اخوي معماري عندي سؤال ..
تنصح بنظام الـ pex ؟
ناوي اركب النظام في البيت عندي و بغيت راي من خبير!
عرض للطباعة
اخوي معماري عندي سؤال ..
تنصح بنظام الـ pex ؟
ناوي اركب النظام في البيت عندي و بغيت راي من خبير!
والله يا اخوي بروحي محتاراقتباس:
المشاركة الأصلية كتبت بواسطة SouthK
تدري ليش؟ تطلع مادة يمجدونها وشغل تسويق بس البي بي آر قالوا ضمان 50 سنة للألماني لكن يقال يتكسر بسبب الشمس والحرارة ووصلاته ضعيفة ودوم تركيبه يخوف .. النحاس مجرب عمر وجودة عالية حتى بعد الهدم يستفاد منه ويباع غالي يعني قيمته فيه .. البكس ألحين مسوين عليه سوالف كأنه البطل المنقذ والله أعلم شيكون حاله
وصلت لشبه قناعة بتركيب البي بي ار حق بيت ولدي اللي بنبدأ بنيانه قريب بس مفكر في عمل قنوات تنفتح للصيانة والإستبدال في حال الخراب ومن فوق بيكون مغطى بعازل فوقه بعد قطع سيراميك مثبته بفوم سهلة صيانته
شوف هذا مخطط السقف عندي ودورات المياه كلها في الخلف وحدة بس اللي يسار تحت في الدور الأول وأقرب شيء لغرفة الخزان بيكون مسار البايبات قصير للدكت في الحايط .. والدكت في الحايط بيكون ممدد فيه بايب صرف بداخله بايبات التغذية مهزولة ولو سرب منها بايب بتكون فيه فتحة تحت يبين الماي النازل منها فيغلق ويقص ويستبدل .. الخط الأخضر مسار البايبات وبتكون كم خط مع الراجع للتدوير .. يعني مسار البايبات ثلاث أجزاء واحد فوق السقف والثاني في الحوائط الخارجية داخل بايبات صرف والثالث في قنوات في جدران الدورات الداخلية مع قابلية الفتح والصيانة
https://i.imgur.com/oEIMPqK.png
إنت ممكن تستخدم نظام البكس داخل دورات المياه وباقي التمديد بي بي آر أو نحاس بنفس الطريقة اللي شرحتها .. طبعاً لقص البايب التالف بعد التأكد منه والتأكد منه يكون بالمحابس نغلقها ونشوف التسريب لو وقف هذا هو البايب المقصود وكلامي عن الوصلة اللي في الجدار هذي لازم يكون فيه بانل مخفي بالبلاط بعد قابل للفتح عند مدخل البايبات النازلة لدورة المياه وهنا ممكن ينقص وينسحب من فوق ويستبدل بالكامل بدون فك تغطية البايبات وشغل مزعج .. للداخل غير لازم تفك البلاط اللي يكون مغطي القناة اللي ممرر فيها البايبات لباقي دورة المياه وتشوف وين الخلل وتستبدل وبعد فك وتركيب ما ياخذ منك شغل يوم سواء كانت البايبات بي بي ار أو نحاس .. تبقى عندك مشكلة لو تحب تركب قطع بلاط كبيرة سلابات لازم تقص مكان الوصلة اللي بتغطي بها مثلاً عندك بلاطات فوق ال 2 متر بتقص فيها من قريب الوسط حول 10 أو 20 سم وصلة بعدين بتركبها بسيليكون حتى تفكها بسهولة وقت الحاجة .. ممكن تخفيها وراء القطع وبتبين شوي وما بتتأثر كثير من منظر خط الفصل بيكون مثل خطوط تركيب البلاط الفواصل بينها بس عندك باقي الحائط سلابة كاملة بدون فواصل .. انا أشوف هذا الحل مناسب وسهل للصيانة وحياك معانا في قروب الوتس أب بناء وتصميم هناك النقاش يكون محتدم من مهندسين ومقاولين ومستخدمين أوقات يصير قصف قوي
https://chat.whatsapp.com/CgdCfGMCFIyK5bpEQAbJOc
نسيت حاجة مهمة الخط الأخضر المتقطع هو مسار بايبات التغذية والخط الأبيض جنبه هذا لو ما عطوني زيادة ارتفاع لسور سقف البنتهاوس لتغطية التكييف باركب بعدين سمنت بورد وبحاول في موافقة بعد على سمنت بورد بإرتفاع متر زيادة لأني ناوي أركب مظلات حديد لتغطية التكييف وللتظليل ما ابغيها تبين من الخارج .. البايبات مالت التغذية بتكون في الزاوية وسهل تغطيتها بالفوم وعليه حتى بلاستر حماية يسهل فكه وصيانته والفوم يعزل برودة البايبات عن الشمس وكذلك بايبات الماي الحار عن البرد وقت الشتاء
مساء الخير بشمهندزنا العود
التظليل اللي تبي تركبه لمكاين التكييف لا تروح للحديد، اختار لك اي شيء ثاني. ممكن حتى تستخدم انسجة يو بي في سي و من فوقهم جريد نخل. هيك يبدوا لي احلى وخفيف ينفك بسهولة
مساء الأنوار يا بو زيداقتباس:
المشاركة الأصلية كتبت بواسطة سالم الزهران
كلامك يمشي وحتى ودي لو جريد نخل مخلوط بشوية اسمنت وبسعف نخل كتقوية وثبات أو بقايا أشجار وتغطية دائمة ومرتفعة شوي كنظام السقف المزدوج .. العلوي خفيف وتظليل وما يزيد عن مترين ارتفاع والسفلي هو السقف الحامل القوي المعزول حرارياً ومائياً .. حتى تكون لك حرية في الزراعة السقفية ووايد نجحوا فيها وحتى وفرت لهم مشروع حتى ممكن يبيعون منه
انا تفكيري لهذي المنطقة ووضع البيت ذيه هو أعلى البنتهاوس وعندنا قوانين تخطيطة ظالمة .. تدري غير مسموح تسوي درج للسقف هذا وسور السقف محدد ب 40 سم ارتفاع يعني خطورة للي يركب عليه وحتى التكييف ما تحطه فوق .. زين هشكل بيكون التمديد للتكييف طويل وايد ما عليهم منك .. عقليات سوق سيارات مستعملة يبيعونك اياها كأنها جديدة .. بعدين الحديد مادة تدوم وقصدي هنا خليط المعادن اللي يتكون منها الشينكو وهي ما تكون حديد وبس .. وثابت ببراغي ما يطيره الهواء .. لو عطوني أنزل سقف البنتهاوس ما عندي مشكلة بانزله حتى لو 80 سم بيكون يغطي أي تظليل للتكييف 80+40= 120 سم ارتفاع سور السقف بيطلع وهذا بيفيدني وبينزل الإرتفاع الصافي تحت في البنتهاوس لين 3.2 متر ما عندي مشكلة دور السقف بيكون تكييفه سبلت عادي ( ممكن ) ولا احتاج له بيكون دور مستقبلي زايد لأي حاجة
هذا تصميم مبدئي لبيت في مساحة صغيرة في قطر في الخيسة .. يحتاج تطوير وترتيب أكثر أكيد لكن كفكرة معمارية شغل حلو
https://www.youtube.com/watch?v=a1HYOQ8jr-Q
تصميم جميل وتنفيذ أجمل لبيت صغير على أرض 300 متر مربع .. متخوف من المشربيات الخشب وشكلها بديل ومعالج بس خوفي من تراكم الغبار وكذلك الطيور ممكن توقف عليها واحتمال تعشش .. حبيت الدرابزين ناعم وسهل وشكله أأمن من القزاز وكذلك المناور السقفية والإطلالات مسوية جو حلو .. ما حبيت كذلك وجود غرفة الخادمة قرب الغرفة الرئيسية ولو بنستخدم نفس التصميم عندنا ممكن نضيف له ملحق خارجي فيه الخادمة والغسيل ومخزن وممكن مطبخ ثقيل وكذلك ممكن في جهة ثانية غرفة السايق وهم مسوين لها مكان بس ما شفتها
https://www.youtube.com/watch?v=D5sjfIgp3RI
من أحلى المناظر اللي حبيتها في البيت هذا هو دخول الإضاءة فترة العصر وهنا ما تكلم عن الحرارة والحرارة مع النور تفيد في تعقيم الغرفة وتجديد حوها بعدين تتحكم فيها بالستائر
https://i.imgur.com/TFcpOxa.png
هذا نقدر نطلق عليه صناعة الحديد الخشبي .. تابعوه وايد مفيد وبيسوي ثورة في مادة مهمة للبناء وأرخص من الحديد بوايد
https://www.youtube.com/watch?v=96Dz-rQtGxI
البولي يورثين فوم عزله الحراري خرافي حول 0.022 اليو فاليو له الى حدود شوي أعلى والأدنى هي الأفضل طبعاً .. يعزل عزل مائي بس ما اتوقعه مضمون ما قريت شيء عن خاصية العزل المائي كله مكتوب عن الحراري ويمكن يحتاج بحث غير بس كلام المهندس المسؤول مطمن بهذا الخصوص .. عزل الفوم العادي البوليسترين المبثوق أو المدد ما يجي شيء عنده حول 10 أضعاف يعني هذا 1 سم يعادل 10 سم فوم بشكل تقريبي من هشكل اقول خرافي
عزله معتمد على غازات محتبسة في خلايا فراغية فيه ومناسب للجدران داخل فجوة واقصد فجوة متصلة بين الطابوق ومناسب للأسقف ومناسب للأرضيات
https://www.youtube.com/watch?v=XcsqZ0kBoZE&t=1932s