نشوف شغل الخرسانة وكميات الحديد في بعض الدول الفقيرة صج اقتصادية وشغل زين
https://www.youtube.com/watch?v=-6DQtnrQBCk
عرض للطباعة
نشوف شغل الخرسانة وكميات الحديد في بعض الدول الفقيرة صج اقتصادية وشغل زين
https://www.youtube.com/watch?v=-6DQtnrQBCk
من ضمن آمالي الكثيرة، اني اتعلم على برنامج ثري دي.. شلون أسوي غرفة صغيرة للعدة مثلاََ.. بحيث اعرف مقاسات الحديد او الالومنيوم او الخشب.. والاغطية ونقاط تثبيت الانارة مثلاََ.. بحيث اني اقصهم ع الارض ويبقى لي شغل تركيب فقط.
تمنيت مثلك قبل وخلاص استسلمت مع اني بديت مع ثري دي الاوتوكاد وأذكر سويت مقترح حق تطوير مدرسة للغات حتى الأرصفة والانارة والشوارع تشوفها وتشوفها بزاوية طيراناقتباس:
المشاركة الأصلية كتبت بواسطة سالم الزهران
المشكلة من اصدار لين اصدار قاموا يخربون البرنامج ويقللون امكانياته حتى تشتري النظام كامل وتشتري كل شيء بروحه .. يعني مكتبة المواد تشتريها بروحها واضافات ثانية كثيرة .. إستوى غثى بعد ما كان نوعاً ما ممكن تعلمه والشغل عليه .. ثري دي ماكس أو ستوديو شفت سوداني يشتغل عليه وقال لي باعلمك وسهل وصج يبين لي سهل بس تكيسلت
جزاك الله خير يبو عبدالله.. لو لاحظت ان حتى برامج تحرير الفيديو ما نعرف لها.. بصراحة احرث لك مزرعة واسوي لك فيها جليب اسهل عندي من التعامل مع التطبيقات... يا ريال الاوفس الحين صار عفسه..
صعوبة برامج الرسم الهندسي هي إنك لازم عندك خبرة في التصميم والقياسات يعني مختص .. هاوي ممكن تنجز بس بصعوبة كبيرة .. لكن مثلاً تدرس التخصص بحيث تكون رسام هندسي لفرع معين أو عدة فروع هندسية هذا شيء ممكن وتاخذ فيه وقت كذلك ومشكلتك ما تقدر تفكر ولا تخطط شغلك بس التنفيذ بدون سؤال .. يعني لازم تشتغل تحت مهندساقتباس:
المشاركة الأصلية كتبت بواسطة سالم الزهران
الرسم الهندسي الكهربي تخصص صعب على رسام معماري يسويه والميكانيكي غير والانشائي غير فيه رموز وله أُسس تختلف عن البقية .. بعض المكاتب الصغيرة يجيبون رسام ويخلونه يسوي كل التخصصات وتحصله يخطيء أخطاء كثيرة وتصميمه بلا فكر هندسي ويتورط بعدين المالك والمقاول وصراحة العتب على الجهات القائمة على ترخيص المكاتب .. لا والرسام يسمونه مهندس وتحصله شايف نفسه ومب مصدق
سبق درست مادة اسمها engineering drawing تعتبر مدخل للرسم الثلاثي الابعاد بشكل عام، كان اصعب شيء فيها الزوايا و شغلنا كله قايم وساقط وظل ..
تقدر تقول درسنا وعدينا بالبركة.. لأنها تحتاج موهبة مب مجرد علم نظري
عيل لو تبي تطور مهارتك وتبني على معلوماتك نزل الاوتوكاد وابدأ تتعلم عن طريق التطبيق ومتابعة اليوتيوب أو كتاب .. الكتاب فيه تدرج وتوضيح ممل واليوتيوب فيه توضيح سهل يعتمد على من يشرح ولو عصلق معاك شيء اسألني بتحصل الاجابة إن شاء الله
ما تقصر يبو عبدالله جزاك الله خير
ماني بحول أوتوكاد مرررة،لكن بحاول أشوف لو قدرت أحصل برنامج سهل.. الفضاء الالكتروني مليان بس يبغي لها واحد نوعاََ ما جدوله ثابت.
الاوتوكاد باقدر اشاركك في بعض الرسومات وطريقة تنفيذها الموضوع سهلاقتباس:
المشاركة الأصلية كتبت بواسطة سالم الزهران
رفيجنا يكمل بنيانه شوي شوي
https://www.youtube.com/watch?v=fbI8K-sZT6E
الحقيقة عجبني شغل القفاري هذا.. ياليت كل واحد يبني يعمل حساب الحديقة.
صحيح حديقة مرتبة وشرحة رغم صغرهااقتباس:
المشاركة الأصلية كتبت بواسطة سالم الزهران
لو تلاحظ في تصاميمي دوم من أساس تصميم الدور الأرضي ادرس اطلالة كل غرفة .. حتى لو باخذ تصميم سابق اعدل في الفتحات من نوافذ وأبواب وارتبها مع الحديقة .. الحديقة ومواقف السيارات شيء أساسي ومكون مهم للبيت ولأي مبنى ثاني وتحتاج ذوق وفن وخيال واسع .. صدقني شفت تصميم لاندسكيبنغ مرة مسويه معماري هندي قديم وقدير ما اطعن في قدرته بس كان تحصيل حاصل وطلع كئيب وغريب وكلش مب حلو وتوقعت له هالشيء وهو على الورق .. كان كل شغله انترلوك ومسوي مساحة مرتفعة جدام مبنى شبه مغطيته والمساحة كبيرة وفيه درج من كل صوب وفوق كم نخلة بس .. هو لو سواه بمستوى شوي أنزل من الارض الطبيعية وحط حجر في الجوانب حتى لو الحجارة المحلية والوسط عشب وأشجار عالية كان بيطلع أفضل بوايد .. لون الانترلوك البرتقالي تارس المكان ومع الغبار وعدم العناية تخيل شلون المنظر كئيب كئيب
مهم الحديقة اللي تسويها تكون مرحبة بمن يزورها وتخليه غصب ياخذ فرة فيها ويطالع كل مكان .. من أيام صورت بيت اخوي وحديقته واستئذنته احط الصور وقال عادي بس تكيسلت .. بيته وحديقته تعتبر قد حديقتي وصغيرة .. انا مقسم كم مكان وهو شوي أرتب مع إنها كلها أفكاره باحطها بإذن الله لو حصلت فرصة
https://www.youtube.com/watch?v=n9Ti7hq-xqM
بعض التصاميم تلطيخ وتزيين زايد يخرب شخصية البيت
رفيجنا ولد اوريغن
https://www.youtube.com/watch?v=PzEHTqTszGo
https://www.youtube.com/watch?v=ekUB237Jey0
هذي الحوائط سهلة البناء واقتصادية وقوية تصلح للتحصينات
الشغل ببوردات الخشب المختلفة سهل وسريع ويدوم بعمر المبنى بس ضروري نعزله بطبقة حماية حتى لو بمعجون وصبغ مثل ذي الحالة
هذا تجويف لتلفزيون
https://www.youtube.com/watch?v=51kAp7mgxPg
شغل طابوق على الأُصول
https://www.youtube.com/watch?v=SdrunEMZIpQ
المواد اللي يستعملها الغربيين والاوروبيين مختلفة عن المواد اللي عندنا.. مهو ذنب العامل عندنا يلقى الطابوق عنده تعبان والرملة تعبانه والماي بعد.. اظن ان شركات اجنبية تعبي لك الرمل مخلوط بالاسمنت حسب الكمية المناسبة لنوعية الاسمنت.
كلشي عندهم غير.. هذي هي الحضارة
لاحظ يا معمارينا يا مسلينا ههه .. اي مقطع يوتيوب عربي.. تجد تعليقات من صنايعية تنتقد اللي ناشر الفيديو وطريقته.. يقلبونها مسبة.
شف مقاطع الأجانب.. تلقى فيها شيء بسيط لكن الاغلب احترام وتوجيه واستفسار بكل أدب.
صحيح هذا شيء لاحظته والسبب يمكن لأن الأجانب يبرزون فكر متميز وصحيح 100% قلة منهم من يخطيء يلقى اللي يصحح له وبأدب أو يضيف له ويجي الرد بالشكر من صاحب القناة ويعترف بأن كلام المنتقد صحيح مثل ما صار لي مع رفيجنا ولد اوريغناقتباس:
المشاركة الأصلية كتبت بواسطة سالم الزهران
بخصوص مواد البناء وخلطات الاسمنت صدقني كلها تستوي عندنا ولا يدري بها الا اللي مارس الشغلة على مستوى مشاريع مب بنيان عادي .. عندنا جزيرة البنانا تم تطويرها بشركة تايلندية وعمال تايلنديين استخدموا فيها الخشب كمادة أساسية في البناء وهذي هي بنيانها متميز وموجود
بروة اشتغلت على مباني خفيفة لسكن بروة غالبها جبس وخشب بارتشنات بدال الطابوق ولها كم سنة عايشة
لو تشوف الفنادق كيف تنبني بتعرف خصوصاً لو تدخل فيها استشارات ومقاولين عالميين .. كل شيء يتغير وعندنا تطورت صناعة الزجاج وحتى اليو بي في سي والألمنيوم .. اليو بي في سي قطر تعتبر المصنع العالمي الأول للمادة الأولية له وهي البروبلين أعتقد إن ما خانتني الذاكرة واستوينا نصنعه بالكامل عندنا من مادة أولية لمنتج نهائي .. والزجاج استوت بعض المصانع تصنع لك زجاج دبل ومنحني أو مقوس أو على شكل قبة
الأصباغ وتصنيعها دخلت كثير من المصانع العالمية والماركات المعروفة مجال الانتاج عندنا .. بالنسبة لنا استوردنا المواد الأولية من غابرو وكنا نقدر ناخذه من الجيران من قريب ننفعهم وينفعونا لكن اضطرينا نستورده من الجار الشرقي اللي ما يقصر يعطينا حتى بنص السعر ومن آخرين .. العالم مفتوح وفيه خير .. غير القابرو تم استيراد رمل نقي بأنواع مختلفة واسمنت بكميات كبيرة
ببساطة صرفنا أموال في الخير وفي تطوير البلاد وفي انشاء المصانع وغيرنا صرفوها على السيسي وحفتر والمؤامرات والشر في كل مكان
نسيت عندنا كم مصنع لتصنيع المواد اللاصقة الخاصة وعندنا للانارة وللكابلات الكهربية .. أتوقع خلال 10 سنين بتصير طفرة عمرانية وصناعية هائلة عندنا وتونا في بداياتها .. كاس العالم ولا شيء بالنسبة للباقياقتباس:
المشاركة الأصلية كتبت بواسطة سالم الزهران
نقاش فلسفي تصميمي طويل بسبب كورونا واحتياجات البيت
دوم انا اترجمها في احتياجات التصميم وتحسيناته ويمكن تفيد بعض المقبلين على تصميم بيوتهم
https://www.youtube.com/watch?v=uUM4KXsMIVc
https://youtu.be/C3e2bUDiJSc
عجبني البناء بالحجار.. بيوتنا القديمة حجر عرض الجدار حول نص متر.. كنا نجلس في الدريشة من عرضها. البيت كان يبنونه الجماعة. وينجرون الابواب والدرايش والحريم يخرزون ويوضنون الفرش مال البيت (الحصير). وهذه الامور ما لحقتها لكن اخبرت عنها. واخر شيئ يسوون قصايد شعرية في البيت عبالهم تدشين.
ويلومونا في زمن الطيبين يا معماري.
مشكور يا بو زيد اضافة ممتازة
شوف الحجر ذيه جيري نظيف وجاي مقصوص وجاهز التكسير البسيط ذيه حتى يوزنه ويركبه بطريقة فنية يدوية ويركب الكسر الصغيرة ورا وبين القطع الكبيرة .. هذي الجدران تعيش مئات السنين ومادة أولية موجودة وسهلة تتركب بمونة اسمنتية وتنعمل حتى مباني منها من داخل بلاستر وتشطيب حديث حتى ممكن معادن أو خشب ومن برا تعطينا شكل الحجر
يمكن من أواخر البيوت اللي انبنت بالحجر والجص أو الطين بيت شفته مبني الجزء السفلي حجر جيري محلي والعلوي طابوق والسقف دنجل .. انبنى في منتصف الستينات تقريباً وانبنت معاه بيوت مشابهة عندنا ذيك الفترة منها بيت جدي وبيت خالي الله يرحمهم .. بيت خالي توه منهدم من أيام ويبنون مكانه ألحين .. من مميزاته غرفه الغربية فيها فتحة صغيرة قرب السقف وفاتحة الغرف على شرق ولها درايش صغار خشبية هذي يدخل منها هواء معتدل وقت العصر ويطلع الهواء الحار من فوق .. كان مؤجر لآخر أيامه قبل ينهدم والله يرحم من سكن فيه
جات بعدها فترة ازدهار الطابوق واعتماده للبناء وبعدها الخرسانات والحديد وما يعرف بالبناء الحديث
أحد الاخوان راواني قطعة حجر من قطر مقصوصة ووتر جت تبين فيها عروق سود وبيج وبيض متداخلة تداخل غريب تقول لوحة فنية .. قلت له شقصتها؟ قال عندي في الزرع بنيان متميز منها وهو شغل في الممنوع لأن الحكومة خايفة يخلص حجر قطر ومانعة استخدامه في البناء .. يقول البنيان صغير لكن مقصوص بهذي الطريقة ومصفوف بعمال حرفيين من اليمن .. يقول البنيان خيالي ودعاني امر اشوفه ولا رحت يبي لي بعد كورونا بإذن الله وباخذ قطعة تذكار
فيه بيت شعري قديم وخفيف عن البنيان..
يقولك..
الا يا يماني كيف تبنون بالحجر
نديره نديره ثم نبنيه بالقطر
وكأن النشيد هذا أو البيت حوار بين اثنين سؤال وجواب.. لكن لا يفوتك يا بشمهندس أن في الجواب مذكور أهم قاعدتين في البنيان بالحجر.. وهي (معرفة وجه الحجر من قفاه).. *فاصلة (طرى لي ولد العرب) :con2:
وهالشئ ما يبين معك الا اذا دورت الحجر وعرفت وين وجهه. اما يوم يقول (نبنيه بالقطر) يقصد بشكل مستقيم وعلى المستوى.. وهذي القاعدة هي اللي تحكم البنيان.. واخترعوا لها الخيط اللي يوزنون عليه المباني.
كلام يجر كلام و ترى المواهب والحرف هذي مدفونه في خاماتنا كخليجيين بس يبغي من يشجعها ويدعمها.. على الاقل اللي ما له علاقه بالتكنلوجيا مثلي ينفع يشتغل معلم بناي ولا نجار ولا شغلة زينة تفيد المجتمع.
خلاص اللي مثلي ومثلك ما تأهل وهو صغير صعب يتأهل ألحين لكن ممكن ياخذها هواية ويبدع فيها .. هذا رفيجنا اللي ذكرته قبل من محبي الحجر الطبيعي من بيئة قطر .. أصر يبني مبنى اداري للعمل وكان هو مديره قبل التقاعد بالحجر وزرع حوله وجمل .. صراحة يستحق وسام وهو شخص معروف وانت تعرف إخوه عدل لو شاءت الظروف وتحسنت أوضاع كورونا والله عطانا عمر بنمر مجلسه إن شاء الله
الله يكرمنا بلقائكم يبو عبداللهاقتباس:
المشاركة الأصلية كتبت بواسطة معماري قطري
إحنا اللي نتشرف بالطيبين من أهلنااقتباس:
المشاركة الأصلية كتبت بواسطة سالم الزهران