بارك الله فيك
شهادة اعتز و افتخر فيها لانها منك يا الغالي
عرض للطباعة
الله يبارك لك ان شاء الله ومنزل مبارك اخوي المستشار
الله يعطيك العافية والله يجزاك الخير .. تعبناك معنا :)
اخوي الشركة تسوي الجسر بعمق 10سم وتحط 3 اسياخ ولكن تحط فوق كل دريشة جسرين يعني يطلع العمق 20 سم و6 اسياخ .. ولما سألت المهندس قال عشان العمال يقدرون يشيلون الجسور لأنها اذا صارت 20سم مرة وحده بتكون صعبة وخاصة ان الدرايش مرتفعة حيل ارتفاعها فوق 2.40م.. شرايك انت بهذا الكلام..
والله ماقصرت في هذه المعلومات
حياك الله اخوي ولا يهمك انا بالخدمة ان شاء الله
ما في مشكله بهالشي و لانه بيكون فيه جسرين منفصلين فوق بعض فلازم ينحط شبك و تخشين على جوانبهم بين الجسرين وقت البلاستر علشان ما يصير شقوق مستقبلا...ممكن تظهر شقوق مستقبلا بهذه الطريقة
لابد من الالتزام بما ذكرته لك بخصوص مقاس الفتحات
يعني لما تصير الفتحة اقرب للمترين او اكثر من مترين لازم يصير الجسر بعمق 40 سم
اخوي خلطة الخرسانة اللي تطلع من المصنع تكون المقادير فيها على الكمبيوتر و كل شي له وقت في الخلط بينما الخلطه اليدوية بالموقع بتكون على ايدي العمال و ما ادراك ما العمال
يعني ما تعرف كم كيس اسمنت حطوا مع كم رمل مع حصى مع مقاسات الحصى المختلفه مع كم ماي و البلاستيسايزر انضاف و الا لا و ايش الكمية اللي انحطت
بعدين مصنع الخرسانه بيتحمل مسؤولية التكسير و العمل و التأخير لو رسبت خرسانته ....يعني بقطر غير مسموح انك تصب شي انشائي عن طريق الخلط بالموقع ...بس اشياء غير انشائية مثل العتب او طبقة النظافة لو قصرت شوي او تعبئة الطابوق او اشياء بسيطه فما في مشكلة
ما فهمت اللي بالاحمر...ايش تبي تطلب منهم اخوي