اقتباس:
المشاركة الأصلية كتبت بواسطة احلى دنيا
أختي أحلى دنيــا ..
لا أوافقك الرأي .. لأن تقييم المعلمــات الآن إداي بحت .. أنا أول ما شفته وكانت النظرة الأولى بيني وبين التقييم .. قبل اسبوعين فقط لمـا طلبوا مني أقيم معلمــاتي .. تقييم فاشل واللي حاطه ما يدري كوعه من بوعه ! .. مع إنه يفترض نشوف التقييم من بداية السنة !!
يقيمونـا تقييم عام .. بنود عامة .. لا تقيم إدارة صف .. طرق تدريس .. تحضير .. أنشطة منهجية ولا منهجية .. إلخ
يعني بالعربي ضبطي امورك مع الإدارة وأكرفي ليل ونهار في اعمال ادارية ومشي حالك في منهجك وتحاضيرك وراح يعطونك الأمتياز على طبق من لا استحقاق .
أنا منسقة .. قيمت معلماتي .. وتخيلي يعطونهم جيد جداً .. وحدة ما صار لها إلا 3 سنوات خبرة .. لا وبعد في مدرسة خاصة ! .. والثانية مب تربية وأول سنة تدرس والثالثة امتياز ومب تربية بعد !! .. شلون تتساوى مع منسقة في التقييم شايلة قسم و ورش وتطوير وخبرة .. !!
قدمت لهم تقييم المعلمات وطلع إجازة لظروف خاصة ولا انقطع تواصلي مع الإدارة يعني لو يبوني بيلقوني ! .. اتفاجئ بإنهم وزعوا التقييم .. وكانت هذي تقاييمهم مع إني بعطيهم بين الجيد والمقبول .!! .. ولا حد خذ رايي أو حتى سألني عنهم ! .. حتى رفيجتي المنسقة اللي معاي تفاجأت بتقييم معلماتها .. والله يا أحلى دنيا لو يستاهلون الامتياز احنا كمنسقات بنعطيهم وبنوصي عليهم .. هذا حق .. والمسالة ذمة وضمير لكن احنا ادرى بالبير وغطاه ! .
شريك عزيزتي ؟؟؟ ظلموني في بعض البنود .. والظلم ظلمات يوم القيامة ! .. تناقشينهم يقولون لك ما في مجال للتغيير ! .. حسبي الله عليهم دنيا وآخرة .
واتفق معاك الأكاديمية ما لها رأي ولا تهش وتنش ! في مدارس .. ومدارس نائبات يقولون لا ما لنا شغل في التقييم هذي المديرة ! .. مع إنهم اللي قيموا .. ونائبات ما بيدهم حيلة ولا يدرون عن تقييم المعلمات !!! ..
يعني طالما المنسقة ما تقيم ولا النائبة الأكاديمية عيل من يقيم ؟؟؟؟؟؟؟؟؟؟؟
يقيمم المديرة والبطانة الطالحة مالتها ! .
معلمات وايد انظلموا .. من المجلس الأعلى من صوب واحتكار الامتياز في نسبة معينة تضطر المديرة وصاحبة الترخيص ترضي الإداريات اللي يشتغلون عنها علشان ما يهدونها وتضيع بدونهم .. وإذا بقى كم امتياز تكرمت على معلمتين او منسقتين ! .
وتوزع الامتياز والجيد جداً بالهبل خاصة على اللي بيتمون معاها من المعلمات المقيمات .
والله في المدارس صار فيه تلاعب في التقييمات .. والظلم حرمه الله سبحانه وتعالى على نفسه وحرمه على الناس فقال سبحانه وتعالى فيما رواه رسول الله في الحديث القدسي: { يا عبادي إني حرمت الظلم على نفسي وجعلته بينكم محرماً، فلا تظالموا }
مجرد انســان .. عطنا رايك ؟
