https://www.youtube.com/watch?v=ZmamQ92SFo8
عرض للطباعة
هذي المشكلة قليل ما نحصلها موجودة عندنا في قطر .. حصلت لإخوي وعدل الجار سوره بس كان اخوي باني ومخلص ما استفاد
https://www.youtube.com/watch?v=bfWL80A5QIQ
لا والأخ اللي فوق يقول الطابوق مب مشكلة لو انبنى في أرض الجار .. معطي نفسه الحق في التعدي
تصميم ثلاثي الأبعاد كأنه حقيقي
https://www.youtube.com/watch?v=9Aucwmsxmqc
https://www.youtube.com/watch?v=acuYCvnn-Q4
شغل احترافي وسريع
شغل طرق في الصين
https://www.youtube.com/watch?v=_pNDb6CbYHg
اقتباس:
المشاركة الأصلية كتبت بواسطة معماري قطري
ابا عبدالله
لفت انتباهي القواعد ايطارها طابوق بدل الخشب
وش رايك فيها !!!!
هل تزال بعد يومين او تدفن !!!!
الطابوق راح يمتص المياة الملاصقه من الخرسانه !!!
ولا امتصاصه بسيط ولا يؤثر !!!
هلا شيخنااقتباس:
المشاركة الأصلية كتبت بواسطة سعود.
ملاحظتك في محلها وانا انتبهت لها بس ما ذكرتها .. أكيد تعطي حماية عندك من تحت صبية النظافة وعندك البلاستيك السميك المفروض يكون تحت ومن الجوانب بعد بناء الطابوق والمفروض الطابوق مقاوم للأملاح والخرسانات تحت كذلك كلها .. البلاستيك يحفظ الماي في الخرسانة وتبقى نقطة التبخر من فوق فقط هذي ترطبها وتغطيها بعد ببلاستيك أفضل من الخيش لأن الخيش يشفط الماي ويتبخر بسرعة البلاستيك يمنع الماي من النفاذ وتشوف عليه نقط ماي بعد فترة وترجع تنزل على الخرسانة
الفورمات الخشب تكلف ويمكن تكون أغلى من الطابوق واشوفها فكرة ذكية بس تبقى في حدود البناء وما تطلع عن حدود الارض أو تحسبها من الأساس ضمن التأسيس
شفت كثير فورمات حديثة بلاستيكية وتحمي الاساسات تنحط وتبقى بعد الصب وتركيبها سهل بس مب موجودة عندنا ونقلت لها فيديوهات هنا
حتى للبيسمنت لو سويت جدار خارجي طابوق مدفون داخله وسويت العازل المائي جهة الداخل وسويت الجدار الخرساني ممكن يكون مبناك محمي أكثر وبنفس طريقة برك السباحة .. الخرسانة ممكن تسويها شوتنغ كريت أو المقذوفة
جهة الجار طبعاً بتستخدم خرسانة شريطية طويلة للقاعدة مفصولة بس مكان فاصل البناء والتمدد كل حول 6 متر طولي للسور .. هذي خشبها سهل لكن لو مقتنع بحماية الطابوق أكثر تقدر تستخدم 10 سم ويكون الجدار راكب نصه على الطابوق ونصه على الأساس الخرساني .. ما ادري اتوقع ما يكون ثابت والتفصيل اللي نسويه إحنا بدون طابوق أفضل وتحمي حدود جارك وحدود الحكومة وتبني بالضبط داخل حيز ملكيتك
ما ادري معلومة صحيحة أو لا
https://www.youtube.com/watch?v=4M4hJcAFzu0
هذي المشاركة تستاهل نجمة.اقتباس:
المشاركة الأصلية كتبت بواسطة معماري قطري
انا حبيت البناء بالخشب والاسمنت .. ما تتقيد بمقاس معين وكله يمشي ويكون عزل المبنى ممتازاقتباس:
المشاركة الأصلية كتبت بواسطة سالم الزهران
طريقة بناء الأقواس القديمة بدون حديد وتعتمد على توازن الطوب مع التقويس ولصقه بالاسمنت .. تنفع للقبب كذلك وللبناء بالحجر
https://www.youtube.com/watch?v=DfnNZPJCtnk
بعد تشكيلة حلوة للأرضية بمواد بسيطة ممكن تنعمل بسهولة بالانترلوك
https://www.youtube.com/watch?v=zw4QnQyYjZ0
المثل يقول ازرع تين والعب في الطين
https://www.youtube.com/watch?v=XO0atcMxsuU
شغل حلو ومميز لممر الزراعة .. لاحظو في الأخير تم عمل الصرف الصحي تحت البلاط بتوصيل مباشر منهولاتلس .. انا أشوف كان ضروري علاوة على الدك تحت البلاط والخرسانة يعمل طابوق جانبي يعزل تربة الزراعة عن التربة المدكوكة
https://www.youtube.com/watch?v=wJpZvmiWzds
https://www.youtube.com/watch?v=uah8WDcU7tU
في فلوريدا كانوا يستعملون بلاستيك فقط لحفظ الرطوبة .. ما ادري ليش نستخدم جيوتكستايل أو خيش وهو يمتص الرطوبة بعد
معلومة مهمة وهي آخر دور يكون ارتفاعه 4 متر حتى يخفون مكينة السحب فيه للمصعد اللي بدون غرفة .. طبعاً إحنا محدودين بارتفاع معين أعتقد 15 متر أو 14.5 حالياً والغالبية يعملون البنتهاوس أقل حتى يوازنون الارتفاع ويعطون أهمية للدور الأول والارضي .. نحسبها من فوق لتحت .. 4 + سمك الخرسانة للسقف نقول 30سم + سقف السطح للبنتهاوس نقول 40 سم =4.7 متر للبنتهاوس .. تبقى عندنا 9.8 متر للدورين لو خذنا كل دور صافي 4 بتبقى عندنا 1.8 تتوزع بين ارتفاع ارضية الدور الأرضي شامل الحوش وسمك الأسقف .. وفي حال الغرتفاع 13.5 تبقى لنا 80 سم بعد كافية لسقف 30 سم + ارتفاع أرضية البيت من الصفر 50 سم
https://www.youtube.com/watch?v=TVi56l-6J1o
https://www.youtube.com/watch?v=HZZu0Ugu3AU
آلة مهمة للبنائين والنجارين
ما شاء الله استراحة رفيجنا القصيمي شبه خلصت يا بو زيد
المظلات القماشية بتهتري بسرعة وبتنشق من الزراعة وبتجمع الغبار وتنزله وقت المطر لكن كشكل مناسبة .. في النهاية لوحة معمارية من فنان معماري والمساحة كلها 1200 متر مربع مثل ما ذكر بس اتوقع عندهم حرية في فتح مواقف على الشارع مب مثلنا يمنون علينا التخطيط بفتح باب واحد وبابين بالطرارة
https://www.youtube.com/watch?v=UhT5Nj5g1Tk
كذلك من المهم نعرف تفاصيل التقفيل من فوق بقطع حجر مايلة قليلاً لسقف السطح ما تخلي الغبار ينزل على الواجهة مع المطر .. ومهم نلاحظ أي بروز مناسب للطيور هذا يعتبر كارثة تصميمية لو عششت الطيور وخربت الواجهة أو ببساطة حطت وتسببت في تلطيخ الواجهة
هذا فيديو دعائي لحد يغتر في هذي المواد .. جميلة صحيح ومناسبة لبعض الاستعمالات ممكن بس لازم نحط في اعتبارنا إنها تحتاج تبديل خلال 10 سنين مهما يكون .. تهتريء وتجمع الغبار وينزل مع المطر على شكل صلصال طيني ناعم يلطخ الواجهات وأي شيء تحته
https://www.youtube.com/watch?v=9IJB2CNjQms
أكيد فيه عناصر جمالية وتدوم أكثر من هذي المواد وتنفع .. قبل طلعوا بها وغالبيتها اختربت ومحطة بترول ركبت سقفها تظليل من نفس المادة وقالوا إنها عازلة للمطر وقوية لكن ازيلت والمحطات الحديثة كلها أسقف معدنية وهذا معناه أثبتت فشلها
أكيد أي شخص مقبل على شراء بيت تجاري ضروري ياخذ الخرائط كلها والضمانات ويسوي فحص عن طريق مختبر مرخص .. حتى عينات الدفان سهل أخذها من مواقع عشوائية وحتى لو كلف الفحص 20000 وكان مطمن ما اعتقد بيكون خسارة كبيرة على بيت شاريه ب 2 أو 3 مليون
https://www.youtube.com/watch?v=hHPgAXjlzWU
إحدى الأخوات مقررة تعمل حديقة متدرجة جهة البيسمنت والاستشاري معقد الموضوع مع إنه بسيط وبيكون مبني من الطابوق واحتمال من الخرسانة مع احتياطات التصريف اللي انذكرت هنا وهو ملم بها .. هنا البناء خشبي خفيف لكنه كافي ومناسب
https://www.youtube.com/watch?v=sLvRyiunGp0
وجهة نظر احترمها واتوقع عملية بتكون
https://www.youtube.com/watch?v=nyPyJ1kjgic
أكبر خدعة يروجون لها بايعين البورسلان إنهم ينصحون بتركيبه بفواصل حتى يفتكون من مسؤولية العيوب المصنعية .. لكن لو مصنع جيد بينفع حق التركيب 0 جوينت وشكله في الغالب يطلع أجمل
https://www.youtube.com/watch?v=4bGOS2-PEDU