الله يسعد مساك إخوي سالم بكل خيراقتباس:
المشاركة الأصلية كتبت بواسطة سالم الزهران
البرنامج حلو وحلقاته مفصلة والعرض واضح ومب ممل .. المشكلة الأسعار وايد عالية هناك بيوت بسعر بسيط وفي مواقع زينة بعد
عرض للطباعة
الله يسعد مساك إخوي سالم بكل خيراقتباس:
المشاركة الأصلية كتبت بواسطة سالم الزهران
البرنامج حلو وحلقاته مفصلة والعرض واضح ومب ممل .. المشكلة الأسعار وايد عالية هناك بيوت بسعر بسيط وفي مواقع زينة بعد
أول الفيديو قال أرقى أحياء بريدة وصور الكشرة
بس البيت حلو وفيه أفكار تصميمية حلوة
https://www.youtube.com/watch?v=oxBRhN0GtZk
شايب اوريغن بدأ يركب الدرايش
https://www.youtube.com/watch?v=x9aeyVkYME0
فيديو لطريقة البلاستر الخفيف .. هذا يجي طبقة رقيقة وقوية بسبب عدم تكسرها بربطها بالشبك البلاستيكي ومن تيبس تستوي قوية وتحفظ الشبك وما تحتها .. للحوائط اللي عليها عوازل تنفع وللحوائط القديمة حتى ببلاستر وصبغ تنفع وتغطي أي عيوب موجودة على القديم .. وأكيد لو حبينا نضيف للخلطة لون معين يكون من ضمن الخلطة بس ضروري نضبط المقادير ضبط واحد حتى درجة اللون تكون وحدة وهذا ممكن وأفضل من قشرة الصبغ البسيطة هذي تكون الصبغة من ضمن البلاستر .. وكذلك لو حبينا نضيف كسر رخام أو حجر صغيرة ممكن أو حتى زجاج تعطي لمعة ممكن
https://www.youtube.com/watch?v=MkuIab42uQs
لا تستغرب يا مهندسنا لا قال ارقى احياء بريده.. لانها فيها اجزاء لازلت اسوار طين ومزارع والاض مملوكة من الجدود وكلن يبني على كيفه.. الحاصل القصمان معهم بيزات لانهم يبيعون كل شيء من اليخت للجراد كله للبيع.. والصراحه نعم الناساقتباس:
المشاركة الأصلية كتبت بواسطة معماري قطري
اما بخصوص البيت فاتمنى كل من يشوف الفيديو يحط في باله أن المواد هذي مب غالية وممكن تنفيذها وتنفيذ افضل منها.. المهم الواحد يدرس موضوع البناء ويشوف مباني على الطبيعة ويلتزم بالخطه.
صحيح وما ننسى التصميم هو الأهم .. أما الواحد يجتهد بنفسه ويركن المصمم على جنب أو يخليه منفذ لأفكاره هنا تبدأ المشكلةاقتباس:
المشاركة الأصلية كتبت بواسطة سالم الزهران
تصميم حلو واستغلال للمساحات الصغيرة
من أجمل القصور على ارض حول 6000 متر مربع على سفح جبل
https://www.youtube.com/watch?v=tO5qTxM_P48
عجيبين واظنهم اهل بيت واحد مب عمال بأجره
هذي سهلة ورخيصة للبناء طريقة الخلط بين طريقتين .. في أمريكا تشوف أعمدة عريضة وكبيرة وحتى عندنا موجودة وايد مثل فيلاجيو كله هيكل حديدي مغطى بجبس وحمايات وشوي طابوق أوقات .. يستخدمون حشوات رخيصة وفراغات كبيرة تجويفات مسكرة بجبس أو خشب عليه شوية بلاستر كحماية .. العملية سهلة وتكون أوقات جمالية وبيئية واقتصادية وتضرب عدة أهداف بتصميم يطلع رخيص ومميز .. مثل استخدام العبوات الزجاجية ( القراش ) في بناء جدران وأسوار اقتصادية للبيوت والمزارع وحتى ممكن للمخازن وجميع المبانياقتباس:
المشاركة الأصلية كتبت بواسطة سالم الزهران
شغل إزالة سكريد قديم وتركيب عازل فوم للأرضية ثم شبك بلاستيكي ثم صب عليه سكريد سائل وبعدين ركب باركيه
شغل نظيف وأكيد يعطي عزل اضافي للأرضيات لو عملناه بدال الدفان في بيوتنا وأتوقع يناسب
https://www.youtube.com/watch?v=WPQW0XW_pRU
دققوا في اللاصق فوق بتشوفونه ماركة مابي الموجودة في قطر
فكرة بناء بسيط لمخزن تحت الارض في تونس .. صعبة عندنا وممكن تنفع للمزارع ولتخزين المواد الزراعية فيها وممكن تكييفها بأقل تكييف بالطاقة الشمسية المباشرة بدون بطاريات ويطفى التكييف ليلاً
أتوقع سالم الزهران بيحبها
https://www.youtube.com/watch?v=fuNxDBgnafk
كلامه نسبياً صحيح لكن إحنا بايبات المياه عندنا في الغالب في الجدار مرتفعة حول 60 سم ولو صار تسريب يبين على الجدار ولازم نضطر نكسر شوي مكان التسريب ونصلحه .. لكن بايبات الصرف الصحي قوية وما تكون مضغوطة تنتقل المياه فيها بالجاذبية ولو معمولة وملصوقة صح ما تسرب نهائياً ولازم اختبارها قبل تبليط الارضية .. أشوف حلنا مناسب بس ينعمل صح
https://www.youtube.com/watch?v=dnvsHuFLO_o
اللي في الصورة الوضعية غير وأنسب للعمارات أكيد المعلق أو اللي قربه منور خدمات
ما اتفق مع نظرة المعماري في الفيديو السابق بأننا نصمم البيت بمقاسنا والسبب إننا العائلة تبدأ صغيرة ثم تكبر وممكن تزداد لدرجة 3 أجيال في نفس المكان لو يوفر لهم مساحة عيش مناسبة .. لذلك نحتاج غرف أكثر ونحتاج نستغل الارض أفضل استغلال وكذلك نسوي بيسمنت لو عندنا القدرة وبنتهاوس ونسهل الحركة بين كل المستويات والغرف
حلو هذا البيت .. لو عندنا بدون الموقع الراقي ممكن يكون 3 أو 4 أضعاف سعره
عجبني حوض السباحة بالواجهة الزجاجية
https://www.youtube.com/watch?v=OVIDB2p_I4M
طبيلة معقدة أتوقع تطلع أغلى من البيت
https://www.youtube.com/watch?v=Mh4ak1yb1Ys
فيديو طويل بس ما مليت وانا اتابعه .. هالبيت على أسطحه المستقيمة واللي في غالبها بيضاء وزجاج لكن فيه تفاصيل مثيرة
https://www.youtube.com/watch?v=p-HCpumIZjY
اللي ما عنده فكرة عن هذي النوعية من الطابوق هذا من ماركاته السيبوريكس اللي عند ناصر بن خالد .. وبانين منه في قطر مجمعين من حول 15 سنة
https://www.youtube.com/watch?v=FS3BTDBMt7I
Tolerance كلمة مهمة في الهندسة .. ترجمتها للعربي التغير المقبول من المطلوب ولكل قياس تغير في الواقع صعب تحصله 100% صحيح .. نصايح النجار هذا مهمة تابعوها واللي ما يعرف انجليزي اتوقع قليلين
https://www.youtube.com/watch?v=k_3yhHC3oR4
شغل تركيب حوض سباحة فيبرغلاس التصميم مدروس زين وممكن الواحد يقلده بالخرسانة والسلوب من قليل العمق للعميق متدرج بميلان بسيط حتى الغطس في العميق ممكن والقفز من أعلى
https://www.youtube.com/watch?v=8U3SJCZlo6o
شرح شوي طويل بس مهم للي بيركب انارة حديثة ومتطورة
https://www.youtube.com/watch?v=S-DHXzyQ4Is