السلام عليكم ورحمة الله وبركاته
مبارك عليك الشهر الشيخ وتقبل الله منا ومنك صالح الأعمال
حبيت أقولك إني ولله الحمد حجزت وخلصت كل الحجوزات للسفر في العيد
من 28/7/2014 حتى 14/8/2014
العدد (7 ) أشخاص كبار و (5) أطفال / المجموع 12
حجزنا في ديزني لاند (4) ليالي في دريم كاسل بقيمة 925 ريال / الليلة .
حجزنا في الشانز (3) ليالي في سكرايب هوتيل بقيمة 1450 ريال / الليلة .
حجزنا في بلجيكا بروكسيل (7) ليالي في سوفيتيل جنب ساحة الإحتفالات بقيمة 700 ريال / الليلة .
عندي بعض الإستفسارات الله يسلمك
1. حجز تذاكر دخول ديزني .. أخذها من الإنترنت ولا اخذها من الفندق احسن ؟
انا من رأيي تاخذها من محل دزني لاند في شارع الشانزليزيه
يعني تمشي جنب فندق الماريوت ويكون الفندق على يسارك
تمشي تقريبا 200 متر تحصل محل دزني يسارك
تدخل المحل وتنزل تحت واسألهم عن مكان بيع التذاكر وخذ من عندهم
وقبل لاتشتري التذكره شوف الخارطه عندهم
لان دزني عندهم حديقتين مع بعض وكل وحده لها سعر معين
انت اطلب وحده بس الكبيره الي فيها العاب اكثر
الثانيه مافي داعي تدخلها وتدفع عليها فلوس لان الوحده يدوب تقدر تخلص نصها
النقطه الثانيه اذا تبغي اطلب من عندهم القايد ( guid)
لان كل لعبه فيها طابور طويل يعني لين تلعب لعبه وحده بس بين نص ساعه الى ساعه
يعني يروح عليك الوقت وتسكر الحديقه وانت مالعبت الا 3 لعبات
لكن هذا القايد يدخلك كل لعبه من الفي اي بي VIP
من باب اخر وليس بالطابور يعني يدخلك اللعبه على طول
وسعر القايد 500 يورو لمده 6 ساعات
2. فندق سكرايب . يقولون لي مقابل الإنتركنتننتال .. يعني قريب من الشانز ؟
بالنسبه لفندق سكرايب
اتمنى تعطيني اسمه با الانجليزي او تعطيني رابط الفندق
لان طلع لي فندق سكرايب وتابع حق السوفتيل في منطقه الاوبرا
وهو بعيد عن فندق الانتر
ابغي رابط الفندق او اسمه بالضبط عشان اقدر احدد لك موقعه
3. هل نطلع من باريس ل بروكسيل بالقطار أحسن ولا نأجر سيارات ؟
المسافه بالقطار ساعه و22 دقيقه
http://im59.gulfup.com/2USJ4K.png
لكن بالسياره مب اقل من 3 ساعات
لان خبرك السياره مع الزحمه توقف و اشارات
لكن القطار دايركت
اذا بتطلعون من باريس الى بلجيكا ولا راح ترجعون باريس مره ثانيه
معناته عندكم اغراض كثيره وهذا يفضل سياره
لكن اذا ماعندكم اغراض كثيره القطار يروح دايركت من محطه كير دي نورد باريس
الى محطه بروكسل مافيها تعب او تبديل قطار
لأنه مستأجرين سيارات في بروكسيل لمدة (7) أيام . للتنقل من بروكسيل لألمانيا لهولندا ..
أنتظر منك الرد الله يجزيك خير
بالتوفيق للجميع
