تتداول بعض الاحاديث انه تم السماح للاعضاء مجلس الاداره ببيع اسهمهم وذلك نظرا للانتهاء فترة العضوية ,, فهل هذا سيربك حركة السهم؟
عرض للطباعة
تتداول بعض الاحاديث انه تم السماح للاعضاء مجلس الاداره ببيع اسهمهم وذلك نظرا للانتهاء فترة العضوية ,, فهل هذا سيربك حركة السهم؟
اكيد سيؤثر على حركة السهم في حال كان بالفعل خبر مؤكد ورسمي
هل سيكون تأثير سلبي؟ أم إيجابي
الحسابات والصفقات والرسم البياني ونفسية السهم وقطاعه والسوق
بإذن اله يساعدونا في صنع تصور واضح لمستقبل السهم القريب
إن شاء الله
لحد الآن الوضع جدا إيجابي عندي واتوقع ان هذا الخبر بيسوي
شغل ايجابي عليه
بنشوف الليله إن شاء الله
اقتباس:
المشاركة الأصلية كتبت بواسطة الســـامر الأســود
في أسوأ الاحتمالات لنفترض ان الخبر صحيح ,,, فما هو وضع السهم؟
من وجهة نظري أتوقع أن هذا الخبر بيتسبب في زيادة المعروض
واذا زاد المعروض عن المطلوب زاد البيع واذا زاد البيع هذا يعني
نزول في سعر السهم
الاسهم لما تنزل تنزل بقوة تساوي قوة وتوجه الخبر الي عليها
في حين تبقى ارقامها ودعومها مستوياتها وتحليلها نفس ماهو
في حالة الريان:
قوة الشراء كافية لاستيعاب اي خبر سلبي والى حدود ال 18.4
تقريبا بإذن الله ... وفي حالة الخبر هذا ان صح.. فهو خبر محايد
مش ايجابي ومو شرط سلبي ..ومضاربين الريان يسون الي
يساعدهم به السهم ..مش الي يبونه... لا.. الي يساعدهم به
السهم
ماعند محركين السهم الا وجهتين ..يايثبت السهم بحدود 30 درهم
فوق وتحت.. او انه يطلع .. والله اعلم..هذا رايي الشخصي وبانتظار
تحليل جديد له بعد جلسة اليوم
موفقين خير
السلام عليكم
اضافة بسيطة جدا لسهم الريان مثل ما هو واضح الشارت السهم وصل لنقطة الدعم علي الترند الصاعد الان اذا تم كسر الترند سوف يتوجه السهم الي سعر 19.5 ريال مع الاخذ في الاعتبار الدعم عند Moveing Average50 اما في حالة ارتداد السهم للاعلي سوف يتوجه الي الهدف وهو 25.5
وعليكم السلام
صحيح اخوي ابويوسف هذا الترند يجب ان يحافظ السهم
عليه وان لا ينزل عنه
لما يصير هذا الشي في سهم مع توقيت خبر او اشاعه
او مؤشر عام نازل تسمى هذي النقطة بالمربط الحسابي
لو تلاحظ السهم تزامن سعره الحالي مع مؤشر نازل
وايضا مع ظهور اشاعه او خبر غير مؤكد وهنيه يجي
دور ادارة السوق ومجلس ادارة البنك بان يحسنو
ظبط الأخبار في مثل هذي التواقيت
هذا الشي موجود وصار كثير بالسوق القطري وفيه
الكثير من المرات الي اثبتنا وجوده سابقا وفيه مرات
ننبه عليه وقبيل وصول السهم لمثل هذي المرابط
الزمنية والاخبارية السعريه ..قبيلها ننبه عنه وتجي
سلامات والحمد لله
الرعاية وناقلات و وقود والمواشي وبنك الدوحة
اذكرها كامثله مثبته ومرسومة بالتاريخ - وبالرقم
وبالحساب ايضا
*****
وعليه نعم هناك احتمال ان يفرط السهم اذا اثرت
هذي الاشاعه في توقيتها مع رسم السهم وحساباته
ولكن: من ناحيه اخرى السهم فيه اصلا بقايا تشبع
بالشراء وبقايا حسابات بيع وهي الي شفناها اليوم
ويمكن اثرت على السهم..فلازم نميز بينها وبين
التوقع بالنزول .. ايضا كاضافة ... السهم ومن دراسته
فيه قوة ان شاء الله تمسك السهم من النزول
مستويات فيبوناتشي ودورات اليوت لن تترك السهم
ان ينزل اقل من 19 نفسيا والله اعلم هذا لاسمح
الله اذا اذا بالفعل صار هذا الشي ..وهو عندي لليوم
غير وارد ..لما ذكرته اخوي ابويوسف في مساله
متوسط السهم مال ال 50 يوم ومن ناحية قوته
النسبية الحالية ماتمكنه من النزول الى اكثر من 19
لاسمح الله...بالاضافة الى ماذكرته انت ايضا انه مستوى
دعم...خطوط الترندلاينز تعتبر دعم وقوية نسبيا
تبيقى مساله المؤشر العالم والخبر هي مانروجو من
الله ان يكفي السهم اي مخاطرة تكون سبب فيها
والله اعلم
كفيت و وفييت ... و الله يجيب فيه الخير ... بانتظار اي خبر رسمي بهذا الخصوص
لا خلا ولا عدم:taunt:
الاخ السامر الاسود مثل ما قال اخوي بن قطر فعلا كفيت ووفيت وشرح وافي وفالك المليون :)
بالنسبه لي المعادلة بسيطه راح اتابع السوق انشالله يوم الاربعاء اذا ارتد السهم راح اشتري اذا كسر الترند راح انتظر شويه. وانشالله الله يرزقنا اجمعين.
اقتباس:
المشاركة الأصلية كتبت بواسطة *¤ بن قطر¤*
تاريخ التأسيس اذا ماخاب ظني 18 فبراير بعد اللقاء الصحفي للاستاذ حسن العبدالله. يعني ما راح يسمحون لهم بالبيع قبل هذا التاريخ والمفروض انهم لايسمحون لهم بالبيع الابعد مرور سنتين من تاريخ الادراج.. اما فيما يخص الاحاديص التي يتداولها المستثمرين وبشكل كبير حاليا الا وهو مطالبة مصرف الريان بتسديد المتبقي من رأس مالها (5 ريال) وبان المصرف سوف يسدد ما يقارب ال 2 ريال لكل سهم من ارباح المصرف والمتبقي سوف يتم تحصيله من المساهمين.. انها شائعه يتم تداولها بين المستثمرين ولكن هل هي صحيحه ام لا فالله اعلم.. ولكن بالرجوع لتصريحات المصرف السابقه بانهم ليس لديهم النية لزيادة رأس مالهم وليس لديهم النية للمطالبة بباقي رأس المال قبل 2009.. ولكن هل هي شائعات من اجل الحصول على السهم بسعر زهيد..!! توخوا الحذر يا اخواني والله الموفق
اعتذر يالسامر للمداخله والاطاله
الحين لو عندي 10 الاف ريال
وشو اخذ الريان ؟؟
او ناقلات ؟؟
او اسمنت الخليج ؟؟
الثلاثة حلوين من وجهة نظري :con2::con2:اقتباس:
المشاركة الأصلية كتبت بواسطة Um Sultan
اسمنت الخليج
انا من رايي سهم الريان افضل مقارنة بالمبلغ اللي عندج لانه مبلغ مش كبير لذلك بهالمبلغ راح تحصلين على اسهم اكثر في بنك الريان لانه ارخصهم ومش بس لانها ارخص ولكن ان شاء الله متوقعين ارتفاع للسهم لين شهر ابريل.
والله يوفقج يا ام سلطان ويوفق الجميع ك:sneaky:لن في سهمه
موفق خير يابن قطر ... نصيحة طنش لأي إشاعة..او حتى خبراقتباس:
المشاركة الأصلية كتبت بواسطة *¤ بن قطر¤*
الرقم والرسم والواقع وعين السهم هي خير برهان
هلا وغلا والله يابويوسف ..ونعم المعادلة ونعم الأخ ..واللهم اميناقتباس:
المشاركة الأصلية كتبت بواسطة ABOYousef
معذور ومشكور اخوي الراي ..ماقصرت الحقيقة تهمني نقشاتكماقتباس:
المشاركة الأصلية كتبت بواسطة الرأي
مع ارقام السهم وحساباته ..والمشكلة الريان اعرفه زين.. من
رسمه ومن تحليله تقدر تعرف اي تسرب خبر او شبيهه .. وتقدر
تعرف الخبر هذا اذا كانت بالفعل شي مؤكد او شي غير مؤكد ..
شي مؤثر او شي ماله اي تأثير من قوى السهم وحساباته ومتباعه
صفقات مع بعض.. وهذا كله يقول ان الي صار مجرد شي كان
متوقع "راجع" وبالفعل صار" راجع" بإذن الله .. وان الي فعليا
صار هو جني ارباح سنوي..قابله امامنا شراء ايضا قوي..
والسهم لليوم مازال متماسك وصعوده عندي اقرب بكثير من قوة
هبوطه والله اعلم.. والمساله فقط ..مساله صيد ارخص اسعاره
الي بقاع الموجة يا للمضاربة يومين ثلاث ايام او للاستثمار ..
لليوم ما اعطاني الريان اي اشارة خطر ..بالعكس الا كانه يقول
انا قربت اطلع او اثبت شوي وبعدين اطلع..والله اعلم..هذا راي
موفق خير اخوي الراي
كلهم حلوين كلهم نفس الشي.. ولكن كأن اسمنتاقتباس:
المشاركة الأصلية كتبت بواسطة Um Sultan
الخليج .. اشوفه والله اعلم شوي شوي افضلهم
والله اعلم..تابعي السوق بكره وبعده ولاتستعجلين
الصورة اصلا مش واضحة 100% للمضاربة
اذا تبين تشترين وتنتظرين بعدين شوفي الدولي
موفقة خير
جزاك الله خير اخونا ومحللنا الكبير السامر الاسود
هل لا يزال وبعد اغلاق اليوم على سعر 22.5 بعد ان لامس ال 22.4
هل لا يزال توصيتك باقتناص السهم من ال22.8 الى ال22.4 وهل تغير شيئ عن ذي قبل
وجزاك الله خير
اقتباس:
المشاركة الأصلية كتبت بواسطة Clueless
هلا بكلوليس: ويجزاك خير اخوي
بما انه بإذن الله الريان قاعد يحقق ارقامه فهو مع حساباته وتحليله
توني واصل - براجع السهم وبرد لك خبر
موفق خير
:(
يعني انا دوم مقرود
تصدقون شريت السهم على 23.10
وغير عمولتهم
والحين شسالفه
وينك ياخوي السامر ايش العمل
ابيع واشرد والا شسالفه
هل هو بينزل لين 21 او 20
اذا فيه نزول خلني ابيع واعوض شوي من خسارتي
وانت بيض الله وجهك في تحاليلك منت مقصر في حد
والله يعطيكم العافيه
الريان يا محبينه
****************
من بعد ما وصل للرقم 22.4 بإذن الله عندها
السهم أعطاني اشارات اني اتوقع مايلي:
1. يا ثبات ثم انفجار قوي - لأي سبب كان
2. نزول طفيف الى حدود 21.8 ثم صعود قوي
3. صعود مباشرة من الإفتتاح
***********
هذا مالدي .. طبعا التحاليل كثيره والرسوم اكثر والكلام
كثير كثير ... احيانا اكتبه "مثل الرعاية وصناعات والسلام"
واحيانا لا.. اكتب بشكل موجز واعطيكم خلاصة توقعي..
هذا توقع وراي ورؤية عندي والله أعلى وأعلم
اذا صاب تستاهلون واستاهل واذا ماصاب عادي
مش اول مره اخطي.. وان شاء الله أعوضكم :)
موفقين خير
اللهم أغفر له وأرحمه وأهده صراطك المستقيم
اللهم سدد رميه وقوي عضده وانصره وق وجهه
عذاب القبر والنار وادخله جنتك واعطه الفردوس منها
وأغفر لوالديه وللمسلمين والمسلمات والمؤمنين
والمؤمنات الأحياء منهم والأموات واجزه خيرا
يعجز اللسان عن شكرك
جزاك الله كل خير
أجمل وأحلى ما أسمع - يشد عضدي هذا الدعاء بإذن الله
أحبه
يسوى عندي ملايين وآلاف الريالات والدراهم
وبكره اذا اعطاك الله من ريانه ..ادع لي
وإذا أخطيت هم بعد أدع لي ترى الريان
مش بعيد ومش للبيع إن شاء الله له
جزاك الله خير يا بوشهاب ماقصرت جعلك تسلم
ندعولك دوم..يالغالي...اقتباس:
المشاركة الأصلية كتبت بواسطة الســـامر الأســود
الله ايردك بالسلامه...و ايحفظك و يحفظ عليك دينك و يحرسك ..من كل شر و فتن...و اييسر لك امورك...و ايوسع عليك دنيا و آخره...
و هالنمرالاسيوي اللي حااااطه...
احترس منه و من اهله اذا كان حد منهم حولك...:sneaky:
جزاك الله خير ياخوي السامر الاسود
جزاك الله خير اخوي السامر
الواضح على السهم التجميع.وبدت تتسرب اخبار عن ارباح فوق الممتازه عن الربع الاخير.
ان شاء الله اتكون اخبار قوية وحلوة تخلي كل ملاكه يفرحوناقتباس:
المشاركة الأصلية كتبت بواسطة العقيد
الناس انعدمت ثقتها في اي رقم ممكن يرتد منها االريان
علي قولة السامر( الشخابيط) الايجابية والسلبية كثيرة والواحد احتار اي منهم صح
جزاك الله خير السامر الاسود بس اخوي عندي استفسار متى بيسمحون للمؤسسين في بيع اسهمهم وهل هذا بيأثر على سعره بالسوق
تحليل جديد للريان ارجوكم فيدوني هل ادخل فيه ام اخرج منه
http://www.qatarshares.com/vb/showthread.php?t=138949اقتباس:
المشاركة الأصلية كتبت بواسطة سمير محمود
تم الاعلان عن موعد الجمعية العمومية في وربما يكون هناك اخبار جيدة وقرارات في مصلحة المساهمين
اخونا السامر الاسود .. ننتظر تحليلك و اطلاعنا على نظرتك للسهم ومصيره للاسبوع القادم
جزاك الله خير اخونا الكريم .
اقتباس:
المشاركة الأصلية كتبت بواسطة المجدم
الاعلان عن اجتماع مجلس الادارة وليس الجمعية العمومية
عندنا حالتين اما ايجابي بسبب السماح للاجانب
واما سلبي بسبب السماح للمؤسسين للبيع مع التحليل الفني
لازم ندرس نفسية صانع السهم ونفهم تفكيرة نحاول
الاسبوع هذا جدا حاسم المؤشرات الاسبوعية تقف علي مفترق طرق
نراقب
السماح للمؤسسين بالبيع بدري عليه .والمؤسسين لن يبيعوا السهم بأقل من 30ريال بعد صبر سنتين لانهم الادرى بقيمة السهم
امممممممم يعني كم بكون العائد على السهم ريال مثلا......؟:(
اللـــــــــــــــــــــــــــــه عليـــــــ اخوي السامر ـــــــــــــــــــــــــك وما شاء الله عليك صدقت في توقعك وتحليلك يوم تقول:
من بعد ما وصل للرقم 22.4 بإذن الله عندها
السهم أعطاني اشارات اني اتوقع مايلي:
1. يا ثبات ثم انفجار قوي - لأي سبب كان
2. نزول طفيف الى حدود 21.8 ثم صعود قوي
3. صعود مباشرة من الإفتتاح
وشفنا اليوم ان السهم وصل لين 21.7 وارتفع لين 22.7 واتمنى من الواحد الاحد ان شاء الله انه يواصل الارتفاع ويستفيدون ملاك السهم.
بيض الله وجهك اخوي السامر وغفر لك ذنوبك ويرزقك ان شاء الله من خيرات الدنيا والاخرة
اقتباس:
المشاركة الأصلية كتبت بواسطة عابر سبيل
السلام عليكم اخوي وصديقي \ عابر سبيل
واللهم آمين ويسلمك ...ولك يالغالي جزاك الله خير والله
النمر هدية :( ولازم البسها .. اهداها علي عضو حب يقدرني
جزاه الله خير .. وانت اعرف ياخوي: من قدر الناس قدره الله
وراجع قريب ودعواتك في الي انت خابرة باقي شغلتين :(
ويجزاك بخير اخوي العنزي..ويا مرحبا بكاقتباس:
المشاركة الأصلية كتبت بواسطة alanazi
ويجزيك خير يالمبتدئ .. والله يحيكاقتباس:
المشاركة الأصلية كتبت بواسطة المبتدىء
صحيح والظاهر ان الخافي اكبر واحلى إن شاء اللهاقتباس:
المشاركة الأصلية كتبت بواسطة العقيد
إن شاء الله - من ناحية احجام وصفقات السهم وتحليله فهو مقبل علىاقتباس:
المشاركة الأصلية كتبت بواسطة hajooh
ارتفاعات ان شاء الله قريبا
ما احترت يالصياد - الريان والرسم والرقم الواحد مع بعضاقتباس:
المشاركة الأصلية كتبت بواسطة الصيـاد
بإذن الله وهذا الي شهر الموضوع - لو تبي ارويك اخر ثلاث
انا حاضر - راجع
واحيانا نعم تصير مساله نفسية بسبب شعبية السهم وقلة
محللينه - سهم له اهله يعني
ويجزيك بخير يابوسالماقتباس:
المشاركة الأصلية كتبت بواسطة بو سالم
هذي عندي اشاعة - اوصيك بعدم تصديقها السهم مؤشراته
رائعه ولو فيه شي كان ماتشوف التجميع عليه - راقب االصفقات
وراقب الاحجام واسعار الافتتاح حقت امس وقبله وقبله وجمعها
باي طريقة تريد مثلا برنامج تحليل فني وبتعطيك الصورة الايجابية
موفق خير
وين يا سمير محمود ياخوي - انت داخل موضوع التحليل نفسهاقتباس:
المشاركة الأصلية كتبت بواسطة سمير محمود
ونعم لو قلبت الصفحة كان بتشوف توصيات بعدم بيعه وبالصبر
عليه وبالشراء فيه من ثبلها بيوم ويومين - عموما السهم
حلو اذا بتشتريه حق شهر بتحصل حول 5 -8 ريالات ان شاء الله
وينه؟ ماشفته ..عني انا ماشفته ... مشغول مرة واللهاقتباس:
المشاركة الأصلية كتبت بواسطة المجدم
ممكن الرابط؟
ويجزاك بخير يا قناص: وين غيبتك؟ صار لك فتره غايب عنااقتباس:
المشاركة الأصلية كتبت بواسطة قناص الاسهم
وإن شاء الله .. اجدد التحليل برغم ان اخر تحاليله ماشيه اوكي
ها... راقبت؟ ولا ماراقبتاقتباس:
المشاركة الأصلية كتبت بواسطة الصيـاد
السهم ومن قبل الخبر ومع الخبر رائع وللحين المؤشرات رائعة
وماقربت على خطر ولا حسم ولا شي... وين ..روني اياها
بخصوص الاجانب وان دخولهم ايجابي؟ هذا مايعتبر شي
ايجابي؟ وين الايجابية في هذا؟ وليش دخول الاجانب يعتبر
مقياس على ان السهم بيكون اوكي او لا؟ هذا الشي مرفوض
ومساله المؤسسين وانهم بيبيعون هذا كلام يدعو الى التخويف
اولا... لا مصدر ولا خبر مؤكد ...وهي مجرد اشاعات...
فما ادري شلون شايف السهم صراحه؟
لا تحليل ولا رقم ولارسم ولا موجات ولا شي
وفوق هذا فاهم ان دخول الاجانب ايجابي
وفوق هذا كله تتكلم بإشاعة غير مؤكدة
شرايك؟
انا ما اقول ان السهم مضمون 100% بيرتفع
وانه ماراح يطيح... لا... العلم عند الله واحنا قدامك
كل يوم يومين نحلل ونجدد تحليل الصفقات والاحجام
بالعكس الا اانا اقول ان دواعي الخطر والخوف الي
جمعتها انت ..مالها اساس و لا تعتبر شي يؤخذ به
كلامك صحيح ومعقول ومدعوم بتعليلاقتباس:
المشاركة الأصلية كتبت بواسطة العقيد
ويا اخوان نصيحة - اتركو عنكم الاشعاات
السهم عليه عائد حلو حاليا .. واتركي عنك العائد معاقتباس:
المشاركة الأصلية كتبت بواسطة بنت الفيصل
الريان... شوفي سعر شرائج وبيعج بس.. البنك توه
جديد.. وصدم العالم بارباح غير اعتيادية وغير تشغيلية
اسهم العوائد معروفه ..بس مش الريان نقدر نحدد من الحين
مجرد توقعات..الي يهم حاليا هنا حسابات السهم السوقية
يعني محد يضمن ان العائد انه راح يكون اوكي لان
مافيه شي نقدر نبني عليه هالقرار - يبي لنا سنة
سنتين زيادة
اسالي المحللين المالين .. هذا دروهم ..في تقييم السهم
اوصيج بمحمد الهاجري او الجني بمقيم وخبير البورصة وعزوزالمضارب
ا وعابر سبيل لانهم
نشطين ومتواجدين ومايبخلون علينا بشي
اقتباس:
المشاركة الأصلية كتبت بواسطة youmax
هلا بيوماكس - موفق خير والله ينفعك ولايضرك
كلها توافيق من الله وانا خوك
*******
الريان يامحبينه:
السهم اسس 80% تقريبا قاع عند 22 ( 21.8-22)
وهذا القاع مثل قاع 13.3 و14.4 و 16.3 و 18.4
اذا تذكرونها
القاع الجديد هذا 22 .. بيصير يوم من الايام قريبا
إن شاء الله مثل ماتشوفون 13 الحين
والتوصية عليه مازالت قائمة:
ان السهم مقبل على خير كبير إن شاء الله والى اليوم
مع مراعاة اخباره..فالاخبار .. تغير في توقيت الهدف
الأهداف والمقومات للريان ومن الغد إن شاء الله
23.4 ثم 24.4 ثم 25.4 والأقوى هي 24.4 تقريبا
الدعم ومستويات الخطر لاسمح الله هو 21.5
وعليه اوصيكم بالسهم فالسهم مبشر بالخير
ولاعليه خوف ان شاء الله ..ولو توفر وقت عندي
كان افردته بتحليل خاص مثل الدولي والرعاية
والسلام
اوصيكم بعدم بيع السهم كما اوصي بشرائه
لهدفه اليومي 23.4 والأسبوعي 25.4
والشهري 27.7 والنصف سنوي 32
الريان عندي ومن وجهة نظري اقرب الى الصعود منه الى الهبوط
مادام السهم ماعليه اخبار سلبية ومادامه
بعيد عن اشارة الخطرومادام مؤشراته جيدة
إن شاء الله
والله أعلم هذا مالدي عن الريان الليله
الله يوفقك ويجزاك خير ويحفظك ويحقق امانيك و يسعدك دنيا و آخره ويبارك لك في اهلك ومالك ويرزقك من حيث لا تحتسب انه ولي ذلك والقادر عليهاقتباس:
المشاركة الأصلية كتبت بواسطة الســـامر الأســود
أخونا الكريم ..السامر الأسوداقتباس:
المشاركة الأصلية كتبت بواسطة Clueless
الله يجزاك كل الخير .. ويرحم والديك ..
ويفتحها بوجهك وين ماتروح .. وينور لك بصرك وبصيرتك إنه بصير سميع مجيب الدعاء
اللهم بارك لنا في مالنا واولادنا ومحللينا
اللهم جاز المحللين عامة والسامر خاصة بالفردوس الأعلى واكرمهم بالنظر إلى وجهك الكريم ولا تحرمهم اجرنا
اللهم إنهم يمشون فيما ينفع عبادك فلا تحرمهم واسع رحمتك اللهم آمين آمين آمين