هلا وغلا أخوي محــمد
تسلم وما قصرت لا خلى ولا عدم
عرض للطباعة
هلا وغلا أخوي محــمد
تسلم وما قصرت لا خلى ولا عدم
طيب ياجماعة الخير والسؤال طبعا لصاحب الموضوع اخونا الكريم العزيز رحال..
لو انا شريت مثلا حلاق(المقصود بالشراء هو المعدات وخلافه وليس السجل والرخصة) بجميع معداته ونقلت كفالة العمال اللي فيه على شركتنا في هذه الحالة ماهي الاجراءات المطلوب عملها؟لاني الحقيقة سالت شخص وكان جوابه ماتحتاج حاجة غير انك تغير اللوحة وتنقل كل حاجة باسم شركتك من عقد الايجار والفواتير وغير مطلوب من المالك الاول عمل عقد بيع وشراء في السجل التجاري...فهل هذا الكلام هو المطبق فعلا,,,
هلا وغلا أخوي hasss1969
كل الشكر والتقدير لك وبخصوص سؤالك .. عقد البيع من السجل العقاري في
حالة سؤالك بيضمن لك الحق ( شراء المعدات ) من صاحب النشاط المالك ..
أما في الحاله العاديه بيكون ضروري لتغيير مالك ( الحلاق بالسجل ) الى المالك
الجديد وسؤالك من الشخص انك مجرد تبدل اللوحه وعقد الايجار لازم يكون عندك
سجل بنشاط صالون رجالي عشان تبدل اللوحه وتنقل كفالة العمال ويصيرون على
كفالة سجلك ورخصتك ( كمالك ) .. أتمنى قدرت افيدك أخوي
وأفيد الجميع ربي يوفقكم
الله يجزيك خير ياخوي والله انك ماقصرت معي...بس حبيت اعرف رحم الله والديك ايش قصدت من جملة في الحالة العادية؟.الحقيقة انا بشتري المحل بمعداته يعني المحل باللي فيه....ونشاط صالون رجالي موجود بسجلنا التجاري يعني مايحتاج اضيف هذا النشاط لانه موجود بالسجل..وسالت المالك الحالي هل في داعي انك تلغي نشاطك في السجل التجاري لانك بتبيع الصالون فكان رده ,مافي داعي طالما عقد الايجار بيتغير وانت بتطلع رخصة و لوحة جديدة باسم جديدة فانت اصبحت المالك...فايش رايك بهذا الكلام,,,اقتباس:
المشاركة الأصلية كتبت بواسطة رحال الدوحه
ومعلش اعذرني ازعجتك يمكن بالاسئلة ..
الأخ / hasss1969
يمسيك بالخير ورحم الله والديك وكل الأعضاء ، بخصوص المعلومة الجديدة ان عندك
السجل الخاص بالصالون شئ حلو بس ما عليك الا تحول عقد الايجار باسم التجاري اللي
عندك وتطبع طلب " الرخصة التجارية " وتروح الوزارة وتطلع الرخصه باسمك وتسوي
قيد المنشأة .
وبعدها تحول كفالات العمال على الاسم الجديد ، أما قصدي فالرد السابق على جملة الحاله
العاديه " فاذا ما عندك سجل بموجب عقد المبايعة أو التنازل يتحول السجل باسمك كسجل جديد " .
ربي يوفقك ويوفق الجميع
الله يرحم والديك ويرزقك من اوسع ابوابه...كفيت ووفيت والله...
وسامحنا ياخوي ثقلت عليك بالاسئلة لان الحقيقة هذا اول مشروع لنا والخبرة قليلة...
عندك مانع ياخوي لو كان عندي اي استفسار في المستقبل اني اسالك اياه لاني الحقيقة حاسس اني ثقلت عليك اكثر من اللازم بأسألتي. ؟
hasss1969
هلا ويمسيك بالخير ورضى الرحمن أخوي وكل الأعضاء الكرام ، وجزاك ربي كل خير
عالدعوات الطيبه ..
آفا عليك ما بينا هالكلام وأنا حاضر وفالشوفه وأخدمكم كلكم وأتمنى إني قدرت افيدك
وأفيد الاخوه والاخوات بخبرتي وفي موقعي شرح أكثر وأي استفسار حاضر لكم أي وقت .
ربي يوفقنا وياكم ولا تنسوني بدعواتكم الطيبه وجزاكم كل خير دنيا وآخره
جزاك الله خير يارحال الدوحة
البطاقة الضريبية أول مره اسمع بها وهل المفروض اني اطلعها وانا عندي مؤسسة أفراد ؟
وسؤال ثاني : هل ممكن أضيف رخصة أستيراد المواشي
مع العلم ان الرخصة اللي عندي تشمل ( استيراد وتصدير والتجارة في الطيور الحية والحيوانات الأليفة والأعلاف )
وماهي الشروط المطلوبة لإضافة التجارة في المواشي
هلا وجزاك الجنه أخوي بودحوم
تسلم عالمشاركه وبخصوص سؤالك عن البطاقه الضريبيه ، نــعم أخوي تسجل الطلب
وتطلع لك البطاقة من وزارة الاقتصاد والمالية - إدارة الايرادات العامة والضرائب -
وترفق مع الطلب :
* صورة من السجل التجاري
* صورة الرخصه التجاريه
* صورة قيد المنشأة
وتسجل مؤسستك وتستخرج البطاقة ( نفس قيد المنشأة ) بس بدون رسوم
أما بخصوص سؤالك الثاني : اي نعــم أخوي تضيف
نشاط " تجارة المواشي " على السجل الحالي اللي عندك والمطلوب :
* صورة من السجل
* البطاقة الشخصيه
* كتاب من المؤسسه موقع ومختوم ( طلب اضافة نشاط )
* طلب التأشير باضافة نشاط ( 500 ريال + رسوم النشاط 1000 ريال )
الطلب موجود فموقعي .
ربي يوفقك ويوفق الجميع
اقتباس:
المشاركة الأصلية كتبت بواسطة رحال الدوحه
ارحم الله والديك وجعلك ومن جابك الجنة