اعتقد صارت عاده عندنا ومنطقيه ان غرفه الماستر ( الاب والام ) تكون اكبر مثل ماقال ( ابو عبدالله ) لوجود السرير الكنج كبير الحجم + اغراض الزوجين ملابس …..الخ . غرف الابناء في الغالب البنات ماتوصل 25 سنه الي هي في بيت زوجها والابناء كذلك .
عرض للطباعة
اعتقد صارت عاده عندنا ومنطقيه ان غرفه الماستر ( الاب والام ) تكون اكبر مثل ماقال ( ابو عبدالله ) لوجود السرير الكنج كبير الحجم + اغراض الزوجين ملابس …..الخ . غرف الابناء في الغالب البنات ماتوصل 25 سنه الي هي في بيت زوجها والابناء كذلك .
فعلاََ ، رغم اني ما كملته لكن السمس تعتبر صديقة لهم ويلونها عكسنا، لذلك اشوف تقنية المباني الصديقة للبيئة ما تركب عندنا في اغلب تفاصيلهااقتباس:
المشاركة الأصلية كتبت بواسطة معماري قطري
اخوي سعود انا عندي امل اخذ لي في الحوش غرفتين وحدة نوم والثانية مكتب وفيه اشغالي واموري، وحذاهم مطبخ صغير محد يقرب الدهن ولا يخش زيت السمسم ولا يبوق الطحين..ولا احد يقول مب نظيف ولايتحلطم..
هههههههه
يا اخوي مخي جيم فترة وزين حللت وشو السمس وعرفت انها الشمساقتباس:
المشاركة الأصلية كتبت بواسطة سالم الزهران
تقنية صديقة للبيئة وهالسوالف ذي للي على قد حالهم ويفكرون في الإرتياح الحراري وهالسوالف .. ذيلا تحصل المكيفات تشتغل بكامل طاقتها ولا حد في البيت ولا يسئلون الفاتورة كم وإحتمال عندهم حلول طاقة شمسية للتكييف .. بعد شفت طبقات الزجاج شلون وستانلس ستيل بحجم محترم أكيد وراء هذا طبقات معينة وغاز ممكن كريبتون أو زينون اللي أغلى بوايد من الآرغون يرفع سعر البيت هشكل
ذكرتني بسيارة البوغاتي 16 سلندر يقال ان استهلاكها للأكسجين في ساعة يعادل استهلاك 20 شخص أو عدد ما اذكره بالضبط خلال يومين .. ولو تحسب تكلفة الكيلومتر سواقة فيها تطلع لك خيالية على سعرها وصيانتها وطول فترة عمرها الإفتراضي
على طاري تجييم المخ باقول لكم سالفة حصلت لي أمس بس لتعلمون حد الدوحة صغيرة .. حطيت غترتي على راسي ومتعود أمسك العقال وارتب الغترة جدام المنظرة بس هالمرة مستعيل ومركز في أشياء ثانية وقطيت العقال فوق راسي بدون ترتيب وشوي خذت التلفون وتذكرت عقالي وين حطيته ما اشوفه ومركز على الأرض طايح هنا أو هناك دورت فترة بس رفعت راسي وحظي مراية مقابلتني الا اشوفه فوق راسي .. رحت الميلس وقلت السالفة ل 4 من الإخوان وما صار لنا دقايق الا دخل ثاني الحمدين عندنا في الميلس ولد عمي وهو راعي نغزات وسوالف واحتشر معاه واحد من الربع ليش عقالك مايل قال اسكت توني أدور عقالي وناسي إنه فوق راسي .. عاد انا حسيت انه ينغزني قلت مسرع ما وصلك الخبر توني متكلم .. وصج شكيت في حد يصور وينقل له لايف شيصير معانا .. الا كمل مسكين قال والله دورت شكثر ولا دريت اني لابس العقال .. سبحان الله صدفة غريبة شرايكم؟
وهالشي غلط ترى .. غرفتي في بيت ابوي من الغرف الماستر ..اقتباس:
المشاركة الأصلية كتبت بواسطة سعود.
رغم اني كنت بروحي فيها لكن عقب ماتزوجت ارقد فيها مع عيالي ومرات عيال اخوي يباتون معاي في الويكند او اذا سافر زوجي ..
فالبنت تحتاج دايما غرفتها في بيت اهلها ..
طبعا ماتبي حد ينتقد الفوضى اللي تسويها :sneaky:اقتباس:
المشاركة الأصلية كتبت بواسطة سالم الزهران
اقتباس:
المشاركة الأصلية كتبت بواسطة معماري قطري
مب غريبه على اللي في عمركم ههههههههه
مساك الله بالخير وحياك الله وسامحني ما انتبهت لمشاركتك ذياقتباس:
المشاركة الأصلية كتبت بواسطة سعود.
غرف النوم حسب التصاميم الحديثة صارت مب بس حيز السرير وسعه حوله بدون ترتيب صارت يفترض تنحسب مساحتها ككل بالمتر المربع ما نحسبها طول وعرض وبس .. وهي موزعة مناطق عندنا المدخل مثلاً لو فيه موزع وعندنا أوقات قسم جلوس مع إني ضده وحلو تخلي الجلوس كرسيين جنب السرير أو واحد طويل جدامه والجلسة الرسمية تكون في صالة مخصصة لإجتماع الغالبية وممكن تضيف صالة ثانية للي يحبون يتابعون مسلسل مثلاً وتكون تحت .. الصالة في كل دور تدليع وشيء حلو حتى لو صغيرة
نرجع لغرفة النوم فيها بعد غرفة الملابس سواء سويتها مفتوحة مثل الكسرة أو مغلقة لحفظ الأشياء الثمينة وخاصة بك .. مساحات التخزين هذي اضافية للغرفة بعد ومساحة ممكن عندك تسريحة وممر يوديك لدورة المياه كلها هذي تضاف للغرفة وللإستعمال الخاص بالغرفة انا لو خليت الغرفة 8 في 10 وخليت كل شيء منثر فيها باكون سويت تصميم تعيس وبيبين مع الاستخدام
شوف مثلاً غرفة النوم الرئيسية في بيت ولدي 136 متر مربع تعتبر شقة في بعض المناطق وتعادل 10.9% من مساحة بنيان البيت كله بجميع مرافقه لو بنقول عنها طول وعرض تعادل مثلاً 8 في 17 .. بس تنظمت المناطق غرفة الملابس لها تشطيب مبسط أكثر وقواطع بتخفف كثير من تكلفة باقي الأمتار .. الحمام تكرمون جميع بيكون هو الأعلى تكلفة كمتر مربع وحيز النوم 4.4 في 7.9 متر يعادل 34.76 متر مربع .. حيز يعادل كذلك كنسبة مئوية من باقي خدمات الغرفة 25.55% وممكن يكون أصغر
حق بيتي أصغر الغرفة الرئيسية وحتى خدماتها
https://i.imgur.com/gQD3zNN.png
عمل بارتشن بالطوب الزجاجي .. هذا مبالغ بالحديد ما فيه داعي له وكان ممكن حتى شوية أسلاك سميكة تنفع والا بدون .. الطوب الزجاجي حلو وممكن نركب له إنارة مخفية تنور داخل الطوب بس شغلة استبدالها أكيد وممكن نكرب جزء بالسيليكون سهل فكه أو حتى كله بالسيليكون يمشي
https://www.youtube.com/watch?v=tk6vYt7inAU