صوفان كان يستطيع مثله مثل أي مساهم ان يفعل ما يشاء باسمه فكيف استطيع ان اتخيل ان يتم تقييد حريه إبراهيم الاصمخ في التصرف باسمه لمجرد انه اشترها من وفا صوفان .
الحديث عن تقييد التصرف ببعض الأسهم لفتره ما يكون في الحالات الخاصه التي تصدر فيها الشركات اسهم جديده للاكتتاب الخاص , في هذه الحاله مثلا تصدر الشركه مثلا 500 مليون سهم جديد للاكتتاب الخاص للشريك الاستراتيجي إبراهيم الاصمخ ( هذا كله مثلا ) وبسعر السوق او ربما اقل من ذلك ويتم اخذ موافقه الجمعيه العموميه للشركه على التنازل عن الحق في الاكتتاب المذكور .
في هذه الحاله ممكن مثلا تقييد حريه الشريك الاستراتيجي في البيع لمده ثلاث سنوات مثلا ولكن هذا كله سيناريو خيالي . وفا باع إبراهيم اشترى انتهى الموضوع .

اقتباس:

---

المشاركة الأصلية كتبت بواسطة *اللورد*

يسعد مساك بالخير اخوي الفاضل ( السد العالي) سلامة قدرك و دوم على الراس اخوي ..
عنما اعني تدخل ادارة السوق او الشركه بسهم ما لانه ما حدث هو أمر جوهري يؤثر على الشركه و مسار سهمها لأن النسبه التي تم الاستحواذ عليها هي نسبه مؤثره وتؤثر في مسار السهم .. !؟
اذا تركنا الأمر دون تحقيق بالموضوع و تقصي للحقائق فمن الممكن على سبيل المثال :ان نرى في قادم الايام محفظه ضخمه (X) عالقه بسعر مرتفع في سهم شركه فتقوم بعمل ترتيب مع سهم شركه ما و ملاكها و يصدروا بيان على سبيل المثال ( نية الاستحواذ )بحصص مؤثره بسهم الشركه ... وقتها من الطبيعي سترى سيوله قويه تنسحب من أسهم و تدخل في سهم هذه الشركه و يتم رفع السهم لأسعار عاليه و التصريف بكل احترافيه على السمك لحين استكمال انسحاب المحفظه (X) من سهم هذه الشركه ... من ثم يصدر بيان (أو قد لا يكلفوا نفسهم بهذا البيان ) بفشل الاستحواذ ..وعندها سترى السهم يهوي دون دعم .. عندها من اشترى و تعلق بناء على هذا الأخبار الجوهريه من يعوضه عن هذا (التلاعب و التضليل )!!؟
كان الأحرى عند شراء نسب مؤثره في شركه ما باسلوب صفقات كبيره ان يتم وضع قيد بعدم التصرف بهذه الكميه او ان تقل عن نسبه معينه قبل انقضاء مده من الزمن ..عندها من سيدخل السهم و يستحوذ على نسب فيه يهمه رفع السهم و يهمه رفع ارباح الشركه .. و ليس أن اشتري اليوم الشركه (x) و غدا ابيعها من ثم اتنقل بكل اريحيه و اعود للشراء فيها.. لان عندي ملائه ماليه ضخمه فيما صغار المستثمرين ينظرون فيما يحدث دون حول ولا قوه !؟

---

بعد اخترعوا الصفقات الخاصة والسوق الخاص للطبقة المخملية اللي تبي تبيع وتشتري كميات كبيرة

اقتباس:

---

المشاركة الأصلية كتبت بواسطة النوماس

لان هذا السهم مقرود واذا تريد تتاكد انه مقرود شوف رمزه على شاشة البورصة تلاقي :
Igrd ويعني اقرد يعني مقروود
أول مرة بتاريخ البورصة يدخل هامور يشتري خمس أسهم الشركة ويبيعها خلال أقل من 24 ساعة
وبنفس الوقت يشتري الطبية تقريبا كل يوم بسعر 17
و16 و15 ويحافظ عليها لفترة طويلة

---

وانا اقول شعلتي في هذا السهم

التصحيح القادم
متى
من أي نقطه
الى أي نقطه
ما هي القطاعات التي سيشملها ؟
من أي نقطه صعود سوف يتم احتساب العم فيبو ناشي ؟

ان حصل تصحيح اتوقع بأنه سكون قاسي بنفس قوة الصعود

انا شرية السهم لما شفت حجم الشراء
ونصدمة بالبيع اليوم الثاني
على كل حال سعر السهم
مايخوف السهم طايح
وبيثبت بهذا السعر
وأعتقد لة قفزة أقلها 6 ريال
قريب

اقتباس:

---

المشاركة الأصلية كتبت بواسطة بوجبر

ان حصل تصحيح اتوقع بأنه سكون قاسي بنفس قوة الصعود

---

كنا نتوقع ال 7000 قبل وناس منهم انا بسبب كورونا وصلنا الاحباط لين 6000 والحمد لله بتدخل الدولة رجعت الثقة للسوق حتى قمنا نشوف شراء قوي محافظ خليجية وأجنبية ودخول أفراد قطريين وأجانب يشترون كميات كبيرة .. صحيح ارتفع السوق وفي غالبه في الأسهم المضاربية والصغيرة والكبيرة للحين أو قليل منها اللي تحرك

الشركات العقارية غالبها فاشلة ومسجلة خساير بس أعتقد الشغل اللي بيكون وراها فترة السنتين القادمين والمخطط له من الدولة يخليها جاذبة للسيولة .. السالفة وكل ما فيها هبة وتوجه للسيولة .. تذكر جاتنا أيام كنا بشق الانفس نتجاوز ال 100 مليون والحين نناهز ال 800 مليون يومياً وأوقات ما تقدر تركز شبتسوي وشبتبيع وشبتشتري

قالها أمير العز والمجد والخير إبشروا بالعز والخير

الباقي بس في رأيي ضبط بعض التلاعب في الشركات وضبط ميزانيتها وحتى عقودها لازم تكون مناقصات عامة مدققة ومراقبة من الدولة مب عطاءات مباشرة للي يحبون .. إحنا كنا نحسد بعضهم على مكافاءات مجالس الادارة ولا ندري شيصير في هذي العقود

شركات فتية مثل السلام المفروض ما تسجل خساير واستثمارها الغالب في قطر المفروض يعوض خسايرها في بلاد الخسة والنذالة لكن ما اهتموا كبار ملاكها خذوا ما لذ وطاب وفتحوا شركات صغيرة لهم تقتات على الشركة الأُم .. مثل الاجارة مطور عقاري الاراضي تجيه بلاش شتفرق عن بروة؟ غير سوء الادارة وأخذ قروض بنكية ضخمة للبناء وللتطوير وهذا يستوي بغالي جداً وأوقات يكون سيء الجودة وطبيعي تسجل خساير

صراحة يبي لنا برنامج ما خفي أعظم يسوي تحقيقات خاصة في هذي الشركات والا تكون يد الحكومة فوقها وقوية عليها .. من الشركات اللي ما وزعت العام مزايا والقابضة والسلام وشركات وايد توزيعها شحيح لا واللي يقهر محققه ربح زين مثل استثمار ما وزعت وقالت بنعطي فلوسكم لعمالنا رواتب

التصحيح بيكون بسيط ومحدود لو حصل لكن لو لا قدر الله صار شيء طاريء وطارد للسيولة مثل ضربة لإيران أو مناوشات أو حدث كبير وسنة 2020 كلها مفاجاءات ذيك الساعة اجباري بيكون التصحيح قوي

اسوق العالم وبرنت اغلاق امس كلها على استقرار

غدا اعتقد استقرار مايل للهبوط لبعض الشركات التي عطت وعطت

كرأي شخصي متواضع: فإن المعطيات بالتداولات تشير الى تصحيح للمؤشر على مراحل ا لمستويات 925x ..من ثم 910x و اخيرا الحاجز النفسي عند 9000.
لذلك .. نحن بالوقت بدل الضائع من التصحيح للمؤشر و لذلك الأفضل( للمضاربين) او ممن جنوا ارباح بالأنتظار لحين تأكيد اختراق 9400 بقوه و بقاءه فوقها لجلستين على الأقل...او الأنتظار لحين ترييح مؤشرات الاسهم بتغيير المراكز كلن حسب معطياته و نتائجه !
للتنويه : هذه ليست دعوه للبيع أو الشراء .. كل يملك قراره بالتداولات و الله ولي التوفيق ..