https://www.youtube.com/watch?v=WdqyY54LWiU
عرض للطباعة
اخوي معماري شنو الفرق بين المونة الخرسانية والعمل الخرساني
لان مكتوب عندي في العقد جميع اطراف الابواب والنوافذ تكون من مونة خرسانية؟! هل قصده انه تكون عمل خرساني او فيه فرق
يا هلا فيك اخوي الجوكر
اللغة العربية مخربينها بنقص التوضيح والا هي شاملة وفيها مصطلحات .. فيه فرق بين مونة وبين خرسانة وبين خرسانة مسلحة وكل فرع من ذيلا فيه عدة أنواع وفروق ومواصفات
إذا اقول مونة مسلحة لازم اذكر مقاديرها اسمنت شكثر ورمل شكثر وحديد للتسليح وإذا اقول مونة وين بتكون هذي المونة وشمقادير خلطها .. ممكن انا اقصد في تجويف الطابوق هذي تنذكر واضحة .. ولو ما انذكرت نرجع للمواصفات العامة وهنا القطرية ويستحسن تنكتب في العقد ولو ما انكتبت المفروض الكل يلتزم بها لأنها مواصفات هندسية قطرية والمقاول مرخص يشتغل في قطر
الخرسانة ككتلة كافية للأبواب والنوافذ في تجويف الطابوق بس من فوق لازم خرسانة مسلحة أو ما يسمى عتبة بالمصري أو Lentle or lentol بالانجليزي .. قاعدة الدرايش تنعمل بلاستر وتتعبأ الفراغات شوية ورق وفوقه خرسانة حتى تقوى وتمسك فيها البراغي اللي تتركب بها النوافذ
أكيد الأفضل والأضمن عمل الجسر الخرساني فوق متصل بزاوية بسيطة مع الخرسانة اللي في التجويف الجانبي للطابوق يحني قطعة حديد طالعة من الجسر ويشبك معاها قطعة ثانية تكون مغروسة في الخرسانة اللي في التجويف الجانبي .. مب مهم قطر معين بقايا الحديد ينفع لأن هذي نقطة ضعيفة وتنشأ فيها الشلوخ وحتى لو ما سويته وعبيت خرسانة أوقات كثيرة تضبط وأوقات الشبك اللي مع البلاستر يعوض وانت أصلاً تحتاج الاثنين أضمن وصدقني ما يكلف شيء
لو ترجع لمراجعة المخططات المعمارية انا حطيت تفصيل للابواب مع عتبة تسمى Tresh hold وهذي شارح مهمتها وموضحها بالرسم يسكر الباب معاها من تحت وهي ضرورية للحمامات وللمداخل لكن لو استعملناها للغرف لازم نسوي فتحة تهوئة من فوق حق مرور هواء بسيط لتعويض الهواء المشفوط من الحمامات .. هذي أُمور بديهية بس كثيرين ما يهتمون بها ولا يبرزونها للمالك وفي حال عندك تكييف متطور يدخل هواء نقي ويجدد الهواء انساها .. القصد إن التصميم المفروض يكون متماشي مع بعض ولازم الانشائي يعكس التفاصيل المعمارية وفي أقل الحالات العنصر يضمن لنا تركيب قطعة معمارية أو حتى خدمية صح بدون مشاكل
فيه تفصيل ثاني لقاعدة الدرايش قطعة حجر أو قطعة رخام بمقاس وتفصيل معين أو معدن أو خشب وتتركب بعدين الدريشة عليها .. شفت في أمريكا يركبون الدرايش اليو بي في سي على قطع خشبية تنحط على طابوق عليه بلاستر وبعدين يعبون الفراغات سيليكون خاص .. كل تفصيل لازم ينذكر بدقة للمقاول حتى ما يصير اي خلاف في الشغل وحتى نمشي على خطة واضحة
البناء التقليدي حق البيوت تطور كثير عندهم.. ما يردك الا رغبتك.. مشكور معمارينا
يبنون فرجان سكنية راقية في فترة خيالية أوقات فترة الجو مناسب عندهم صيف أو ربيع أو شتاء حسب المنطقة شهرين والناس ساكنين .. كل شيء سهل ومتوفر ومنظم .. واحد شرى أرض زراعية في الريف الفرنسي وكانت كبيرة يقول لو في قطر دفع أضعاف سعرها .. على كلامه 500 متر في 200 متر ويقول قرر يبني فيها بيت ريفي صغير يسمحون بشبيه الكوخ .. يقول اشتغلنا عليه احنا أفراد العائلة ومددنا وشبكنا الكهرباء وكانت قريبة واصلة والماي يوصل ضغط عالي .. مثل هذي الاراضي عادي بعضها لها خطة عمرانية خلال وقت محدد محسوب بدقة وتنفذ حرفياًاقتباس:
المشاركة الأصلية كتبت بواسطة سالم الزهران
من زمان كنت اشوف المباني في أمريكا غالبها قطع خشب تغطي الخارج مداخلة مثل ذي وكانت تعجبني تعطي شكل حلو وبنفس الوقت تحمي باقي محتويات الجدار اللي في غالبها خشبية ضعيفة من بلايوود وما شابه من المطر .. بعضها يحرقون طبقتها الخارجية ويكون لونها داكن وتكون مقاومة أكثر لعوامل الطبيعة .. بعضهم يسوون قطع أصغر تكون من لحاء الأشجار الخارجي واليابس وطبيعي يكون قوي.. هنا يستعملون ألواح خشب صناعي مضغوط ومعالج ومقاوم لعوامل الطبيعة واللون كذلك حلو
https://www.youtube.com/watch?v=H7eeU6oR6oo&t=304s
الشغل الجميل له ناسه
شكراً يا جميل
انت الأجمل يا بو زيداقتباس:
المشاركة الأصلية كتبت بواسطة سالم الزهران
شغلهم نظيف ويبنون مباني تدوم مئات السنين وبنيانهم ثرى رخيص مقارنة ببنيانا
بعض المعدات الثقيلة وشغلها
https://www.youtube.com/watch?v=N4UKahuBUVQ
هذي الطريقة وسط بين استخدام دفان عادي تحت البلاط مثل ما يسوون عندنا وهو أضعف شيء وبين يسوون خرسانة .. هذي بتقوية التربة بشوية اسمنت وقليل جداً من الماء تفاعل الخليط ياخذ وقت بس تستوي التربة تحت يابسة بخصائص الخرسانة بس أضعف وأكيد طريقة اقتصادية
https://www.youtube.com/watch?v=8zS4BMwU13E
والله عجيب ..
رغم اني مااحب الستايل المودرن لكن بقت فكرة باطبقها عندي :looking:
حلالج عاد علمينا كله عندج أسراراقتباس:
المشاركة الأصلية كتبت بواسطة sara jsm
والله المودرن هو البسيط الصعب وانا احبه ما احب اتقيد بنمط محدد أحب أفكاري مفتوحة
هذا تصميم تول برذرز ( الاخوان الطوال ) ما ادري كم طولهم الخوف يطلعون أقزام .. وشكلهم مشهورين شهرة كبيرة في كاليفورنيا شغل تصميم داخلي وتأثيث وتصميم معماري
فرن خارجي من الطوب والعوازل الحرارية والاسمنت سهل عمله .. يصلح للبيتزا وللخبز بعد بأنواعه
https://www.youtube.com/watch?v=L2ggDFNaGQc
الواحد مايعرف يعلق على الافكار ولا طريقه التركيب :playball:
نفس شغل البنغاليه عندنا :tooth:
صحيح بعض الشغل رديء وأوقات ما اعلق بسبب إستخدامهم لمونة عادية وطريقة وزن قديمة على أيام مدرسة السيراميك قبلاقتباس:
المشاركة الأصلية كتبت بواسطة sara jsm
الفيديو الأخير عن التكسية بقطع فايبر سمنت بتشكيلة خشبية واللون مخلوط من الأساس هذا ما يسمى خشب مصنع قوي وما يتغير .. يناسب لبيوتنا ولا نحتاج بلاستر ولا صبغ وشكله حلو ما ادري ليش محد جربه عندنا
نصايح مهمة لدراسة ارتفاع كل دور قبل التنفيذ
https://www.youtube.com/watch?v=AaI0rJNl598
عساك على القوة يا معماري :)