اقتباس:
المشاركة الأصلية كتبت بواسطة عبدالرحمن
السلام عليكم ورحمه الله وبركاته
انا اول مره شارك وعندي موضوعين واتمنى الشيخ يجاوب عليهم واسمحولي اذكرهم بالتفصيل علشان الشيخ تكون الصوره واضحه تماما له
الموضوع الاول: في سنه 2005 كنت املك عدد من اسهم صناعات قطر وكنت ماشي على فتوى الشيخ القرضاوي في انه الشركه حلال المهم
في بدايه 2005 رحت لشركه اسمها التسهيلات وهي شركه تابعه للبنك الدولي الاسلامي
وقلت لهم برهن اسمهي ورهنت جزء من الاسهم عددها 20 الف سهم
وقيموها لي في هذاك الوقت ب3 مليون ريال وعطوني تمويل نصف المبلغ 50% من قيمه الاسهم
طبعا طريقه التمويل انا تاابعتها شخصيا وشكيت فيها كانت تورق انهم شرولي مواد بناء وباعوها لي
وكنت ويا مندوبهم اتابع وياه
ومشالله هم مطاوعه وكل واحد لحيته كبيره وطمني هالشي(لحد يحسبني اطنز ولا شي لا بس ابين ليش انا ارتحت لانه كل واحد شكله مبين عليه ملتزم ) وهم من الجنسيه المصريه
طبعا رحنا لشركه الي تبيع وانا شخصيا سالته قلت له انت صج عندك مواد بناء وتبيعهم وتاخذ نسبه قالي اي نهم قلت يعني فذمتك وعصب شوي
قالي انت مب جايني عن طريق بنك اسلامي خلاص لاتسالني وايد
يعني الموضوع قام يدخلني الشك اكثر واكثر
فقيمه المواد المشتراه بمليون ونص
وهو خذا عمولته 2% تقريبا 30 الف
وعطاني شيك بمليون و470 الف ريال
رحت شريت اسهم من جديد ونفس الشي صناعات وتقريبا شريت 10000 سهم بسعر 150
وكنت ابي الحق على السهم ليطلع
وصل السهم 250 ولا بعت وطمعت وطبعا 20 الف سهم ماقدر احركهم لانهم مرهونين بقو عندي بس 10000 سهم
وقالولي شركه التسهيلات بعد 6 شهور ترجع لنا المبلغ مليون وخمسيمه وشي و80 الف والله مب ذاكر كم خذو علي مرابحه(فايده) اتوقع 85 الف ريال زياده عن المليون ونص مالتهم
وانا والله كررت عليه السؤال كثير هل هذي حلال ام فيها شبهه قالي حلال
وانا وللله لحمد الخير وايد وكنت بس ابي اضارب واتاجر والكاش خلص فظطريت اني ارهن
بعد نكسه الاسهم في شهر 4
تعرضت لخساره كبيره مع انه ارباح صناعات استحقت وخليتها في التوفير في مصرف قطر الاسلامي لانه حسابي هناك وعشان تخفف الخساره ولا بعت انتظرت لين شهر 8 من نفس السنه موعد استحقاق الشيك الي على المليون ونص لانه ماخذ المبلغ دين لمده 6 شهور بس
وكان ولله الحمد سعر السهم قريب 190 ريال
طبعا مع خصم العمولات وكان الشيك مستعجل عشان انا بعت في يوم استحقاق الشيك الي انا وقعته في الشركه وغير انه اسهمي مرهونه طلعت بفايده 200 الف
وفي يوم خسارتي الكبيره قالي شخص عزيز وقريب مني وعنده علم بالموضوع قالي انا اتحمل نص خسارتك وكان موقف طيب جدا وشهم من هالرجل وقلت لا والله يكفي كلمتك
ويوم ربحت 200 الف كتبت شيك لهذا الشخص ب100 الف وعطيته المبلغ تقديرا له على موقفه
السؤال بغض النظر عن شركه صناعات وانها شركه مختلطه شراي الشيخ في الموضوع هل الي صار يعتبر غلط وخصوصا انه بعد هالموضوع جميع البنوك والشركات وقفت رهن الاسهم نهائيا
مع العلم اني يوم عرفت انه الشركه مختلطه وتحط فلوسها في بنوك ربويه بعتها كلها ودخلت في شركات اسلاميه 100% ولكن ماحسبت الي لي والي على لاني مادري ومشيت على فتوى القرضاوي
ومع اني خسران خساره كبيره في الاسهم
يعني انا اذا داخل مثلا ب10 مليون ريال في صناعات و خسرت 3 مليون ريال
وبقت 7 مليون دشيت فيه كلهاا في شركه اسلاميه 100% وبس واكتفيت
هذا الموضوع الاول شراي الشيخ فيه واتمنى اني اكون وضحت الصوره كامله
وبالنسبه للمجموعه انا اتعامل وياهم من تقريبا 6 سنوات وانصدمت يوم قال الشيخ مايجوز اتعامل وياهم عشان فلوسهم في بنوك ربويه زين شالحال كل شركات الوساطه فاشله
هم احسن واريح شركه بكل امانه اقولها صج عليهم سلبيات بس هم احسن من غيرهم في اشيا كثيره واسهل اوكي هم حسابهم ف بنك ربوي بس انا اشتري عن طريقهم بس لااكثر ولا اقل واشيك على حسابي دوم مابي منهم لايزيدونه ولا ينقصونه الله يبعدني عن الحرام فشراي الشيخ نطلع منهم
الموضوع الثاني: دخلت في احدى الشركات كمؤسس في راس مال الشركه من اكثر من سنه
وحال على هالفلوس الحول والشركه هذي وعدتنا تعطينا ارباح عن اول سنه 10%
وكانت نيتي ازكي من الارباح لانه نيتي استثمار مب مضاربه
ولكن والعلم عند الله الشركه فيها غموض كبير ولا حصلنا منهم شي وكنت ابي ازكي عن المبلغ بس سالت صندوق الزكاه واكدت عليه وقالي معليها زكاه لانها امول معطله
بس حبيت اتاكد من الشيخ لااكثر ولا اقل
وبعدين انا مافهمت اكتمال النصاب فاهم طريقه اذا حال الحول اكتمال النصاب شلون؟
يعني انا سنه 1426 هجري فلوسي مليون ريال = الزكاه 25 الف
سنه 1427 هجري فلوسي 3 مليون ريال = الزكاه 75 الف
سنه 1428 هجري فلوسي نص مليون= الزكاه 12 وخمس ميه_((تعرضت لخساره مثلا هالسنه**))
صح هشكل الحسبه ولالا لاني انا احسبها هشكل بس قريت موضوع انه اذا اقل من العام ارباحك لها حسبه ثانيه مادري اذا صح او غلط
اسف على الاطاله بس اتمنى الشيخ يرد علينا بسرعه
وانا قبل ماكنت امشي نهائيا على فتواه وكنت بس الي يقوله القرضاوي ولا القراه داغي امشي عليهم ويعلها في ذمتهم وكنت دايمن اقول هذولا 4 او5 مشايخ حللو وهذا واحد خالف بمشي على لاغلبيه بس من الحين راح اسمع شيقول الشيخ السالوس في هذا الموضوع
الموضوع الاخير واسمحولي في الاطاله : اذا باخذ قرض من البنك الاسلامي بتشري اسهم وحلال كلها
يعني اسلاميه 100%
هل الشيخ يقول مافيها شي؟؟؟؟
مع اني فكرت اشتري سياره عن طريقهم وابيعها واشتري بفلوسها اسهم بس حسيت انها تحايل
والسبب انه البنك اذا بتاخذ سياره بياخذ الفايده قليله واذا بتاخذ اسهم يضرب عليك في الفايده كبيره لانه يدري الغرض استثمار يعني هذي تخلي الواحد يشك فيهم اكثر واكثر يعني انا طلبت منه قرض على الراتب 300 الف بشتري سياره على 4 سنوات قالي بتطلع عليك 360 الف تقريبا واذا بتاخذ اسهم بتطلع عليك 380 الف يعني 20 الف فايده؟؟؟؟؟؟؟ مع انها نفس المده ونفس المبلغ ونفس البنك بس عشان انا ابي استثمر ييبي يضرب عليك؟
تحيايتي لكم واسف على الاطاله
الجـــــــــواب
عليكم السلام ورحمة الله وبركاته
الحمد لله والصلاة والسلام على رسول الله وعلى آله وصحبه ومن تبع هداه
لا يجوز التعامل بشراء أسهم هذه الشركة لأنها تتعامل بالربا ولا يضر مخالفة عالم لفتوى مجمع الفقه الإسلامي وقبل الحديث عن الزكاة تخلص من هذه الأسهم حتى تخرج من الربا ثم زكيه والله تعالى أعلى وأعلم ونسأله تعالى لجميع المسلمين التوفيق والهداية والسداد .
أ. د. علــي أحمــد الســـالوس
