اللي حاب يشوف نظام التمديدات الأمريكية للصرف يدخل .. هنا زحمة مباني والارتداد قليل لذلك دخلها تحت البيت لكن عندنا مع الارتدادات الموجودة النظام أسهل
https://www.youtube.com/watch?v=V-kXdmSjRaI
عرض للطباعة
اللي حاب يشوف نظام التمديدات الأمريكية للصرف يدخل .. هنا زحمة مباني والارتداد قليل لذلك دخلها تحت البيت لكن عندنا مع الارتدادات الموجودة النظام أسهل
https://www.youtube.com/watch?v=V-kXdmSjRaI
حقن التربة بالاسمنت والرمل لتقويتها ولسد الفجوات والدحول داخلها .. الدحول منتشرة عندنا في قطر ويواجهونها في الطرق والأنفاق .. الطريقة بسيطة وسهلة تبدو لي وغير مكلفة ( يفترض) وأكيد مهمة لبعض الأراضي الضعيفة بناءً على تقرير التربة .. الفيديو طويل بس مهم للمقدمين على بناء بيسمنت
https://www.youtube.com/watch?v=HnkA_lpU0HY
بعض الناس يفتون فتاوي خاطئة مثل هذا كلامه صحيح جزئياً بس أكيد هذي الوصلة تحتاج نعاملها كجزء طاير حتى لو ثبتناها من الجنبين نقدر نفترض إن التثبيت يكون تجميلي فقط للشكل والا الحديد الطولي ممكن نقصه وأكيد كله بحسابات هندسية
التقوية المفروض تعتبر حديد علوي لأن التقوس لو حصل بيكون من الطرف الغير متصل لأسفل لذلك نقوي الجزء المشدود واللي بيكون أعلى الخرسانة المصبوبة والمحملة على الجسر الجانبي .. ضروري نكشف حديد الجسر ونلحم معاه الحديد الجديد وأكيد كله بحسابات انشائية
https://www.youtube.com/watch?v=TuAuulQzkqg
ما شفنا المخططات ولا عرفنا الصورة الشاملة .. تفسيرها في رأيي فتحة معينة لغرض نافذة أو فتحة تمرير خدمات ومؤكد محتاج لها المقاول وفي التصميم أساساً .. مرة عملت قبة خرسانية وركبت فلين مكان فتحات النوافذ
https://www.youtube.com/watch?v=pzCHcfxZ_bk
شيء مهم أول مرة اعرفه وهو إن التركيب للصرف الصحي بالرابر جوينت أفضل .. يبي لي اتعمق فيه أكثر
https://www.youtube.com/watch?v=8GVCaj8XflM
طريقة حلوة لمعرفة الميلان ( السلوب ) حق أي تمديد نحتاج فيه لسلوب معين
https://www.youtube.com/watch?v=F5d-47POqbo
في الفيديو السابق يتكلم عن التجمد وهو غير مهم لنا وغالبية الوصلات ملصوقة بغراء وأعتقد اللي تابعناه بالوصلة الربر فوق يعتبر تسويقي أكثر منه أساسي
تمرين سهل للي عنده شوية خبرة في الاوتوكاد وحب يجرب ثري دي يتبع الخطوات بس
https://www.youtube.com/watch?v=JwRvNHFKGH4
شغل ما اكتمل والجدران شوي وصخة ومتخوف من قدرة مقاومة هذي المواد للرطوبة وقت الصيف وحاجة الواجهات للتنظيف .. لو تحفظوا واختاروا ألوان فاتحة بتكون أفضل للحرارة وللجو عندنا
حبيت درابزين الدرج أو بالأحرى المسكة المخفية المضاءة .. ولو سووا فجوات مفتوحة في الجدار الفاصل بين اتجاهي الدرج بيطلع أكيد أحلى
https://www.youtube.com/watch?v=RLf2ca-ZIF4
يعطيك العافية بو عبدالله.. رغم الجمال اللي شفناه الا ان نهاية المقطع صادمة..شلون واجهة المبنى المطلة ع الشارع بهذا الشكل!
ايضاََ الديكورات كلها أساسية صفحة بيضاء.. يقدر يقول انه مافيه ديكورات الا المعمارية.
لكن في المجمل.. تنفيذ البيت ممتاز وفكرته المعمارية جداََ رائعة بواجهات قزاز و بهو كبير.. لكن اللي يمدحه المصري الحبيب هو اللي انا انتقده وهو التداخل بين العناصر والافكار ومنها الفل هايت دورز... جنه باب في مدرج جامعة
الله يعافيك اخوي بو زيد
حلو إنه مب متكلف والأحلى بالنسبة لي إنه مبتعد عن التناظر أو ال Symmetry والكتل الخلفية حلوة بدرجة معقولة ومغطية وصادة الرؤية للبيت .. هذا مثل الشاليه أهميته جهة البحر .. انا متخوف بس من التكسية الخارجية القاتمة والا الباقي أكيد بيكون روعة
يمكن يحتاج يحط حماية تحفظ التكسية الخارجية من التصاق الغبار فيها وتشويهها
تغطية الفواصل الخاصة بالتمدد أو التحكم في انكسار الخرسانة لو صار موضوع مهم والمواد كثيرة .. نصادف حالة شبيهة في بنيانا قرب الحائط قطعة البورد الخشبي اللي تكون منفذ للأرضة من تحت الأرض لداخل البيت وهذي يجب كشطها ثم تغريقها بدواء الأرضة أو أقل شيء بالكاز أو الديزل ثم اغلاقها من فوق بمادة مرنة
https://www.youtube.com/watch?v=lBc2SXiEtd8
أشياء وايد ما فهمتها بس التصميم عملي في رأيي ينقصه الكرسي الرخامي الطويل اللي يعتبر بلاطة ساخنة
https://www.youtube.com/watch?v=zJcPWQ-rvjM
هذا البنيان شفت مثله في قطر .. الحوايط سيبوريكس بدون أعمدة وفوقها سلابات مثل ذي والبيت دورين وما اذكر اذا فيه بنتهاوس أو لا
https://www.youtube.com/watch?v=WO5O6DSSPW0
شغل الروس متقن
https://www.youtube.com/watch?v=rYGelIR1KbE
ياخوي موادهم غير.. حتى التراب يجي في اكياس مثل الاسمنت
كل نوع يا اخوي له مصادره وهذي الدول تقنن انتاج هذي المواد وتعبئتها بدرجة معينة من الجودة ومن المواصفات الواضحة .. في دولنا الجهل يلعب دور وحتى المغسول يجي مغسول بماي مجاري بدون كيماويات تعادل حدة الأملاح فيهاقتباس:
المشاركة الأصلية كتبت بواسطة سالم الزهران
في قطر بدت الحكومة تستورد أنواع عديدة من كل هذي المواد حتى الرمل والقابرو والحجر بأنواعه والطين والإسمنت بكميات مهولة حتى مصانع الاسمنت عندنا تأثرت كثير أرباحها بمنافسة المستورد .. ما قصروا دول الحصار نفعونا منفعة كبيرة من حيث أرادوا يضرونا
المواد الأولية متوفرة عندنا .. تصدق حتى صناعة الخشب ممكنة والألواح المصنعة ( Plywood ) ممكنة بسهولة .. قطع وبرادة وورق الشجر متوفرة عندنا المزيج اللاصق ممكن صناعته وعمل مصنع لكبس الألواح سهل طول ما الطاقة متوفرة حتى الشمسيةاقتباس:
المشاركة الأصلية كتبت بواسطة سالم الزهران
صناعة الطوب الحراري والفخاري ممكنة ومب شرط يكون طين صلصال عالي الجودة حتى الرمل العادي والمتوفر بكثرة ممكن بعد طحنه لحبيبات رفيعة تتغير خواصه ويلتصق أكثر .. عندنا خير بس ما نحس به خصوصاً من المواد الممكن اعادة تدويرها .. في كثير من الدول ياخذون قطعة من مبنى تراثي قديم تم هدمه أو حديدة من سكة حديد قديمة ومصدية من سنة 1901 أو قبل لأن القطارات استخدمت قبل السيارات .. وهذي القطعة يخلونها بارزة ويفتخرون بها .. الأُمور سهلة تحتاج تخطيط شخص مقتدر ومساعدة وتشجيع الدولة
تركيب البورسلان بدون بلاستيك ضبط المستوى شغل العرب دوم ناقص
https://www.youtube.com/watch?v=Fn1iE2T6dz4
هذي لو انعملت للمكان ككل مع عمل جزئية تكون فيها النعلة غائرة 15 ملم عن مستوى الحائط وهذا الفراغ ال 15 ملم يكون منار انارة مخفية تسطع على وجه النعلة والتقاء الأرضية مع الحائط تحت بتكون عنصر جمالي مميز .. وهذي نعملها في الممرات والمناطق المكشوفة مع التنسيق مع وضعية الأثاث
https://www.youtube.com/watch?v=9mEfyBmbyMA
وجهة نظر إن النعلة المخفية لو كانت بارتفاع 15 سم تكون شوي مضمونة الحافة ما يحتك فيها شيء ويكسرها لو كانت النعلة داخلة شوي مثل الصورة التعريفية للفيديو
شغل عزل داخلي بالفرنسي
https://www.youtube.com/watch?v=mB3tW6IJv7Y
متابعة لموضوع ترميم غرف النوم
https://www.youtube.com/watch?v=Ps_aYWgJsJE
شغل الصرف الصحي المباشر منهوللس أشوفه وايد أرتب
https://www.youtube.com/watch?v=k2HsfYl7xPE
شغل روس بعد أظن
https://www.youtube.com/watch?v=ratgvoogJ5A