البيت الأخير بيطلع حلو تصميمه مع حوض السباحة المفتوح على البيت
https://www.youtube.com/watch?v=AgBMjjb15io
عرض للطباعة
البيت الأخير بيطلع حلو تصميمه مع حوض السباحة المفتوح على البيت
https://www.youtube.com/watch?v=AgBMjjb15io
العزل عن تسريب الهواء ضروري .. بالنسبة لبيوتنا أوقات الأبواب الخارجية خصوصاً الخشبية والحديدية فيها فجوات كثيرة تدخل هواء وغبار .. مشكلتنا أكثر مع الغبار ومع الهواء الحار لكن أي بيت يحتاج يتنفس .. يحتاج هواء مستبدل وهذا يستحسن يكون عن طريق نظام فلترة وتلطيف لدرجة رطوبة الهواء وتنقية من الملوثات وأكيد بيكون أفضل لو بطريقة مدروسة من قبل أخصائين تكييف وتهوئة وبحيث يوصل هذا الهواء النقي لكل غرفة
العملية سهلة ومضمونة في التكييف المركزي واللي فيه هذا النظام .. للتكييف العادي نقدر نسوي مداخل للهواء بفلتر ولكميات بسيطة ما تسبب ضعف ضغط هواء في مراوح الشفط للحمامات والمطابخ .. بس مهم نسكر الفجوات الخارجية اللي تدخل هواء غير مفلتر .. أكيد الموضوع معقد أكثر بس اللي بيشوف تكييف سبلت أو دكت سبلت أو حتى مركزي يشوف نظام فيه ميزة الهواء النقي
https://www.youtube.com/watch?v=dD8ahaObf4E
الطريقة خاطئة 100% وهذي ردودي عليها في اليوتيوب
طول عمرهم العرب يشتغلون باللسان فقط .. هذا شغل كله أخطاء .. يفترض كمواصفات تركيب جيدة يتم التركيب على خرسانة مستوية .. سواء ناعمة ويناسبها غراء خاص يناسب للخرسانة الناعمة أو مخشنة .. الغراء له نسب خلط معينة والمفروض بخفاق ميكانيكي .. ولوزن مستوى البلاط يستحسن نستخدم السلك الرفيع اللي يثبت بلاطة مع الثانية بحيث تجي في مستوى واحد .. ببساطة نركب سلك سميك مربوط فيه سلك رفيع السميك يبقى تحت البلاطتين ويوازنهم بضغط السك الرفيع وبعدين قصه .. أو ببلاستيك خاص وينفع لوزن الفراغات لكن الطريقة الأُولى مناسبة للزيرو جوينت
وهذا ردي على واحد يقول الرمل لازم يغرق بالماء
وليش نحط رمل أصلاً من الاساس؟ نصب سكريد أفضل حتى ما نترك مكان للنمل يعيش فيه والنمل كثير تحصل بيضه في الرمل ويطلع من تحت البلاط بعد ما يفقس .. ولو كان الرمل نظيف يحصل فجوات ويحفر تحت البلاط ويعيش فيه بعد فترة
https://www.youtube.com/watch?v=GMHsRt7CnNU
هذا ردي وتساؤلي على اليوتيوب التالي .. متخوف من إن المسامير ما تثبت لأن نوعية المادة ضعيفة ومسامية
يا معود قلت ما يصير نثبت المسمار في الطابوق للشبك ولازم نثبته في الفواصل بس في آخر الفيديو مثبت في الطابوق .. وميزة العزل في هذا الطابوق رهيبة وخفته كذلك وسهولة التعامل معه .. كما يمكن نصبغ مباشرة بدون بلاستر بمعجون مناسب وصبغ يستحسن مقاوم لدخول الرطوبة لأن الرطوبة تبقى داخله وتقلل ميزة العزل الحراري .. هامني أعرف نوعية المسامير وطريقة تثبيتها وكذلك لو توجد ألواح أكبر لأني شفت مجمع ينبني بالواح
https://www.youtube.com/watch?v=x_VXNoekHfw
للصبغ مباشرة تنعمل صنفرة بقرطاس خشن .. يسمى قرطاس شامي حتى نحصل على سطح مستوي أو نتأكد من التركيب بدقة
شفت بيت ينبني منه في الدوحة بدون أعمدة تحميل مباشر على الطابوق وكان مستورده صاحب البيت من الكويت وهذا في 2006 أو قبل بفترة ما اذكر بالضبط
الله يعين أصحاب البيت السابق .. آمال عائلة تحطمت والمشكلة السرقات ذي تتكرر بدون رادع
ممكن نسوي مقاسات أصغر .. مثلاً المغاسل مب شرط تكون على رخام أو قاعدة وفيه بعضها تجي صغيرة حتى بعمق 25 سم وبعضها تجي للزاوية .. يعني عرض متر و 80 سم للمغاسل ممكن نقلله حتى 130 سم أو 120 سم وبعد لازم نصغر الباب كذلك
هذا لو مضطرين يعني فيه قطع خاصة وصغيرة وموفرة للمساحة
https://www.youtube.com/watch?v=C62p_CNpVIw
https://www.youtube.com/watch?v=G4d-UWt0pOs
العزل الحراري للجسور ما يخلي البرودة تسري في الأرضيات بكثافة كبيرة وبالنسبة لنا هذي تعتبر مبالغة .. لكن لو فرضنا ركبناها وسوينا عزل زين الحرارة بيحتفظ بها المنزل وبيقل استهلاك الطاقة
مواد البناء تتطور دوم وهذي صج حل لتخفيف الوزن وعمل أرضيات اقتصادية .. تناسبني اللي بارتفاع 3 أمتار لتمرير الدكتات تحت الأرض وفحصها .. يسمونها أرض مستعارة مثل السقف المستعار أو فولس فلور .. كنا نشتغلها للمختبرات للكمبيوتر بس على ارتفاع بسيط هنا توسعوا فيها كثير
https://www.youtube.com/watch?v=s6l88KczBpI
هذا القرميد المعدني مستخدم عندنا في قطر من زمان .. سهل التركيب والقص ورخيص مقارنة بالفخاري .. شفته على بيت مركب له حول 20 سنة ونبهني له صديق مهندس يستوي ولد خالة راعي البيت والا بدون شيء ما افرق بينه وبين الطبيعي .. طبعاً ميزته يحمي الأسقف الخشبية الضعيفة ويخليها تعمر مئات السنين
في أمريكا اشتغلت في قاعدة جوية كبيرة كل مبانيها مغطاة بهذا القرميد تمنيت لو صورت بس التصوير ممنوع
https://www.youtube.com/watch?v=7qh41Y3VCLo
للمهتمين بالتفاصيل الانشائية
https://www.youtube.com/watch?v=k9N5dNszxg0
https://www.youtube.com/watch?v=GQdrZ5xKbXM
حل ارتجالي ما بينفع وبتبين مساوئه في المستقبل القريب .. الحل لازم يكون هندسي مدروس وفحص تربة معمق وقد يكون ضروري انشاء تصريف للمياه الجوفية يعمل حسب الحاجة .. اللي يحب التفاصيل يشوف الفرنش درينيج .. ولو كميات المياه غير قابلة للسحب بصورة نهائية ومتجددة يكون الحل بنوعية أساس عميقة وغير .. أما مقاول يبي يخلص شغله بحل ارتجالي المشكلة بيدفع ثمنها المالك أولاً وأخيراً وهذا دجل هندسي بعيد عن الحلول الهندسية
عمل الأساسات في ارض طينية وناعمة وضعيفة
https://www.youtube.com/watch?v=ZCeLGCvHWts
https://www.youtube.com/watch?v=Uqd7VGzG2h8
طريقة تعتمد على توازن الطابوق وتركيبه في عمل القبة وهي أقدم الطرق حتى قبل يستعملون قطع حجر صغيرة وكبيرة وطين بدون اسمنت
مشكور ابو عبدالله على التحديثات .. عندي ثلاث نخل بقصه .. وعندي الحوش يبغي له مكافحة نمل .. مدري اذا أحد سبق عالج مشكلة النمل الكبار اللي يسوي بيوت
نمل الحوش صعبة مكافحته لكن شركات الزراعة فيها أدوية خاصة ما تقتل النبات ولا ضارة بس للحشرات وما يكلف شيء وسهل استخدامه لو خذت التعليمات من مسؤول المبيعات أو قريتهااقتباس:
المشاركة الأصلية كتبت بواسطة سالم الزهران