والخير جاي ان شاء الله
تحياتي
شكرا جزيلا لكم
والله حالتكم حاله
يالله اسمحولي على هلكلمه لاكن هذا الصج صارة حالتنه حاله و العالم قامت تضحك علينه
والسالفه كلها عبط في عبط و بوق في بوق
انا بقولكم شي
قبل اربع سنين تقريباً كانت قطر وشو كانت بلاد شعبها محبوب ناس على قد حالهم مافي غني ولا في فقير
كنه كلنا واحد بس شلي صار
قلنا نبي نتطور
وهذي الغلطه اليغلطناها
تطورنا بس على وشو على حساب الشعب و على حساب نفسنه و كرامتنه و اصلنه
يالربع ترى السالفه مب سالفة اراضي سالفة ثانيه
و العقار صدقوني بينزل و كل شي بينزل بس بعد شنو ؟.؟
ترى السالفه لاهي ابعرض ولاهي ابطلب صدقوني السالفه غير
السالفه هي ان هذا هو شعب ساكت مسالم مايتكلم و لا يقول شي غير الله كريم و يسكت
و في ناس وهم المسؤولين عن هلغلى وهلمصايب كلها
قاعدين شيسوون قاعدين يبوقون عشان يجمعون اكثر قدريقدرون عليه من فلوس و بعدين
لما يشوفون الشعب صفرخلاص بيقولون الحين خلاص اكتفينه هلناس ماعندهم شي
و كل واحد فيكم يدري ابهلشي بس يقص على عمره و قاعدين تتهاوشون مع بعض
صدقوني ترى اهني في قطر لاهو ابعرض ولاهو ابطلع
السالفه سالفة بووووووووووووووووووووووووووووووووووووق ماغير البوووووووووق
و للاسف من الي يبوق ناس من هل قطر وهم هوامير يبوقون من دون حساب
وتحتهم هلاجاني تبوقك وهي تضحك واذا اعترضت تقول انقلع دورلك محل ثاني
لان يعرف انك بترجعله ذليل لانهم كلهم ربع و سعرهم مظبطينه
يبوق كل الي يقدر عليه و بعدين يرجع بلاده
يالله تكفون الي مب مصدق كلامي يجرب
روحو الصناعيه
روحو صوب الهنود الي يبيعون اسمنت و اسالوهم ابكم الكيس
لا تشترون خلوه و روحو عنه
و طرشو الدريول يسال و شوفو اذا ماكان سعر الدريول اقل ولا لا
واذا مب اقل انا غلطان
روحو اي محل روحو نجار و شوفو اشلون السعر و اذا كاسرتوه عادي يزعق عليك و يطردك من المحل
هذا كله ليه لانه هونه ابنفسنه و المصيبه ان الحين الوضع تغير
قبل كنه نفزع حق بعض
الحين كلمن قام يقول مالي خص
قبل اذا في كفيل شاف مكفوله يغلط على هل قطر امسكه و لعن قفده و سفره
الحين الهندي و غيره من العرب يزعق عليك و يحاججك ابكفيله لان يدري كفيله بيحميه
اذا رحت مركز شرطه تشتكي القانون مب نفس قبل عادي ينصرونه عليك
ولا قضيه توصل سنين قده بايق و شبع بوق و يبي يسافر
و يدورله تذكره يقول سفروني
يسوي اي مشكله عادي يغتصب و يقول كيفكم يا اغتصب او سفروني بلادي لانه خلاص اكتفا
روحو القراجات
روحو الجمعيات
و الحين فيالجمعيات طالعين طلعه جديده
حبر الطابعه مخلص
عشان ماتشيك من وراهم
ونت اشدراك اذا الكشير مايزيد
وهذاغير ارتفاع اسعار المواد في الجمعيه
لان يدري مالك الا الميره و كم جمعيه
يا كذا يا طق راسك في الطوفه
و كل مالهم و يرفعون ليش
لان يدرون ان هذا قطر غصب عنه بيدفع عشان ياكل و ماوراه ضهر يحميه
لا قوانين ولا شي
فلاعبين لعبتهم و يحاولون يبوقون اكثر مايقدرون يبوقونه قبل لا يحكرون لهم
و في الاخير من الي بياكلها هلمواطن
بقولكم سالفه يالربع
صارتلي انا شخصياً
رحت محل زينه اركب مخفي كامل 10% لان الشمس اذبحتي
و ماعندي فلوس اركب عازل حراري
كلمت الهندي قالي بركبه ابميتين ريال
هذا وانا اعرف الهندي مظبط معاه يبلفيت
قلت له يا فلان في السعوديه يركبونه اباقل من نص سعرك
والله ثم والله ثم والله يالربع ان قالي الكلام الي بقوله بالحرف الواحد
قالي بسالك سؤال
كم راتب العسكري في قطر
قلت له فوق العشره
قال و كم معاش مالعسكري في السعوديه
قلت له حروة الاربعه
قالي يعني معال مال عسكري داخل قطر كبير لازم انا بعدفي فايده
و عسكري داخل سعوديه معاش شويه كيف يطلع فايده
اقفلت الدنيه في ويهي خميته كف تحت اذنه خذت المخفي عفسته و طلعت من المحل
قالت له براويك يا الحرامي الحين بييبلك الشرطه قالي مايقدر يسوي شي
شرطه شنو يسوي انت معلوم هذا محل مال من بعدين سوي كلام
شرايكم
هذا صارت من شهرن تقريباً
يعني بمعنا اخر المواطن القطري صار غريب في بلاده ويحتاج كفيل
صال مسفل فيه كلمن يلطش فيه من صوب و يبوقه من صوب ومحد يفزعله
شتبونه انسوي تبون نبوق مثل بلادين غيرنه ولا تبونه نحذف حصه مثل البحرين
شاقول و شاخلي
قالوا بيزيدون الرواتب و هذا هو الحال على ماهو عليه
قالوا بيسددون السلفيات وهذا هو الحال على ماهو عليه
و هلشعب المسكين مطقوق بين هندي حرامي و عربي نصاب
وبين بنك يسحب قسطه و بين مرور حاكه موتره مخالفات
وبين مدارس قامت تطلب و بين مستشفيات فاشله و ماله الا الخاص
و بين راتب معاد يقظي ولا يوفي و بين بران الي كل يوم بر محوطينه ليش مايندرى
وبين حاجة عيال و الي مب متزوج ماله الا البحرين و الحرام لانه مايقدر يتزوج
و بس بلاد تصرف ملاييييييييييييييييييين المليارات على حفر في الشوارع
و على ناس اييبونهم من برع يبوقون و كل من يغطي على الثاني
الكبير يغطي على بوقة الصغير و الاجنبي يغطي على القطري الكبير
وفي الاخير المواطن العاني ملعون خيره ادفع وانت ساكت مالك فزعه
والله ماقول الا كلمتين من بعد دعائي لله
الفزعه يا بومشعل
كلام خطير جداً، وكبير جداً أخوي مرحوم قطر..
يستحق القراءة مرات ومرات...
الله يعطيك العافية على هذه المشاركة الجريئة...
والله يالشيخ اذا صار سعر تكلفه بناء الفيلا والا البيت الشعبي بسيط وغير مكلف والايدى العامله رخيصه ومتطلبات البناء رخيصه اكيد الاجارات واسعار الفلل والاراضي راح ترخص
لكن لما الاقي ارض بمليون ويكلفنى البيت 800 الف وهالشغلات الصغيره 200 ولا 250 الف يعنى صارت 2 مليون وكسور طبعا من حقى اخلى الاجار غالى
اما الاقي الارض ب 300 الف والبناء راح يكلفنى 250 ولا 300 الف ماتطلع على 700 الف كلها راح ااجر اقل بواجد بس لما تحط على مصاريف خياليه وتبي اجارات رخيصه مايصير
وهذى ليسه معادله وانما هذه الحقيقه.