الدريشتين الطوال وحدة في غرفة الملابس ووحدة جنب التسريحة
هنا توضيح لموقعهم في التوزيع الأرضي
https://i.imgur.com/Me1W85Q.png
الدريشتين الطوال وحدة في غرفة الملابس ووحدة جنب التسريحة
هنا توضيح لموقعهم في التوزيع الأرضي
https://i.imgur.com/Me1W85Q.png
يبين موقع المنور اللي من سقف دور البنتهاوس وبيكون ارتفاعه عالي
المساحة كاملة للدور 540 بس ينشال منها التجويف المغطي للزراعة حول 61 متر مربع تطلع صافية 480 وبعد كبيرة
https://i.imgur.com/BtfJJW9.png
لازم أسوي دراسة وعقود للتكييف والمصعد من ألحين حتى أختار المناسب والتركيز على تدمر وجنرال وقري والمفتاح
الجهة الخلفية أو الغربية من البيت وهنا بتكون مطلة على حديقة وطبيلة السيارات الكبيرة .. كنت متخوف من شكل بروز المكتب الغرفة الزجاجية مع القرميد فوق بس أشوفه مقبول .. شرايكم؟
https://i.imgur.com/FSOhN6R.png
ما ضفت المنور السقفي هنا ولازم يبين وهذي الصورة مقربة لإمتداد المكتب اللي مغطي على مدخل البيت مع البروز اللي يعتبر غرفة زجاجية .. تحتها موضح موقع نزول الشلال اللي بيكون على الدوار بين الشجر
https://i.imgur.com/t82dzY0.png
هذي نقطة النزول الموضحة بالأزرق
https://i.imgur.com/cbYN2F9.png
الله يعين ويوفق ونخلص الموافقات
ناقشت موضوع المناطق أو التقسيم لمناطق في التصميم مع شباب في قروب وتس أب تحميل الصور سهل وضيعت بعضها صراحة
شكلها بتبين شوي مقطوعة بس لونت كل منطقة حسب استخدامها
https://i.imgur.com/nzWdgJm.png
التقسيم أو Zoning يفيدنا في الفراغات وعلاقتها ببعض واستخدامها وممكن نبدأ من كبير وننزل لتفاصيل صغيرة كلش تخدمنا في معيشتنا أو استخدامنا للمبنى
المنطقة هناك منطقة حفريات وحرب يقولون بتخلص شهر 11 الجاي ونتمنى ذلك ما يعطلونا أكثر
هذا تصوير للمنطقة مع وضع المخطط على مكان الأرض .. فيه شوارع بتنشأ يمين بتتحرك شوي بتوسع لمواقف زاوية للمجلس مع مجلس بيت الوالد الله يغفر له فوق بحدود 10 - 12 موقف + مواقف جانبية بسيارات أقل من الجهة الثانية للشارع بتكون طولية .. ما قصروا أشغال طبقوها حسب حاجة السكان وما قصر الاستشاري ايطال كونسآلت رفع متطلباتنا برسم وشرح للموافقة
https://i.imgur.com/6iFHWJn.png
قسم أحواض الزراعة بالأخضر ومبينه عليه الزراعة وقسم المجلس مبين هنا بوضوح مع الدجة مع غرفة الطعام مع المجلس المثمن .. وقسم حوض السباحة بالأزرق تبين عليه المباني ومنطقة الزراعة كذلك
https://i.imgur.com/j1AtkFs.png
هذي الصورة أوضح للموقع العام بيتي وبيت الوالد ونقطة الاتصال بباب بتكون وراء المجلسين من الحوش للحوش اللي في بيتي المخصص لحوض السباحة .. ألحين تبين بقع كبيرة هذي أشجار برية باحاول أنقلها للجهة الجنوبية من البيت منطقة الزراعة الطولية جنب البوابة اليسرى
https://i.imgur.com/C8bdKFw.png
يعني أول خطوة في البناء بتكون حفر منطقة الزراعة وتسوير الأرض لحفظ ناتج الحفر وإزالة الأشجار وزرعها في المنطقة هذي ثم إكمال الحفر للبيت وتكويم الدفان في الجهة اليسرى واستخدامه لرفع منسوب البيت قليل وجعل المستوى للطريق الوسطي واحد مع ميلان بسيط للوسط للتصريف اللي تحت الأرض لجهة الزراعة اللي بتكون عبارة عن خزان مفتوح ونازل
المنحنيات ما تبين عدلة كان يبي لها رفرش قبل لا اخذ الصورة لكن في الواقع منحنى مرتب
هذي بعد تعديل المنحنيات حتى تبين واقعية
https://i.imgur.com/D0R3UDF.png
خايف من المياه الجوفية بما إن الأرض فيها زراعة وبعد شوية مخلفات بناء تحتاج تنظيف وترتيب وعدوني أشغال بس الحفر ضروري تقريباً لكل الأرض حتى مناطق الزراعة بعضها نص متر وبعضها أكثر حددت بشكل تقريبي أماكن الحفر على مخطط ثاني والأعماق المقترحة والله ييسر الأمور
هذي الواجهة جهة الشارع أضفت عليها بعض الألوان وألغيت الزوايا في النوافذ بس خليتها في بعضها البارزة حول دريشة الحمام بتبين كاملة من الداخل ومن الخارج وبتكون تطعيم بسيط بدال متكررة وايد
https://i.imgur.com/98947R5.png
أحد الإخوان طلب تعديل على توزيع دورة مياه رئيسية واستوى كم إقتراح هذا آخرها .. لحسن الحظ عنده غرفة فوق للملابس وبابها مكانه غير اقترحت فتح باب على غرفة المكياج لسهولة الوصول لغرفة الملابس حتى وان كان يوجد باب ثاني
https://i.imgur.com/owg024i.png
هذا مقترح أولي بدون الفري ستاندنغ شاور وأظن إنه أفضل بس السابق أجمل بيكون بدرايش طولية ممكن من تحت مرملة ومن فوق عادية تنفتح أو من تحت قلاس بلوكس .. هذا ممكن الدرايش تكون عرضية ومرتفعة فوق منطقة الشور ومتصلة للبانيو .. نفس الشيء الجهة الثانية وممكن لو حبينا نركب قلاس بلوكس بدال الزجاج
https://i.imgur.com/ONYTnTM.png
دكت التمديدات موجود جنب الكرسي في الزاوية اليمنى فوق
الإختيار الأول مع الفري ستاندنغ شاور الزاوية جنب الشور مقترح تكون لها أرضية بارتفاع الشور وعليها مزهرية وممكن نسوي لها حاجز مقوس من البولي كاربونيت بلون معتم شوي ومقوس جهة المزهرية ومفتوح بس يعطي الزاوية انحناء مقوس مثل ما هو موضح ويكون ممتد للسقف مع انارة مركزة على النبتة وتكون مخفية المصدر بالبولي كاربونيت ويبين النور غير مباشر من خلال البولي كاربونيت خصوصاً لو جاء بلون معين
انا اشوف البانيو ياخذ مكان عالفاضي .. او الجاكوزي ..
خلاص حطوا شاور ويوسع المكان ويكون شرح ..
الواحد كم مرة راح يستخدم البانيو او الجاكوزي !!!!
الإختيار الثاني بيكون عندنا مغسلتين بدال وحدة والبانيو بيكون متوفر وارخص وتفصيل الباب لازم بيكون مثل اللي في الاختيار الأول
تعتمد إختي سارة انتي ممكن تاخذين جهاز رياضة أو سيكل مثلاً ولا تستعملينه وممكن تستعملينه يومياً .. بالنسبة لي الجكوزي اخترب وناوي ابدله بس خايف من دوشة الشغل ولكن استخدمه بانيو اسبوعياً مرة أقل شيءاقتباس:
المشاركة الأصلية كتبت بواسطة sara jsm
انت جاكوزيك مخترب من ثلاث سنين يعني في النهايه عالفاضي ..اقتباس:
المشاركة الأصلية كتبت بواسطة معماري قطري
انا حاطه بانيو ومااستخدمته الا مرة وحدة :unsure: وحتى المغسله حاطه ثنتين ونستخدم مغسله وحدة بس :taunt:
كله ديكورات عالفاضي .. متخرعين اول ما نسكن نبي البيت فندق :confused:
بعد علشان ما تزعلين مقترحج ممكن لو حب يسويه المالك
https://i.imgur.com/fSbAw74.png
نبي البيت فندق :taunt:اقتباس:
المشاركة الأصلية كتبت بواسطة sara jsm
هي رغبات وقطع نستفيد منهااقتباس:
المشاركة الأصلية كتبت بواسطة sara jsm
هذا مع مغسلتين بعد
https://i.imgur.com/x1RiIuZ.png
ما تدري يا سعود هي الحين تراضي الريل بعد ما دمرت ميزانيتهاقتباس:
المشاركة الأصلية كتبت بواسطة سعود.
هههههههههههههه اي والله متحسفه على وايد اشياء
لو البيت شعبي ابرك من هالمساحة على كم نفر :taunt:
بس صج المقترح الأخير طلع حلو مع إن مقاس الحمام 3 في 3.1 ويكفي كل القطع بس هذا الشور فيه أريحية بدون باب ومضمون الماي يبقى داخل
إصبري بس يكبرون عيالج وتزيد الإحتياجات وبتقولين يا ليت كبرنا وزدنااقتباس:
المشاركة الأصلية كتبت بواسطة sara jsm
لحد يبخل على نفسه البنيان مجهود بس مهم نوجهه صح ونحسب المستقبل ولو زاد شوي أحسن من يقصر .. ولازم القوانين بتتعدل اللي عنده مثلاً دور علوي مفصول ما يحتاجه ممكن يأجره ويسوي مدخل منفصل حتى لو كبر وفضى عليه البيت ممكن يستغل جزء منه يتأجر ويدخل عليه مبلغ يفيده
اي وعقب وين المؤجر يصف سيارته في جبدي ؟؟! :omen2:
ان شاءالله مايسمحون .. :)
شوارعنا تترتب بمصفات كثيرة ومكان لحاوية القمامة مغلق أو محوط بطابوق ومرتب والأهم تكون على أرضية بسهولة تنسحب وتتحرك بتواير .. تطوير المناطق السكنية سهل بس يلتفتون لها التفاتة صادقة والله فرجاننا تكسر الخواطر لا وكثير منها توهم خالصين من شوارعها وتدمرتاقتباس:
المشاركة الأصلية كتبت بواسطة sara jsm
سويت بحث عن الفري ستاندنغ بانيو وحصلت بعد آيكونات لرسم أوتوكاد بالمقاس بدقة .. فيه أصغر لحدود متر ونص في 75 سم .. سويت طريقة ثانية في التصميم
https://i.imgur.com/Dwg7Plx.png
هذا متر وستين في سبعين سم مناسب .. وفيه كم نوع مدمجين شاور وجكوزي مع بعض مع زجاج لمنع رش المياه
اقتباس:
المشاركة الأصلية كتبت بواسطة معماري قطري
ههههههههههه
هذا التعديل بإزالة الزاوية وارجاع البانيو شوي للخلف واضافة بعض النباتات
https://i.imgur.com/9HAsKhP.png
طوله 1.70 ممتاز ويعتبر كبير .
عرضه 70 حيل ضيق . يعني تقريبا 3 شبر ونص
هذا التعديل بإزالة الزاوية وارجاع البانيو شوي للخلف واضافة بعض النباتات
https://i.imgur.com/9HAsKhP.png
النبتة عبارة عن بلوك والبلوك في الاوتوكاد هو عبارة عن رسمة مسبقة تعتبر وحدة كاملة شيء واحد مثلها مثل النقطة والخط والدائرة مجموعة أشياء نجمعها تحت شيء واحد له مسمى مختلف نقدر نسحبه من رسمة لرسمة ونستخدمه للتوضيح ويكون بمقياس رسم .. مثل سرير أو قطعة أثاث بمكوناتها وغالبية الموجود 2 دي وفيه 3 دي .. هذي كانت بدون ألوان أضفت لها الألوان بسهولة وبسرعة وحفظتها تحت اسم نبتة عندي واللي يحب البلوكات هذي مستعد أمده بها ممكن يكون يشتغل شغل هندسي يقدر يستعملها
https://i.imgur.com/6oxnbDl.png
مايصلح حق المتان :tooth:اقتباس:
المشاركة الأصلية كتبت بواسطة سعود.
أكيد اللي يلهطون 10 سندويشات كيما ويكثرون الفلفلاقتباس:
المشاركة الأصلية كتبت بواسطة sara jsm
القصد من ذكر المقاس هو المقاس السابق كان 1.8 في 1.1 للعرض وهذا قليل متوفر وما بيصير شيء لو نزلنا المقاس شوي واشترينا واحد مناسب .. فيه قريب من ال 2 في 2 متر كأنه سرير ولين يتعبى ماي ياخذ وقت ويكفي حق الجيران يجون يسبحون مع بو دبة .. فيه وسط فيه 1.7 في 80 سم أو 85 وفيه أطول شوي مع ديكور وكلهم مناسبين بس كلما كان صغير يكون البق ويمشي
فيه المتصل بالأرضية سهل الدخول له وفيه اللي له ارجل ومرتفع هذا يبي له واحد لايق ينقز ويطب فيه مثلي يمشي 10 خطوات في الساعة وضعه صعب .. عاد أتخيلج حاطه بدال الصابون والشامبو سندويشات كيما وقرشة الفلفل على جنب على الرف المعلق وسط البانيو ودي أسوي الرسمة بس شغلة وبترفعين علي قضية
بالعكس اخوي سعود وايد البانيوهات هذا عرضهم بين 70 - 80 وقليل ال 80 متوفر .. الزاوية يجيك في الغالب تحت المتر ونص 1.40 وتحتها أوقات كطول وعرض عندهم حرية أكثر يسوونه حول 80 وحتى 90 .. تقدرون تسوون بحث في النت والا حتى تسئلون على الطبيعة في المحلات اللي حولنااقتباس:
المشاركة الأصلية كتبت بواسطة سعود.
إشتغلت على التكييف حق بيتي والفكرة إني أحصل النوع اللي يكون داخل كسرة في الحائط وبباب واقف يكون وعلى قاعدة في الأرض حتى لو سرب ماي فيه مجرى يودي الماي للحمام ويتجمع الماي قبل في قطعة مثل الصحن الحديد
هي سكتشات مبدئية ممكن تتغير حسب التصميم من شركة التكييف بس هذا اللي احبه .. سويت الدكتات بعرض متر وهي ممكن تكون أقل الا مؤكد أقل .. الراجع بالأسود والأزرق للبارد
https://i.imgur.com/Q5Zt3RV.png
فكرة إن المكيفات بعيدة شوي وممكن الباب يكون مبطن كذلك بعازل عن الصوت
باركز على كل غرفة بروحها وزين إن كل المكيفات سيدة تحتها الوحدة الخارجية اللي بتكون في البيسمنت الخدمي
هذا المجلس والتكييف رقمه 3 موضح .. الجبس بيكون بسيط طبقة وحدة بس فراغ قرب الحايط 40 سم هذا بتكون فيه فتحات التكييف مقابلة الحائط الراجع في جهة والصادر في جهة مقابلة
https://i.imgur.com/PAdust6.png
في حال ما حصلت الواقف باخذ المعلق في السقف وأمري لله
تكييف الغرفة الرئيسية تحت
https://i.imgur.com/pJPPXYv.png
الصالة بيكون مكيفها داخل الستور وكذلك غرفة الطعام وممكن نضيف لهم المجلس بدال ما يكون مكان الوحدة مطل على الصالة .. وبياخذون جزء بسيط
https://i.imgur.com/lvohwfF.png
هذا البيسمنت الخدمي وموضح مكان الوحدات الخارجية وكلها رأسياً تحت موقع الوحدة الداخلية لسهولة التمديد .. التصريف لمياه التكييف بيكون ينزل ويتعلق في سقف البيسمنت ومنه للجوانب يتصل مع بايب صرف المطر اللي بيكون مدفون تحت الأرض ويودي الماي للزراعة
https://i.imgur.com/xg1jtGB.png
المساحة كافية وفيه سهولة للتمديد وللشغل وللغسيل والاستبدال وشغل الصيانة تحت مكان مظلل ومهوى زين ومحمي