جزاك الله خير .. شكرا على الرد ..
78 سنة فترة طويلة جداً لكي يستحق المواطن حقوقه العقارية. كان ممكن يبدؤون الحساب من تاريخ الاستقلال ويعتبرون أبناء المجنسين كمواطنين إذا كانوا قد ولدوا قطريين، أو يعطون الحقوق العقارية 15 سنة بعد التجنيس مثل ما هو في القانون الجديد، بس حتى القانون الجديد موقوف حتى الآن.
أحب أقول لك قصة حصلت معاي إذا تسمح لي:
أنا كنت موجود في بريطانيا للدراسة سنة 1997 ووقتها كانت الانتخابات في بريطانيا (اللي فاز فيها توني بلير). كل يوم كانوا يدقون بابي جماعة أحزاب العمل و المحافظين والليبراليين ويعطوني ملصقات ودعايات حتى أنتخبهم وأنا كنت أرجعها لهم وأقول لهم يا جماعة أنا قطري ومالي في انتخاباتكم ولكنهم كانوا يقولون إن اسمي مكتوب في القوائم لديهم. ولم أصدّق حتى وصلت لي بطاقة الانتخاب !!!!!!!!!!. واتصلت فيهم فقالوا لي بأن أي شخص يقيم في بريطانيا لمدة 3 سنوات يعتبر جزء مهم في تركيبة المجتمع وله حق انتخاب السلطة العليا في البلاد. أنا الصراحة انذهلت وانصدمت لأن المرحوم والدي عاش في قطر أكثر من 45 سنة كقطري ولم يكن له حق الانتخاب !!!. وإلى الآن أخوي أنا أحتفظ بالبطاقة الانتخابية البريطانية وممكن أصورها لك وأوريك إياها إذا تحب.
أخوي العنصرية والقبلية ليس لها مكان لا في الإسلام (وهو مايهمنا) ولا في الحضارات المتطورة المتقدمة علينا عشرات بل مئات السنين. وكل القطريين سواسية حتى ولو كانوا يتكلمون بلهجة لبنانية أو بتانية. ولو ما كان باين فيهم خير ومنفعة ما كانوا جنسوهم. والمسلم أخو المسلم ولا فرق بين عربي وأعجمي ومسلم ومسلم (في هذه الحالة بين قطري وقطري) إلا بالتقوى كما هو في معنى الحديث الشريف. وكلنا عيال قطر وكلٍ يجتهد في سبيل نهضة ومنفعة قطر على حسب قدرته.
سوف أتقبل ردك القادم بصدر رحب ولن أعلق عليه حتى لا يطول الموضوع ويؤدي إلى خلاف. ولك أخوي الملا كل التقدير وفائق الاحترام. وتقبّل مني محبتي وخالص تحياتي.
فاهمك اخوي وان شاء الله مابيكون بيننا خلاف
وطبيعة دولة مثل بريطانيا غير عن طبيعة دولة مثل قطر
انا عن نفسي اشوف مثل اللي تشوفه انها مدة طويلة
لكنها موضوعه بحنكة كبيرة لتلافي بعض المشاكل السياسية وسيطرة بعض القبائل على الرأي العام
لما لبعض هذه القبائل من تنظيم لايوجد لدى غيرها
وبريطانيا ياخوي هدفها من التجنيس اقتصادي بحت لانها تاخذ ضرايب على المجنسين فيها
وبعدين بريطانيا علمانية تخيل لو حطو قانون تجنيس كل من مرت على اقامتهم 20 سنة
نص الهنود الي في قطر بيتجنسون !!
وبتصيير مشاكل كبيرة مانقدر نسيطر عليها
واذا جنسنا كل المسلمين اذا خذينا بمفهومك بتصير قطر مكونة من دولة صغيرة
فيها مليار ونص ساكن كلهم يقتسمون ثروات النفط فيما بينهم
وبخصوص اللهجة مبينين اللي فيهم خير اللي يشاركون في صنع القرار وكل البلاوي تجي من صوبهم مابي احدد جنسياتهم او هوياتهم الثقافية لكنهم معروفين وينعدون على الاصابع
رغم انهم يخططون ويساهمون في قضايا مصيرية اكبر منهم
ذكرتهم في مناسبات كثيرة اخوي .. ليش التحفظ اللحين .. اعطيك نموذج اخر .. سواء الاصل فلسطيني او يمني او ايراني .. والله ما اشعر بالانتماء الا لهالبلد .. سواء اعترض ناس مثلك .. سواء منحنا او سلبنا حقوق كثيرة لارضاء ناس تطالب بمثل ما تطالب به اخ الملا .. ستبقى قطر بلادي .. واحمل جنسيتها وافخر بهذا الشي الى الممات .. ولا اشعر بالعار من اصلي ابدا .. ولكن انتمائي لهالارض ولدت عليها وان شاء الله اموت عليها .. كلمة اخيرة اتق الله فيما تقول وحاسب نفسك ولا تحكم على الناس .. هذه نصيحة فقط لا اكثر ..
إلى الأخ // المـــلا
تحية طيبه....
أستغرب من أغلب ردودك ( مشاركاتك ) في منتدانا هذا ، حيث أنه من الواضح للقاريء أنك تحاول دائماً التوجه بالحديث توجهاً عنصرياً ، يا أخي الكريم حالك وحال المتجنس واحد ، كلكم قطريين ،،شالفرق ؟؟ انت من كلامك اللي تكتبه تؤكد لنا انكم موجودين في قطر من قبل 1930
أو يمكن انت للحين ما قدمت على إدارة الإسكان للحين ،ويمكن تكتشف إنك راح تنتظر سنين حالك حال اخوانك الشباب اللي مقدمين ...
بعدين لاتنسى إن الناس اللي دايماً تذكرهم في مشاركاتك ( المتجنسين ) يا أخي العزيز هم أهلنا وإخواننا حيث أنه يوجد بين الناس ترابط قوي مثل النسب من بعض ، وهذا الشي محد ينكره ، انت يا الملا وصلت في مشاركاتك انك تبي تحرم الناس من حقوقها كمواطنين ،، وعلى ايش يالملا ؟؟؟
لا انت بتعطيهم من جيبك ،، ولا انت ملزوم انك تتكلم عنهم ،، بس انك شاد الحيل !!! هذا الكلام شيدل عليه؟؟؟؟؟
بعدين ترى نسبة هالشباب مب بسيطه على حسب ما اعرفه ،، وفيهم من كل الناااااااس ..
ومن اللي يزاحمك على كرسيك ؟؟؟؟أكيد بيكون أحسن من مستواك التعليمي ..يا اخي انا احط قطري فاهم أحسن من واحد مب فاهم ،، ولا راح يخرب الدنيا ويعطل أمرو الناس ..
نصيحتك وصلت واما بخصوص التحفظ لاني مابي اذكر اسماء لانهم خط احمر عند كثير من الناس
وبعدين انا ماطالب بمنع المواطنين من حقوقهم مثل ماوضحت قبل وبخصوص العار من الاصل
اكيد محد يحس بالعار من اصله لكن في فرق بينك وبين غيرك اللي يعتبر اصله هو كل شي
وينسى شي اسمه قطر والسموحة منكم
هذا الكلام غير صحيح ابدااقتباس:
وبريطانيا ياخوي هدفها من التجنيس اقتصادي بحت لانها تاخذ ضرايب على المجنسين فيها
الجنسيه البريطانيه موجوده بالدستور وتطبق بحذافيرها وتحت سياده القانون
لوكان هدفها اقتصادي ما كانت اعطت الجنسيه الى المواليد الذين يولدون على ارضها
اي كان جنسه او دينه ,,,,,,,,,,,,
والضريبه تجب على البريطاني ممن يحمل الجواز البريطاني سواء كان بريطاني اصلي
او غير ....,,,,
اخوي انا حالي من حالك صحيح لكن ماقبل اني اتساوى مع شخص مثل سباستيان
او بعض النماذج اللي ماحب اذكرها مع انهم واضحين ولهم مناصب في البلد
واذا تقصد اني ابي اوصل لكم اني من قبل ال1930 الحمدلله انا كذلك ويد يدي من مواليد الضعاين ويدودي كلهم ذاقو ضيم الغوص
لكن مابي اوصل لكم هالفكرة وماحب ادخل في امور شخصية
انا يا اخي العزيز ماحب افرق شعب قطر لكن اللي مب من شعب قطر
وجابوه وجنسوه اكيد بافرق بينه وبين واحد بينه وبين اهل قطر عشره لكنه مب من 1930
وبخصوص التقديم على الاسكان انا قدمت بس قالو لي لازم تكون متزوج
وانا مابي احرم حد من شي كل اللي علي اني اوصل وجهة نظري
وشرحتها في اكثر من موقف سابقا