على صغرها بس تلبي المطلوب وفوق هذا فخمة . واكيد ارخص من البناء الكبير
عرض للطباعة
على صغرها بس تلبي المطلوب وفوق هذا فخمة . واكيد ارخص من البناء الكبير
هذي إخوي سعود هندسة الواقع والإبداع في استغلال مساحات صغيرة واقتصادية بشكل ذكي ويناسب المستهلك .. شغالين عليها المطورين أكثر .. إحنا غير نبالغ ونطمع وأوقات الأرض كبيرة تبي تملاها وفوق احتياجك بوايد .. ما اروح بعيد انا أحاسب نفسي قبل بيتي المصمم الجديد عندي مساحات وغرف وايد يمكن ما احتاجها بس دوم أفكر في العيال والأحفاد .. ونصهم بيبنون لهم وأكيد بتصميمي ومشاركتي وعطيتهم أولوية حتى إحتمال ما ابني مقتنع بمنطقتنا الحالية وايد مريحة وكل شيء حولنا والبيئة المحيطة وخليط البشر هنا أفضل بوايد من بيئة معيذر .. شغالين هناك على البنية التحتية وكان مقرر الانتهاء في شهر 11 القادم أجلوا لين شهر 4 وعادي يأجلون سنتين لين بعد 4اقتباس:
المشاركة الأصلية كتبت بواسطة سعود.
زين اللي انتهوا منه شيء يضحك .. طرقنا سووها مثل طرق لبنان الجبلية مسار في كل اتجاه بس في لبنان بشر يمشون كلهم سواقين راليات جبلية لكن في المناطق المحيطة بمعيذر ستي والوجبة ستي وبالحيران والسيلية ستي سلاحف بشرية ما تبي تمشي وانت تعاني وراء واحد يزحف .. للأسف هذي متطلبات البلدية طريق طويل عليه دوارات ومطبات شكثر وفوق هذا مسار في كل اتجاه جدامك شايب يسوق والدنيا عنده سريعة وهو يمشي 20 بس والا هندي مبند ليتاته في الليل مستمتع بليتات الشارع وما يدوس كله علشان البترول ما يخلص والفلبيني مثله .. يعني شنتوقع أفضل من الموجود؟
لي صديق يشرف هناك على الشغل هو بنفسه غير مقتنع يقول احنا شغلنا اشراف وبس وحاول معاهم تعديل بعض الأمور وما قصروا بس شالفايدة هم يحتاجون تعديل سياستهم صح ويسون طرق تستوعب وتمشي بدون تكدس وبدون عراقيل .. شكثر دوارات استوت هناك العزيزية حطوا اشارات وتخلصوا من الدوارات القديمة فيها وهناك مخهم ما يفكر الا في الدوارات ( الحب القديم )
شغالين ألحين على مشروع حديقة كبيرة غرب شارع العنابي وشرق اراضينا الله يتمم على خير بس الخوف بكرة يجيهم واحد رصيده مليار بس ويطلب الارض حق مول وما يردونه يشيلون الزراعة شيلها سهل
https://www.youtube.com/watch?v=jRgJEMjdGtA
سلام عليكم
السعوديين والمهندسين والمشرفين يشتغلون بذمه وضمير وتصاميمهم لفلل صغار نوعا ما شي خرافي حتى التأثيث روعه والضمانات بعد البنا
لو كان عندنا مقاولين ومهندسين يراعون الله فينا على المساحات الي عندنا بنطلع بشي جبار وحتى الاسعار عندهم ممتازه وعندهم نظام التمويل بالاقساط
https://www.youtube.com/watch?v=d_SobsICTtw
هذا مهندس اسمه م. عبدالرحمن الزعاقي داخل تحدي يبني فيلاه في شهرين اسم المشروع قالب الفيلا شي كذا مشاء الله قرب يخلص بشهر
هذا صدق ( ثورة ) في عالم البناء
عليكم السلام ورحمة الله وبركاتهاقتباس:
المشاركة الأصلية كتبت بواسطة qatari911
هم طوروا القضاء ومتابعة البناء وسهلوا قوانين التخطيط ووضحوها ما خلوها مزاجية كل واحد يفتي مثل اللي عندنا .. لا واللي يخالف ويخربط وعليه قضايا مهدود يسترزق وياكل من كعكعة المحروم
المغاسل مبتكرة ومناسبة للحيز الضيق .. السعر شوي عالي 1.725 مليون مع الضريبة
هذا ناقشناه في قروب بناء وتصميم .. ههههه دعاية لقروبنا .. اللي يتحمل رسايل كثيرة حياه معانا بس بدون مشاركات خارجية كله بنيان وتصميم وفيه شوية زراعة تجميلية وأثاث وكهربائيات ودعايات للشركات والمواد وتجمع كبير من الخليج والدول العربيةاقتباس:
المشاركة الأصلية كتبت بواسطة qatari911
https://chat.whatsapp.com/CgdCfGMCFIyK5bpEQAbJOc
لو النظام عندنا في تطوير مستمر ويكون فيه ابداع وتخفيف القيود الي بعضها ماله داعي كان احنا بخير
مزاجية وأشياء مب معقولة مثل تعال سو لي واجهة ثانية .. المشكلة ما يعرفون وشو تعريف الواجهة لازم باب ولازم تناظر كلش ما عندهم ذوق .. تطلب مني ارتدادات ومسويها ليش تطلب أمور تعجيزية .. لا واللي يقهر هو التحكم في ارتفاع الدرايش ويبون درايش الدرج بارتفاع 1.8 متر من الأرضية كأن الواحد داخل مغارة النور من فوق ويستحيل يشوف بيته من الدرج .. شلي خص بالجار ما باطل عليه الا من الدرج؟ اسلوب تعسفي غريباقتباس:
المشاركة الأصلية كتبت بواسطة qatari911