https://www.youtube.com/watch?v=u9YSS6ODfvY
عن صناعة الأبواب من الفايبر غلاس
عرض للطباعة
https://www.youtube.com/watch?v=u9YSS6ODfvY
عن صناعة الأبواب من الفايبر غلاس
طرق كثيرة بس قصدي عن القوس خرسانة والدريشة بدون قوس من داخل .. حتى برا تبين مقوسة شوف مع الصور بتحصلهااقتباس:
المشاركة الأصلية كتبت بواسطة سعود.
عرفتها
والله حسابة عندة اشياء حلوه غير مألوفه عندنا .
بناء درج من الخرسانة الجاهزة ( فرنسي ) المهم معرفة كيف الدرج خفيف وتسليحه من أخف ما يمكن
https://www.youtube.com/watch?v=tTgVzdpyxAI
البناء بطابوق السيبوريكس
https://www.youtube.com/watch?v=lCTBaOxNG9c
أرضيات وألواح السيبوريكس
https://www.youtube.com/watch?v=empEMs-2zmA
https://youtu.be/KiTvm2TNDqg
اختبارات ( الخرسانة )
الفيديو هذا اهم شي في البناء .
ماقول لازم نعرفه 100%
بس مجرد نقاش ( منذ البداية ) البناء مع المقاول والاستشاري عن هذا الفيديو بعدها بيحاسبون معك .
وبيعرفون انك مصحصح لهم .
بالعكس اخوي سعود شرحه بسيط ولازم نعرفه 100% وانا ذكرت عدة مرات هذي الإختبارات وحطيت يوتيوبات لها قبل واضافتك في محلها
الاختبار الأول اختبار القمع ولو عملوه ونجحت العينة وكان نزولها بين 5 - 12 سم حسب قوتها ومواصفاتها .. بعضها اللي مخلوطة بالفايبر تنزل أكثر وتكون قوتها ضعيفة 20 كيلو نيوتن في المتر المربع أو أقل .. لكن للعادية يكون الهبوط بهالحدود
زين لنفترض نجحت العينة بس قسنا درجة الحرارة حصلناها 45 وهي أكبر من 35 المسموحة وقال المقاول نحط ثلج ونخلط .. الثلج يذوب ويتحول ماء وبعدها طبيعي بيزيد الهبوط وبتكون العينة فاشلة
الإختبار الثاني إختبار القوة في المختبر مثل ما ذكر 80% من القوة المطلوبة وناخذ لعينة الأُسبوع الأول 3 عينات ونحدد معدل قوتها .. مستحيل تطلع كلها فرضاً لو طالبيت 35 كيلو نيوتن في المتر المربع تطلع كلها بعد اسبوع 35 في 0.8 = 28 .. بنحصل عينة 25 وثانية مثلاً 30 وثالثة 28 ومعدلهم 27.66 وفي هالحالة ما نقول فشلت لكن نركز على رش الخرسانة في الموقع و نقرص اذن المقاول ونحطه تحت الضغط بأننا بنسوي فحص لعينة من الخرسانة من المصبوبة .. هذا سر لحد يعلم المقاولين ( قصدي قرصة الإذن ) .. المقاول بيقول على 0.34 هددوني وبيداوم على الرش عدل وبيكون تحت الضغط وبيبدع في شغله خصوصاً لو تربطه بالمشروع قوانين واضحة وعقد قوي ومتابعة استشاري ومالك مهتم
ليش نشدد على المساحة المصبوبة؟ لأن العينة تكون في ظروف مثالية ولا تمثل الموقع المعرض للشمس واللي أوقات ما ينرش ماء وتشديدنا بحيث اننا لو العينات كانت ناقصة حتى لو قليل في المعدل عن القوة المطلوبة بنسوي اختبار فعلي وبنقص من خرسانة السقف أو العمود أو الأساس بيخلي المقاول مرعوب ويهتم برش الخرسانة .. ولو في أساس العقد بيهتم بكل شيء من البداية
بعد 28 يوم أو بنهاية 4 أسابيع لازم تتعدى الخرسانة المعتنى بها القوة المطلوبة والباقي 20% بتوصل ممكن بعد اسبوع حتى .. يعني عيناتنا لازم تكون 3 لأول اسبوع أو 4 وناخذ المعدل ومثلها للاسبوع الرابع .. ولو وقفنا رش السقف نوقف رش العينة ونحاول نخلي العينة معرضة لنفس الظروف في الموقع ولو المالك شوي نشيط يقدر هو ياخذ العينة ويوديها الفحص حتى يطمئن أكثر .. الفحص ما ياخذ 5 دقايق لكل عينة وممتع
مشكور يا سعود وهذا نفس المقطع بس بصيغة الفلم .. من فوق ثاني زر يسار تنسخ الرابط وتحطه يطلع فلم
https://youtu.be/KiTvm2TNDqg
مشكور يابوعبدالله على اشرح الوافي .
كل المقصد انه المقاول وشلته ( يحاسبون ) من المالك اذا اعرفوا انه فاهم للبناء
والعكس صحيح .
أتحدى إن كثير من الإستشاريين اللي يزورون المواقع يسهلون للمقاول ولا يسوون الفحوصات وبعضهم ما يعرفون طريقتها ولو فاجئتهم كمالك بيجاوبون جواب بص حدرتك وبيضيعونك وبيقولون مين اللي بيخرف بكدا .. والا بيقولون ما فيه معلوم انت وسو كلام
من جهة ثانية تطورت الخرسانات وبعض الشركات المفروض يضيفون مواد تزيد ليونة الخرسانة وتسرع تصلبها بدون تشقق فيستوي اختبار الهبوط لاغي حسب المواصفات الجديدة بس نحتاج لإختبار القوة ولازم نشوف الخرسانة ما فيها شلوخ ونحتاج كذلك لتحليل المحتوى الكيميائي لمعرفة نسبة الاضافات الخاصة ونوعيتها
ذكرت في السابق الكلور والحديد ما يجتمعون مع بعض والكبريتات عدوة الإسمنت والمفروض شركات الردي مكس تكون عندها حلول وهذي المواد ما تكون موجودة في الخلطة والاختبار الكيميائي يكشفها لو حبينا واشترطنا .. خصوصاً لو واحد يبي يبني برج ويبي عمره يطول ل 100 سنة ويبي يسويه من الخرسانة وبالطريقة التقليدية
عندهم مناعة الله يسلمك الا لو هذي القوانين اعتمدت بالكامل كمواصفات قياسية وكان فيه آلية لتطبيقها وعقاب للمتجاوزين وانصاف قانوني للملاك لو مذكورة أو حتى غير مذكورة .. في كثير من المرات شفنا الاستشاري يوقف فوق ولا له خص بشيصير تحت ولا ياخذ عينات وبس يهز راسه لكن صحيح مثل ما قلت ونكتبها كتابة في العقد كبند رئيسي ونتابع مع الاستشارياقتباس:
المشاركة الأصلية كتبت بواسطة سعود.
كلام جميل
شكرا لك .
الله يجمل حياتك وآخرتكاقتباس:
المشاركة الأصلية كتبت بواسطة سعود.
هذي كلها أُمور معروفة ومطبقة وكنا نتابعها في مشاريع الحكومة والإستشاريين المحترم منهم يتابعها صح والغير محترم يوكل المقاول بها أو يغض النظر عنها
أمس تناقشت مع شباب عن مشكلة الحفريات الغزيرة في مناطق كثيرة حق الصرف الصحي .. وألحين طالعين أشغال بحلول جديدة حق مياه الأمطار وبحيث يسوون حفر أغزر ومعتمد كذلك على الجاذبية .. وهذا معناه شغل ما يوقف على طول حتى في المناطق المنتهية
وذكرت كم مرة بما إن الأمطار قليلة وموسمها قصير من غير المجدي نسوي لها تصريف خاص ويفترض تصريفها مع نفس شبكة الصرف الصحي ونركز على تطوير شبكة الصرف الصحي ببيايبات خاصة في قنوات مفتوحة تحت الأرض .. لسهولة فحصها وصيانتها ولحمايتها من ضغط التربة والكيماويات اللي في التربة
هنا نشوف محطة معالجة لمنطقة صغيرة لكن يجي لها ماء مطر كثير ومياه من الثلج الذائب بالاضافة للمياه المنزلية والاعتماد على مضختين كبار بدال الجاذبية البسيطة
https://www.youtube.com/watch?v=6zuu45hSqQM
تركيب المضخة للبيسمنت لرفع الصرف فوق
https://www.youtube.com/watch?v=iJSNYVJ0emA
تركيب محبس التحكم في اتجاه الصرف وهذا صغير فيه أكبر منه وفيه حتى لما قبل المنهولات حتى يمنع دخول الحشرات والروائح منع مزدوج
https://www.youtube.com/watch?v=Mx8DPwDc_BU
نظام تصريف خاص بالاراضي الرطبة مثل الزراعية لإزالة المياه الزائدة
https://www.youtube.com/watch?v=kkrYZOBQCGY
الله يقويك اخوي معماري
الله يبقيك ويبارك فيكاقتباس:
المشاركة الأصلية كتبت بواسطة Aozomblue
لك فترة ما تبين الحمد لله على سلامتك
الله يسلمك كنت مسافر و توني راجع ,اقتباس:
المشاركة الأصلية كتبت بواسطة معماري قطري
الحمد لله على سلامتك حتى المنتدى استوى ممل حسيت أوقات إني بروحي في قطراقتباس:
المشاركة الأصلية كتبت بواسطة Aozomblue
^
صبحك الله بالخير اخونا معماري و الاخوة المتواجدين في الموضوع والمنتدى عموماً
سافرت للقرية و طلعت على سطح البيت و قعدت اشوف وين مكان اسوي لي فيه بنت هاوس صغير
لكن يحتار الواحد بين شيئين 1- المساحة اللي ممكن تخدمه لو مخطط على غرفتين بمنافعها / 2- طريقة البناء لاسيما ان القرية بعيدة
عن المدن الكبيرة اللي فيها اليد المتخصصة.فيه ربع واجد بانين بأنفسهم بدون مقاول و مسوين شغل ممتاز
و لكن متفرغين مب مثل حالتي و بعدين , ودي بمواد مضبوطة في العزل و الصوت وتمديدات الاساسات
لا ادري وش الطريقة اللي ممكن الواحد يتوازن فيها بحيث يبني بالشكل المضبوط حتى لو صغرت المساحة يطلع بشيء مرتب وعلى قدر الحاجة
بالمناسبة : العمارة اللي ببني على سطحها فيها شقتين فاضية بس ما حبيتها و ودي اطلع السطح و اسوي شيء فرش مثل مايقولون
الخطة يكون بنت هاوس مشابه للاجنحة حق الفنادق يعني مساحة حول 80 مترمربع و أقدر اخليه افخم من لو اني باني شقة كاملة مساحتها حول 200
خصوصاُ اني اجلس بالسنة ما اروح هناك .. فلو تكرمت اذا عندك اي اقتراح تسدحه هني و اهم اهم شيء ( لو فيه افكار جديدة مثل تقسيم جدران الجبس او ماشابه)
لاهنت ابو عبدالله
اقتباس:
المشاركة الأصلية كتبت بواسطة معماري قطري
عجبتني هالطريقة وين ممكن الاقي هالقطعه
السؤال هل من الافضل تركيبها في كل حمامات البيت لمنع الحشرات او تقتصر على المنهول الرئيسي
الله يوفقك إخوي سالم وصباح الأنوار لو انها متأخرةاقتباس:
المشاركة الأصلية كتبت بواسطة سالم الزهران
يا اخوي اسوي تمويه اخلي الكمبيوتر يشتغل واطلع اقضي أشغالي مع الجو الجميل
لو حاب تغامر بدون مخططات ويعطونك ترخيص بسهولة أو الكهرباء مضمونة أُمورك سهلة بس أفضل تستخدم السيبوريكس .. هذا طابوق متوفر عندكم ووزنه حول ثلث وزن الطابوق العادي ويسوون منه سلابات للسقف .. يعني بنيانك كله يكون سيبوريكس خفيف وعازل جيد وحطيت له فيديوهات اعتقد لكيف شبكه وتركيبه .. تبقى مشكلتك مع اليد العاملة وهذي تقدر تتفق مع الشركة المختصة يجيبون لك عمال وعدد بسيط بيخلصون لك الشغلة سرعة وسكنهم يكون مؤقت في الموقع
يحكمك الطابق التحتي وين حوايطه وحاول تبني عليها حتى ما يؤثر الوزن .. وحتى الطابوق العادي أو الطيني ينفع لو بنيان العمارة قوي وحديث .. يبقى تمديد الخدمات وتنسيقها بين الموجود على السطح .. ولو تستعين بمهندس يعاين أفضل تحتاج انشائي أو معماري أو الاثنين
هذا يعرضها للحمامات ويركز على منع الروائح والحشرات للوصول للداخل لكن فيه ثانية أكبر للمنهولات والبايبات الرئيسية .. شوف موضوع سعود استفسار عن حاطين فيه تفاصيل وبعد عند بياعين المواد الصحية صفايات بتحكم اغلاق بعد مرور الماء وتمنع الروائح من داخل بس اللي في الفيديو أضمن ولنوع مباشر .. عندنا يصب الماي من المغسلة ومن الشاور والحوض ان وجد والبديه ان وجد وماي التكييف كله في الصفاية وبعدين ينتقل للخارج وهنا لازم يكون فيه نظام الإغلاق .. بعض الصفايات فيها وبعضها تحتاج تركب وهذا ما ادري لو موجود لكن الربع ذكروا انه موجود في السعودية سعود ذكر هذااقتباس:
المشاركة الأصلية كتبت بواسطة Abu-hmood
مساك الله بالخير بوعبداللهاقتباس:
المشاركة الأصلية كتبت بواسطة معماري قطري
ما قصرت والآن بدور على المقاطع اللي فيها سيبوركس
واخذ فكره ، و بنستفيد من المواضيع السابقة مافي شك
الله يسلمك اخوي معماري انت الاساس في المنتدىاقتباس:
المشاركة الأصلية كتبت بواسطة معماري قطري
مشكور على المجهود و رحم الله والديك
مساء النور اخوي سالماقتباس:
المشاركة الأصلية كتبت بواسطة سالم الزهران
اوزنها صح ممكن الشقق الفاضية تسوي لها صيانة وتغيير وتكون أفضل .. الصيانة عبارة عن اعادة تشطيب حتى تقدر تشيل كل الجدران الداخلية وتترك النظام الانشائي وتسوي ترتيبات ثانية أو تحافظ على الموجود بتغييرات بسيطة وشوية ورق جدران أو صبغ وجبس واضاءة وخشب جديد أو اصلاح الموجود لو الموجود جيد وتجديده بصبغ وديكورات ثانية .. القصد ممكن الصيانة تكون أفضل وعملها يتم بسهولة أكثر
حاولت اطلع لك يوتيوبات عن اعادة ترتيب الشقق بس ما ادري شعلة الكمبيوتر ما يشتغل اليوتيوب
سو بحث عن flat or appartment refurbishment وبتحصل مواضيع كثيرة
ووالديك ووالدينا وجميع المسلمين في الجنةاقتباس:
المشاركة الأصلية كتبت بواسطة Aozomblue
السيبوريكس ينفع حتى للقواطع الداخلية للشقق الجاهزة .. تقدر تغير في حمام وتمدد تمديدات مكشوفة وتغطيها بالسيبوريكس وتبلط فوقه .. يبي لك شركة صغيرة بس فيها شخص فاهم وبايب فيتر شاطر ويتفهم للي تبيه وكهربائي شاطر للتمديدات وتغيير بعضها وللاضاءةاقتباس:
المشاركة الأصلية كتبت بواسطة سالم الزهران
حتى لو عندك جدران جاهزة متكسرة وغير مستوية تقدر تلصق عليها أو تثبت ببراغي سلابات سيبوريكس بالسمك اللي تبي من 5 سم الى 20 سم تغطي عيوب الموجودة وتسوي تمديداتك أما قبل تحت السيبوريكس أو بالحفر في السيبوريكس بسهولة كما تقدر تسوي فجوات تجميلية وباضاءَة .. والسيبوريكس يعطيك عزل حراري وصوتي ومقاوم للحريق
يبي لك ذيلا الأشاوس يا سالم
https://www.youtube.com/watch?v=n4qojmUriS0
وهذا مثال للموجود في السعودية إخوي بو زيد وموجود عندنا في قطر وبنت عن طريقه شركة بروة صوب مسيمير
https://www.youtube.com/watch?v=BTsbBMAkkms
فلم تثقيفي عن الخطوط الأرضية للطرق ونوعياتها وتطورها نتمنى نشوف منها عندنا مب بس كله صبغ حراري ويطير
https://www.youtube.com/watch?v=_KaHbbVxJWE
هذا يوتيوب دعائي بس ما عليكم منه هو صحيح يوضح مشاكل البيسمنت عندنا وعندهم ويوضح حل مناسب لكن الأنسب البايب المخرم لأنه قوي وما ينطعج والكنكري يحميه ويمنع الماء من الالتصاق في الحائط ويخليه ينزل بسهولة لين يوصل البايب وهناك ينصاد ويتوجه لحفرة الصرف أو مضخة الصرف .. ممكن هذا حل ثاني للي بيته انعمل ويتسرب الماء
الحل باختصار عمل الثقوب والسماح للماء بدخول أرضية البيسمنت ومن الأطراف نركب هذي البلاطات اللي يجري عليها الماء ويتجمع في منهول وترفعه المضخة .. ينفع لكميات بسيطة لكن للكميات الكبيرة الوضع صعب خصوصاً وإنت تسمح للماء بدخول أطراف البيسمنت .. الأفضل التأسيس من الأساس ومن الخارج ودخول التراب والشوائب كفيل به الغشاء الخاص اللي يمنع دخول الأتربة ويسمح للماء وكذلك الكنكري
https://www.youtube.com/watch?v=Ezzoz0aJOx8
https://twitter.com/majedmohaimeed/s...23747389374464اقتباس:
المشاركة الأصلية كتبت بواسطة معماري قطري
وهذا رابط اخر ( لفشل )*الخرسانة.
فشل ذريع ولو عندنا بيقول لك البشمهندز ميهماكش أصل الميه بتئوي الخرسانة وبتبردهااقتباس:
المشاركة الأصلية كتبت بواسطة سعود.
[b]ويمكن يمشيها بعد !!! هذا اذا سوى الاختبار اساسا !!!!اقتباس:
المشاركة الأصلية كتبت بواسطة معماري قطري
ويمكن يحط كمن كيس اسمنت في الاخلاطه ويله بلش صب يا مدير .
وهذا فلم عن نوعية الاسمنت الغير منتج لثاني اوكسيد الكربون
https://www.youtube.com/watch?v=910scqpLHIE