يعطيك العافيه اخوي الدوسري
ماشاءالله عليك فنان ومضارب محترف
اتوقع بكره فيها سحبه تجميلية
الاسهم الي عليها زخم سيوله اتوقع بتواصل الايجابية
دام ازدان سحب اتوقع فيها اسهم كثيره بتعدي مقاوماتها وبتسحب
توقع والله الموفق
عرض للطباعة
عني انا تم الحمدالله الخروج والتكيش من اخر قمه وصل لها وماقدر يطلع 9200 وحواليها تقريبا
وفي الانتظار على المدرجات حتى تتضح الصورة وواضح بانها مطولة شوية حتى الانتهآء من الاعلانات
من كان اعلانه جيد وممتاز بيطلع ومن كان سي راح يستقر على سعره او ينزل
بعض الاسهم الكتاب يقرا من عنوانة مثل الدوحة والتجاري وصناعات والخليج الدولية. استثمار ومسيعيد ووقود والاول وغيرهم
هناك مثل صيني يقول لا تمسك السكين وهي ساقطة
وجهه نظر والله العالم
بالنسبة لبروة تداول السهم ف أخر 3 جلسات ضعيفة
هذا يدل على أيش ؟
هلا باخوي فيصل
المثل شعبي صيني لكن هل يطبق على سوقنا ام لا ماعندي فكرة اخوي فيصل
ولكنه في السوق الصيني يعتبر مثل دارج لو قال الرفيجة بالصيني فهم علية
مثل الامثال العربيه عندنا علي سبيل المثال الي كثروا الرعيان ضاعت الغنم
او الزين زين ولو صحى من النوم والشين شين لو تكحل كل يوم
او العلم في الصغر مثل نقش الحجر والعلم في الكبر مثل نقش في المدر
او القطو العود مايتربى
الغرقان يتعلق بقشة
مشكله ان ماعندنا امثلة بورصوية مثلهم
لان سوقنا بعده من الاسواق الناشئه
اخوي كنغ المضاربه اشلون اتقول مثل هل يمكن يطبق على سوقنا او لا وانت تتكلم عن اسهم السوق نفسه
السوق بخير ان شاء الله وما يهبط
اشوف ماحد تكلم عن الأمريكي اشوفه طاير 400 نقطه فوق
يارب سوقنا يطلع ويشقح المطبات ويطير
لماذا لا تستجوب ادارة البورصه المجموعه الماليه عن التخبط في شاشة التداولات لليوم الثاني على التوالي .. حيث ان هذا الخلل التقني أثر على الرؤيه الحقيقيه للاسعار لأنها تكون freeze لفتره من الزمن ..من ثم ترى اسعار /طلبات/ عروض جديده..و هو ما أربك التداول و اتخاذ القرارات في البيع او الشراء !!
حتى عندما تضع امر شراء لا ينعكس في نفس الوقت على شاشة التداول !
عن نفسي خسرت اليوم من وراء هذا التخبط و أثر بشكل كبير في متابعة المضاربات اللحظيه!
بأستثناء ابداع ازدان اليوم و المقلب المباغت في متداولي المستثمرين بأخر الجلسه هما ابرز ما شاهدناها في التداول لهذا اليوم ..!
المؤشر كسر دعم أولي مهم عند 9100..واغلق اليوم عند 9052 .. لذلك يقف المؤشر وجها لوجه في أخر جلسة تداول شهريه مع حاجز مهم .. وهو حاجزالدعم النفسي عند ال9000 نقطه ..
في الجهه المقابله، المؤشرات الأمريكيه تحقق الان ارتفاعات قويه و خصوصا الداو بأكثر من 1.5%//S&p 500 ارتفاع ب 1% و النفط كذلك الحال بارتفاعات ب 1.5%
بناء على ذلك .. على المؤشر العوده للارتفاع مدفوعا بهذه الاخبار الجيده ..إلا اذا كان للمحافظ الماليه رأي أخر بغض النظر عن اغلاق الذمم الماليه الشهريه !! و في سوقنا تعودنا على( توقع غير المتوقع )!!
غدا اتوقع كرأي شخصي( و الله اعلم ) ان يكون بداية السوق ارتفاع بحوالي 50-70 نقطه ومن ثم يبدأ بتقليص هذا الإرتفاع مع اقتراب نهاية الجلسه .. و في اخر ساعه محاولة دعم اسهم المؤشر الثقيله ما أمكن لخلق توازن امام البيوع المضاربيه و خصوصا في التأشيري!