المشاركة الأصلية كتبت بواسطة الزاجل
بيه
اشفيك يالمخلب ؟
مافيني شئ يالزاجل :) ..
تطور عن تطور يفرق ..
كلام سليم !
مب شرط نتفق على نوع التطور ..
أكيد ..
لكن
لكل عقل فكر ..
اتفق معاك ..
لما ينبني سوق ويزيدون اعداد المحلات
ويرتبون السوق
ويدشون على الشوارع ويضيقونها
والعالم في حاجة للشوارع الوسيعة
هذا ما انسميه تطور ..
اولا انا معاك في هذا الأمر , لان للاسف الشديد مافي تنسيق بين اشغال ( او البلديه ) وبين هندسه السوق الشعبي .. غير كذا يقال والله اعلم : ان بخلون الشارع اتجاه واحد وبيفتحونهم على بعض والله اعلم ! ..
لما نبني سوق شعبي
يدخلونه حريم واطفال
وما فيه ركن لقضاء الحاجة
هذا ما يسمونه تطور ..
هذي نقطه جيده .. لكن عزيزي الزاجل تعتقد السوق اخلصوا منه ؟ ! مابي احاججك بشئ انا وانت نشوفه انه غلط ! لكن ننتظر لما ينتهون من السوق بشكل كامل ! ونقول لو مافي حمامات - وانت بكرامه - هنا يصير العتب عليهم كبير ! ..
لما يهدمون مسايد
وما يسوون حساب مصلى للحريم
هذا ما يسمونه تطور ..
عزيزي مسأله مصلى الحريم من اسهل شئ لا تعقدها كلها بورت كابين ! وله حاجز خشب وانتهت السالفه !
لما ترتفع اسعار البضائع البالية في السوق
باسم التطور .. وكل هذا ايي على راس الفقارى
من رواد السوق
هذا ما يسمونه تطور ..
هذي بسبه التجار الي تورطوا ببضايعهم لان اسعارهم نار وعلى كل شئ يرفعون السعر والمنافسه مافي منها في قطر لو في منافسه والله لتشوف الأسعار اقل من البلد الام ! .
اللي فكروا ان سوق واقف بيتطور بالشكل هذا
مب من رواد السوق
تراهم من رواد المجمعات الأوربية
المكيفة في الصيف
والدافئة في الشتاء ..
مب فاهم عليك .. لكن ملاحظتك حلوه على المكيف تم سابقا التحدث عنها .. ولكن ما كان هناك تجاوب بحيث يتم تكييف السوق من الداخل ! ..
وروح شوف سوق واقف ونوعية بضايعه مقارنة باسعاره
بعدين احكم اذا تطورنا او لا ..
بصراحه ماتطورنا بالبضايع .. بس تطورنا بشكل ! .. وانا مدحت الشكل اخوي العزيز الزاجل وتقدر تشوف مشاركتي الي فوق ..
والا التطور يا اخونا المخلب
ان الاجانب صاروا يدخلون السوق
فالسوق صار متطور ؟
لا وانت الصاج .. ان جاك الاجنبي ودش السوق شافه حلو كثر الله خيره ! ماجاه وماعجبه هم بعد مابتفرق .. هذا السوق لاهل البلد من للاجانب !! ولكنه مايمنع انه يكون جاذب للسياحه .. وانت اخبر بالسياحه الي عندنا :) ..
:con2:
