الجديد في عالم المطابخ والحمامات وتصميماتها

اقتباس:

---

المشاركة الأصلية كتبت بواسطة land

أحس الأكريليك مو بنفس نقاوة ونظافة وشفافية الزجاج، كأنه مضبب، إلا جان في منه درجات وأنواع مقاربة للزجاج، هو بالفعل ميزته إنه ما بيتأثر وينكسر بسهولة عكس الزجاج.

---

شوف مر على محلات الزجاج بتحصل عينات ويعرفون السوق ويمكن سبكترا عندهم نوعيات جيدة .. بس ما دام اللي يطبخ شخص كبير ما اظن بيضرب القزاز بشيء ولو فرضاً إنكسر استبداله سهل

بس لا تنسانا بالصور

شوف هذا المطبخ من الأكريليك وهو أنواع كثيرة

http://i.imgur.com/vozLj1I.jpg

http://i.imgur.com/ityjkL8.jpg

http://i.imgur.com/ni9wtB0.jpg

http://i.imgur.com/yIVbHfs.jpg

اقتباس:

---

المشاركة الأصلية كتبت بواسطة معماري قطري

شوف مر على محلات الزجاج بتحصل عينات ويعرفون السوق ويمكن سبكترا عندهم نوعيات جيدة .. بس ما دام اللي يطبخ شخص كبير ما اظن بيضرب القزاز بشيء ولو فرضاً إنكسر استبداله سهل

بس لا تنسانا بالصور

---

إن شاء الله، حالياً احنا بمرحلة بحث وجمع المعلومات من نصائح وأفكار من المواقع والتطبيقات وحصرها في ملف خاص يسّهل علينا لين عزمنا نبني بنهاية السنة أو بداية السنة القادمة إذا الله راد وكتب، وما شاء الله ما أقدر أوصف كمية الاستفادة والتفاصيل التي فتحت عيوننا على أشيا ما كانت بالحسبان في الأمور التفصيلية والإبداعية وغيرها بآراء الأعضاء واقتراحاتهم وتجاربهم، جزاكم الله كل خير.

اقتباس:

---

المشاركة الأصلية كتبت بواسطة معماري قطري

شوف هذا المطبخ من الأكريليك وهو أنواع كثيرة

---

ألوانه هادية ومريحة للعين، والفنشنج نظيف ومرتب، مادري هل هو اللون مع ستايل المودرن واللمعة عالكباين معطينه هالإيحاء؟
بس إني كلش ما أحب ستايل المودرن بزاوياه وأشكاله.. أحسه جامد، أحب إنه عملي في نواحي عدة، لكن كستايل أفضل غيره مثل التقليدي، الكلاسك، فنتج ..الخ.. وما يمنع يكون فيهم مميزات المودرن.

ويعطيك العافية

صحيح فيه أشياء أحياناً ما تكون عملية ويركزون على الناحية الجمالية أوقات والمشكلة ما تناسبنا ولا بموجودة عندنا .. بس نركز على روح التصميم وأساسياته ونقدر ندمج بعض النقاط في مواد ثانية موجودة عندنا

الله يوفقكم في بنيانكم وخطوة جيدة اللي تسويها ومستعد اتابع معاك التصميم لو حبيت

جاني مرة أحد الإخوان بخصوص تصوير كتاب حساب الكميات وصيغة العقد عندي وجلسنا تناقشنا فترة .. ما شاء الله كان مهتم ومجهز فايلات كبيرة معاه وشفت مخططاته تقريباً مكتملة والملاحظات عليها بسيطة جداً ناقشناها في جلستنا .. طلع بالصدفة ولد زميل دراسة سابق ابوه كمل طب وانا رفعت راية الانسحاب من البداية .. بس حبيت اذكر السالفة لأنه منظم وناوي يشتغل صح والله يوفقه وفي النهاية البنيان توافيق ومجهود لو عملته صح بتستفيد أكثر

الكتاب بعد انا صورته وصورت معاه عقد ثاني بالعربي كمثال وحطيته في موضوع العقود المثبت فوق للي يحب يطلع عليه

رفيجتنا الذويقة هذي تحب المطبخ الأحمر وتبغيه من كانت صغيرة

http://i.imgur.com/jXuCSp9.jpg

طلعت عندها محل كيك وطبيعي تستهلك الكثير منه

http://i.imgur.com/zZaCL07.jpg

http://i.imgur.com/mYhkKTc.jpg

عجبني الأحمري

http://i.imgur.com/Pz5E16a.jpg

نصائح عن الخشب ونوعياته

http://i.imgur.com/yQyfUpf.jpg

http://i.imgur.com/I1S6OU9.jpg

http://i.imgur.com/JYDgqcD.jpg

http://i.imgur.com/2Kyk6Mf.jpg

تصميم وصناعة ايطالية

http://i.imgur.com/0cJPqCy.jpg

حمام هاديء منور باللون الأبيض

http://i.imgur.com/bwiXlbI.jpg

http://i.imgur.com/u9sbECm.jpg

http://i.imgur.com/oqNn2mE.jpg

http://i.imgur.com/gsSa0Ea.jpg

حمام حلو بس لو المراية فوق المغسلة أحلى هشكل مب عملية

http://i.imgur.com/HmuIvss.jpg

http://i.imgur.com/mllmtnK.jpg

موضوع ممتاز

تسلم على الاطراء

اقتباس:

---

المشاركة الأصلية كتبت بواسطة معماري قطري

الله يوفقكم في بنيانكم وخطوة جيدة اللي تسويها ومستعد اتابع معاك التصميم لو حبيت

---

آمين الله يسمع منك، احنا بالفعل بدينا تصميم مبدئي وباستخدام تطبيقات مبسطة لخطط المنازل، لكن الصراحة حطينا كل شي oh hold لين ما ناخذ أرض حزتها عارفين مساحتها تحديداً وشللي ممكن نتوسع فيه أو نستغني عنه، إن شاء الله ما تطول الفترة ونقدر لك هاللفتة الشيخ ما تقصر.

اقتباس:

---

جاني مرة أحد الإخوان بخصوص تصوير كتاب حساب الكميات وصيغة العقد عندي وجلسنا تناقشنا فترة .. ما شاء الله كان مهتم ومجهز فايلات كبيرة معاه وشفت مخططاته تقريباً مكتملة والملاحظات عليها بسيطة جداً ناقشناها في جلستنا .. طلع بالصدفة ولد زميل دراسة سابق ابوه كمل طب وانا رفعت راية الانسحاب من البداية .. بس حبيت اذكر السالفة لأنه منظم وناوي يشتغل صح والله يوفقه وفي النهاية البنيان توافيق ومجهود لو عملته صح بتستفيد أكثر

---

وإن شاء الله هاي اللي ناويين نسويه، نبي نكوّن مادة دسمة ونراجعها ونرتبها قبل ما نعرضها، بهالطريقة نرتاح ونريح اللي معانا.

اقتباس:

---

نصائح عن الخشب ونوعياته

---

على ما كثر ما الخشب حلو و"دافئ" على قولتهم، وكنا نتخيل المطبخ منه، إلا إن بالفعل سلبياته المذكورة تغطي على المميزات، على سبيل المثال النقطة الأولى بخصوص تزييت الأسطح عشان تظل في أفضل أحوالها، احنا لوح تقطيع خشبي من آيكيا بس تصيده رطوبة شيصير فيه، يتقوس ويتبطل، مع إن ماخذين الزيت الخاص فيه لكن بعد، والعملية تملل.

غير سلبياته الثانية المذكورة من سهولة تأثره بالضربات والحرق وامتصاصه للماء (حسب نوعية السطح الخشبي).

الموضوع شوي محير لأن تبقى الخزائن الخشبية بنظري أجمل... ممكن الاستعاضة عنه بس في الكاونترات.

الله يوفقك اخوي لاند وتحصل الأرض اللي تكون مريحة وسكنية راقية

تعجبني توزيعات المناطق بعضها الى طبقات من الشعب في بعض الدول .. فتحصل منطقة خاصة بالطبقة الوسطى وفيها خصائص مريحة ومساحات مزروعة وشوية بحيرات حتى لو صناعية .. وتحصلها كاملة يقوم بها مطور .. مثل الحاصل عندنا في اللؤلؤة ومدينة الوعب ولوسيل بس عندنا التكلفة خيالية وكأن الشيول اللي يشتغل فيها من ذهب

وتحصل مناطق ما تقدر تمر فيها بسبب المشردين وانتشار الجريمة والحمد لله هذي تقريباً لا وجود لها عندنا .. وبعدين تحصل مناطق الأغنياء وهي أحياء راقية وعليها حراسة ونظام أمني معقد حتى السرعة فيها محدودة

عندنا للأسف بعض المناطق حولك جيران عزوب والا مثل الحاصل عندنا حضانة كلاب ينابحون ليل نهار خصوصاً وقت الاجازات .. يعني شتفرق لو ربيت غنم وهديتهم يرعون في الشارع اللي جدامي .. بسوي ازعاج بس يقل عن نباح الكلاب ليل ونهار لكن بانسجن لأني خالفت وأزعجت جيراني .. زين ذيلا مزعجين على طول صيف وشتاء خصوصاً وقت اجازة الأجانب