شغالين ألحين على توسعة الشوارع ويمين البيت ما ادري شبيصير بس شكلهم بيقللون الإرتداد بين الشارع والبيت وبيمددون خدمات الصرف الصحي وتصريف المطر المياه والكهرباء واصلة وحتى إطفاء الحريق
شغالين ألحين على توسعة الشوارع ويمين البيت ما ادري شبيصير بس شكلهم بيقللون الإرتداد بين الشارع والبيت وبيمددون خدمات الصرف الصحي وتصريف المطر المياه والكهرباء واصلة وحتى إطفاء الحريق
موقع الباب الصغير بين بيتي وبيت ابوي الله يغفر له الخط الأحمر من الحوش للباب ويمر بين ميلس بيت ابوي الخارجي اللي بيكون جنب ميلس بيتي والميلس الداخلي .. حظي جاء التصميم متجانس للبيتين .. البيت اليسار فوق تأجر لروضة
https://i.imgur.com/RDdR69d.png
شغال على المجسم ثلاثي الأبعاد لتصميم بيتي وشبه خلصت هذي المظلة والمجلس ككتلة باقي تفاصيل الدرايش .. البيت باقي فيه وايد والبوابة .. ما أضفت مواد مناسبة للإظهار باضيفها بعدين بحيث تبين الصورة واضحة وطبيعية أكثر وباضيف الإضاءة الشمسية والكهربية الليلية
https://i.imgur.com/RGacVCI.png
هذي جهة المجلس بس طلعت مظلمة مع إنها في الكمبيوتر تبين أوضح .. بدايات وبإذن الله لو خلصت بيكون غير باضيف الإضاءة والظلال وبيبين قريب للواقع حسب الوقت في اليوم واتجاه الشمس
https://i.imgur.com/J7wdaSK.png
وفقك الله يبو عبدالله.. عقبال ما نشوف الشرح ع الواقع بإذن الله
اللهم آميناقتباس:
المشاركة الأصلية كتبت بواسطة سالم الزهران
الله يجزاك خير ويوفقنا واياك
لازم أعدل الدقة والإضاءة العملية بسيطة بس يبغي لي أدل طريقي مع البرنامج الجديد اللي يمكن تحدث عشر مرات بعد شغلي عليه ثري دي
اخوي معماري ي سؤال محيرني .. ليش الغالبية الساحقة من بيوت قطر مبنية على النمط الكلاسيكي؟؟؟
غالبيتها يا اخوي بنيان حديث ممكن نعتبره كلاسيكي حسب الموجود عندنااقتباس:
المشاركة الأصلية كتبت بواسطة SouthK
إذا قصدك عن بعض العناصر الكلاسيكية في التصميم الأخير أو خل نقول التراثية هذي بعد محدثة ومحدثة كثير .. الزاوية المسماة القمرية وكانت كتداخل مراحل القمر الوسط كامل أو شبه كامل والأطراف أصغر .. قطعة التاج وسط الدريشة والباب هذي نفس الشيء ومعروفة قديماً وفيه منها نوعيات كثيرة محدثة .. القمرية تسمى Corbel ولها تشكيلات لا تحصى ويستعملونها حتى الأجانب وكانت أساساً تعتبر قطعة إنشائية تحمل ما فوقها ألحين قطعة زينة
ما ابغي ألجأ للحجر وأغير التصميم الخارجي بس الحجر ضروري عندي في أرضيات الرصيف وحواجز الزراعة ويمكن كحماية في أسفل الجدران لكن الباقي باخليه بلاستر وصبغ مع التشكيلات حول الدرايش جي ار سي أو حجر ولو سويت البيت حجر كله بيكون بدون تفاصيل كثيرة وفي غالبيته سادة مع الكتل والكسرات الأساسية هذي مهمة عندي وتستوي حجر أو بلاستر
بعدين حتى ما تحتار هذي المواد المتوفرة والموجودة والمقاومة لطبيعة الجو والسهلة للبنيان والكل يعرفها ليش نروح لأشياء غريبة
شيء مهم التصميم أساسه المساحات والفراغات وعلاقتها ببعض وتفاصيل التنفيذ آخر شيء يجيك الشكل الخارجي
ما كنت أتوقع شغلة الثري دي ممتعة هالشكل والشكر لسارة اللي شجعتني أواصل ومواصلتي قليلة وأوقات ألخبط في بعض الأشياء .. هذي صورة للموقع للذكرى قبل ليكتمل وفيه خرابيط يمين ويسار خليت بعضها وكأنه موقع بناء طبيعي
https://i.imgur.com/TqwASpy.png
الحين علقوا تعليقات محبطة عادي حطيت هالتصميم في راسي وإن ما كملته ألحين باكمله بعد السفر
هذي رؤية الطائر من جهة الغرب
https://i.imgur.com/MjZHOs7.png
تفاصيل البيت كتلة ألحين ما حطيت أشياء وايد
صورة البوابة من برا ما طلعت حلوة
https://i.imgur.com/CRDELNs.png
وهذي صورة من داخل جهة البوابة .. على اليمين بتكون طبيلة مثل تشكيلة الثانية اللي كملتها بس لسيارات أقل وأصغر بوايد
https://i.imgur.com/yrmL9vj.png
بعد طلعت مب واضحة وأكيد فيه شيء للحين ما عرفته
فتحت الباب الصغير الخارجي وسويت الزوايا فيه بشوية صعوبة .. أكيد للحين ما حطيت مواد واقعية للمواد واظهار بإنارة هذي يبي لي أرتبها بعدين
https://i.imgur.com/DKYsXM9.png
هذي وايد أوضح عدلت الرزوليوشن عرفت له بالصدفة
https://i.imgur.com/0DSoGkP.png
أكيد بتكون نفس الزوايا جنب الباب الكبير من داخل ومن برا ونفس الشيء الباب الصغير اللي يدخل داخل البيت
ماشاءالله عليك يافنان ..
انا خذت التصميم كامل وعرضته للبيع وجاب لي سعر رهيييييب :oops:
حلال عليج وعلى الجميعاقتباس:
المشاركة الأصلية كتبت بواسطة sara jsm
بنتي الصغيرة الملسونة شافته قالت وشو هذيه .. ما ابي تصاميم التسعينات .. إنتي تشجعيني بس
بدأ الفايل يكبر ويعلق الكمبيوتر هالمرة باقلل الرزوليوشن شوي
هذي من الجهة الجنوبية عرفت أخلي عدسة الكيمرة أعرض
https://i.imgur.com/Fl29Pqu.png
وهذي صورة متوسطة الدقة جهة حوض السباحة .. الحائط البارز شوي من البيت هذا فيه المنور المفتوح على البيسمنت للتهوئة
https://i.imgur.com/WbPimGx.png
أي برنامج هذا اخوي؟
هذي يمكن أوضح للحوض
https://i.imgur.com/MvzkjGl.png
اوتوكاد 2018اقتباس:
المشاركة الأصلية كتبت بواسطة SouthK
الـ render مختلف عن الاصدار 2020!!اقتباس:
المشاركة الأصلية كتبت بواسطة معماري قطري
الله يوفق
تنصحني أغير ل 2020؟اقتباس:
المشاركة الأصلية كتبت بواسطة SouthK
شغلة يا اخوي كل سنة مغيرين شيء بسيط
أضفت تشكيلة الماء وهي نازلة على الحوض من أعلى والجالس في الحوض راسه مرتفع عن الماء ووراه يتم الضخ ويتحرك الماي جدام ينزل مثل ما هو موضح ويتفلتر ويرجع من فوق .. إرتفاع الحوض من الأرضية حوله 90 سم وعمقه 125 سم يعني بيكون محفور له قليل .. بنفس الوقت الجالس على الطاولة أو داخل المجلس يشوف الماي جدامه
https://i.imgur.com/bDqXx44.png
اشوف بعض الامور اللي سولفت لي عنها مسويها في التصميم، منها المجلس المضلع. وفقك الله يا معمارينا
,واياكم والجميعاقتباس:
المشاركة الأصلية كتبت بواسطة سالم الزهران
هذا تصميم من الصفر وهو نفس تصميمي اللي عرضته في السابق والتعديلات تقريباً شبه معدومة .. على الثري دي تقدر تتخيل المساحات وتشوف علاقتها ببعض .. بعد بادخل خطوة أكثر باوضح توزيع كل دور مع الجدران مع الأثاث كله ثري دي .. للحين ما حطيت نوعية المواد حتى تنعكس الصورة طبيعية أكثر والإضاءة أقدر احط عدة أنواع
حركة الماي وهو نازل عالحوض مسوينها فندق ماندارين مشيرب يالقلاد :omg:
اقتباس:
المشاركة الأصلية كتبت بواسطة sara jsm
ماشاءالله لافين فنادق البلاد كلها :victory:
ههههههه زين صدتهااقتباس:
المشاركة الأصلية كتبت بواسطة Azizuk
سارة هو فيه ألحين شيء مبتكر كلها أفكار موجودة بس المهم تنسيقها
اي والحمدلله مب لافينها على حسابك :funny:اقتباس:
المشاركة الأصلية كتبت بواسطة Azizuk
:
حاول تبتكر وتخترع :waiting:اقتباس:
المشاركة الأصلية كتبت بواسطة معماري قطري
انا متخرع بدون شيءاقتباس:
المشاركة الأصلية كتبت بواسطة sara jsm
غلطت في الثري دي إني ما سويت ليرز ( طبقات ) لكل دور بحيث أقدر أخفي طبقة وأشتغل على طبقة ثانية والتداخل بينهم صعب .. تتعدل وأنجزت كثير من المطلوب وباتابع وقت ثاني بعد ما اخلص غالبية الأمور العالقة .. ممكن بسبب كبر الفايل أقسمه لعدة فايلات أصغر واشتغل على كل مبنى بنفسه أو حتى كل دور أسويه ثري دي مع الأثاث والجدران بتكون العملية أسهل بكثير وباخلص أسرع
ألحين باحط صور رحلة اليونان وبتركيز على المباني ونقد وتعليق هندسي عليها .. أول مرة أعيش تجربة نوعية بناء غير عن اللي متعودين عليه
ترددت لأن الصور أحلى احطها في موضوع عن السفر ويمكن اضيف قليل منها هنا للنقد الهندسي
البارحة تعبثت شوي في سالفة الرندر أو الإظهار مع إضافة شوية مواد للتصميم وعطيته اوكي وتم الكمبيوتر يحن ويحسب ويعلق خفت يصير فيه شيء .. قفلته وهو شغال يكمل حساباته .. ألحين اشوف الصورة طلعت وايد أحلى بس الخطأ اللي أخطأته كنت حاط الإنارة مائلة كثير جهة الغرب والتصوير من فوق طلعت الصورة شوي مظلمة
https://i.imgur.com/aWDRdnT.png
باسوي بإذن الله صور ثانية يمكن أقل جودة بس بإضاءة مسلطة مع مكان التصوير
هنا يعطينا فكرة عن الظلال والشمس قبل المغرب بشوي
هذي سويت عليها اديتنغ وزدت الإضاءة وبينت أوضح
يبين المنور الهرمي وتفاصيل الغرفة فوق والدرج .. وهذا البنتهاوس خليته بدون سقف حتى ابين التفاصيل الداخلية وفيه قواطع للحين ما أضفتها ونوافذ كذلك .. يسار الصالة بتكون غرفة زجاجية سقف وجدران بس السقف بيكون شبه مظلل بمشربية خشب تحت السقف الزجاجي وبتكون مطلة على منطقة حوض السباحة يسار البيت
https://i.imgur.com/e8yEX4W.png
بالنسبة للتكييف خلاص قررت للبنتهاوس بيكون في آر في مدمج في جهة وحدة من السقف مع تمديدات للداخل وأجهزة تكييف منفصلة لكل فراغ أما سبلت أو دكت سبلت بس في حال الدكت سبلت باشوف اللي يتركب واقف كأنه كبت ما يكون معلق في السقف وللأدوار الأول والأرضي المكاين الخارجية بتكون تحت في البيسمنت الخدمي
النخلة اللي طالعة من منور السطح هذي ضمنية هنا بتكون زراعة مزهرة ومتسلقة مثل الياسمين وفي إصيص تحت في الدور الأول ترتفع لدور البنتهاوس وواضح مكان الدريشة اليسرى اللي تطل عليها .. فيه كسرة فوق الكراسي في الصالة مثل الروشنة المستطيلة وكذلك فوق مكان السرير بين الدريشتين الطوال بطول 2.2 متر وعرض 1 متر واصلة للأرض تقريباً بس محتار أخليها بنفس مستوى الأرضية أو ارفعها 20 سم .. بنفس مستوى الأرضية بتطلع أحلى لو انفتحت وبيكون اتصال كامل مع الفضاء الخارجي .. باشوف لو أقدر اسوي تفصيل تكون من تحت بفريم مخفي ومن فوق عادي بفريم .. وإحتمال اسوي شترات للدرايش مالت غرف النوم
هذي صورة مكبرة لمكان الغرفة الباب على خط واحد مع الدريشة بس الباب الثاني جاي وسط الممر لأن في اليمين بيكون كبت أو كاونتر بأدراج تابع للبانتري اللي بيكون على اليسار ومطل على السقف .. هذي بإذن الله بتكون غرفة لولدي الصغير والغرفة الثانية والصالة تعتبر شقة صغيرة يعيش فيها لين يبني على راحته .. تحتها بالضبط نفس الغرفة وتقريباً نفس التفاصيل .. درايش العلوية ثنتين جنب السرير مطلين جنوب ووحدة يسار مطلة شرق وعلى سقف البيت ووحدة غرب مطلة على الحديقة الغربية
https://i.imgur.com/3KLIy1e.png
عندي غرفه كبيرة خارجيه بس ماعندي لها خرايط .. لاني ضفتها بعد مابنيت ..
ابيك تساعدني فيها بوعبدالله ولك مني وجبة كيما شغل منزلي :looking:
عرض مغري ما انتبهت لهاقتباس:
المشاركة الأصلية كتبت بواسطة sara jsm
كيما لحم ضبان أهم شيء ما لي خص تصرفي وعندج مساعدين خصوصاً أهل الشمال مسيطرة عليهم خمس ضببة سمان ينتجون لحم يكفي لجدر صغير وأعشاب برية أي عشب يمشي
بس ارسلي لي والا حطي هنا المقاسات وشتبغين وحاضر حتى لو عندج صورة جوية من قوقل والا تقدرين تركبين تصورين من فوق السطح مع نقاط معروفة المسافة بينها باركب الصورة على الأوتوكاد وباسوي التصميم
ما قلتي لي شرايج في الخرابيط أعلاه؟
اقتباس:
المشاركة الأصلية كتبت بواسطة معماري قطري
هههههههه الله يلوع جبد العدو ..
خلاص اسحب عرض الكيما وباعطيك بداله كاااااش :sorry::weeping:
ماشاءالله عليك بوعبدالله انا نسيت سالفه قوقل الحين باشوفه :strong
بس باطرشلك عالخاص :whistling: ماابي حد يقلدني
اللي تشوفينه معروفة أنانية .. زين الكاش كم شكل الفلوس زادت في مخابيج عارفج كل مخبى فيه كم كيلو أغراض وما تعتمدين التكنولوجيا الحديثة شناط وهالسوالف
اقتباس:
المشاركة الأصلية كتبت بواسطة معماري قطري
:oops: ان شاءالله باعطيك اللي يرضيك ..
صورت اليوم وعقب باخذ المقاسات بالمتر بالضبط ..
وتالي باطرشهم لك .. وعلى مدى ابداعك بتحصل ريالاتك :omg: