المشاركة الأصلية كتبت بواسطة معماري قطري
إخت لأجل الصور الأخيرة لمطابخ متكاملة في بيوت أجنبية .. وهم عندهم المطبخ واحد ومفتوح على الصالة وهو والصالة وغرفة الطعام هم روح البيت ومركز البيت اللي يجتمع فيه الكل .. عندنا احنا المطابخ مبالغين فيها شوي .. مطبخ خارجي وداخلي وبوفيه فوق أو مطبخ صغير متكامل.
ما ادري ممكن لو الصالة كبيرة وايد وسوينا في جزء منها بوفيه كبير ما ادري شلون بيكون الشكل أو هل بنستغل كل المساحات صح .. انا رايي البوفيه يكون في زاوية أو كسرة في الحايط أو في مكان وسطي لسهولة الوصول له من الكل .. وتكون فيه ثلاجة تكفي لأهل البيت فوق .. والمغسلة الصغيرة لغسيل أكواب أو فواكه ضرورية وعملية وبتستخدم في اليوم فوق 10 مرات بالراحة .. الفرن ما له ضرورة والمايكروويف عملي وينفع وسخان الماي للشاي .. يعني كاونتر بعرض 1.2 متر كفاية وفوقه كبت للأكواب وطبعاً مكان للثلاجة.
إن شاء الله لين رجعت قطر باصور المطبخ التحتي واتصاله بالصاله .. بس الله يعينني على الخشاوير شلون باشيلها؟
