اخطاء في البناء او الديكور ندمت عليها بعد الانتهاء.. شاركنا بتجرتك !!

..

من ملاحظاتي على أخطائي وأخطاء بعض الأصدقاء يحضرني التالي:

1-وضع البيت بمنتصف الأرض وبالتالي عدم القدرة مستقبلاً على بناء ملاحق
إضافية للأبناء أو لأي غرض وذلك لضيق المساحة يمين ويسار البيت !

2-تضييق المنزل بشكل عام والإهتمام بالمظهر الخارجي فقط لاغير
على حساب السعه الداخليه وكأن أهل المنزل بيسكنون بالحوش !

3-عدم المتابعة الكافية مع الكهربائي ونسيان تمديد الوايرات بعمدان
الطوف الخارجيه !

4-عدم وضع ساكتات كهرباء كافيه بالغرف خاصة يمين ويسار
سرير النوم وبالزوايا المقابله !

5-عدم تمديد كابلات التلفزيونات بشكل داخلي وعدم رفعها بالقدر الكافي
"مثلاً 6 طابوقات" ليكون التلفزيون بمستوى النظر ويغطي التمديدات أيضاً !

6-عدم وضع ساكتات دبل بجانب كابلات التلفزيون وهالشي راح يكشف تمديدات
الكهرباء ويشوّه الطوفه أو تحت التلفزيون على الأقل إذا كان معلق أو مرتفع !

7-عدم التأكد من إرتفاع الدور الأرضي بالشكل الكافي لإعطاء منظر
جمالي للمنزل وأعتقد 4 متر و 20 سم معقوله ومناسبه جداً !

8-عدم تخيل توزيع ديكورات المنزل بشكل تقريبي يسبب توزيع عشوائي
لساكتات الكهرباء ويشوه بعض الطوف وبالمقابل ينقص في بعض الزوايا !

9-عدم سؤال الاستشاري عن موقع كابل الكهرباء وأحياناً يكون الدي بي
بمنتصف الصاله أو غرفة الطعام مع إنه من الأفضل يكون تحت الدرج !

10-عدم سؤال الإستشاري عن الجسور النائمه وبالتالي تكون بعض
الجسور نازله بشكل يضيع المساحه ويخلي المالك يضطر يغطيه
بالجبس وينزل مستوى السقف بشكل يضايق أحياناً !

وهذي بالأخير وجهات نظر تحتمل الصواب والخطأ وللأمانه عندي
نقاط أخرى لكن أكتفي بهذي النقاط على الأقل بالوقت الحالي..

وشكراً للجميع على تفاعلهم واستفدت من عدة ردود
وشكراً لصاحب الموضوع أيضاً..

..

حالياً
عندي صالة مساحتها ٧ * ٥ ومالها سقف
لو رفعت راسك بتشوف السماء
والهدف بركب قبة

الخطأ اني لو صغرت من فوق حجم القبة
مثلاً لو خليتها بمساحة ٤ * ٤
يكفي
لان القبة بتكللللللللفني

انا اكبر خطا عندي أني كبرت مساحة البنيان على حساب الارض. وبهذا خسرت الحوش. وزادت التكلفة علي. وأنصح كل اخ تكون مساحة. البنيان بما لا يزيد عن550متر مع مراعة واجهة البيت تكون مناسبة. وهذا بصراحة محتاج مهندس استشاري. يعمل بضمير وهذا مفقود عندنا.

اقتباس:

---

المشاركة الأصلية كتبت بواسطة تأملات

انا اكبر خطا عندي أني كبرت مساحة البنيان على حساب الارض. وبهذا خسرت الحوش. وزادت التكلفة علي. وأنصح كل اخ تكون مساحة. البنيان بما لا يزيد عن550متر مع مراعة واجهة البيت تكون مناسبة. وهذا بصراحة محتاج مهندس استشاري. يعمل بضمير وهذا مفقود عندنا.

---

هذا اللي دوم أنصح به .. فيه ناس ما يركزون على البناء العمودي وتوزيع الأدوار حسب الحاجة .. الدور الأرضي للجلوس والطبخ والإستقبال وغيره .. وبين 300 إلى 400 متر مربع كمساحة مسطحة بتخلي باقي من الأرض اللي مساحتها 900 متر حول 600 إلى 500 متر .. وأي واحد ينوي يبني لازم يفكر في ظروف أرضه وطريقة استفادته من الأرض أولاً، ويكون عنده مبدأ عن إحتياجاته وعن توزيعة الحوش المبدئية وياخذ هذي الطلبات لعدة استشاريين مختارين بعناية ويشوف من يكون أنسبهم ويتوكل على الله.

اقتباس:

---

المشاركة الأصلية كتبت بواسطة بوخالد911

حالياً
عندي صالة مساحتها ٧ * ٥ ومالها سقف
لو رفعت راسك بتشوف السماء
والهدف بركب قبة

الخطأ اني لو صغرت من فوق حجم القبة
مثلاً لو خليتها بمساحة ٤ * ٤
يكفي
لان القبة بتكللللللللفني

---

القبة يا اخوي لها تصميم انشائي معقد ووزن خيالي .. شوف فيه مبنى قديم قرب القيادة العامة في رميلة .. ما اذكر هل هو قصر التشريفات ولا اللي جنبه على ما اعتقد اللي كان بيت مستشار .. من هوامير لأول .. المهم سقفه جاي منحني بتقوس للأعلى وفيه فتحات صغيرة مربعة أو دائرية وكل فتحة فيها قزاز .. قطرها تقريباً 40 - 50 سم أو متغيرة .. هذي صايدها بالعين من بعيد وودي أدخل المبنى بس ما اعرف المفتاح عند من.

شفت من أيام سقف زجاجي كامل بميلان على جهة وحدة وميلان بسيط .. والممر عبارة عن مكان مفتوح ومزروع بين مبنيين بارتفاع دورين ومفتوح للسماء عبر القزاز الفوقي .. مثبت بعوارض ألمنيوم كبيرة .. ولعرض 5 أمتار ممكن عملها بسهولة بس شوف شركة مختصة مثل الزامل للقبب والسكايلايت وغيره .. عندنا شوف شركات الألمنيوم واليو بي في سي .. بس مؤكد بيكلفك .. انا عندي 6 في 9 قالوا لي بيكلف حول 120000 من شركة الإختيار الألماني .. إنت عندك أسهل وبيجي الهيكل الحامل عبارة عن مربعات ألمنيوم مقوى بالحديد من داخل وتعطي شكل حلو وظلال خفيف.

اقتباس:

---

المشاركة الأصلية كتبت بواسطة إعلامي قطر

..

من ملاحظاتي على أخطائي وأخطاء بعض الأصدقاء يحضرني التالي:

1-وضع البيت بمنتصف الأرض وبالتالي عدم القدرة مستقبلاً على بناء ملاحق
إضافية للأبناء أو لأي غرض وذلك لضيق المساحة يمين ويسار البيت !

لازم تكون فيه خطة .. وحلو تسوي البيت تدخله السيارة وتخطط أماكن متعددة للزراعة .. مب شرط كل شيء ينبني مع البيت ممكن على مراحل بس يكون المكان محدد ومعروف ومسوي الاحتياطات.

2-تضييق المنزل بشكل عام والإهتمام بالمظهر الخارجي فقط لاغير
على حساب السعه الداخليه وكأن أهل المنزل بيسكنون بالحوش !

كل ما كان المنظر بسيط وبدون بروزات تسبب تلوث الحائط بالغبار مع نزول المطر كل ما كان أحلى .. حتى فيه طرق عمل للبلاستر بشكل غير منتظم وبنقوشات بسيطة تعطي المبنى جمال وشكل غير وتكون عملية سهلة ورخيصة.

3-عدم المتابعة الكافية مع الكهربائي ونسيان تمديد الوايرات بعمدان
الطوف الخارجيه !

ما فيه شيء يكفي عن خطة مدروسة وتصاميم ومهندس متابع ينفذ كل شيء ولا يغفل شيء .. أما المتابعة الشخصية والتصميم الناقص فهذا لابد بيسوي متاعب وبيدخل الواحد في متاهات .. ممكن الشخص العادي يتابع بس تصميم واضح ومحدد كل شيء وكل الخطوات بحيث لو لاحظ نقص يقول للمقاول .. والمقاول الفاهم بيدرس الخرايط صح وبينفذ كل اللي فيها.

4-عدم وضع ساكتات كهرباء كافيه بالغرف خاصة يمين ويسار
سرير النوم وبالزوايا المقابله !

5-عدم تمديد كابلات التلفزيونات بشكل داخلي وعدم رفعها بالقدر الكافي
"مثلاً 6 طابوقات" ليكون التلفزيون بمستوى النظر ويغطي التمديدات أيضاً !

6-عدم وضع ساكتات دبل بجانب كابلات التلفزيون وهالشي راح يكشف تمديدات
الكهرباء ويشوّه الطوفه أو تحت التلفزيون على الأقل إذا كان معلق أو مرتفع !

7-عدم التأكد من إرتفاع الدور الأرضي بالشكل الكافي لإعطاء منظر
جمالي للمنزل وأعتقد 4 متر و 20 سم معقوله ومناسبه جداً !

8-عدم تخيل توزيع ديكورات المنزل بشكل تقريبي يسبب توزيع عشوائي
لساكتات الكهرباء ويشوه بعض الطوف وبالمقابل ينقص في بعض الزوايا !

9-عدم سؤال الاستشاري عن موقع كابل الكهرباء وأحياناً يكون الدي بي
بمنتصف الصاله أو غرفة الطعام مع إنه من الأفضل يكون تحت الدرج !

10-عدم سؤال الإستشاري عن الجسور النائمه وبالتالي تكون بعض
الجسور نازله بشكل يضيع المساحه ويخلي المالك يضطر يغطيه
بالجبس وينزل مستوى السقف بشكل يضايق أحياناً !

يحي بعض الإستشاريين الفاهمين كل شيء ينحل في إجتماعات بسيطة ومحضر إجتماع ويحطون النقاط على الحروف .. أما استشاري حنعملها بعدين وما أل لي وأُولت له ما ينفعون كلش .. أبسط شيء عمل توزيعة أثاث يوافق عليها المالك ومنها يتطور توزيع كهربي جيد .. حتى ألحين إستوت الكاميرات الأمنية ونظام إنذار الحريق شيء أساسي في المباني كلها.

وهذي بالأخير وجهات نظر تحتمل الصواب والخطأ وللأمانه عندي
نقاط أخرى لكن أكتفي بهذي النقاط على الأقل بالوقت الحالي..

وشكراً للجميع على تفاعلهم واستفدت من عدة ردود
وشكراً لصاحب الموضوع أيضاً..

..

---

نبي المزيد بالعكس لإستفادة الكل وفي رايي هذا الموضوع أهم المواضيع للإطلاع

ماشاءالله عليكم

بيض الله اوجيهكم ع حرصكم

دروس مجانية

يعطيكم العافيه

السلام عليكم ورحمة الله وبركاته

مشاركتي البسيطه وهي اقتراحات فقط ..

ويجب ان تكون الخطوات الاساسية هي ..

1/ إختيار مكتب استشاري ممتاز
2/ تجلس مع كل مصمم لحاله وترتب معه كل شي
( المصمم العمراني
* ترتب المساحات وتراعي مكان الفيلا والمحلق والمجلس مثلاً تترك خلف الفيلا 3 متر وتخليها مبرح للملابس والصوب الثاني الملحق بينه وبين الفيلا 2م وتغطية مستقبلا بطبيلة وتكون بها فتحات لدخول الشمس والجهة الجانبية الاخرى حسب المتبقي من الارض والامام حسب المساحة المتوفرة
* وتنتبه في ارتفاع الملحق حاول أن يكون مرتفع وذلك لمديدات دكتات الشفط
* وتراعي بأن يكون المحلق مكون من غرفة خدامة بحمامها وغرفة بمقاس الحمام وتكون لغسالات الملابس فقط وغرفة اخرى لاتقل مساحتها 4*4 وتكون استور للفيلا من " شنط وملابس شتوية وفرش واي شي ترجعون له وقت الحاجة" وبعده يأتي مخزن للثلاجات والمونه حق المطبخ ويفتح داخل المطبخ والمطبخ ويكون مساحة كبيرة لان بالمستقبل راح يزيد عدد افراد الاسرة ان شاء الله ويجب مراعاة ان يكون بكل غرفة بالملحق مروحه بالوسط للتهوية
* وبالنسبة للفيلا تراعي المساحة في الغرف بأن لا تقل عن 5*5م وذلك للمستقبل
* والحمام لا يقل عرضة عن 2م
*وان تجعل في الطابق العلوي مطبخ تحضيري بعرض الحمام
* وبالنسبة لوارش الفيلا حبذا لو ترفعه لإستغلال السطح جلسه خاصة
* وتراعي مكان الشبابيك وحجمها
* وايضاً مكان وارتفاع الابواب وعرضة يفضل تكبيرها ليزيد سعة بالبيت كامنظر
* وان تنتبه لدكتات صرف الحمامات حتى تغطيها مستقبلاً بالجبس
* واحاول ان ترفع الفيلا بحيث يكون عدد الدرجات لمدخل الفيلا لا يقل عن 5 درجات بقياس 75م اجمالي
* وان يكون هناك مخرج اخر للفيلا صوب الملحق)

المصمم الكهربائي
* تراعي بأن يكون الكيبل 150 اللي ممدد من السور لداخل الفيلا لان كهرماء توصل اعتقد 90 او 95 للطوفة
* وان تراعي امكان التليفون والنت والدش بأن يكونوا بمكان واحد ولا تنسى ان تجعل معها بنفس المكان سوكتات كهرب لتشغيلها وتكون محدد مكان التلفزيون وان ترفعه 1م من الارض
* وان تجعل في كل طوفة في الغرفة ساكتين كهرب
* وان تجعل في كل غرفة مكان الثرياء مروحه لتهوية المكان
* وتراعي مكان المكيفات
* وفي الحمامات تحط سوكتات احتياط للاستشوار او غسالة صغيرة خاصة او مكينة حلاقة وتختار مكان المغاسل والجلسات والمسابح
* وحبذا لو ترفع الشباك بحيث ان اللي برا مايشوف زول الشخص اللي بالحمام حتى لو انفتحه الشباك
* واذا حاب تركب كاميرات مراقبة اختيار مكانها خراجي وادخلي ويكون تحكمها بإحدا الغرف واذا حاب بعد تركب سماعات بعد حدد مكانها ومكان التحكم يكون مع الكاميرات
* ولا تنسى الانتركم ونقطة جرس داخليه وساكتها عند الباب في حالة اذا ماراح تركب انتركم
* ولا تنسى تركب نقطة تلفزيون وتليفون في غرفة الخدامة والمطبخ
* وان تحط نقاط كهرباء خارج الملحق والفيلا للاحتياط)

هذا ماعندي اليوم من ملاحظات استكمالها ان شاء الله عندما يسمح الوقت

انا عندي نصيحة مهمة جدا لأي واحد يبغي يركب حجر .. لا يسوي اي ديكور بالخرسانة او وارش خرسانة فوق الفيلا لانه كله يصير بالحجر وإذا كان خرسانة لازم نكسره علشان نقدر نشتغل الديكورات .
والأعمدة اللي في المداخل ياريت لحد يكبرها لان رح يجي الحجر عليها وتكبر بعد ويصير منظرها قبيح.
وإذا في اي عواميد جنب بعض ياريت تكون بعيدة عن بعض اقل شي 50 سم علشان يكمل المنظر .
وإذا في اي دريشة معاكسة الديكور مفروض من اول شي ينحسب حسابها .
والأعمدة بعد مرة اخرى اذا كان فوقها صبية او بلكونة او مدخل ياريت ترجع للوراء وللجنب اقل شي 40 سم حتى مايبرز التاج لبره ويخترب المنظر.
وشكرا

ارتفاع الاسقف�� يكون 4 ولا يقل

تجنب التعاقد مع أستشاري تابع لنفس المكتب الذي صمم الخرائط
تجنب التعاقد مع شركة مقاولات يرشحه لك مكتب المصمم للخرائط .

وشكرا .

اقتباس:

---

المشاركة الأصلية كتبت بواسطة باراكودا

تجنب التعاقد مع أستشاري تابع لنفس المكتب الذي صمم الخرائط
تجنب التعاقد مع شركة مقاولات يرشحه لك مكتب المصمم للخرائط .

وشكرا .

---

غلطان اخوي .. لو كان الاستشاري المصمم ضعيف تجنبه بالكامل وعدل التصميم أَو صمم تصميم ثاني عند استشاري خبرة وعنده كافة التخصصات الهندسية وحاول تكسبه من البداية بتوقيعك معاه عقد تصميم - مناقصة - اشراف.

في المناقصة انتبه لتلاعب الاستشاري واطلب عدة شركات من عندك ومن عند الاستشاري لأَن بعض الاستشاريين عندهم خبرة كبيرة في الشركات وبعضهم أَصحاب لف ودوران .. وتعلم ما تسمع من طرف واحد وتركز على الطرفين وممكن تستشير ثالث ورابع.

الأَهم يكون عقدك متكامل مع الاستشاري ومع المقاول وبإِشراف الاستشاري على التوقيع وتوقيعه كشاهد.

الله يعطيكم العافيه جميعاً

ودي اسأل عن مكتب تصميم خرايط ممتاز وعنده ذمه وضمير

وشكراً

يعطيكم العافيه اخواني
ومشكورين على الجهد

استفسار بسيط، كم المساحه القصوى للبناء في البنت هاوس
على حد علمي ان المساحه نسبه وتناسب من المساحه الكلية للدور الواحد
ياريت حد يقدر يفيدني

ومشكورين

اقتباس:

---

المشاركة الأصلية كتبت بواسطة بن مرقاب

يعطيكم العافيه اخواني
ومشكورين على الجهد

استفسار بسيط، كم المساحه القصوى للبناء في البنت هاوس
على حد علمي ان المساحه نسبه وتناسب من المساحه الكلية للدور الواحد
ياريت حد يقدر يفيدني

ومشكورين

---

على ما اذكر 60% لكن حسب ما اشوف بعض البيوت وصلت 3 أَدوار بالكامل والظروف المحيطة بالموقع لازم ياخذونها التخطيط في الاعتبار

اقتباس:

---

المشاركة الأصلية كتبت بواسطة معماري قطري

على ما اذكر 60% لكن حسب ما اشوف بعض البيوت وصلت 3 أَدوار بالكامل والظروف المحيطة بالموقع لازم ياخذونها التخطيط في الاعتبار

---

بصراحة مع أرتفاع أسعااار الأراضي المبالغ فيه ..
الناس أحتارت مع العيال كبرت وتبي تتزوج
ومالنا الا البناء بالدور الثالث

السلام عليكم

قريت مشاركات عديدة لاخوان ولاكن ؟؟؟

تعجبت من الي يحذر من اخواننا العرب في التعامل معهم .
انا معك ( البعض ) منهم شغله تعبان وممكن مايتقيد بالجدول الزمني للعقد وووووالخ .

بس اذا حد وصفلك شركة بالاسم وفيها عرب امينين وشغلهم نظيف ولهم اسم في سوق المقاولات انصحك تعاقد معهم .
العرب ( اذكاء ) من العماله الاسيويه عمومآ .
يفهمون احسن من الاسيوي في الغالب .

تجربتي معهم كان عندي عمال اسيويين ( يجلطووون ) الواحد مايفهمون شي وكان عددهم 6 شغلهم حديد ونجارة وصبيه فقط . صارت لي مشاكل معهم وبعدها جاب لي المقاول 4 عمال ( عرب ) اقسم بالله شغلهم عن 6 الاسيويين وبزود خلال 3 ايام خلصو عمدان الدور الارضي حديد وتخشيب !!!!

وغير كذا لما اتناقش معهم ( يفهمون ) ويعطونك حلول وخيارات حلوه .

عموما ( العرب ) هم الي درسونا وعلمونا لين كبرنا في المدارس والجامعات .وهم الاطباء في المستشفيات وهم وهم وهم ......الخ ...وما ودي نبخص حقهم في اي شي .

واصابعك ماهي سوا

وسلامتكم

كلامك قمة الصح اخوي سعود بس عني انا من معاناة شخصية صراحة ضد الجنسيات العربية .. كإدارة تخصصية هم صح جيدين لكن عمال عاديين وفورمنية وأصحاب مهنة .. مثل الصباغين والسباكين والبلاطين دوم يسون اختصارات ويستعملون مواد رخيصة.

ما ودي ابخسهم حقهم بس الجزء الغشاش والكذاب منهم كبير ويغطي على الجزء البسيط الجيد منهم

اقتباس:

---

المشاركة الأصلية كتبت بواسطة معماري قطري

كلامك قمة الصح اخوي سعود بس عني انا من معاناة شخصية صراحة ضد الجنسيات العربية .. كإدارة تخصصية هم صح جيدين لكن عمال عاديين وفورمنية وأصحاب مهنة .. مثل الصباغين والسباكين والبلاطين دوم يسون اختصارات ويستعملون مواد رخيصة.

ما ودي ابخسهم حقهم بس الجزء الغشاش والكذاب منهم كبير ويغطي على الجزء البسيط الجيد منهم

---

هلا اخوي معماري

كلامك صحيح . بس وانا خوك اصابعك ماهي سوى .
انا لو يخيروني بين مثلا فورمن واحد عربي واحد اسيوي .وكلهم مثلا عن تجربه صادقين ومخلصين في العمل ووووالخ..... عني انا راح اختار العربي . لني اثق في عقلية
( بو عراب ) اكثر من الجنسيات الاسيويه الاخري

في رأَيي أَكثر الأَخطاء اللي يقع فيها الكثيرون في البنيان هي سوء اختيار المقاول المختص والبناء المجزأَ عظم + تشطيب .. والمفروض تسليم مفتاح بس بمواصفات صحيحة وعقد مفصل وكثير من المواد اللي فيها اختيار تكون على المالك - والاستلام والنقل والحماية والفحص والتركيب على المقاول.

فيه اختصاصات مثل الأَعمال الخشبية والجبسية والنوافذ والتكييف والمصعد يتم فيها تحديد حدود المقاول في جزء من الشغل وشرط التعاون مع المقاول الثاني المختص لبعض هذه الأعمال .. على سبيل المثال التكييف له اتجاهات وتصاميم مختلفة والمفروض المالك يكون مقرر من البداية أَي اتجاه ياخذ ويحدد عمل المقاول العام وعمل المقاول المختص .. حتى الاستشاري يكون على بينة من البداية وعارف شيسوي .. أَما التغييرات المفاجئة هذي تعطل العمل وتعرقله وتترتب تكاليف اضافية.

بغض النظر عن العمالة الاتفاق يكون مع مقاول متابع من قبل استشاري جيد والمالك طبعاً يتابع .. هذا يبعدنا عن كثير من الأخطاء .. أَما اتفاق مباشر مع عمال من أَي جنسية فهذا أَساس المشاكل.

الله يعطيكم العافيه جميعاً

ودي اسأل عن مكتب تصميم خرايط ممتاز وعنده ذمه وضمير

وشكراً

معلومات اعتبرها من ذهب خاصه ان احنا حاليا في مرحلة اعداد الخرايط.

بسم الله الرحمن الرحيم، أخذت الخرائط للفحص في مكتب هندسي آخر عندي معاه مشروع ثاني ، الشاهد قال أن السقف من نوع هوردي وسوف اضطر أن أضع عواميد إضافية نظرا للمساحات.
مع اني قلت للمصمم الرغبة في مكيفات سنترال من نوع الدكت ، اذا عمل السقف من نوع الهوردي كان اضطريت أن انزل السقف عشان خطأ المصمم، دائما راجعوا التصاميم، لأن تكلفة التعديل بنكون اغلى بعد البناء ،والسلام.

اقتباس:

---

المشاركة الأصلية كتبت بواسطة technical

بسم الله الرحمن الرحيم، أخذت الخرائط للفحص في مكتب هندسي آخر عندي معاه مشروع ثاني ، الشاهد قال أن السقف من نوع هوردي وسوف اضطر أن أضع عواميد إضافية نظرا للمساحات.
مع اني قلت للمصمم الرغبة في مكيفات سنترال من نوع الدكت ، اذا عمل السقف من نوع الهوردي كان اضطريت أن انزل السقف عشان خطأ المصمم، دائما راجعوا التصاميم، لأن تكلفة التعديل بنكون اغلى بعد البناء ،والسلام.

---

فاتح دكان المراجعة واراجع للكل بالمجان بس محد يبيني

فيه فرق كبير بين صور حق رسومات ورسومات هندسية متكاملة على برنامج الاوتوكاد .. بعضهم للأسف يشوفون الصور ويقولون اف هذي باركض اسويها ويخاف يعرضها على حد ( يبوقها ) والرسومات لو طابقت الانشائي على المعماري على الخدمات والكهرباء لقيت تضارب صارخ

جزء من التضارب خارطة الحوش المعماري من أحسن ما يكون وخارطة الخدمات تحصل فيها خزان صرف صحي مكان زرع أو غرفة حارس وتانكي ماي مكان البوابة واقعد بعدين عدل وتورط

وجزء اللي ذكرته الإرتفاع الصافي .. هذا لازم تسئل عنه المهندس يوضحه لك

بعدين الهوردي أول مرة اعرف إنه يحتاج أعمدة أكثر .. صج هو شوي أعمق بس أخف وبالعكس يحتاج أعمدة أقل

وهذي طريقة لتمديد دكتات التكييف من خلال الهوردي اتحدى لو فيه مكتب فذ في قطر يسويها

https://www.youtube.com/watch?v=xH26K3zpnR0[/QUOTE][/B][/SIZE][/COLOR][/FONT]

اقتباس:

---

المشاركة الأصلية كتبت بواسطة معماري قطري

وهذي طريقة لتمديد دكتات التكييف من خلال الهوردي اتحدى لو فيه مكتب فذ في قطر يسويها

https://www.youtube.com/watch?v=xh26k3zpnr0

---

[/b][/size][/color][/font][/quote]

بسم الله الرحمن الرحيم ، يا المعماري لك و للقراء الكرام جميل الإحترام ، ومكانكم ما ادله يا اخوك عشان اشاوركم ، وعندنا مشروع بتبان الرؤية إن شاء الله بعد فتره ، فلي بانت الرؤية كلمناك الله يسلمك ولا يسير خاطرك الا طيب ،،
عوداً على ذي بدء ، الهوردي الي في قطر وين والي في اسبانيا الي في الصورة وين ، الي عندنا جداً متخلف
وإذا بغيت تحط سنترال دكت نزل السقف ، والسلام.

بسم الله الرحمن الرحيم ، يا المعماري لك و للقراء الكرام جميل الإحترام ، ومكانكم ما ادله يا اخوك عشان اشاوركم ، وعندنا مشروع بتبان الرؤية إن شاء الله بعد فتره ، فلي بانت الرؤية كلمناك الله يسلمك ولا يسير خاطرك الا طيب ،،
عوداً على ذي بدء ، الهوردي الي في قطر وين والي في اسبانيا الي في الصورة وين ، الي عندنا جداً متخلف
وإذا بغيت تحط سنترال دكت نزل السقف ، والسلام.[/quote]

مكاني يا اخوي في المنتدى واراجع مخططات للي يبي وفاتح موضوع تقريباً حول العاشر في اللستة تحت ملاحظات على التصاميم المعمارية[/B][/SIZE][/COLOR][/FONT]

معماري قطري عنده موضوع عن مراجعة التصميمات

موضوع مفيد واااايد

اقتباس:

---

المشاركة الأصلية كتبت بواسطة الهديل

معماري قطري عنده موضوع عن مراجعة التصميمات

موضوع مفيد واااايد

---

تسلم اخوي وهذا الموضوع منكم ولكم ومب شرط الراي يكون ملزم هو راي ثانوي .. ونفتح آفاق جديدة

حاجة في البيت تحسفت اني ما سويتها مع اني حرصت في التصاميم والشباب ما قصروا معي وقت التصميم والتنفيذ.
اذا بتسوي خرايط بيتك، ضف في الخريطة بنت هاوس ومهب لازم تبينه، لان الواحد ما يدري في المستقبل ويش بيصير
منها اذا فكرت تبي تفتك من سالفة مكاين المكيفات المركزية واذا ماتبي تبني تخلي مساحة مفتوحة في السطح
واذا تقدر تخلي المهندس يجمع لك اماكن مكاين المكيفات يكون افضل

السلام عليكم ورحمة الله

الموضوع قديم لكنه قيم ويستاهل الرفع.

انا كان عندي امور كثيرة في بيتي، علما اني بنيت في 2002 وسكنت تقريبا في 2006، لكن تقبلت الاخطاء (صلحت اللي اقدر عليه، وتغاضيت عن اشياء) ومشى الموضوع.
بس فيه نقطتين لين الحين مضايقيني:

1- شبابيك البيت او الدرايش حجمهم كبير ووايد (كأنك في معصره) وتصميمهم اقواس وواصلين لين السقف تقريبا، المشكلة الستائر ما اقدر اركبها الا مخفية، يعني لازم تتبث في السقف او الجبس مافيه مجال اثبت الستائر على الطوفه.

2- كل المكيفات السبليت تقريبا السويتش والسوكت كلها تحت المكيف، يعني اي تسريب من المكيف على طول الماي يصب على مفاتيح الكهرباء.

كما في الصور، طبعا في الصورة الثانية انا شلت الغطاء قبل اسبوع علشان تنظيف الفلاتر، وان شاء الله بارجع اركبه خلال الشهر هذا او الشهر الياي (: .

https://doha2010.com/muntada/ac2.JPG

https://doha2010.com/muntada/ac1.JPG


تحياتي لصاحب الموضوع وللجميع.

اقتباس:

---

المشاركة الأصلية كتبت بواسطة بوNasser

، طبعا في الصورة الثانية انا شلت الغطاء قبل اسبوع علشان تنظيف الفلاتر، وان شاء الله بارجع اركبه خلال الشهر هذا او الشهر الياي (: .

---

ههههههههههههه
دامك حطيت سلم وشلته ارجع ركبه في نفس الوقت يالزول :secret:

:
بخصوص الدرايش والله كل ماكانت كبيرة كل ماكانت اشرح ..
خاصه اذا تطل عالحوش والزرع .. اخر روقان ..*

اما الستاير فخلها خفيفه شيفون او دانتيل اذا بيكون فيهم طول ..
خاصه حق الصالات ماتحتاج تحجب الضوء بس على الاقل ساتر ..

:

https://e.top4top.io/p_1985at8na3.jpeg

كنت ابي اركب مكيفات وندو عشان اتفادى هالمنظر البشع :(
شوف الرطوبه اللي تحت المكيف .. جبت الشركة وقالوا لان بيب التمديد قريب من السطح ..
فمن جذي اذا صارت البيبات بارده تسوي هالرطوبه .. crazy

اقتباس:

---

المشاركة الأصلية كتبت بواسطة sara jsm

ههههههههههههه
دامك حطيت سلم وشلته ارجع ركبه في نفس الوقت يالزول :secret:

:
بخصوص الدرايش والله كل ماكانت كبيرة كل ماكانت اشرح ..
خاصه اذا تطل عالحوش والزرع .. اخر روقان ..*

اما الستاير فخلها خفيفه شيفون او دانتيل اذا بيكون فيهم طول ..
خاصه حق الصالات ماتحتاج تحجب الضوء بس على الاقل ساتر ..

:

https://e.top4top.io/p_1985at8na3.jpeg

كنت ابي اركب مكيفات وندو عشان اتفادى هالمنظر البشع :(
شوف الرطوبه اللي تحت المكيف .. جبت الشركة وقالوا لان بيب التمديد قريب من السطح ..
فمن جذي اذا صارت البيبات بارده تسوي هالرطوبه .. crazy

---

عذرهم أقبح من ذنبهم

شمنه تتكون الرطوبة؟ آسك يورسلف .. تتكون من دخول هواء رطب في البايب البلاستيكي اللي يمر فيه البايب النحاسي اللي المفروض يكون معزول زين حتى يوصل الغاز للمكيف بارد أو شبه مثلج وحتى ما تتكثف الرطوبة على البايب النحاسي وتنزل ماي يتسرب للجدار

الحل سهل مع روسهم المهوية .. الحل نسد البايبات من فوق زين وقصدي بايبات البلاستيك اللي يمر فيها بايب النحاس نسدها بفوم وفوق الفوم سيليكون ولزقة سميكة وقوية .. كلها يمكن تكلفة 200 ريال وشغل نص ساعة لواحد شاطر والا الدريول يقدر يسويها لو تشرحين له

بقية البايب النحاس أما نسوي جبس وننقع فيه خيش أو أي قماش ونلف به البايب ييبس الجبس ويعزل البايب عزل قوي حسب كم لفة بنلف به أو نحط الفوم الجاهز اللي يغلف البايبات حتى بعد ما يفقد الرطوبة ولا ينقع ماي فوق السطح

معماري ههههههههه شرحي كان خطأ اعتذر ..
انا مااقصد ( السطح ) فوق السطح ..
اقصد البيب اللي تحت المكيف يرطب لانه مب محفور داخل الطوفه ..
قريب من ( سطح ) الطوفه .. والمكان المركبه فيه المكيف جنبه باب يوميا يتبطل عشرين مرة واكثر ..
فيدخل الهوا الحار مع الهوا البارد اللي في البيب فـيندي وتتكون هالرطوبه ..

اقتباس:

---

المشاركة الأصلية كتبت بواسطة sara jsm

ههههههههههههه
دامك حطيت سلم وشلته ارجع ركبه في نفس الوقت يالزول :secret:
شوف الرطوبه اللي تحت المكيف .. .. crazy

---

بالنسبة للرطوبة تحت المكيف، المسألة كسل مني وقلة عناية بالمكيفات. والبيت كل يوم يعجبر عود وبخور غصب تتوصخ الفلاتر ( اكيد يعني معقولة عندي اكثر من 14 مكيف وكل اسبوعين او شهر باتعلبج على الدري وانظف الفلاتر) وبعدين الشركات ليش يكبرون صنية الماي و يوسعون فتحة التصريف في المكيف؟ مول ما تعوق تنسد على ادناة الدون.

تحياتي للجميع.

اي معقوله يازول :telephone:
خصص يوم كل ثلاث شهور ونظف المكيفات ..
اغسل الفلاتر وركبهم على طول ( انا جذي اسوي )
و حزه ماتبخرون البيت لاتشغلون المكيفات جذي ماتتوصخ الفلاتر بسرعه .. :nice:

اقتباس:

---

المشاركة الأصلية كتبت بواسطة sara jsm

معماري ههههههههه شرحي كان خطأ اعتذر ..
انا مااقصد ( السطح ) فوق السطح ..
اقصد البيب اللي تحت المكيف يرطب لانه مب محفور داخل الطوفه ..
قريب من ( سطح ) الطوفه .. والمكان المركبه فيه المكيف جنبه باب يوميا يتبطل عشرين مرة واكثر ..
فيدخل الهوا الحار مع الهوا البارد اللي في البيب فـيندي وتتكون هالرطوبه ..

---

حاولي ممكن ينعزل والعزل ما بيخلي الرطوبة تدخل له

اقتباس:

---

المشاركة الأصلية كتبت بواسطة معماري قطري

حاولي ممكن ينعزل والعزل ما بيخلي الرطوبة تدخل له

---

والله جبتها يابوعبدالله .. :victory:
فعلا ممكن لو احط مادة العزل خلاص ماعاد تطلع الرطوبه ..
شكرا عالفكرة ..

طبيعي اي بيت ممكن تحصل فيه اخطاء البعض ممكن يعدلها والبعض يمشيها خصوصاا اذا الخطأ غير فادح . انا اكبر غلط سويته اني مارفعت زر فتح باب المصعد من الخارج مع اني رافعه بس بشكل غير صحيح والي حاصل انه الاطفال ماخذينه لعبه طالعين نازلين كنه ملاهي . ضروري يرتفع الى حد يصعب ع اطفل ابو 5 سنوات واقل فتحته.اشوف الافضل من ارتفاع متر 140 ال 150 مناسب