أخ من سؤالك اللي قلب علينا المواجع وخصوصاً السنة هذي crazy
تصدقين أن أعمال الحفريات عندنا صايرين يبدون القرقعة مِن الساعة 5:15 ؟!!
سؤالك جميل وحالم في الحقيقة لكن الواقع "مؤلم" هههههههههههههه
كان عندي طائر ببغاء كاسكو أحبه ويحبني جداً وما كنت راضي أقلقصه رغم نصيحة أُمي وحماتي
وقبل حوالي سنة وشوي طار وأنا أتمشى معاه في حوش البيت "وقلت رأساً استودعناك الله
الذي لا تضيع ودائعه" وراح مِن حينها وما قدرت أجيب كاسكو بعده .. كان ذكي جداً ..
بالنسبة للصوت كان عندي كناري سوري أصفر وفوق راسه بقعة سودا كأنه لابس قحفية هههه
كنت مسميه "كنُّور" وذاك اليوم رجعت مِن شغلي ولقيت الشغالة حاطة القفص في الليوان
القفص كان طايح والبذور وكل شي متنثر ، وفهمت أن أحد القطاوة هجم عليه وأكله مع الأسف
كان تغريده جميل وأحب أسمع صوته .. حالياً عندي طائر هجين بين الحسون السوري والكناري
وحقيقة أن صوته يفوق صوت كنور بمراحل ويحتاج للتحفيز على شان يغرّد، سميته حسون
وإذا بدّع وكنت مكيف عليه وعلى تغريده "أسمّيه بو علي!!" ههههههههههههههههههه
نفس الســــــــؤال ؟؟
