توقعاتكم اخواني لارباح المستثمرين غدا
عرض للطباعة
توقعاتكم اخواني لارباح المستثمرين غدا
مبرووووووك
رتفاع أرباح "مجموعة المستثمرين القطريين" إلى 37.1 مليون
ارتفعت أرباح شركة "مجموعة المستثمرين القطريين" إلى 37.1 مليون ريال ( 0.03 ريال/ للسهم) بنهاية الربع الأول 2021، وبنسبة ارتفاع قدرها 38% قياساً بأرباح نفس الفترة من عام 2020،
أرباح ممتازه
الصانع كريم مع ملاكه ويعطي فرصه للدخول وقد نشهد موجه صاعدة قويه تستمر ان شاء الله لمستويات فوق 3
اخوي الموج في امل بيرتفع السهم ولا شنو وضعه وشكرا
السلام عليكم
المستثمرين من الاسهم الجيدة في حال اختراق مستوي 2.175
بيكون له انطلاقه عند مستويات 2.5 كل المؤشرات تقول السهم
ممتاز فقط عليه تجميع ويحتاج وقت للانطلاق
كل التوفيق لملاك السهم
سهم ممتاز واتمناه يكسر 2.1 .... ماحد يزعل
في كل الأحوال خير للسهم ان شاء الله
إذا كسر يهيئ للإختراق
فليكسر ومالو
يا ما تكسرت قلوب .. وعند الله جبر كسرها
وبعد اليوم المطلعين شرو في السهم نبي تحليل يطمن
هذا مب كسر .. تداول عادي تحته واغلق عليه بس
نراقب تكرار الاغلاقات تحت 2.1 ... اللي يبي يشتري السهم جديد ينزل اوامر شراء مثلا عند 2
السهم لديه فجوة ( 1.86 - 1.88 ) ترجع للصانع اذا له نية يغلقها او لا
عموما السهم امشكل نموذج هارمونيك سلبي واهدافه حول الفجوة ... هذا لا يعتبر دمار للسهم او خوف على السهم من الانزلاقات لكن ممتاز ان نزل وفكنا منها لصعود قادم بكل أريحية ان شاء الله
على كل الأحوال السهم للمستثمر بخير والله يبارك لملاكه
ماقصرت اخوي الموج وشكرا
ممكن وضع بنك الاول لاهنت وشكرا
مسا الخير ي اخوان
افيدونا جزاكم الله خير. هل نبيع بكره للستفاده من فروقات الاسعار يعني هل من الممكن انه يوصل سعر بكره عالي وبعدين يريح ولا ممكن يواصل لين نهايه الاسبوع
في شي جديد عن السهم ولا الاهداف مازالت فوق والسهم بيرتفع
كلها مضاربات مابه شي مضمون شل ربحك وتوكل على الله الضمان بيدالله
السيوله شي مهم لحركة اي سهم والمستثمرين يوحي بتحركات بعد التداولات العاليه خلال الفتره الاخيره
اخوي الموج واخوي عتيق طمنا ع سهم ويش جديدة
تجديد القناة التي يسير فيها السهم ، الله يسر خاطركم بأرقام فوق 3
https://www10.0zz0.com/2021/05/11/10/431656885.png
تسلم يا الموج تتوقع الارقام تتحقق علي المدي القريب او المتوسط او البعيد
لا اله الا الله محمد رسول الله
ما أقدر أحدد بالضبط لكن السهم اساسيا ممتاز وتوزيعه طيب والشركه مشاريعها شغاله واتدور اخبار عن السهم ايجابيه تلوح في الافق ممكن تخدم سعر السهم سوقيا
السهم فنيا في قناه صاعده من وقت .. اشلون يحقق الاهداف هذي على الصانع هو يعرف يسبح في البحر لا اتخاف ههههههههه
جزاك الله خير يا الغالي في ميزان حسناتك
ماتقصر اخوي الموج خلاص نبيع ع النموذج السوبر فخم اجلنا العيديه بعد العيد وابي منك بعد سهم عشان ناخذه فيه كميه محترمه لاهنت
دخول الشركه في مؤشر الشركات الصغيره لمراجعه اليوم msci
هل هذا اول دخول لهم في مؤشر msci للشركات الصغيره
المراجعة نصف السنوية لمؤشر msci تاريخ 11/5/2021
إضافة شركة "مجموعة المستثمرين القطريين" الى مؤشر msci للشركات الصغيرة والتفعيل يوم 27/5/2021
الف مبروك لملاك السهم هذا الخبر دعم كبير لارتفاع السهم خلال الأيام القادمه بمشيئة الله.
الله يرزقك ما تتمنى
الشارت سابق وحقق هدفه لكن قلت انه هناك نموذج آخر ab=cd … هدف هذا النموذج 3 ثم 3.8 ان شاء الله العزيز القدير
البيع والشراء قراركم الشخصي .. والله ذكرت بعض الأسهم حتى ترضون وأتمنى تربحون وماحد يخسر … واهم شي لازم تثق في الصفقة اللي اتنفذها ولابد يكون عندك مسؤولية نابعه من شخصك
بخصوص السهم الثاني راقب بجدد سهم بالموضوع الخاص فيه
الله يوفق الجميع