يوتيوبيات البناء .. مقاطع تثقيفية متجددة

هذا بيته يدرس لدروس التصميم .. فيه دبل هايت وفيه ميزانين ومقسم ل 4 أدوار تقسيم جيد .. مع طاقة شمسية تساهم في كهرباء البيت بما يقارب ال 20% ومع مظلة سيارات مبتكرة فوقها ألواح الطاقة .. شغل جيد الله يهنيه


https://www.youtube.com/watch?v=jsr5j_gvSlE

من أجمل المباني التراثية الخشبية القديمة بس يتصميم حديث دمج القديم كمواد وطريقة بناء بالحديث من ااإضاءة والتكنولوجيا وبعد المواد .. إستعرضت بيت شبيه بس هذا غير


https://www.youtube.com/watch?v=2WUnYL585zY

صور ملتقطة من الفيديو السابق

هذي للشور وهو مزدوج وهذا ما يعني إنه دوم لشخصين في نفس الوقت ممكن نستخدم أي جهة نحب وممكن لو قسم تعطل القسم الثاني شغال لين يصان المتعطل .. الفكرة بدت تستهويني والتكلفة بسيطة لو انعملت من البداية

https://i.imgur.com/0yd2I1f.png

https://i.imgur.com/5mRKijy.png

هذي الصورة للمغسلة وشرحها المقدم بأنها معمولة بكسرة للداخل تحتها حتى يتمكن من الدخول تحتها أي واحد على كرسي متحرك وإحنا نغفل عذا الشيء ونهمله أي فرد ممكن يصاب ويحتاج كرسي متحرك ووقت كبر الإنسان يحتاج لقطع مثل الحديد اللي يمسكه لسهولة الجلوس والحركة

https://i.imgur.com/MdNjpD1.png

مخطط لقسم غرفة النوم الرئيسية .. السرير حوله ثلاث جدران بدرايش وتغلق الكتروني بستاير داخل طبقات الزجاج .. ودورة المياه مقسومة لقسمين قسم نص دورة مياه كرسي ومغسلة وقسم بقية الحمام اللي له ثلاث مداخل أو أبواب واحد من الغرفة من خلال القسم الصغير وواحد من الممر وواحد من غرفة الملابس

https://i.imgur.com/aO09WQj.png

السرير مكانه مدروس صح

https://i.imgur.com/VazBFpZ.png

مدخلين الإضاءة الحديثة والمخفية مع البناء التقليدي بالخشب المصمت

https://i.imgur.com/AB1U1CL.png

إغلاق الستاير المدمجة داخل الزجاج وممكن تتعتم بعد

https://i.imgur.com/PVXgX9L.png

أرضية الكراج بوليوريا هذي تدوم عمر

https://i.imgur.com/2dIaEms.png

والجدران جوانبهم ملبسة شينكو لسهولة التنظيف وعدم تأثرها بالمياه وقت الغسيل

https://i.imgur.com/7qK8rj5.png

مركبين مراوح بسيطة للسقف قليلة الإستهلاك وتبقى دوم شغالة مع تدفئة لأرضية الكراج تدليع ما بعده تدليع .. والكراج قسمين قسم للفانات وقسم للسيارات العادية .. هذي كندا والبرد قوي هناك وضروري حماية السيارات وتدفئة المكان

https://i.imgur.com/1HZHI2Z.png

اليكترون فانز .. شكلها موديلات جديدة والإنارة كذلك بسيطة وسهلة الصيانة وهذا شيء مهم

https://i.imgur.com/Dr4elXx.png

مركبين سبع رافعات كهربية للتخزين فوق السيارات

https://i.imgur.com/bpt5MoL.png

هذا مدخل من خلال الدرج لغرفة المعدات الميكانيكية والكهربية

https://i.imgur.com/waRQsC4.png

وايد معدات فيها منها نظام التدفئة وتسخين وفلترة المياه .. مسوينها في الدور الارضي وبطريقة مخفية وذكية وسهلة الوصول وحتى بانلات الكهرباء فيها ونظام البيت الذكي بأرفع مستوياته .. انا مسويها بيسمنت نازل بارتفاع بسيط وحتى توانكي المياه ووحدات التكييف بتكون فيها بس بمساحة كبيرة نوعاً ما وكافية لكل هالأشياء .. توزيع بانلات الكهرباء عندي بيكون غير وكذلك البيت الذكي بيكون في غرفة خاصة أو في المكتب فوق حتى يكون مكيف وقريب ومحمي

https://i.imgur.com/DeNKW1Y.png

من ضمن الأشياء الحديثة اللي مسوينها مياه حارة للتنظيف للخارج مع المياه الباردة وسهولة الإختيار بينها .. أكيد لسهولة التنظيف وخصوصاً وقت الثلج

الدرج الرئيسي للبيت

https://i.imgur.com/Crzc5xp.png

طبعاً صعب أعلق على كل شيء فيه كثير غير وحلو نحصل عرض بهذي الطريقة وهذي المهنية والسعر بعد بيكون معقول مقارنة بهذي الجودة

هذي الصورة لمنور درايش البيسمنت ووايد نصحت ناس يسوونها بهالطريقة مب شرط بالضبط بطابوق وممكن أصغر بس بعضهم ما يفهمون الفكرة

https://i.imgur.com/TBBFfBe.png

هذي الدرايش مفتوحة على الداخل كأن الواحد فوق وهذا في بلاد كثيرة المطر والثلج

https://i.imgur.com/5nGvWwG.png

اقتباس:

---

المشاركة الأصلية كتبت بواسطة معماري قطري

صور ملتقطة من الفيديو السابق
هذي للشور وهو مزدوج وهذا ما يعني إنه دوم لشخصين في نفس الوقت ممكن نستخدم أي جهة نحب وممكن لو قسم تعطل القسم الثاني شغال لين يصان المتعطل .. الفكرة بدت تستهويني والتكلفة بسيطة لو انعملت من البداية

https://i.imgur.com/0yd2I1f.png

https://i.imgur.com/5mRKijy.png

---

اشدعوه شورين في مكان واحد :happy: الثاني سبير يعني مب منطقي ترى ههههه
بيت هالكبر مابيكون في شاور اضافي في غرفه ثانيه .. :con2:

ترى انا سويت مغسلتين في الماستر نفس الفنادق .. وصارلنا اربع سنين نستخدم وحدة بس هههههه
والله كله خرابيط لا حلول ولا ابتكارات ..

اقتباس:

---

المشاركة الأصلية كتبت بواسطة sara jsm

اشدعوه شورين في مكان واحد :happy: الثاني سبير يعني مب منطقي ترى ههههه
بيت هالكبر مابيكون في شاور اضافي في غرفه ثانيه .. :con2:

ترى انا سويت مغسلتين في الماستر نفس الفنادق .. وصارلنا اربع سنين نستخدم وحدة بس هههههه
والله كله خرابيط لا حلول ولا ابتكارات ..

---

لازم فيه التزام للمغاسل وانعملت ثنتين تفخيم شوي وبعد كل واحد عدته قربه .. الشور مثل ما قلت لج الدبل هم يستخدمونه اثنين مع بعض بس بعد مفيد في حالة تعطل شور نستخدم الثاني لين يتصلح الأول

بعض الإبتكارات الحديثة للحدائق المنزلية منها جهاز يصنع الكومبوست


https://www.youtube.com/watch?v=I1N9xLM6VXo

اقتباس:

---

المشاركة الأصلية كتبت بواسطة معماري قطري

بعض الإبتكارات الحديثة للحدائق المنزلية منها جهاز يصنع الكومبوست


https://www.youtube.com/watch?v=I1N9xLM6VXo

---

تذكير اي فيديو يجي بهالشكل نضغط الرابط اللي تحته خط يودينا اليوتيوب ونشوفه هناك

معلومة جديدة علي هي مع الكور تست نقدر نسوي فحص كهربي بسيط للحديد ونعرف كمية الصدأ فيه .. بس دوم حاجة مهمة لازم نعرفها حتى لو كان الصدأ 5% معناها على مرور العمر بيزيد والمشكلة كامنة وموجودة والحل الأفضل هو الحديد المغلف ولو أمكن خرسانة خالية من الأملاح وكذلك المياه المخلوطة بها مقطرة ولا فيها كلور اللي يعتبر مسرع للصدأ


https://www.youtube.com/watch?v=CNkTClGXHkw