https://www.youtube.com/watch?v=fnsekD8JKQA
عرض للطباعة
نظام الأعصاب مسبقة الشد .. هذي يتم شدها بأسلاك حديد أثناء التصنيع في ورشة خاصة وتكون خفيفة وطويلة وقوية تتحمل وزن الأرضيات .. من مشاكلها الخطيرة الانهيار المفاجيء لو انعملت بطريقة خاطئة أو انفك الكيبل المشدود .. بس توفر كميات حديد كبيرة وكذلك خرسانة وتستخدم في كثير من الدول من زمان
https://www.youtube.com/watch?v=y8gK7cHUeTY
ما شاء الله عليك اخوي معماري.
ليش ما تسوي قناة في الانستجرام و تفيد الناس؟
ممارستي قليلة والمنتدى هنا أشوفه أفضل ما لي نية ادخل الانستغرام وأكثر ما فيه أُمور دعائية .. اللي يبي يستفيد المعلومة متوفرة حتى من الكتاب .. المشكلة اللي يخلطون الأُمور الهندسية والدعائية ويطوعون الهندسة للدعاية .. ولو تلاحظ في مواضيع اليوتيوب كثير منها اعلق عليه تعليق سلبي غير اللي يبي يوجهنا له المهندس أو العارضاقتباس:
المشاركة الأصلية كتبت بواسطة SouthK
شغل تعبان للغاية في الطابوق وتركيبه وكذلك في الخرسانات اللي الخشب عالق فيها وهالرجال يرقع بس .. بالنسبة للارتفاعات كلامه منطقي ولازم ندرس التصميم ككل مع الارتفاعات حتى نوازن كل شيء صح
https://www.youtube.com/watch?v=KuMEQDaJSjc
الشغلة راجعه لك و رغبتك لكن ما عندنا أحد أبدا على المواقع شي ينصح في البنيان .. على الاقل مثل الدول اللي حوالينا و كلهم فيهم خير!اقتباس:
المشاركة الأصلية كتبت بواسطة معماري قطري
اللي ينطبق على الدول حوالينا ينطبق علينا وأكيد الكثيرين قايمين بواجب كبير لكن الأهم هو بحث الملاك عن مكتب يتابع شغلهم والمهم المكتب فيه كافة التخصصات الهندسيةاقتباس:
المشاركة الأصلية كتبت بواسطة SouthK
https://www.youtube.com/watch?v=r5nVVpqX8_o
ما ادري ليش حاب فكرة تبليط السقف
مشكلة عويصة .. حد يعرف سنسر ممكن يكشف لنا وجود الحديد بسهولة والا نستخدم مغناطيس .. بس اتوقع سنسر خاص بيكون أسهل
https://www.youtube.com/watch?v=Sg9mcr00AfU
مغسلة جي ار سي بمصنعية عالية
https://www.youtube.com/watch?v=AVLTXbuvWCQ
حساب كميات لنوعية الخرسانات حسب القوة .. إم هنا تعني ميغاياسكال وتعني كيلونيوتن على المتر المربع .. هذا لو بنسوي الخرسانة في الموقع لكن لو بنطلبها الموضوع سهل
https://www.youtube.com/watch?v=ZbRvZxupQWo
الجزء اللي فوق 9 بس هو مغلط وما شاء الله تفاصيل كثيرة وتصميم مميز
شرح مبسط لنظام الصرف الأمريكي
https://www.youtube.com/watch?v=b0iHmLBnpEM
https://www.youtube.com/watch?v=gKQzOcDPXhI
انا بصراحة مقتنع بهذا النظام وعندنا للحين عقلية التخطيط معتمدين النظام القديم .. شلون يقنعهم الواحد إنه العالم يتطور ويتغير
ما اصدق 320 متر مربع ممكن الدور الأرضي بس
https://www.youtube.com/watch?v=Rg3DfHwkR3k
التصميم السابق ينقصه تفاصيل السقف هل هو جبس نازل والاضاءة الموضحة بس المعلقة .. إرتفاع السقف اقتصادي يبين لي بحدود 2.5 متر .. التكييف غير موضح
هذي شفتها في بيوت جديدة .. هل البلدية تتدخل في توصيلات الصرف الصحي؟اقتباس:
المشاركة الأصلية كتبت بواسطة معماري قطري
انا مسويه في بيتي مالهم شغل البلديه في نظام الصرف . وصار لي سنة ونص والامور زي الورد . بس ضروري في نهاية تجميع بيبات الصرف ماقبل المنهول الرئيسي تركب رداد منعآ لروائح والحشرات .اقتباس:
المشاركة الأصلية كتبت بواسطة SouthK
دام هم بره السالفة بيصير ابداع .. كم حجم البيب و اذا ممكن رسم كروكي للتوزيع!اقتباس:
المشاركة الأصلية كتبت بواسطة سعود.
البايب عادي 6 انش
مايحتاج كروكي مجرد وصلات لغاية المنهول العود وحاول تقلل غرف التفتيش المنهول الصغير لانك اساسا ماتحتاجه !!!!
والسبب لان الصرف جايك من 4 انش فكيف يصير انسداد في 6 انش
هذا اللي سمعته من شخصين يبنوناقتباس:
المشاركة الأصلية كتبت بواسطة SouthK
مؤيد لكلامك الإنسدادات شبه معدومةاقتباس:
المشاركة الأصلية كتبت بواسطة سعود.
https://www.youtube.com/watch?v=lDRulEHCoYU
كثير يستخدم في أمريكا وانا عاجبتني الفكرة صبغ مباشرة على الطابوق ونوعية صبغ قوية تغطي العيوب .. حبيت الطريقة اللي ينصف الطابوق صف بدون مونة ويتم ملء الفراغات بمونة اسمنتية وتكون فيها قطعة حديد وحدة تقويها مع شبك حديد في الاتجاه العرضي .. يبي لها دراسة مفكر في استخدام 15 سم للسور الخارجي وتقويته بالخرسانة أكيد بيكون أقوى من ال 20 سم بدون خرسانة وباحسبها كمواد كم بتكلفني لتحويط الأرض قبل البناء
شغل عجبني وآلة بسيطة لتسهيل العمل
https://www.youtube.com/watch?v=7tMuN8r9_Ik
https://www.youtube.com/watch?v=QTA6IG692x0
هذي طريقة محسوبة للطابوق الانشائي ويدعمونه بحديد وخرسانة مدروسة .. هنا ضايفين للخرسانة ملدنات ومميعات بدال ما يزيدون الماي ويضعفونها والسبب حتى تكون سائلة بس قوية وتدخل في الفراغات كلها .. Plasticizers اللي هي ملدنات ما ادري ترجمتها صح أو لا
اشوف هزاز صغير ضروري وبيحل المشكلة وبدون اضافات للخرسانة والفراغات واسعة والحديد في الغالب قطعة عرضية وقطعة في التجويف طولية
صباح الخير يا مودير.. جزاك الله خير.. فيه طابوق حجمه كبير مثل الخرساني.. تلقاه مشطب وجاهز وبألون من الجيري لتدرجات البني والكريمي.. هذا منتشر وللحين للاستراحات ما اظن شفته في بناء البيوت.. كأن الناس مب قادرة تغامر وتستخدمه.. اتوقع الفلل ممكن احد يستخدمه في جزء جانبي مفتوح ومطل ع الحديقة.. ولو حصل انه ما اعجبه يقدر يفكه ويركب اللي وده..
أكيد أنواع كثيرة وطرق البناء مختلفة وكلها سهلة وممكنة وبسهولة يعرفها أي عامل .. مشكلتنا إحنا التسويق ضعيف للشركات اللي عندها هذي القطع .. والدعاية شبه مفقودةاقتباس:
المشاركة الأصلية كتبت بواسطة سالم الزهران
ذكرت هالكلام في موقع اليوتيوب ورد علي بسرعة الناشر بأن كان عنده هزاز وإخترب وفضل هذي الطريقة .. الشغل متواصل على حلقات وشرحه كثير واضح ومفيد .. أكيد طريقة البناء تختلف بس مفيدة للي يبي يطلعاقتباس:
المشاركة الأصلية كتبت بواسطة معماري قطري
هذي الحلقة 37 وضروري الواحد يرجع لبداية الحلقات يشوف كيف البداية وهنا نشوف كيف استخدموا حجارة القابرو كتأسيس لأرضية كراج وقوف السيارات وفوقها بيصبون خرسانة .. ممكن مبالغة بس بنيانهم يبين وايد قوي
https://www.youtube.com/watch?v=v_-hoazxHzQ
سؤال فني يبو عبدالله.. الحين اذا تعب الواحد في الأساسات بمعنى انه سواها بطريقة صحيحة.. هل ممكن الغلط في حساب كميات السقف (يؤثر على الأساسات)! وخلنا نقول زاد معك 3 طن حديد و حبيت تشغل المقاول وقلت له يمددهم في السقف.. هل ممكن زيادة الوزن تسبب شروخ حوالين الأعمدة مثلاََ؟
الله يمسيك بالخير اخوي بو زيداقتباس:
المشاركة الأصلية كتبت بواسطة سالم الزهران
الشروخ والانحناءات والانتفاخات ومشاكل المياه هذي كلها تأثر وكلها بأسباب انشائية أما تصميمية أو تنفيذية .. في التصميم المهندس يبالغ ويصمم بمبالغة كبيرة والمشكلة التصميم علم وفن بنفس الوقت ويحتاج ذوق وخبرة ومعرفة علمية .. خصوصاً التصاميم الحديثة
فيه شيء يسمونه إعادة التوازن وباكمل بعدين ان شاء الله الموضوع طويل ولازم اطلع الحين