الجرعة الثالثة مسجل ف النظام اني اخذتها :)
والله يحفظ المسلمين أجمعين
:
شعورك اذا جلست تتأمل شبة النار؟
عرض للطباعة
الجرعة الثالثة مسجل ف النظام اني اخذتها :)
والله يحفظ المسلمين أجمعين
:
شعورك اذا جلست تتأمل شبة النار؟
رُغم جمالها ودفئها إلا أنها فاضحة لكثير مِنَ الأسرار لأن الحديث يُستطاب حولهااقتباس:
المشاركة الأصلية كتبت بواسطة سالم الزهران
وخصوصاً لما يكون الجو بارد والجليس ليس كأي جليس ، ويا زين شبّة الضو ياخوي ابو زيد :thumbup1:
\
/
\
سؤال : دخلنا رمضان وعدّى مُنتصفه ونحن الآن في العشر الأواخر .. هل أنت راضٍ عَن عَملك ؟
وخصوصاً مَدَى استعدادك لليلة القدر سواء في العشر الأواخر أم الليالي الوترية أم ليلة 27 منه ؟
مب مهم كشخص اكون راضي عن عملي .. الأهم ربي يرضى عليّ و يقبل عملي!اقتباس:
المشاركة الأصلية كتبت بواسطة أبوماجد
نفسه
الله يرضى عليك ويتقبل منا ومنكم صالح الأعمال .. آمين (( ونعم الرد يا غالي ))اقتباس:
المشاركة الأصلية كتبت بواسطة SouthK
وعَن نفسي مَعَ أسفي غير راضي كعبادة ولكن في باب صلة الرحم مُجتهد للغاية وخصوصاً الوالدة الله يحفظها
\
/
\
نفس السؤال ؟
هالسنة مب راضيه كلش ولا حاسه برمضان بسبه العارض الصحي اللي صادني ..
لكن ادعي دايما ربي يبلغني السنة الجايه بكامل عافيتي اعوض نفسي واعوض عيلتي ..
وربي يتقبل منا ومنكم الدعاء وصالح الاعمال ..
:
س / زيارات العيد بتكون موجوده ولا اللي حولك مسافرين ؟
ولا قصور في الحاضرين "كل ابوهم" ولكن سؤالك الكريم ذكرني بمهدسنا العزيز ابو عبدالله :yes:اقتباس:
المشاركة الأصلية كتبت بواسطة sara jsm
في أحَد الأعياد حضرنا خطبة العيد وطبعاً هي تُقام بعد صلاة العيد ، وأثناء حديث شيخنا الغالي
لاحظت أن بعض الشيبان اللي في المُقَدّمة الله يرحم الحَي والميّت منهم ، قاموا (يتنحنحون) :omg:
وكل مالهم ويزيدُون في التنحنح ، شوي إلا قمت أسمع بعض الدريولية والجاليات يتنحنحون أيضاً :looking:
عرفت أنهم فهموا السالفة غلط !! لأن نحنحة الشيبان حق الشيخ بقصد اخلص علينا ورانا عيد ومشاوير .! :taunt:
الجواب : اللاعبين الأساسيين بإذن الله موجودين وهُم اللي نسميهم الدائرة الضيقة والباقيين الله يحيّيهُم
إن واجهناهم خير وبركة وإن ما واجهناهم فإن الوجه للوجه أبيض .. لكن بعد هالكوفيد
فإن الكثير مِنَ الحِسابات قد تغيّرت سواء كانت إجتماعية أم نفسية مَعَ الأسف
عسى الله يخلفنا خير ولا يغير علينا إلا للأحسن .. آمين
\
/
\
نفــــــس الســــــــؤال ؟
الله أعلم.. فيه ناس ما ابغي اروح لهم..وكل يوم يقطون لي خبر فلان تعبان فلان انقلوه الطواريء.. الله يشفي الجميع ولا يجعلهم في حاجة.. والله يهدينا جميع
:
نفس السؤال
باحاول اخلص الزيارات اول يوم من شمال لين غرب ..
لان الباقي بيسافرون عقب العيد .. وابي اتفرغ لليهال ووناستهم ..
:
س / في هالاجواء البيروتيه فيك تفطر بالحوش :thumbup1: ؟
ابدا ابدا. ممكن السحور
ممكن وصف ماهو الشي الذي ع يمينك الآن ؟ ( مابي اقولك صوره ) :taunt:
يميني طوفه ويساري طوفه فيها دريشه
:
نفس السؤال
يميني ورد ويساري ورد ووراي ورد :) قاعدة في الحوش
:
س/ أكثر شجرة او نبته تحب تزرعها في البيت ؟
اللوز
كم نسبتة في الشهادة الثانوية ؟؟
منور برشلوني الغالي .. وللأمانة أخاف أزيد أو أنقص ولكن في حروة الـ 70% وتقريباً حواليها
\
/
\
نــفـــــس الــســــــؤال ؟
99,6 :strong كيفكم لاتصدقون
:
س / هل تشعر بالحزن في نهايه رمضان ؟ كأنك تودع غالي ؟
او ماتحس بهالشي مع زحمة الحياة ؟
مِن ألحين أحس أني أفتقده ومشتاق له وأحس أن ودّي تكون السنة كلها رمضان :(
\
/
\
نــفــــــــــــس الــــســـــــــؤال ؟
الحقيقة آخر رمضان سافرت ورغم أن الحدول الرمضاني مثلما هو الا أن روحانية البيت والمسيد اللي تروح له وجيرانك احس طيرها السفر. بعد السفر للأقارب يشغلك بالزيارات.
:
اللي يبحثون عن الكنوز في العالم، لي حصلوا كنز وين يبيعونه، أنا لو أحصل خرزة يطالبونا البلدية؟
عبارة كنز تأتي في سياق الذهب والفضة والمجوهرات والأحجار الكريمة والآثار النفيسة ذات القيمة النقدية والمعنوية
وهذا كله في رأيي الشخصي يُنظر إليه مِن خلال ( البَصَر ) ولكن هنيئاً لصاحب ( البصيرة ) وأثمن الكنوز لدى الإنسان قاطبة
هِيَ ( الــقــنــــاعـــــــة ) وقد قيل : القناعة كنز لا يفنى .. فأُمي كنز وزوجتي كنز وأبنائي هُم كنوزي وأنتم وجميع مَن أحبهم.
\
/
\
نفس السؤال ؟
بصراحة مدري وين يبيعون بس اللي يدري يعلمنا. او ع الاقل لو بتبيع قطعة أثرية انت تملكها محد بيطلع لك يجمركها لك!
؛
سؤال جديد، المجاملة أرى لها أكثر من مستوى، مثلاََ مجاملة من الطرفين متفق عليها، ومجاملة من طرف واحد للأخذ بخاطر الطرف الآخر
السؤال: أيهما تستخدم أكثر أو ترى بامكانك استخدامه؟
المجاملة من الطرفين نفسك انت وبوماجد :funny:
اما انا استخدم الثاني .. اللي اجبر فيه خاطر الناس ..
:
س / نفسه ؟
نووورك يابوماجد عسى عمرك طويل ف طاعته
للاسف للاسف الشديد اني دفش وماحب اجامل واذا الشخص احس ان مايتقبل الراي اتجنب الاجابه.
هل جبت مطوع يقرى عليك من قبل ؟؟
انا احب ماعور راسي اذا الشخص مايهمني والموضوع كذلك عادي اعطيه ع جوه
——— نفسه ———
احتمال اللي فيني يدش في المطوع فحقنا للدماء ما اجيب مطوع يقرا علي!اقتباس:
المشاركة الأصلية كتبت بواسطة سعود.
نفسه
في سياق السؤال .. الجواب لا ولكن عندي زميل عمل يحفظ القرآن وهو إمام مسجداقتباس:
المشاركة الأصلية كتبت بواسطة برشلوني قطر
وقد حسّيت بصداع شديد ويوم عرف قعد على كرسي مُقابلي وحط يده اليمين على ناصية رأسي
وقرأ علي أيات وأدعية لمدّة بضع دقائق ، وحسيت على الأقل نفسياً براحة غير طبيعيّة
وكأنه عنده قدرة بإذن الله على سحب أي شحنات وطاقة سلبية "ألا بذكر الله تطمئن القلوب"
ولكــــن من كم سنة بعض العيال اشتكوا لأمهم مِن شغلات غريبة ذات ارتباط بسؤالك الكريم
فعلاً فكرت ألجأ لهذا الحل ولكن تأنيت وحَرَّصت عليهم بعدم ترك أذكار الصباح والمساء
والمُواضبة على الصلوات والاستعانة بها وبالصبر والحمد لله تحسّنت الأُمور بفضل الله تعالى
\
/
\
يقولون "الحاجة أُم الإختراع" فلا بُد أنك كنت تبي شي ومحتاج له ومش لاقيه حواليك .!!
فـ فكّرت وفكَرت لين لقيت الحل أو "الإختراع" اللي مَشّى موضوعك بيُسر وبسلام ؛
مِن فضلك اذكر لنا تجربة أو إختراع ؟؟ :thumbup:
مرة كنت مسافرة .. ويسكرون المكيفات بالفندق من وقت ..
قمت خذت مخدتي ولحافي وفتحت باب الثلاجة ورقدت عندها ..
اختررررراع ولا مش اختررررررراع :tease:
:
س / جاهز للعيد ؟
جاهز من كلش ما عدا الجدول/الخطة ما فيش
:
نفس السؤال
لاول مرة جاهز و كلشي جديداقتباس:
المشاركة الأصلية كتبت بواسطة سالم الزهران
نفسه
عشان تعرف دور الزوجة المهم في حياتكم :ok:
انا الحمدلله جاهزة وعيالي جاهزين :)
:
س/ توقعاتك بكرة العيد ولا عقبه ؟
بكرة إن الله راد
(كنت أردد رمضان لا ترحل والولد يسمعني وهو قاعد يلعب بالاكس بوكس، قال لا خل رمضان يرحل ويجي عقب شهر احدعش ونأجز و انا اقول استغفر الله العظيم).
؛
نفس السؤال
اغلب الفلكيين متوقعين ارمضان كامل يعني غدا صيام
——- نفسه ——-
انا اشوف شعبان كم يوم وعلى حسابه احدد ..
يعني شعبان كان 29 يوم فرمضان بيكون 30 يوم
واذا كان شعبان 30 .. الاغلب رمضان يكون 29 يوم ..
فالعيد بيكون حسب فلكياتي يوم الاثنين :nice:
:
س / ريوق العيد يكون مميز ؟ ولا عادي !
الحين صار مميز، بحكم انه العادة من صلاة العيد فوالة و نمر بيوت الاهل ورى بعض لين غدا العيد الظهر فبيت يدي الله يرحمه.اقتباس:
المشاركة الأصلية كتبت بواسطة sara jsm
من بعد الزواج هذا اول عيد و طلع في طقوس للفطور و حلوة فبيت عمي، بمر استكشف و اتفطر عندهم و عقب اكمل اللفة العائلية المعتادة.
يوم العيد مميز بكل شيء من الصلاة للريوق والاهم انك تحصل الناس وجاهزين للاستقبال مش مثل بقية الأيام
:
الجيران في الفرجان العتيقة بينهم ألفة وتزارو وتآزر أكثر من الساكنين في الأحياء الجديدة؟ شنو رأيك؟
لا .. محد لحد .. الدنيا تغيرت ..
اليوم كنت اشوف برنامج قديم مسجل في 94 ..
كانوا الشياب يسولفون ان العيد ماعاد مثل اول والناس مجالسهم ماتفتح الا بالمناسبات ..
ومحد يدري عن الثاني .. هالكلام قبل 28 سنة .. فما بالك في الحين !!
:
س / أول بيت تزوره في العيد ؟
عادة يجتمعون عند أحد الكبار ومب محدد حتى الآن، يهمني اعايد على الجيران والاهل بنلحق عليهم لان ساعتهم مؤخرة.
:
نفس السؤال
للاسف فالبيت مع كورونا:this:
شنو عشاكم فالعيد ؟؟
الله يشافيك ويعافيك اخوي برشلوني .. مأجور خير
:
عشى العيد احتمال بوفيه فندق او مطعم جديد .. جاري التفكير ..
:
س / نفسه
غير معروف الى الان
نفسه
ذباح و مجلس يمتليء بالسوالف والزوار وراح اجاوب على نفس الاسئلة عشرين مرة.
:
الخطبة الجاهزة في صلاة العيد اللي تجي من الأوقاف، هل المقصود منها معالجة ضعف مستوى الائمة أو حوكمة الخطب من قبل الجهة المعنية؟
الله يعافيج اختي ساره ويسلمج من الشر
مادري ايش الحكمه. اعتقد لو حد يشتغل معاهم ممكن يفيدنا.
الطريقة المثلى لتعديل النوم ؟؟ قلت بعدل نومي اليوم رقدت 11 قعدت س 2 :court:
لازم تسوي لك جدول .. بس انت مكرون يعني لا تقدر تطلع ولا تشوف حد :(
مافي الا تشوف التلفزيون والافلام لين تعدله ..
:
س / اشلون العيد من عقب الكورونا ؟