مراجعة التصاميم المعمارية وابداء الملاحظات عليها (محدث)

حالياً أقرأ كتاب عن 1000 سؤال في الهندسة المعمارية والمدنية وفيه شوية ملاحظات وتوضيحات حبيت أوضحها لكم .. المؤلفين وهم 2 كان المفروض يوضحون أكثر

هذا أحد الأسئلة المضللة للعامة من الناس .. البعض ممكن يحسبه شلخ عادي وغريب .. لكن هذا فاصل بناء المفروض معبأ بمادة مرنة تسد الفاصل وتسمح بحركة أي جانب من المبنى في أي اتجاه .. يعتبر في نفس الوقت فاصل تمدد بس هو في الأساس فاصل انشائي يفصل المبنى بحيث ممكن هدم جزء وترك جزء

باواصل معاكم في شرح الأسئلة اللي شوي فيها لبس وباشوف شلون لو أقدر أنزل الكتاب ممكن اللي يحب يستفيد من باقي الأسئلة

https://i.imgur.com/u9YIOFY.png

مثل ما ذكر المؤلف تتم تغطيته بقطعة ألمنيوم تكون ثابتة في جزء متحركة في الآخر تغطي فقط مع تعبئت الداخل بأي مادة مرنة منعاً للحشرات والنمل ومع وضع مبيد مناسب وطويل الأمد .. السيليكون ممكن يكون سيء لكن نوع جيد منه ممكن ينفع أو من المواد التخصصية وطويلة العمر

يفترض يذكر هذا الشرط في عقد المقاولات وتذكر إجراءات الفحص وعدد العينات وبأن يجب يكون كل العينات تعطي قوة 90% وظروف تخزين العينات انا أشوفها تكون في الموقع وتنرش بالماء مثل باقي الخرسانة حتى تعطينا مقياس واضح .. وتذكر تكلفة فحص الكور تست على من وتذكر لو ثبت أن نتيجة الكور تست سلبية فالحل يكون في الهدم وإعادة البناء

https://i.imgur.com/K9GYBnY.png

آسف الصورة طلعت صغيرة وإن شاء الله تكون واضحة ومقروءة الكتابة لكم

سالفة إننا نرش الخرسانة صباحاً وليلاً فقط يمكن تسبب لنا مشكلة كبيرة لو نشفت بسرعة لأي ظرف من الظروف .. يفترض ما تجف وتكون رطبة على طول لمدة 28 يوم ونتجاوز ونقللها لفترات اقل حسب العنصر الخرساني .. كذلك توجد خرسانات بمواصفات معينة لا تحتاج إدامة وهذي تفرق .. في الوضع العادي التغطية بالخيش وفوقه بلاستيك ممكن افضل بس نتأكد إن الخيش رطب دوم ونرطبه بالماء كلما جف ونرجع نحميه بالبلاستيك حتى ما يتبخر الماي

https://i.imgur.com/U3O9vww.png

المعالجة بالرمل ونشارة الخشب أول مرة أعرفها وعلى العموم كلها رؤوس أقلام تحتاج لإسهاب وتوضيح يمكن وضحت أهمها

بس متعوا نظركم بحجم الأساسات هذي مثلها كلش ما تشوفون في قطر

معليش إسمحوا لي أتابع لأن الكتاب فيه 1000 سؤال وبعضها إجابتها واضحة وسهلة لكن بعضها تحتاج إسهاب

مثال أحد الأسئلة عن درجات حرارة الصب المناسبة وكان الرد ما تزيد عن 35 ولا تقل عن 4 درجات .. هذا واضح واللي غير واضح إن هذا المجال من درجات الحرارة لازم يستمر أقل شيء لفترة اسبوعين ولو لفترة 4 أسابيع أكيد أفضل

تجاوزاً بداية البناء هذا الوقت وقصدي صب الخرسانات مناسب حتى لو ارتفعت الحرارة في وقت معين لحدود 40 درجة مئوية

https://i.imgur.com/pLty6Ef.png

هذي طريقة مطورة ومسهلة للهوردي بعمل فراغات دائرية ( هواء ) وكبيرة بحجم الكور هذي .. الشكل الكروي تتحرك حوله الخرسانة وتملأ الفراغات وأكيد الوزن أقل بس لازم بعد لها حسابات هندسية وجسور مخفية .. تفرق عن الهوردي التقليدي في انها ما لها أعصاب متكررة ومتقاربة فقط جسور رئيسية متباعدة

هذي مهم نعرفها حتى لو احتجنا لتقوية عمود متكسر وتنفع للجسور والأسقف بطريقة مقاربة تختلف قليلاً وأكيد المبنى قبلها يحتاج تدعيم ومتابعة هندسية اشراف جيد وتوثيق بالتصوير ليستوي شيء خطأ بالإنجليزي تسمى Jacketing كأنك تلبس العمود جاكيت جديد .. أوقات تضطر حتى تقوي العمود تزيد مساحة مقطعه وما يسمى الأشاير هذي قطع حديد تنغرس في العمود بالعرض وما يضرنا شيء لو سوينا فتحة كاملة بالدريل من جهة لجهة وأدخلنا فيها قطعة حديد وعبيناها ايبوكس لاصق قبل

https://i.imgur.com/8NrRldI.png

أعتقد الصورة واضحة للعمود

https://i.imgur.com/n34RlQG.png

شكله في أمس الحاجة لتركيب الكانات ( Stirrups ) ما عرفت الكانات الا بعد متابعتي للفيديوهات وأحب الإسم العلمي لها لأنه متعارف عليه .. وكذلك سحبوا الحديد سووه منحني والمفروض يحافظون على استقامته أو أثناء التكسير حوله حصل هبوط خلى الحديد ينحني ولا أشوف دعامات قوية وكافية

أي قاريء عادي يستحيل يفهم هالكلام وانا واجهتني صعوبة في فهم الرِجل .. لين اكتشفت المقصود بها حديد الربط أو الترسية بين الجسر والعمود وهذا موضوع المفروض ما علينا منه ومسؤولين عنه الإستشاري المصمم والمشرف والمقاول .. شروط عامة وأساسيات في البنيان بطريقة أعمدة وجسور وأسقف

https://i.imgur.com/PcNIycI.png

واضح الحديد العلوي اللاف داخل العمود ولازم يدخل داخل العمود مسافة لها حسبة معينة أو يكون لاف على شكل يو وراجع من تحت في الجسر وهذا لضمان ثبات وقوة اتصال العمود بالجسر

https://i.imgur.com/p6RNoiC.png

سؤال عن فائدة الكانات في الأعمدة وهذا الرد عليه وهذا واضح لكن مهم تعرف إن مفتاح الكانة اللي هو في الزاوية العليا يسار هذا المفروض يكون تبادلي يعني الكانة اللي تحتها واللي فوقها تكون تحت يمين مفتاحها .. كذلك مهم نعرف إن تكثيف الكانات في الثلث العلوي والسفلي ضروري مثل لو في الوسط كل 20 سم بين كانة وكانة الثلث العلوي كل 15 أو 12 سم أو حتى 10 سم التكلفة تزيد قليل بس مهم وبحسبة انشائية لكن نعرف حتى نلاحظ الفروقات ذي .. كذلك مهم الكانات تستمر في تداخل العمود مع الجسور والأرضيات

https://i.imgur.com/SActWph.png

https://i.imgur.com/qGInqXp.png

من الرسمة فوق نلاحظ كذلك إن عرض العمود 30 سم يعطينا أريحية في تركيب الحديد وغطاء خرساني كافي العشرين كل شيء محشور فيه وبعدين الإنحناء أو الإنبعاج في المباني المرتفعة مشكلة كبيرة لذلك لازم يزيدون العرض ونتعايش مع بروز 10 سم أو نسوي له حلول معمارية مناسبة

مستغرب هذا الجواب والسبب هذي إجراءات أساسية في البناء الخرساني حتى لو غير مقاوم للزلازل وحبيت كلمة ذيادة متكررة وايد عذبوا اللغة العربية .. للتقوية ضد الزلازل ما فيه أفضل من نظام التدعيم القُطري Bracing هذا يعني عمود حديد بقطاع مناسب يربط عمود من قاعدته لعمود مجاور من قمته + تربيط الطابوق كله بحديد إضافي رأسي في الفجوات وأفقي بين الطابوق والرأسي مع صب خرسانة وفي بعض الفجوات مب كلها .. هذا أقل المطلوب لكن الأعلى يشمل عدم استخدام قواطع داخلية طابوقية والاكتفاء بالبارتشنات الصناعية الخفيفة .. وممكن تركيب القواعد أو تثبيت الأعمدة بالقواعد عن طريق سبرنغات خاصة تمتص الإهتزازات وتسمح بحركة افقية بسيطة

https://i.imgur.com/oKIS9rw.png

هنا رجع يتكلم عن أهمية الكانات في مقاومة الزلازل وهي مهمة وأساسية حتى بدون زلازل وكما موضح .. فيه غلطة في الرسم فاتتهم والرسم مختصر المفروض فيه معلومات كثيرة لكن مركز على توزيع الكانات وأكيد قطرها يختلف حسب العمود وظروف التحميل عليه حسب التصميم .. الغلطة إن الوسط كاتبين في 8 قطع في المتر مثله مثل فوق وتحت والمفروض أقل مثل ما هو واضح تقريباً 4 وحدات في المتر

https://i.imgur.com/3j8qfdI.png

طوفت بعض الأسئلة اللي ما اشوفها مهمة وواضحة لكن هذا مهم

https://i.imgur.com/KfqJRC5.png

أول نقطة صحيحة 100% لكن ثاني نقطة لا تنطبق عندنا بسبب إن الخرسانة تجي من المعمل وممكن عمل الخلطة في الموقع لأشياء بسيطة مثل جسور الأبواب والدرايش وملء الطابوق في بعض الأماكن وخلطة السكريد مع إن الأخيرة حسب أهميتها ومواصفاتها ممكن نطلبها من معمل أفضل

طبعاً أغفل الفحوصات اللازمة مثل فحص القمع وهو أهم شيء ولا ذكر ذاتية الاستواء أو الدمك أو الخرسانة المائعة

عدم مراعاة الجو هذي ما تعني فترة الصب وبس تعني أهم شيء حرارة الجو وما يكون عندنا هواء قوي ولا مطر .. علماً أن الصب مساءً يعني عندنا فترة الليل ابرد وهدوء ومنى ما انتهى الصب حتى وقت الفجر فيه وقت في بدايات الصباح تنرش الخرسانة لترطيبها

https://i.imgur.com/r0539is.png

ترطيب الخرسانة بس 7 أيام خلال دراستنا محد نصحنا به ولازم اسبوعين أو 3 والأفضل 4 أسابيع هذا تسهيل على المقاول

اشكرك ابو عبدالله على زيادة الشرح والايضاح

اقتباس:

---

المشاركة الأصلية كتبت بواسطة سالم الزهران

اشكرك ابو عبدالله على زيادة الشرح والايضاح

---

العفو الله يسلمك إنت اللي مشكور على المتابعة .. تدري يا اخوي الكتب العربية غريبة بعضها حتى اللغة ركيكة وتحصلها موجهة لفئة معينة من الناس وفي بلاد معينة بعد والمشكلة ما يوضحون من البداية إن هذا الكتاب يستهدف الأشخاص الفلانيين

شوف هذا مثال على فواصل التمدد وفواصل البناء والمفروض يفرق بينهم ويحدد الفروقات والشروط .. مثلاً مبنى حتى لو كبير أوقات لو كتلة متجانسة ما نسوي فاصل انشائي والفاصل الإنشائي يفصل المبنى لقطعتين أو أكثر فصل كامل من القواعد للسقف .. فاصل التمدد أسهل بوايد والفصل يكون في عنصر معين والفاصل الإنشائي يمشي كذلك للتمدد ويمشي بعد لحركة أجزاء المبنى في كل اتجاه وقد ما تقدر تحاول تتفاداه وتسوي المبنى كتلة قوية بدون فواصل لأن الفواصل تسرب المياه منها سهل وكذلك الحشرات والأرضة في حال انفتاحها وتهالك المواد المرنة العازلة

https://i.imgur.com/ZoEYPPm.png

ظروف وضع الفاصل الإنشائي هي اللي تفرضه .. مثال عندي ملحق طوله 20 متر وعرضه 4 أمتار دور واحد على الأرض أفضل أفصله من النص تقريباً كل قسم 10 في 4 بفاصل انشائي وليس تمدد ومب مسألة أفضل أي مهندس انشائي شاطر وفاهم بيطلب هذا الشيء

بالنسبة للبلاط للأرضيات الكبيرة المعرضة لتغييرات حرارة كبيرة هذا لازم نسوي فيه فواصل أما تمدد أو تحكم .. التحكم تختلف ووايد أبسط وتستعمل للأرضيات الخرسانية بحيث نسوي فيه حفر بسيط بعمق 1 سم وعرض 2 سم ويكون مرتب منحني من داخل هذا لو استوى شلخ فيه ما يطلع عنه يمشي فيه ولا يبين مزعج يفصل الخرسانة بروحه .. أما فاصل التمدد نسويه بعرض في الغالب 2 سم ونخليه نازل بعد في الخرسانة اللي تحته والفاصل يكون معبأ سيليكون أو ماستك مقاوم للعوامل الجوية ومتساوي مع البلاط وفي يدنا نسويه كل 10 متر بالطول والعرض وكثيرين يسونه كل 6 متر حتى يكون في جانب الأمان والمبالغة وبعضهم ينزلون لل 4 متر وهذي صج مبالغة .. هو في النهاية له دراسة وحسابات حسب عوامل كثيرة وأهمها تمدد المواد المستخدمة ومعدل تغير الحرارة السنوي

الصورة هنا لفاصل التمدد في البلاط وهذا سطحي في البلاط بس ما يمتد للسقف تحته أو السكريد فواصل التمدد في السكريد بعد ضرورية ولو قدرنا نطابقها مع فواصل البلاط أكيد أفضل .. أما السقف الخرساني فهو كتلة لا نفصلها ولو كان المبنى طويل وايد ورفيع أو كبير مثل مثلاً بنيان 50 في 50 متر هذا ضروري نسوي فيه فواصل انشائية على شكل + تفصل المبنى لأربع أقسام أصغر تقريباً بين 20 و 30 متر بعد الفاصل عن الطرف مب شرط في نص المبنى ومب شرط يكون سيدة خط مستقيم

https://i.imgur.com/ABWz74O.png

فاصل التمدد في الأسوار يختلف وهو يعتبر فاصل انشائي في الأساس يفصل السور من الأساس لفوق فصل كامل

كنت أفكر في كتلة بنيان بيتي لأنه مصمم شكل حرف اليو وبفراغ متواصل للسماء وبجناحين نوعاً ما ضعاف هنا ممكن يفصلهم المهندس الإنشائي وممكن يمشي ككتلة وحدة .. صراحة بين وبين وما ودي أدخل في تعقيدات كبيرة

اللي مطمني الارتباط بين الكتلية الكبيرة والأجنحة جوانب فىاغ اليو عريضة والمفروض تكون متماسكة تمثل كتلة وحدة

وشفيه الليزر؟ أجهزة سهلة ومتوفرة وليل ونهار تشوف خط الليزر رأسي يوضح لك لو خشب العمود بارز شوي أو مايل لأي جهة وتقدر تستعين بكم جهاز ليزر يعطونك استقامة كل جهات العمود

https://i.imgur.com/iloe9vH.png

صباح الخير بو عبد الله، المهندس قال ميزان الخيط لان ايامها ما اخترعوا الليزر،، هذا ظني وهذي المؤلفات رغم انها قديمة الا انها الاساس و ما جتنا المشاكل الا ان العامل والصنايعي ما يشتغل حتى وفق القواعد الاساسية.. غش واستهبال عينك عينك و لا جرأهم الا التقاضي البطيء اللي عندنا.

اقتباس:

---

المشاركة الأصلية كتبت بواسطة سالم الزهران

صباح الخير بو عبد الله، المهندس قال ميزان الخيط لان ايامها ما اخترعوا الليزر،، هذا ظني وهذي المؤلفات رغم انها قديمة الا انها الاساس و ما جتنا المشاكل الا ان العامل والصنايعي ما يشتغل حتى وفق القواعد الاساسية.. غش واستهبال عينك عينك و لا جرأهم الا التقاضي البطيء اللي عندنا.

---

صباح النور والسرور .. إحتمال وارد طال عمرك بس شفت صورة في الكتاب تاريخها 2003 موجودة في أحد المشاركات القريبة و2003 الليزر منتشر .. إحتمال أقوى هو إنهم ما يهتمون بالتطوير والبحث وتوضيح جوانب كل شيء .. قبل كان المسح بواسطة مختصين مساحة وموضوع صعب ومعقد ألحين فيه أجهزة سهلة .. يمكن تحتاج للمساح لتأكيد موقع وحدود الأرض والمستويات .. بس منها موقع البيت بسهولة تحدده بأجهزة قياس بسيطة ولو أخطيت بمقدار معين والمهم ما يأثر في الإرتدادات ما عندك مشكلة لكن الإستقامة سهل تسويها بالليزر لمواقع الأعمدة وإسقامتها وللجدران والمقاول لازم يستعين بهذي الأجهزة بتوفر عليه وتسهل عليه الشغل .. حتى جهاز المستويات اللي يسمونه Theodolite ما أدري كتبتها صح أو لا .. هذا مبدأه بسيط جداً وأتوقعه رخيص ألحين بسبب جات الأجهزة الأحدث بوايد واللي تعتمد قراءات ثلاث أقمار صناعية لتحديد الموقع بالملمتر وتحديد الإرتفاع يعني يحددون النقطة بثلاث أبعاد يسمونها Total Station ويعرفونها المساحين جات هذي في التسعينات تقريباً

هذا سؤال يوضح إن ما عندهم دراية بما في الدول العربية وهذا الحفر يستعمل عندنا من زمان بس قاموا يقللون منه لصعوبة تركيب وفحص البايبات ورجعوا على الطريقة البدائية والطقطقة على روس الساكنين

https://i.imgur.com/7DuklEy.png

وهذي صورته

https://i.imgur.com/9ltTxi8.png

إحتمال ممكن بسبب شراء أجهزة حفر غلط والشركات تتنافس في هذي المنتجات والآلية اللي نشوفها في الصورة كبيرة وصعب استخدامها الأسهل تنحفر حفرة صغيرة وجهاز يدخلون اثنين أو ثلاثة فيها معاهم ممكن حمله بسهولة ويحفر أو ينزلونه داخل بكرين صغير

حامل الهزاز أو عامل الهزاز لازم يكون فيه قوة وصبور وجيد وسالفة متر الى نص متر وايد ولكل عنصر انشائي مسافته .. مثلاً أهم مكانين العمدان والجسور وأماكن انحشار الحديد وكثافته .. هذي يعرفها الفورمن اللي وجوده ضروري والحلو إن الجسور تنملي أول شيء وضروري واحد تحت بعد يتابع وينتبه لأي تسريب أو خلل في الفورمات الخشبية .. بعدين العملية تكون أسهل لبقية السقف أو الأرضية وانا هنا أشوف مب شرط يكون الهزاز عمودي المهم وجوده ما يزيد عن 30 ثانية .. حتى يغطي مسافة أكبر ولأن عمق الارضية قليل قطري ينفع وعمودي ينفع المهم ما يبقى أكثر من 30 ثانية

https://i.imgur.com/hsOkPJ6.png

نقطة 9 يقصدون في حالة عدم وجود هزاز نضرب بالحديد 20 مرة هذا عمل مرهق ويحتاج وقت طويل وفي بعض مشاريعنا اللي ما فيها اشراف فعلي لا يستعملون الهزاز ولا يستعملون الحديدة ومال عمك لا يهمك .. لا وبعد فك الخشب يعالجون أي تعشيش معالجة سطحية ويخلون الفراغات الداخل

أول شيء شالمقصود بوصلات الحديد؟

هو إذا عندنا قطعة حديد انتهت في مكان معين ولازم نركب قطعة ثانية تتمتد للصوب الثاني وتتداخل في جسر أو عمود أو تنحني إنحناء على شكل يو لتثبت في حال الشد في طرف الخرسانة فالتداخل هذا أو الإشتراك يجب أن يكون بطول متر أو يزيد .. مثلاً قطر 24 ملم هذي نضربها في 50 في حال الضغط كغالبية الأعمدة وتطلع لنا متر و 20 سم طول الترابط أو في حالة الشد في الجسور نضرب 24 في 65 ويطلع الطول 1.56 متر

هذي الشخص العادي يلاحظ تركيب الحديد لو ما فيه اشتراك بطول مناسب يعرف إن فيه شيء غلط

https://i.imgur.com/AMX03ea.png

أما وصل الحديد من 32 مم وأكبر يحتاج ما يسمى بالكوبلر Coplar ,وهي وصلات توصل قطع الحديد مثل ما هو موضح هنا

https://i.imgur.com/a6seg9l.png

وهذا نوع يعتمد على ضغط الحديد ببراغي خاصة وأسهل للإستعمال وفيه نوع ثاني ربط راس براس وهذا يحتاج عمل الراس مسنن بشكل برغي والوصلة بشكل برغي يتداخل معاه ويحتاج لف وشغل أزيد

هنا السؤال مختصر والإجابة مختصرة كثير مع إنه سؤال مهم ويتكرر دوم .. باعطيكم رايي في الموضوع وبحاول أختصر وباحط السؤول وجوابه بعدين .. بالنسبة للعقد المنفصل عظم وبعدين تشطيب هذا يعتمد دوم على موجز الأعمال المطلوبة لكل بند ومرحلة وبنفس الوقت وشي متطلبات المالك وخطة تنفيذها الهندسية .. العظم بنفس الوقت ينقسم الى قسمين رئيسيين أعمال الخرسانات وأعمال الطابوق وممكن تتداخل في بعض .. على فرض انتهينا منها أهم عمل ممكن يكون معاها ومن التأسيس لأن فيه حفر وتمديد وممكن بناء حمايات خرسانة أو طابوق هو الصرف الصحي خلو نقول الأساسي .. ولو محتاجين باقي الأرض لدخول شاحنات وتحميل وخايفين البايبات تتكسر نمدد في جوانب البنيان ونترك الباقي لبعدين .. بس بند الصرف الصحي أساسي وما ذكره المؤلف ولازم حتى مع إنه بسيط وتكلفته بسيطة لكن ضروري ينذكر ويتحدد والشغل فيه ممكن ما ينتهي الا على دفعات ومن بداية المشروع لقريب نهايته

بعدين تجي باقي البنود مثل ما ذكر بس بتفصيل كبير وتوضيح بالرسم وبالمواصفات نتكلم عن فريم باب شيء سهل بس نتكلم عن سب فريم أو فريم أساسي يتركب عليه الفريم اللي نبغيه وبنتفق عليه مع مقاول نجارة حتى مع الباب وبعد الصبغ وبعد الارضيات ممكن تكون هذي الخطوة قبل التنظيف والتأثيث .. ببساطة يجي الباب بمقاسات ماخوذة من السب فريم اللي يحدد أبعاد الباب ويحدد البلاستر وين ويكون مقاسه ثابت من فوق لتحت ويسهل عليه تركيب الباب مع الفريم مصبوغين وجاهزين في المنجرة بدون إزعاج وأذية .. الباقي كل شيء نحط تفاصيله مثل ما نحب يركب عندنا الدرايش بلاط كل مكان وعدة كل مكان

https://i.imgur.com/oI5Dy2m.png

شيء بديهي وللتوضيح البؤج هي علامات لوزنية البلاسنر يمشون عليها وبعبون ما بينها بالبلاستر ويستحسن نوزنها بالليزر أسهل وأضمن بدال الطرق البدائية خيط وقصة .. الليزر يعطينا تعامد واستواء حائطين ولو بنركب جهازين يعطونا الأربع حوائط ولأي مسافة حتى ما نحتاج للبؤج لو حبينا نعتمد الليزر ونخليه شغال وقت الشغل ونوزن عليه وأعتقد الموضوع مفهوم للجميع

https://i.imgur.com/QNw8BQ7.png

هذا السؤال بعد يحتاج إسهاب كبير

توزيع الكهرباء عندنا كم نوع منها الخطوط الرئيسية هذي تتم في بناء العظم ومن التأسيس لأن فيها دكتات خارجية تحت الأرض .. وفي بناء الهيكل نسوي بايبات الكهرباء واللي بيركب جبس يقدر يمددها تحت الأسقف مع انذار الحريق وهو ضروري ويكون مربوط ببعض مع أي تمديدات كاميرات يعني تقريباً تكون الخرسانات خالية من أي تمديد الا في الأطراف عندنا بايبات الصرف والمطر لو ما نبي نسوي دكت

https://i.imgur.com/uQqSKkQ.png

بعدين مهم وضع علامات لإرتفاع السويشات والسوكتات حسب التصميم والتوزيع الداخلي للأثاث .. الليتات موضوعها سهل لو صممنا كم نوع وكم سويش لكل مكان حتى نغير تشغيل الإضاءات حسب حاجتنا والتكييف يحتاج كهرباء أقوى و3 فيز حسب تصميم التكييف وكذلك بنحتاج دي بي لو عندنا حوض سباحة خارجي معاه ملحقات أو بدون حتى التسخين والفلترة تحتاج توزيع .. وللمصعد بعد

سؤال بخصوص مفاتيح الإنارة في جهتين هذي ألحين سهلة بنظام البيت الذكي بس ضروري نخلي مفتاح عادي أو ذكي قرب الأبواب والمداخل إحتياط لكن أنظمة البيت الذكي ضرورية

هذا سؤال بخصوص الهوردي .. وانا أشوف الفوم ينفع لكل السماكات ويعتبر الأفضل بعد كرات الهواء اللي شفناها قبل .. أول شيء خفيف وايد حتى 16 كجم كثافة في المتر المكعب ولا شيء .. مقارنة بالرمل وزنة حول 1800 كجم بالمتر المكعب .. عندنا متوفر 35 و 40 كجم وهو أفضل ما ينزل أو ينضغط

https://i.imgur.com/lKCQ0mY.png

https://i.imgur.com/XFCD7gJ.png

في حالة الصب على مراحل لو عندنا سقف كبير وبنصب جزء وبنكمل الباقي بعدين لازم نستخدم هذا النسيج البلاستيكي القوي المسمى Water Stop هذي حالة مهمة وكذلك بناء الأحواض وللبيسمنت أهمية كبرى بين القاعدة والجدار لأن مهما يكون مستحيل نصب على مرحلة وحدة .. في حالة الأحواض أوقات كثيرة ممكن صب القاعدة مع الجدران في نفس الوقت وبالخرسانة المقذوفة أو حتى بالفورمات التقليدية أو الالمنيوم وما نحتاج للوتر ستوب

الكاتب ما ذكر فايدة الوتر ستوب لكن من إسمه واضحة للغالبية وهي وقف التسريب من الفاصل الضعيف ووصلة الخرسانة مع خرسانة ثانية .. هذي مقاساته

https://i.imgur.com/eq9yQkI.png

وهذي صور لنوعياته وأكيد فيه نوعيات ثانية هذي المواد لا يتوقف تطويرها وانتاج الجديد منها

https://i.imgur.com/tEzkXFA.png

الكتاب ممتع وفيه الكثير وصحيح قراءتي فيه بطيئة بس بسبب الكتابة والنقاش والتعليق والإضافات .. باقي قريب ال 2000 صفحة كنت حاسبها غلط 1000 سؤال قلت في 1000 ورقة

مستغرب بعض الأسباب المذكورة مثل الغطاء الخرساني وزيادته هو ممكن يقصد نقصه أو ضعفه كلهم يوصلون لنفس المشكلة التكسر بسهولة .. درسنا إنه من أهم الأمور وبعض الأكواد تحدد 40 ملم و 50 ملم للخرسانات تحت الأرض لأهميتها وأهمية المحافظة عليها قوية + العزل والعزل للحديد بتغليفه بالايبوكسي من الأساس هو الحماية المهمة من الصدأ ومن مشاكله كفاية زيادة كاتبها ذيادة الله يهداه .. كلها عيوب البلاستر وعدم العناية بالصبغ وطبقاته تؤدي لوصول الرطوبة لداخل الخرسانة وصدأ الحديد وإضعاف الخرسانة وذكرت مرات المياه ومحتواها من كلور حتى مياه الخلط وأملاح سبب مباشر

https://i.imgur.com/CfzM8qJ.png

عاد المعالجة لو تسويها من الأساس بدال ما تنطر الخرسانات تتكسر وتروح تدهن ايبوكسي نص الصيخ اللي طالع والنص الثاني مصدي وغارق في الصدأ ركب حديد ايبوكسي وركبه صح من البداية أفضل

الصورة رعب والمبنى مب قديم لين ذيك الدرجة وحتى بعد المعالجة ما بتكثر حده 10 سنين وبترجع المشاكل

https://i.imgur.com/QXECNdb.png

بالنسبة للعزل المائي والحراري ليش إحنا نبدأ بالمائي وعلى أرضية ناعمة ولا فيها نتؤات ولا بقايا حادة؟ السبب ضمان بقاء العازل أطول فترة ولذلك بعض تفاصيل العازل ينعمل سكريد ناعم بسلوبات مدروسة للتصريف وبسمك مناسب حتى ما تتكسر أطرافه .. ثم يجي الرول العازل وطبقات الحمايات والعزل الباقي ومنها الحراري وبعدين سكريد حماية أو كنكري وبعضهم يحطون بلاط فوق يعطي عزل اضافي مائي وحراري

https://i.imgur.com/50bfsFX.png

متى ممكن يجي العازل المائي فوق؟ في حالة صار تسريب بدال ما نسوي شغلة كبيرة ونشيل كل شيء ونعدل نركب مباشرة على السكريد الأخير ونركب نوع يكون مقاوم للشمس بكسر كنكري صغيرة مضافة له وهذا النوع ضمانه أقل وشغله أرخص من الشغل كله إزالة وتركيب جديد مع إن مادة العازل أغلى من الرول العادي .. ممكن بعد نستخدم الأصباغ الايبوكسية العازلة فوق السكريد أو البلاط لو ركبنا بلاط

الله يهداه مسمي البوليورثين غير ومصر على الإسم الجديد .. البوليورثين هذي مادة كيماوية حديثة بس لها عشرات السنين وبدت تنتشر ألحين صوبنا منها أصباغ عالية الجودة يستعملونها في أمريكا شفت طريقتها بالرش وقوية ولا تتغير ألوانها وتبهت من الشمس .. باشوف فيديوهات عنها لو حصلت بحطها في موضوع يوتيوبيات البناء

https://i.imgur.com/vR2RuUP.png

حصلت شركة تسويه في قطر اللي يحب يشوفهم


Our services
At Marsa Lusail Contracting Company, we are dedicated to delivering high-quality insulation and waterproofing services using cutting-edge technologies. With our expertise and commitment to excellence, we help clients create more energy-efficient, comfortable, and durable buildings.

Thermal Insulation
Waterproofing Systems:
Acoustic Insulation
Moisture Control


Better for the Environment

Email

info@marsalusail.com

Phone: 55117331

Palm Tower B floor 46 office 4020 Doha, Qatar

ما تعجبني الشركة اللي تحط رقم جوال ممكن يكون اضافي بس ثابت يعني عندهم مقر ثابت لكن بروفايلهم زين وأهم شيء التفاصيل والضمان

ما دام إنك حافر حافر لتسوي البيسمنت جدران ميتة سواء طابوق أو خرسانة ووازن بين المناطق المدفونة بخرسانة وعزل ونظام تصريف لأي مياه جانبية أو سفلية .. وحاول تسوي مناور ساقطة أو أحواش ينفتح عليها البيسمنت مع تصريف ومضخة رفع كذلك

https://i.imgur.com/1HhlS0N.png

نعطي البيسمنت روح وحياة ونعطيه حماية من العدو الكبير اللي هو المياه

العيب الأول يعتبر ميزة لأن إستخدام الخرسانة الرغوية يعتبر حشو مثل لو بنحطها بعد العزل وعمل تمديدات الصرف الصحي للحمام أو سكريد للسقف بس بتطلع أغلى من السكريد العادي في الغالب وللسطح ما يأثر الوزن كثير الا لو مسوي السطح ضعيف وايد

https://i.imgur.com/ft33pRI.png

الحمد لله مثل هالحالات ما تحصل عندنا الا نادر جداً وفي السابق بسبب تقارير المسح وتثبيت حدود الارض والبناء داخل الحدود .. ولو فرضاً صار ميل في جدار الجار ممكن نستخدم نحن طابوق 10 سم لجدارنا مع وضع بولي كاربونيت بورد بين الجدارين أو بورد بأساس خشبي القابل للإنضغاط معروف .. طابوق 15 سم بعد ممكن

انا بيني وبين بيت الوالد إحتمال ابني جدار بسيط 10 سم والجهات الباقية 15 سم طابوق مفرغ مليان بالخرسانة المعمولة في الموقع ومقوى بالحديد كل مسافة معينة ممكن متر رأسي وأفقي شبك معدني .. أشوفه بيطلع أقوى وبدون مونة بين الطابوق الربط بيكون بالحديد والخرسانة الداخلية .. حتى الطابوق العشرة سم فيه منه مفرغ وبفجوات وحبيت هذي الطريقة شفت فيديو لها في أمريكا ويجي سطح الطابوق سيدة ما يحتاج حتى بلاستر مباشرة معجون وصبغ أو أي تكسية

https://i.imgur.com/cRpzOvN.png

تكلم المؤلف عن فواصل البناء بس أضاف الفاصل الزلزالي وأعتقد في مناطق الزلازل لو بنسوي فصل بين مبنيين كبار ومرتفعين لازم يدرس انشائياً ويكون بمخمدات تصادم لأجزاء المبنى اللي قد تحتك في بعض أو فصل المبنيين بفاصل فعلي يزيد حسب درجة الخطورة مثل الأبراج مفصولة حتى بشوارع جنبها

ذكر كذلك إننا نعمل فاصل بناء أو فاصل تمدد في منطقة زلازل خطر يعتبر وانا أشوفه العكس للمباني عادية الإرتفاع وهذا في صالحنا ومتى ما كان فاصل التمدد أو فاصل البناء ضروري لازم نسويه هو ذكر ممكن الغاؤه

هنا المفروض نتخذ إحتياطات مهمة وأهم إحتياط هو جودة البناء وإبعاد الزراعة عن حدود البيت وأكيد استعمال أغطية بلاستيكية بعد الدك الجيد والمبيد الحشري وبعد ما تجف التربة تماماً وبسمك كبير 250 مايكرون ولا شيء فيه 1000 وسهل الوضع ولازم في الفواصل نركبهم متداخلين بمسافة جيدة ونلصقهم بلزقة قوية وفي أطراف الجدران مهم نخلي البلاستيك راكب ولاصق على طرف الجدران لمسافة نفسها لسمك الصبية الأرضية الإنشائية وهذا بيفيدنا في حال صبينا الأرضية رطوبتها ما تشربها الحوائط والجسور الأرضية

تركيب الرول تحت الجسر وأعلاه أو أحدهما ممكن بعد يكون مناسب وجيد بس الأهم هو ما ذكرت فوق .. بعدين قبل صب الخرسانة للأرضيات اللي على الدفان الغالبية وانا كنت منهم يحطون ما يسمى Compressible board وهذا من أساس خشبي 2 سم قابل للإنضغاط ممكن نلغيه أو نستعيض عنه ببورد البولي كاربونيت المفرغ من داخل وبعد هذا فيه مرونة وقابل للإنضغاط .. فيه عينة منه صورتها سابقاً .. وأعتقد الغاؤه بالكامل ما يأثر بسبب وجود البلاستيك كفاصل بسيط .. في النهاية بنشطب الأرضية وأنصح بدون دفان تحت البلاط خلاص سوينا الخرسانة الحاملة الإنشائية ومددنا نسوي سكريد بعد بفاصل بلاستيكي بسيط ونركب البلاط بفاصل محترم لا يقل عن 1 سم يغطى بسيليكون جيد وتجي فوقه النعلة

بالنسبة للأسوار ضروري عزل الطابوق برول أشوف وابعاد الزراعة بطابوقة حماية وعزل

https://i.imgur.com/4uH3NBp.png

أكيد كلنا ما نتمنى نشوف هذي الصورة

https://i.imgur.com/uutPn6v.png

أكيد فروع الهندسة المدنية كثيرة وحسب الجامعات بعضها تضيف فروع جديدة ومطورة حسب حاجة العمل .. عندنا فيه هندسة أمان المنشأءات للمنشأءات الكبيرة وهذي ممكن تكون مطلوبة دوم والمفروض مطلوب مهندس أو مجموعة تدير المبنى دوم ولازم يكون عندهم إلمام بأنظمة الأمان أثناء البناء وبعده أنظمة تشغيل المبنى بفعالية وأمان .. نفتقدها يمكن افتقاد تام .. والهندسة البيئية من أصعب التخصصات حتى ما يسمون خبراء البيئة عندنا ما يتمنون واحد متخرج بهذا التخصص عندهم ويحاربونه .. الهندسة البحرية بعد مهمة ومختصة بالمنشأءات البحرية والقائمة في البحر

الإدارة الهندسية تجي في غالب الجامعات تحت الهندسة الصناعية أو هي مسمى ثاني للهندسة الصناعية وكانوا عندنا ما يعطون خريجها لقب مهندس مع إنها تخصص هندسي بس فيه كثير من العلوم الإدارية

https://i.imgur.com/UendEas.png

السؤال غير مهم للكثيرين لكن مهم للي يحب يتخصص في تخصص مختلف والله يعينه أوقات التوزيع الحكومي ما يكون عادل وسليم

طريقة حسبة خزان الصرف الصحي .. بس عندنا عدد الأُسرة قابل للتغيير والخدم من ضمنهم وفي العادة في إزدياد .. عدد أيام مرور سيارة السحب يكون حسب الحاجة بالتلفون ممكن حتى اسبوعياً .. الإستهلاك وفرضياته هذا مختلف من شخص لشخص

الله يفك جميع المناطق من هذي الطريقة البائدة والله يفك المناطق الحديثة من أعمال خزانات كبيرة في الطرق تجمع كم بيت هذي مشكلتها لو سربت خربت اراضي البيوت المجاورة .. يسوونها إحتياط لو فشل نظام الجاذبية واستوت إنسدادات تجي دناكر وتسحب منها آخر الليل شفتها في مناطق سكننا

https://i.imgur.com/LDbFZxe.png

هنا تكلم عن أنواع الشلوخ ونسبها لسعتها وهذا تحديد خاطيء لأن أوقات الشلخ يختلف مقاسه من نقطة لنقطة .. لو بنتكلم عن الأنواع ممكن نصنفها الى إنشائية وهي الأغلب وتكون عميقة تنشأ في الخرسانات أو تكون نتيجة لمشكلة من تقوس أو هبوط أو ميلان لأحد العناصر الخرسانية وتأثيرها يبين في الطابوق أو الأرضيات أو حتى الجبس أو أي سقف مستعار

معالجتها تختلف حسب درجة تأثيرها ودوم معالجة السبب هي الأهم .. مثلاً لو عندي شلخ قوي ومتدرج بسبب تقوس في أحد الجسور وهذا يبين بوضوح لو كان فوق بس وتحت ما فيه شيء .. أوقات التقوس يوقف والشلخ يثبت ما يزيد مع الوقت ولو يزيد الحل هو تدعيم وتقوية الجسر ويمكن ندخل في معالجة صعبة وشغل قوي أو نركب عمود تدعيم وسطي ونحل المشكلة لو الجدار موجود والضغط يروح للعمود بدل الجدار .. وممكن نهدم الجدار وتركب عمود وسطي حديدي أو عدة أعمدة ونغطيها بجدار مجوف من الإسمنت بورد ولو حبينا الجبس أو بليوت خشب بورد خشب .. نكون عالجنا ضعف الجسر وعالجنا مكان الشلخ لعمر طويل

الكلام يطول وعندنا الشلوخ البسيطية والشعيرية وهذي متغيرة الإتجاه وتكون في البلاستر ومعالجتها بمواد الصبغ والبرايمر الجيدة

الشيء الصعب لو عندنا شلوخ في أماكن متعددة وتبين مثل الدرج بين فواصل الطابوق .. هذا أكثر نوع مزعج والسبب ضعف تركيب الطابوق والتأثيرات الحرارية زادت عليه .. معالجته تكون لو ما نبي نهدم ونبني تكون بعمل فتحة أو فتحات من أعلى الحوائط حول 7 سم قطرها لو بدريل أحسن ونملأ الطابوق أو فراغات الطابوق بمونة اسمنت ورمل ممكن 1 اسمنت ل 2 رمل ل 0.7 ماي أو أقل المهم يكون فيه مرونة وننتظر يجف ونشطب والملء يكون كامل .. ممكن براس قرشة ماي بلاستيك نسويه مثل القمع ونصب فيه أو قمع جيد وفيه منهم أنواع كثيرة حتى معدنية + المعالجة العادية للكراكات من مواد بلاستر وشبك بلاستيك أو حديد

https://i.imgur.com/aADIY07.png

ما بكمل طريقته لها بقية بس ما اظن تفيد بالعكس تشتت